التسلاف و الطلبـة موضة 2011 !!

[Melia azedarach]

سلامو عليكم ..

انا ديما نشوف في حياتي انو التسلاف داير طريق طويلـة ..
الجيران يجو يدقو الباب ..: قاتلك يما سلفيلي 100 الف ومن بعديها نرجعهالك .. بعد عام كامل يرجوعها ... ولا قاتلك ختي ابعثيلي الشال ديالك والصندال .. ميرجعولكش بعد قرون .. كي يتقطعوا ويرشاو حتان يجوك..

وكل شيء طبق القاعدة عنو اي حاجة توقع انهم يجو يسلفوها ..احيانا الواحد يستغرب !!
ولا الطلبـة نتاع الحوايج ..قاتلك ماما ابعثيلي طوماطيش و فلفل وبطاطا >>> لالا ارواحي هزي الفريجيدار خيرلك ..<<<

والحقيقة انهم تلقايهم لاباس عنهم غير والفو برك .. باباهم استاذ ويسلك كيفو كيف الناس..
مي الله غالب الطلبة والتسلاف في العروق مع الدم يمشو ..

انا في الحقيقة منحبش هذا النوع من الجيران مراتش نتمنى اني نسكن وحدي في صحراء خالية لا تكسار راس لا والو ..
يجو على 1 نتاع الليل يطلبو كلشي ..تخيلو ؟

حبيت نحط الموضوع ..
ونشوفو مع بعضاتنا الحل باه نتهناو ..
لانو انا نتحشم كي يجو منحبش نتلفهم !!بالمقابل انا منحبش يلي يتسلف ..

ايا حطوا رايكم لانو يهمني ..

 

[وطني]

شكرا على الموضوع......
ياخي يقولو مول التاج و يحتاج....و يقولو تاني السماطة بطاطا هههه
حاب يقول لي يتسلف مرة زوج كي يكون محتاج تاع صح ماعليهش...مي لي يتسلف كل يوم كي شغل راهو يشري من المارشي هاداك لا اهلا و لا مرحبا.....و ماعندناش و مانسلفوش نورمال

 

[سيموني]

كيما قال لي قبلي مول التاج ويحتاج بصح مشي اللبسة و صبابط بالاك الملح ولاحاج خفيفة ومشي كليوم شكرا على الموضوع...سيموني
​

 

[♥بنت عنابة♥]

كيما قالو لقبلي مول التاج ويحتاج
يالصح ماشي هكا اسوبوان كل يوم هاتي .....هاتو .....
فكرتيني مرة الجارة جات على 11 تاع الليل تطلب تخيلي في وش في الطاجين تاع الكسرة
انا قتلها راح تبخزي دورك قاتلي ايه اكي تشوفي راجلي يحب الكسرة سخونة هههههه

ربي يهديهم انا مانحبش هادو العفايس ​

 

[ملكة الانوار]

شكرا على الموضوع

 

[Melia azedarach]

شكرا على الموضوع......
ياخي يقولو مول التاج و يحتاج....و يقولو تاني السماطة بطاطا هههه
حاب يقول لي يتسلف مرة زوج كي يكون محتاج تاع صح ماعليهش...مي لي يتسلف كل يوم كي شغل راهو يشري من المارشي هاداك لا اهلا و لا مرحبا.....و ماعندناش و مانسلفوش نورمال

عندك الحق يعطيك الصحة على الرد ..
وانا راني اختك ماشي خوك

 

[Melia azedarach]

كيما قال لي قبلي مول التاج ويحتاج بصح مشي اللبسة و صبابط بالاك الملح ولاحاج خفيفة ومشي كليوم شكرا على الموضوع...سيموني
​

اه اي حاجة متخطرش على بالك يتسلفوها كل شيء ..مرات نقول هكون يدوا الدار وخلاص !!
كايني يلي ميحشموش ..قال تسلف كل شيء يدقو على جالو لوكان الليل ..
مارسي على الرد خيتو سيموني

 

[Melia azedarach]

كيما قالو لقبلي مول التاج ويحتاج
يالصح ماشي هكا اسوبوان كل يوم هاتي .....هاتو .....
فكرتيني مرة الجارة جات على 11 تاع الليل تطلب تخيلي في وش في الطاجين تاع الكسرة
انا قتلها راح تبخزي دورك قاتلي ايه اكي تشوفي راجلي يحب الكسرة سخونة هههههه

ربي يهديهم انا مانحبش هادو العفايس ​

هيه انا ثانيك يجوك عادي في اي وقت ..i-o:
مرة قلت ليما نديرو ساعة عند بابنا لربما كي يشوفو الوقت يتحشمو شوي ..مي مشكيتش .._o:
ههههه
والله غير رب يصبرني ويصبرك على جيرانك ههههههه
كيفي انا منحبش العفايس

 

[Melia azedarach]

شكرا على الموضوع

تمنيت اني نشوف رأيك ..
مي معليش
صحيتي ع الرد

 

[adel-mz]

معليش الجار يحتاج جاروا مرة وزوج مي مالزمش يدورها بروفيتاج
+ هادي السلفة نتا اللبسة هادي والله غير جياحة نتاع الصح
ناس بكري يقولو (لي مكسي بشي الناس عريان )
الله يهدينا هدا منقولو
مارسي اختي.

 

[الرومنسي الجاد]

البروفيطاج راه ولى حاجة نورمال هههه
بصح ف الدخان برك و القهاوي لالا
يضربني بخودمي و مايبروفيطينيش ف الزوج هذوما
​

 

[Lili Bent Dz]

صح معليش الجار ساعات يحتاج صح يسلف بصح ماشي كل وقت حتان تصماط

ولاو لا حشمة لا حياء يجيك على 2 gـآيلة تقتل يقولك ماما قاتلك اعثيلي قندورة ولا جبة عندي عرس << رايحة تعرس ولا تهرس في الـgـوايل و الله حنا ديما تصرالنا بصح صح الحشمة تخليك تمدي و يا ريت ما مديتي يرجعولك حوايجك كانهم من العص الحجري

 

[Jeune Sghir Mc]

نمووت ومانتسلفش من عند الناس
بويسك كاين ناس يدو عليك نظرة
وكاين لي يعود يعايرك بواش سلفلك
كاين ناس ولاو يتسلفو حتى الملح ايه الملح
لاحول ولا قوة الا بالله
سلام
.
.
.
​

 

[sarah_]

اولا شكرا على الموضوع
كيما قالو سماطة بطاطا هههههههههههههههههههههه
صح جاري جاري مي باه كل يوم يسمط بزاف
ا
حنا جرينا كل يوم يجو يقربعو بطاطا طوماطيسش ملح..........................................
وانا الينكرها كثر تسلاف الحوايج والله عيب حوايج يسلفوهم تبهديلا ربي يهديهم

 

[رقة الاحساس]

صح الجار يلقا جارو ويسلف كاش حاجة بصح مش كل يوم لانو كاين عباد ميعيوش من التسلاف يوصلو في النهار ب3ةلا4تسلفات وحنا عندنا جارتنا دايما مكرهتنا بالتسلاف بالرغم كيما قلتي يولو لاباس

 

[Melia azedarach]

معليش الجار يحتاج جاروا مرة وزوج مي مالزمش يدورها بروفيتاج
+ هادي السلفة نتا اللبسة هادي والله غير جياحة نتاع الصح
ناس بكري يقولو (لي مكسي بشي الناس عريان )
الله يهدينا هدا منقولو
مارسي اختي.

اه انا منحبش نسلف ديجا كي تجي نمدهالها نقلها مترجعيهاش ..الواحد مراهوش عارف واش دارو فيها ..:schmoll:
2r1 خويا ..
يعطيك الصحة على ردّك

 

[Melia azedarach]

البروفيطاج راه ولى حاجة نورمال هههه
بصح ف الدخان برك و القهاوي لالا
يضربني بخودمي و مايبروفيطينيش ف الزوج هذوما
​

اصلا الناس ولا كامل يبروفيتو ..قليل متلقى واحد ميفكرش بالعقلية هذي ..
الجار يسحق وي نورمال مي مش كلشي .. ومش في كل وقت ايا دقت في راسك تدير حاجة تروح للجيران هذي عيب كبير.

يعطيك الصحة خيو على الرد

 

[حذيفة بن اليمان]

والله يا الأخت الكريمة عندك الحق, ونقولك لي مكسي بقش الناس عريان

ويقلك أخرج لربي عريان يكسيك, فما عليك غير تطلبي ليهم الهداية وما تنسايش جيرانك, جيرانك نحي من اللحم ومديلهم خاطر نبينا الكريم عليه الصلاة والسلام وصى بسابع جار

 

[هدى]

سلام عليكم ورحمة الله تعالى وبركاته
اختي انا اعتقد مافيها حتى مشكل كون جينا كيف ناس بكري الجيران مايروحوش من عند بعضاهم يتعشاو ويتغداو ومول الدار مايتقلق من حتى واحد
واحنا درك الي يقول هاتي حبة طماطم نتقلقو منو عليها الرحمة مابقاتش
وينهو وجه ربي ؟؟
الي يمد حاجة عندو اجر عند ربي والي ماحبش ربي يسهل عليه
تحياتي
​

 

[Melia azedarach]

صح معليش الجار ساعات يحتاج صح يسلف بصح ماشي كل وقت حتان تصماط

ولاو لا حشمة لا حياء يجيك على 2 gـآيلة تقتل يقولك ماما قاتلك اعثيلي قندورة ولا جبة عندي عرس << رايحة تعرس ولا تهرس في الـgـوايل و الله حنا ديما تصرالنا بصح صح الحشمة تخليك تمدي و يا ريت ما مديتي يرجعولك حوايجك كانهم من العص الحجري

ايه اختي صح عندك الحق ..
كاينين بزاف يجو يتسلفو الذهب !! واي شيء ..
والله الواحد يتمنى انو يعيش وحدوو...

مارسي على مشاركتك
:sheer: