ماذا ستطبخين اليوم سيدتي الجزء 4

[تسنيم الهناء]

سلام عليكم
وفاء الفلان انتاعك يبان يهبل و زدتي زينتيه بيان توالي و نجربو
فلوسة عشاك يشهي
تسنيم الغرايف يهبلووووووووووووو و عينو علكيف

بصحتكم كامل

انا جبتلكم قريوش تقصرو بيه الليلة

و لي هو الحق و الحق يتقال زعما التطبيق انتاع قريوش لي حطاتو اختنا صافيناز في المسابقة و انا خرجلي روعة مروعة متحلوليش الورقات من بعضاهم و هاو ليكم كيفاش جا
هههههههههههه

مالا كي شفت الحالة ما فيهاش جبت الجرارة و بدلتلو الشكل و كان هذا النتيجة

​

 

[روز]

الله الله يا تسنيم55 بغرير وعليه الكلام يعطيك الصحة يشهي فعلا وجاك ناجح 100%
تسنيم الهناء قاطوك مالقري مش مورق مي باين يتقرمش ومعسلتيه مليح يعطيك الصحة شكلو مغري هاتي هاديك الحبة لي على جهة ههه
​

 

[تسنيم الهناء]

شكرا روزتي لحبيبة على المدح ربي يفرحك
و ان شاء الله راحت عليك الغمة و زادو زهاوك بالاحمر راكي الله يبارك غزالة
:shiny:
تصبحو بخير نوارات اللمة
​

 

[imane27]

تسنيم الهناء قريوش هايل بصحتكم

 

[ام منصف]

barça20 مرحبا بيك معانا في الكوزينة والصحنة راهي كامل ليك
ibtesem ههههههههههههههه عندك الحق راهي الماريكان قصدت مرقة بالخضرة بضم الخاء ماشي ملوخية
وبصحتك فطور الصباح جاك هايل
nada242008 بصحتك المقرونة
**بائعة الكبريت** بصحتك التحويسة والصيام في الدزاير تهنيتي من السخانة ديني معاك انا اختك هههههههه
راح نتوحشوووووووووووووووك
tasnim55 بصحتك البغرير
روز22 ماديريش عليهم راهم حابين يفسدولك الريجيم
وانا نسناك في رمضان ما تراعيلهومش هههههههه
faloussa مرحبا بيك توحشناك وتوحشنا اطباقك بصحتكم
تسنيم الهناء القريوش هايل بصحتك اختي الحبيبة
imane27 صحى عشا اللي مازال وقتو
ومرحبا بجميع المنظمين الى كوزينتنا
​

 

[ibtesem]

واش نقول يما يما على هذوك الغرايف اممممممممممممممممممم جاو هايلين
بصحتك الحبيبة
تسنيم الهناء مشاء الله على القريوش اشهي في سهرة رمضان مع التاي ههههههههه
ام منصف ههههههههههههههه ماتلوميش عليا راني نودر كي راني حافضة طريق اللمة راني لاباس
روز يا روز كون قلت واش هو العشا هههههههههههههه بيتزا من البر ههههههههههه
بصح موعدنا في 30 شعبان دونت وري ايام هير هههههههههههه
57 كيلو هههههههههههههه انشاء الله انا هدفي اقوى

 

[ibtesem]

هدي صينية تاي معتبرة في خاطركم

 

[tasnim55]

صح عشاكم كامل
فلوسة حبيبتي عشاك يشهي اممممم بصحتكم
تسنيم الهناء قريوش هااااايل يعطيك الصحة بصحتكم
امممم بسومة صنية التاي رائعة وهذاك النعناع اخضر ماعندي مانقول يعطيك الصحة :showoff:
​

 

[faloussa]

صباح الخير عليكم كامل حبيباتى
البارح جربت الزلابية نتاع الاخت حنان تفضلو الصورة

ما تضحكوش على الشكل جا يشبه برك

 

[ibtesem]

صباح الورد و الفل والمسك والعمبر
عللى بنات بلادي
اممممممممممممممم على الحلة تقابلني الزلبية
الله الله يافلوسة راكي راجعة همة ونشاط عيني باردة عليك
وينكم مزال مفطنتوش ههههههههههه انا سبقتكم

 

[رآج ـية العفو]

السلـآم عليكم ورحمة الله

مرررررحبـآآآآآ :re_gards:
وآش رآكم يالحرآير نتمنى رآكم غآية توحشتتتتتتتتتتتتتكم
بزآآآآآآآآآآآآآآآآف سمحوووولي على الغيآب والله مآ قعدت
رآكم عآرفين الصيف تآع العروسآت والضيآف والمينآج ,, :cra_zy:
وينهآ عفوفة الجزآئرية مآنيش نشوف فيهآ _o:
ان شآء الله هآذ الايآم نكون معآكم قبل مآ يجي رمضآن ويمنعني
من المشآركآت لكثرة الإنشغآلآت
حبيبتي أم لميس سمحيلي والله مآ قدرت نحط وآش طلبتي يآمآت
فآتو بصح نوعدك ان شآء الله اليوم نحط وصفآتي اللي رآحوا للإفآدة
مع الوصفآت مآ سبق لي وحطيتهم هنآ
نشوفكم لعشية يآ بنآت
وسلـآمي للكل ​

 

[ibtesem]

اهلا اسومة وينك وين الغيبة توحشنا اطباقط كاش جديد لهدا الشهر اولا

 

[رآج ـية العفو]

أهلـآ بسووووومتي الغآآلية أنآ توحشتتتتتتتتتتتتك
كثثثثثثثثثر الله غآلب المشآغل كآنت يآآآسرة أمآ
جديد لهآذ الشهر كآين شوي ومزآل مآ نجرب أكيد
كي نديرهم رآني نحط ​

 

[AHLEM1992]

السلام عليكم
يعطيكم الصحة لبنات ،، راكم قايمين بالحالة كيما يلزم ربي يبارك عليهم
حبيت برك نسقسيكم على cassonade نقدرو نديرو في بلاصتو سكر عادي ولا لالا ؟؟
و تاني على
la crème fleurette et la crème fouettée
ربي يعيشكم محتاجة اجوبتكم في اقرب وقت

​

 

[imane27]

مساء الخير عليكم واش راكم وقيلا مزالكم راقدين وينكم
اهلا اسومة واش راكى هادى غيبة واش هاد المشاغل لبحرتى فيهم املا لوكان جا عندك الاد ماتزديش قاع تدخلى

 

[nada242008]

مساء الفل عليكم
ابتسااام اممم سخفتيني بالتاي سينية تهبل
فلوسة الزلابية خرجتلك روعة بصحتك
اسومة مرحبا بيك وينك هذا طولتي الغيبة:sheer:
انا غايا كان روز بالخضار ودلاع
صح غداكم

 

[faloussa]

الله يسلمك حبيبتى ابتسام
ندى بصحتك الروز يبان يشهى انا سخفت على الدلاع امممممممممممم
جربت قاطو وردة الرمال الذهبية لاختى ندى جات المذاق نتاعها روعة بارك الله فيك حبيبتى وربي خليلك ندوش نتركمم مع الصورة

 

[nada242008]

الله عليك يا فلوسة
راكي رجعتي بقوة :showoff:
جاك هااايل القاطو يليق في السهرات الرمضانية
بصحتك يالفحلة

 

[جوانا]

okht nada ya3tik elsaha
bahya bazaf
mawadi3ak raw3a w dayman ntaba3 tyabak w njarab
barak elaho fik
rabi ykhalik w ykhalilak dik elzina nta3ak

 

[ibtesem]

بارك الله فيك فلوسة جاك تحفة كيمة قالت دشدوشة اليق في سهرات رمضان
مبقاش بزاف