ماذا ستطبخين اليوم سيدتي الجزء 4

[أم فاروق]

مساء الخير جميعا انشاء الله تكونو بخير
ماشاء الله كل طبخ احلى من الثاني
انا ليوم ماطيبت والوا بقوالي معجنات تاع لبارح ضرستي دارت فيا حالة ليوم كامل وانا ندور وانا نحوس على دونتيست كل خرجو كونجي لقيت واحد بصح يخدم غدوة وما عليا غير رحت عند الدولة ولحمد الله هايلة نظافة وخدمة
اسمحولي حكيتلكم قصة حياتي هههههههه
اختي ابتسام نظن انتي طلبتي مني كيفية اعداد الفلافل لبارح ولسوء الحظ وانا نصور فالمعجنات فورماتيت بالخطا كارت ميموار تاع لكمرا نوعدك انشاء الله هالكم يوم نحطهملك وبالتفصيل الممل والبالصور وكيفيات سورية ثانية
واسمحولي مرة اخرة عالخطا

 

[ام منصف]

ربي يشفيك ام فاروق وبانتظار وصفاتك الرمضانية الرائع
ام ندى بصحتك العرس والحفلة وسلمي على داركم اذا زرتيهم
​

 

[ibtesem]

اممممممممممممممممم ياندود شهتيني
بالسلطة جات تشهي
من بعد نديرها انشاء الله انا منخليش في قلبي هههههههه
بصحتك ام منصفhappy birthday oum hanine

 

[روز]

اممممممممممممممممم ياندود شهتيني
بالسلطة جات تشهي
من بعد نديرها انشاء الله انا منخليش في قلبي هههههههه
بصحتك ام منصفhappy birthday oum hanine

ههههه نموت ونعرف وين راكي واصلة في الميزان البارح مقرون واليوم شخشوخة ومازلتي ماكيش معولة تخلي في قلبك حاجة:scared: هههه


بصحتك كولي واشبعي واحد ماهو داي منها حاجة​

 

[ibtesem]

ياخبر بفلوس بكرى ببلاش ليلة رمضان تعرفي مزاني ههههههههههههههه

 

[rima29]

شكرااااااا ندوشة
ان شاء الله نجربها عن قريب​

 

[labed93]

هههه ضحكتيني يا فوفة والله كنت مع حورية المطبخ درات اليوم المحاجب وسلاطة لسان العصفور وحلوى جزائرية
يعطيك الصحة على الميناج بصح بشوية عليك ديري كلش في يوم واحد
التعب راهو يرجع عليك..
انا ثاني معولة ننصب التليتلي لغدوة ان شاء الله والعشا ندير حميس وسلاطة خيار

مساء الانوار للجميع
شفتي يا ندى كيفاش دارت المحجوبة؟
دارت الفرينة كتر من الدقيق و طريقة فتحها للعجين مش كما تعناو الحشوة تاني دارت البصلة جناوح و غيرت كلشي فيها
و لسان العصفور يبان تليتلي بصح في لخر جاتها فوووور
و الحلوى اسمها القنيدلات

 

[l'algeroise]

tassnim55 و أم ندى الله يسلمكم
شكرا tassnim على السؤال تعجبيني ماتنساي حتى وحدة وبصحتك لمحاجب جاوك هايلين ولغريف تاعك روعة عيشك قوليلي كيفاش ديريه؟؟؟
أم ندى صح عشاك
ibtessem ممممم شخشوخة تشهي بصحتك نتي و imane سلميلي عليها
pricesse wa يعطيك الصحة
عشايا سباقيتي

 

[labed93]

السلام عليكم ورحمة الله
انا طيبت للعشاء معجنات بثلاث حشوات مختلفة​

​

​

​

نموت و تعطيني الوصفات ربي يعيشك

 

[nada242008]

مساء الانوار للجميع
شفتي يا ندى كيفاش دارت المحجوبة؟
دارت الفرينة كتر من الدقيق و طريقة فتحها للعجين مش كما تعناو الحشوة تاني دارت البصلة جناوح و غيرت كلشي فيها
و لسان العصفور يبان تليتلي بصح في لخر جاتها فوووور
و الحلوى اسمها القنيدلات

حتى انا بانتلي كالتليتلي وكي غلاتو بانلي معجن وفي الاخر جا هايل
المحجوبة قالت على طريقة الغرب
الحلوى سماتها القنيدلات بصح انا نعرف اسمها كموسة العجوزة خطراه جاية كالصرة ههههه
مرحبا بيك يالعابد من اللقب تباني بسكرية والله اعلم
-----
بسومة انا ثاني كيما انتي الحاجة اللي تسخفني نروح نطبقها
ماصابني ضيفة عندك :showoff:
سلمينا على ايمان وعلى الكتكوتة ريمة
---
لالجيغواز سباقيتي امممم نموت على المعجنات على قولة بسووومة
ونفس الملاحظة للاخت تسنيم تقول طليتي على قلبي ..صراحة نفرح كي نشوف ردودها ماتنسى حتى واحدة ..ربي يحفظها ويخليها معانا دايما ان شاء الله

 

[labed93]

حتى انا بانتلي كالتليتلي وكي غلاتو بانلي معجن وفي الاخر جا هايل
المحجوبة قالت على طريقة الغرب
الحلوى سماتها القنيدلات بصح انا نعرف اسمها كموسة العجوزة خطراه جاية كالصرة ههههه
مرحبا بيك يالعابد من اللقب تباني بسكرية والله اعلم
-----

كموسة العجوز تقتل بالضحك
ايه انا عابدية و اسمي إعتدال و من بسكرة انا و انت خاوا هههه

 

[ourida17]

انا درت درك للعشا محاجب وصورتهم مي معرفتش كيفاه نحطهم
مع علم اول مرة نجربهم متضحكوش عليا كي نحطهم ههههه
المهم المشاركة
مدا بيكم تورولي كيفاه نحط الصورة راه هبلني موقع الرفع محبش

 

[nada242008]

انا درت درك للعشا محاجب وصورتهم مي معرفتش كيفاه نحطهم
مع علم اول مرة نجربهم متضحكوش عليا كي نحطهم ههههه
المهم المشاركة
مدا بيكم تورولي كيفاه نحط الصورة راه هبلني موقع الرفع محبش

اولا صغريهم في الرسام ومن بعد حمليهم في هذا الموقع www.herosh.com
مرحبا بيك ومرحبا بالاخت اعتدال:sheer:

 

[labed93]

شكرا ندى ربي يخليك
ام فاروق رانا نستناو الوصفات اذا مافيها حتى ازعاج

 

[أم فاروق]

نموت و تعطيني الوصفات ربي يعيشك

يا يما يموت عدوك نشاء الله
العجينة:
800 غ فرينة سيم
2 ملاعق اكل كبار خميرة
2 بيضات
ملقة قهوة سكر
ربع كاس زيت
ملعقة ونصف اكل سمنة بحرارة الغرفة او زبدة
ماء دافئ
ملح
اذا كان الملح خشن ملعقة مملوئة وممسوحة يعني تعبيها وتمسحي راسها ماتجيج مكومة
واذلملح رطب نص معلقة اكل التزمي بالملح الان الفرينة مش كيما سميد كون تزيدي شوي تجيكي مالحة شط
المهم نخلط لمكونات الجافة فرينة خميرة سكر ملح مبعد تكسري لبيض تاعك تخلطي مليح وكيما يتخلطو تحطي سمن وزيت وتخلطي مليح وتحكي بين يديك حتى يتجانس الخليط ومبعد تلمي بالماء دافئ تخلطيها بصح ماتكثريش بزاف وماتخليهاش يابسة تجي شوية مرخوفة بصح ماش بزاف كيما دخلي صبعك فيها يفوت مشي يرجع
ومبعد تخليها تخمر حتى يضاعف حجمها

الحشو كيما تحبي انا عملت ثلاثة
1- بصل تقطعيه كيما شكشوكة وتحطيلوا شوية ماء وتغطيه وتخليه يذبل
ومبعد تقطعي جريوات وفطر مقطع رقيق وفلفل حلو وحار وثوم وملح وفلفل اكحل كيما يذبلوا تحطي عليهم طماطم مقطعة وتخليهم يطيبو كيما ينشفو تحطيلهم شوية زيت تخلطيهم وتخليهم شوي وطفي
هاذي تحشي بيها مع طون وفرماج وزيتون مقطع
2- بصل تشحطيه فالسمن ولا زبدة وتقطعي لحم هبرة صغيور قد ظفر ةتتشحطيهم حتى يطيب لحم او يطيب فيسع على خاطر صغير ومبعد تزيدي لفطر وملح وفلف اسود وتبرشي عليه ليمون
كيما يطيبوا هاذو تبرشي حبة باطاطا مقشرة بصح مش طايبة تبرشيها بالاراب بالجيهة لخشينة وتخلطيهم وتغطي عليهم وتنقصي نار خلاص كيما يطيبو تحطيلهم شوية طماطم
3 مثل الثانية لكن من دون طماطم مع ولكن مع اظافة دبس الرمان ولكن دبس الرمان غير معروف بالجزائر
وانتي تقدري تتفني بالحشو
المهم كيما تعملي معجناتك ادهنيهم بالبيض والبض حطيلوا شوي ملح وشوي ماء

اسفة للاطالة ولكن من عمل منكم عملا فل يتقنه

 

[ام منصف]

انا درت درك للعشا محاجب وصورتهم مي معرفتش كيفاه نحطهم
مع علم اول مرة نجربهم متضحكوش عليا كي نحطهم ههههه
المهم المشاركة
مدا بيكم تورولي كيفاه نحط الصورة راه هبلني موقع الرفع محبش

مرحبا بيك معانا
ممكن تطلعي على الرابط التالي
كيفية تصغير حجم الصور والكتابة عليها بدون برامج
ثم
لمن لا يعرف طريقة ادراج الصور - الشرح الكامل من الالف الى الياء
اتمنى اني نكون افدتك اختي الكريمة
​

 

[أم فاروق]

شكرا اختي ام منصف والله كنت حابة نسقسي وحشمت ربي يفرحك

 

[ام منصف]

وعلاه تحشمي اختي ام فاروق رانا هنا نتعلموا من بعضانا
واللي تعرف حاجة ما تبخلش بيها
اي استفسار انا في الخدمة حبيبتي
​

 

[ibtesem]

حالياً الأعضاء النشيطين الذين يشاهدون هذا الموضوع : 43 (17 عضو و 26 ضيف) ‏ibtesem, ‏أم عبدالصمد, ‏beso&7ano, ‏اماني12, ‏DARINE05, ‏بنت الجسور المعلقة, ‏ياسمينة الباديه, ‏دنيا الأمل, ‏l'algeroise, ‏labed93, ‏nassima88, ‏omhaneen+, ‏شذى الزهور, ‏rima29, ‏tasnim55+, ‏wassila21, ‏فايزة1207

انشاء الله تكمل الفرحة كيما هكدا في رمضان
مجمولين على قلب اللوز والشاي

 

[omhaneen]

هاذا غدانا اليوم تليتلي بلحم البقري إنشاءالله يعجبكم