ماذا ستطبخين اليوم سيدتي الجزء 4

[ibtesem]

صح فطورك ندى
اسومة راني حطيتلك الوصفة تاع تسنيم 55 تاع الاسفنج
انا اليوم رجيم ههههههههههه

 

[روعة2005]

اهلين اسماء الغالية.....كوثر الوهرانية.......عفاف الجزائرية وينهي مابنتش من البارح.....توحشتها
ندوش مفهتش كيفاش شكاتي هل دهنتي العجينة با الفرماج اكل ولا.......?????

 

[رآج ـية العفو]

صحيتي بسوووومتي ربي يخليك أهلن فيك يالغآلية
أم لميس بصحتكم كآمل العشآ أنآ درت جآج بلآصوص
وفريت وسلآطة وطبعآ فوآكه ولي مونآد​

 

[nada242008]

هذا فطوري

جاري فريك

خميرة الفرينة على طريقة ابتساام جات تهبل خفيفة وساهلة ضرك نحط التطبيق كموضوع منفصل للافادة اكثر

روز بالطبقات بالكريمة والفطر

وسلاطة مشوية

 

[labed93]

بصحتكم عشواتكم و طيابكم
صحة فطورك ندى

 

[rima29]

صح فطورك ندوووووشة
وتهلاي في روحك وفي البيبي
وبوسيلي ندووووش​

 

[nada242008]

اهلين اسماء الغالية.....كوثر الوهرانية.......عفاف الجزائرية وينهي مابنتش من البارح.....توحشتها
ندوش مفهتش كيفاش شكاتي هل دهنتي العجينة با الفرماج اكل ولا.......?????

العجينة دهنتها بالزبدة الذايبة والفرماج حطيتو في الحاشية برك

--
الله يسلمكم يا بنات
ريمة ربي يخليك

 

[روعة2005]

فطورك يشهي ام ندى بصحتك ....قوليلي قدرتي تصومي قصدي كي عاد الحمل ربي يقدرك عفوفة
وكان غير تعاودي تحطي الروز تاع الطبقات خسارة الدورة راحت معاها وصفات في القمة

 

[كوثر الوهرانية]

اهلا بالغوالي كيراكم توحشتكم بزاف بزاف نشكر كل من سال عليا و نقولكم راكم كامل فالقل
ندوشة صح فطورك اختي صيامك فالجنة
اسماء البارح مكنتش فالدار عيطيلي فالنقال تلقايني
ضيافي رايحيين يصوموا هنا و نتاع لبلاد هدا رايح و هدا جاي
راني كي نلقى الوقت راني ندخل نطل عليكم
قولولي كاش تحضيرات للشهر الكريم
سلامي ليكم كامل كل وحدة باسمها و توحشتكم و نبغيكم بزاف بزاف يا احلى و اغلى خوتات

 

[rima29]

اهلا بالغالية كاوو
الحمد لله على سلامتك حنونة
والله اللمة نورت اليوم
التحضيرات لرمضان كاااااااااينة غير هي
توحشناك كامل يا كاوو راهو ربي عالم
وما تزيديش تطولي وتغيبي علينا
اوكي؟​

 

[rima29]

صح عشاكم كامل​

 

[nada242008]

فطورك يشهي ام ندى بصحتك ....قوليلي قدرتي تصومي قصدي كي عاد الحمل ربي يقدرك عفوفة
وكان غير تعاودي تحطي الروز تاع الطبقات خسارة الدورة راحت معاها وصفات في القمة

النهار طويل والسخانة والمشكل اني ماكليت والو ذقت برك زوج مغارف جاري وشوية روز
بقات الماكلة كيما راهي...
راني جربت باش نعرف قداه نطيب في رمضان هههه يعني نصف نصف المقادير
راني محتفظة بصور الوصفات بربي ان شاء الله نعاود نحطهم وصفة وصفة
خسارة كون خبيت تطبيقاتكم ثاني :sad:
--
كوكو ربي يعينك والله انا يجيني ضيف على نهار نتهول
رمرومة تسلمي

 

[رآج ـية العفو]

أهلآ حبيبتي كوكو ربي يكون في عونك على الضيآف​

 

[عفاف الجزائرية]

ربي يخليك عفوفة كي ساليتي عليا
والله واش نقول ظهري رح يتقسم على 2 من الشغل نتاع رمضان
قلبت الحالة كامل من 2 ايطاج ليوم وين كملت
وراكم عارفين الدار كي تقلبيها
جبتها من وراء بعضاها
هكذا باه كي يلحق العيد ندير نفضة خفيفة ونتهنى
كشما شريتو حويجات ماعين لرمضان ولا والو
​

 

[روعة2005]

ان شاء الله عفوفة
شكرا ريمة العزيزة
اهلين بفريدة ربي يكون في العون:showoff:
هذا عشايا بقالي الجاري وزدت معاه هذا الكيك :shay:

زووووووووم جاك يهبل

 

[nada242008]

بصحتكم فوفة الكيك يبان هااايل

 

[رآج ـية العفو]

ربي يكون في عونك عفوفة حنآ من يآمآت كملنآ
المينآج وتهنينآ بصحتك العشآ أم لميس يع ـطيك الصحة
الكيك جآك رووعة مآ تنسآيش الوصفة
وحطيهآ في موضوع مستقل في القسم المخصص بآش الكل
يستفيد ويآريت الكل يطرحو وصفآتهم في موآضيع مستقلة
لأنو يتعب الوآحد وهو يحوس على وصفة هنآ والصفحآت
يآسرين بزآف الله يبآرك​

 

[روعة2005]

شكرا غاليتي اسماء وام ندى ان شاء الله نحطو موضوع والله انو سهل واقتصادي ويصلح كطبق ثاني في رمضان الكريم
------
ربي يكون في عونك عفوفة انا كي حالتك جبتها يطاش ومبعد نبات نتسطر :sad:

 

[عفاف الجزائرية]

انا كون نقوللك يا عفاف .3
بالاك غدوا نروح ندير راديو على ذراعي
والله ندمت كي جبتها من وراء بعضاها
كل شي رجع عليا
​

 

[رآج ـية العفو]

تصبحوا بخير يآ بنآت ليلة سعيدة​