التسلاف والطلبة موضة 2017

إنضم
29 نوفمبر 2017
المشاركات
326
الإعجابات
611
النقاط
21
العمر
17
الإقامة
بلاد المليون ونصف مليون ش
#1


سلامو عليكم ..

انا ديما نشوف في حياتي انو التسلاف داير طريق طويلـة ..
الجيران يجو يدقو الباب ..: قاتلك يما سلفيلي 100 الف ومن بعديها نرجعهالك .. بعد عام كامل يرجوعها ... ولا قاتلك ختي ابعثيلي الشال ديالك والصندال .. ميرجعولكش بعد قرون .. كي يتقطعوا ويرشاو حتان يجوك..

وكل شيء طبق القاعدة عنو اي حاجة توقع انهم يجو يسلفوها ..احيانا الواحد يستغرب !!
ولا الطلبـة نتاع الحوايج ..قاتلك ماما ابعثيلي طوماطيش و فلفل وبطاطا >>> لالا ارواحي هزي الفريجيدار خيرلك ..<<<

والحقيقة انهم تلقايهم لاباس عنهم غير والفو برك .. باباهم استاذ ويسلك كيفو كيف الناس..
مي الله غالب الطلبة والتسلاف في العروق مع الدم يمشو ..

انا في الحقيقة منحبش هذا النوع من الجيران مراتش نتمنى اني نسكن وحدي في صحراء خالية لا تكسار راس لا والو ..
يجو على 1 نتاع الليل يطلبو كلشي ..تخيلو ؟

حبيت نحط الموضوع ..
ونشوفو مع بعضاتنا الحل باه نتهناو ..
لانو انا نتحشم كي يجو منحبش نتلفهم !!بالمقابل انا منحبش يلي يتسلف ..

ايا حطوا رايكم لانو يهمني ..
 

Skor m@k

:: مشرف ::
طاقم المشرفين
إنضم
12 جويلية 2010
المشاركات
5,043
الإعجابات
20,559
النقاط
1,901
#2
السلام عليكم
التسلاف هذا الحاجة لي نكرها كامل لوكان نبقى للحفى مانسلفش صباط
وتقريبا الرجال مايسلفوش بزاف لحوايج قليل غير بلاك الكوستيم تاع العرس لي عاد يسلفو على صاحبو
خاطرش مايلبسوش يستعملو نهار برك وخلاص سافيك مايهمش
اما نسلف الدراهم غير لصاحبي ولا واحد يكون محتاج ونعرفو بلي محتاج
خاطرش كاين عباد عندو هواية تاع التسلاف هذا مكان
اما النساء فأهدر برك شفتهم يسلفو كلش يامحاينك لحوايج بلاك تلقى الحوما كامل لابسين تاع التسلاف ههههههه
اما حنا فالدار يما ماتسلفش منذاك تبقى بلا ملح وماتروحش تسلف على الجيران
على كل حال تاع الباطيمات لي يسلفو بزاف بيناتهم خاطرش قراب
حنا بعاد علينا شويا جيرانا عليها ماوالفناش نسلفو كامل وكبرنا هكذا
يعطيك الصحة خويا رؤوف
 
إنضم
18 أكتوبر 2013
المشاركات
1,829
الإعجابات
4,895
النقاط
71
الإقامة
japan
#3
السلام عليكم ورحمة الله تعالى وبركاته
موضوع عجبني صراحة بارك الله فيك
والله صح التسلاف داير حالة مي انا حابة نوضح نقطة اللي هي
التسلاف مفيهش عيب بالعكس كي نشوفوا والله يوطد علاقات الناس والاواصر تع المحبة
ومكاش واحد يقدر يقول مانسلفش ومنحتاجش مول التاج ويحتاج كيما يقولوا
ولكن مهلا
كاين عائلات تختلف كاين ناس تعرف قدرها وكاين ناس لالا
وبالتحديد مش قدر وانما صفاء نية مع ربي كاين ناس كي تسلف تنوي انها ترجع وناس ربي يهديها لا
وهنا تروي عائشة رضي الله عنها قالت سمعت رسول الله صلى الله عليه وسلم يقول: <<ما من عبد كانت له نية في أداء دينه إلا كان له من الله عون فأنا ألتمس ذلك العون>>.
ربي يعين كل مدين على قضاء دينه
~~~~
لذلك يا اخي اذا كانوا جيرانك بعضهم يرجع وش سلف معليش جارك ثم جارك
واذا الحاجة اللي سلفوها عندكم بزاف منها معلش سمّح
واذا كانوا لا مايرجعوش واش سلفوا ولا الحاجة اللي طالبينها قليلة
معليش انك تردهم بطريقة طيبة مثلا خلصت//فسدت//ماهيش تاعي
وبطريقة مليحة بش مايبقاش أثر مش مليح في قلوبهم لأنو في النهاية الانسان يكون أغلى من كل الماديات
ولكن العقليات ...على كل ربي يهدي
~~~~
احنا الحمد لله عائلتي وعائلة عمومي عايشين في دار وحدة منحتكوش بالجيران
كي نحتاجوا كش حاجة ونكونوا مزروبين ولا المحلات مغلقة نسلفوا من عند بعضانا ولكن
نرجعوها في اقرب فرصة(كل واحد فاهم روحو خخخ) هالحمد لله ^^
~~~
لكن حابة ندير التفاتة خاوتي خياتي
لازم تفرقوا بين وبين ...
كاين اللي يسلّف من غير حاجة او لاباس بيه وماحابش يشري جايبها على راس غيرو
وكاين صح الناس والله تقطع القلب وتطيع الدموع راهي محتاجة محتاجة صح
لذلك حذاري متردوش هادي الفئة كانت صفتها ماكانت...
~~~
ربي يرزق ويبارك ويهدي الجميع
شكرا على الموضوع أعتذر بشدّة على الاطالة
في امان الله
 

INSANE

:: عضو منتسِب ::
إنضم
16 أكتوبر 2014
المشاركات
43
الإعجابات
14
النقاط
3
الإقامة
Algeria
#4
لا يمكن التوصل بحل لمشاكل مجتمعية اعتبرها انا المسؤول الوحيد عليها النظام الحاكم من الاستقلال والذي هو يعتبر نظام قومي شمولي خلق لنا مجتمع نص نص ...العمانية وليبرالية الرأس مالية الرئس مالية الملاذ الوحيد للخلق مجتمع الفرد فيه مايروحش لجاروا على ا1 نتاع ليل يطبب عليه باه يسلفلوا كمية سكر .
 

بشرى ملاك

:: مشرفة ::
طاقم المشرفات
إنضم
18 أفريل 2016
المشاركات
1,772
الإعجابات
5,399
النقاط
71
الإقامة
الجزائر
الجنس
أنثى
#5
قال الله تعالى: (اعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا وَبِذِي الْقُرْبَىٰ وَالْيَتَامَىٰ وَالْمَسَاكِينِ وَالْجَارِ ذِي الْقُرْبَىٰ وَالْجَارِ الْجُنُبِ وَالصَّاحِبِ بِالْجَنبِ...)

الناس زمان كانت دار وحدة ويتسلفو على بعضهم ولي يسحق حاجة يديها على جاره وكانو عايشين اجمل عيشة كانو عايلة ماشي جوارين كانت نكهة خاصة وجميلة بالعكس راحو هاد الصوالح مع لي راحو دوك قليل الجار لي راه يدخل على جاره ولا يحوس عليه ولا يتسلف عليه، انا عكسك تماما نبغي هاد الصوالح والرسول عليه الصلاة والسلام وصانا على الجار حيث قال: عن ابن عمر وعائشة رضي الله عنهما قالا : قال رسول الله صلى الله عليه وسلم (( ما زال جبريل يوصيني بالجار حتى ظننت أنه سيورثه )) متفق عليه.

عن عبد الله بن عمرو رضي الله عنهما قال : قال رسول الله صلى الله عليه وسلم : (( خيرُ الأصحابِ عِندَ الله خيرُهُم لصاحِبه ، وخيرُ الجيرانِ عِند الله خيرُهُم لجاره )).
وعن أبي ذر رضي الله عنه قال : قال رسول الله صلى الله عليه وسلم : (( يا أبا ذر ، إذا طبخت مرقة ؛ فأكثر ماءها وتعاهد جيرانك )) رواه مسلم.

ڨاع رجعو يخمو كيفك فديرونجمو بلاك مزالك صغير وماتفهمش كلمة الناس لبعضها يجي نهار لي تحتاج فيه جارك ماتخممش..
شكرا لك مع انك غالط وهدا رايي
 

صفاءdz

:: عضو مُتميز ::
إنضم
4 ماي 2017
المشاركات
845
الإعجابات
4,329
النقاط
51
الإقامة
الجزائر
#6
سلاااااااام
الجار وصى عليه الرسول الكريم حتى ظن الصحابة أنه سيورثه

أما بالنسبة لتسلاف هاذي ماشي موضة2017 هاذي راها من بكري
حنا أولاد نايل منسلفوش الماكلة لجيران نمدوها وعدنا عيب نسلفوها هاك تربينا

أما تسلاف القش أنا عن نفسي لبستي كامل نسلف فيها نورمال سورتو إذا كانت جارتي زواليه

راك غالط خويا
 

صمت المشاعر

:: عضو متألق ::
إنضم
17 أوت 2016
المشاركات
4,561
الإعجابات
16,889
النقاط
691
الإقامة
كوكب زمردة
الجنس
أنثى
#7
السلام عليكم
اخي انا عندي التسلاف عادي ولله
واذا كان جارك محتاج لهاديك الحاجة لي جا يتسلفها لازم تفتح عليه باب وماترجعوش
وكيما يقولك مول تاج ويحتاج يعني يجي نهار وين
تحتاج انت تانيت وتلقى جارك يفتح عليك باب كيما فتحت عليه انت
الجيران لبعض اخي هادي حاجة عادية وتقريبا في كامل الدول العربية ماشي غير عدنا حنا
 

Salah eddin

:: مشرف ::
طاقم المشرفين
إنضم
27 جانفي 2016
المشاركات
9,632
الإعجابات
40,388
النقاط
1,151
الإقامة
الجلفة
#8
السلام عليكم و رحمة الله و بركاته

التسلاف و الطلبة ...

في حقيقة الامر هذي امور زينة و صفة زينة

و نشوفو الجانب الايجابي فيها

و هو انها تعبر عن التوافق و المحبة و التضامن بين الناس

و هذي هي المومن في عون خوه ...

و في جيهتنا ... بلاد سيدي نايل ... عيب عليك يقصدك واحد و ترودو خايب

يا صاحبي مليحة الواحد كي يعاون خوه و يسلفلو الحوايج و الصوالح

و كي يجوك جيرانكم يقولولكم كاشما عندك بصل ولا طماطيش و لا ملح ولا سكر

ها الجار وصى عليه الرسول عليه الصلاة و السلام

و هذي هي

صراحةَ انا نشوف فيها صفة زينة تعبر ع التوافق و التضامن بين افراد المجتمع

و الله يألف بين القلوب نشالله

و شكرا




 
آخر تعديل: