التسلاف و الطلبـة موضة

[Skor m@k]

سلامو عليكم ..

انا ديما نشوف في حياتي انو التسلاف داير طريق طويلـة ..
الجيران يجو يدقو الباب ..: قاتلك يما سلفيلي 100 الف ومن بعديها نرجعهالك .. بعد عام كامل يرجوعها ... ولا قاتلك ختي ابعثيلي الشال ديالك والصندال .. ميرجعولكش بعد قرون .. كي يتقطعوا ويرشاو حتان يجوك..

وكل شيء طبق القاعدة عنو اي حاجة توقع انهم يجو يسلفوها ..احيانا الواحد يستغرب !!
ولا الطلبـة نتاع الحوايج ..قاتلك ماما ابعثيلي طوماطيش و فلفل وبطاطا >>> لالا ارواحي هزي الفريجيدار خيرلك ..<<<

والحقيقة انهم تلقايهم لاباس عنهم غير والفو برك .. باباهم استاذ ويسلك كيفو كيف الناس..
مي الله غالب الطلبة والتسلاف في العروق مع الدم يمشو ..

انا في الحقيقة منحبش هذا النوع من الجيران مراتش نتمنى اني نسكن وحدي في صحراء خالية لا تكسار راس لا والو ..
يجو على 1 نتاع الليل يطلبو كلشي ..تخيلو ؟

حبيت نحط الموضوع ..
ونشوفو مع بعضانا الحل باه نتهناو ..
لانو انا نتحشم كي يجو منحبش نتلفهم !!بالمقابل انا منحبش يلي يتسلف ..

ايا حطوا رايكم لانو يهمني ..​

 

[لاجودان شاف]

تم النقل للقسم المناسب.

 

[HAMOUDI2000]

ههههههههههههههههههههههه هذو مش جيران شكرا على موضوع

 

[selma19]

ههههههههههه ناس اخر زمان رجعنا كلشي نشوفو فيه نورمال

 

[selma19]

والمشكل لكبير كي يجو يسلفو حاجة وتقلهم مكش هنا راهي عند جارتي ولا اختي ولا..........
يزعفو ويشنفو عليك
ولا كي تمدلهم وبعد يومين تروح تجيب حاجتك مايحبوش يقلولك ماعندناش يومين ملي جبناها وكي نستعملوها ونحو سخفة رانا نرجعوهالك كي شغل حاجة تاعهم وجاي تسلفها ولا مشاركينك فيها
سبحان الله

 

[mira.21]

وي والله كاينة العقلية هدي مام عندنا
ومام انا منحبش طلبة هدي المشكل انهم يطلبو كلش حتى الشىء الي متتوقعوش
مي نقلك كي يجيو قلهم منمدش والله مازادو دارو بيك ههههه
يعطيك الصحة
تقبلي مروري

 

[صفحة بيضاء]

نتا تحللهم العينين باش يجو يطلبو او يسلفوا عليك
تقدر تحمر عينيك واحد وما يتجرأش باش يسلف
انا شخصيا هدي العقلية نتاع التسلاف
ونتاع باب الدار ديما مفتوح والجوارين داخلين خارجين
كيما دارهم ما نقبلهاش والتسلاف منسلفش وما نسلفش نقول ماما متبغيش هيهيهيهيهي​

 

[ابو مصعب الهاملي]

إنها عادة في القرى؛ لأن الجميع يعرفون بعضهم بعضا. أما في المدن الكبيرة فلا تجد الجار يعرف جاره، ولا الجارة تعرف جارتها.
هناك نوع أخطر من هذا، وهو أن يأتيك من يقول لك: سلفني السيارة أو البندقية في العرس.
الحقيقة أنني شخصيا أفضل أن يكون لي جيران يتعاملون مع بعضهم بمثل ما ذكرتم سالفا، خير من أن تجد جارك لا يعرفك ولا تعرفه، ولا تسلمان على بعضكما، ولا يحتاج إليك ولا تحتاج إليه أبدا.
قديما كان الجيران يتبادلان " أَذْوَاقَه" وهي أن يعطوا لبعضهم بعضا شيئا من الغداء والعشاء، وكان الجار لا يهنأ إلا إذا فعل هذا. ولو حللنا هذا التعامل لوجدنا فيه شيئا من التكافل الاجتماعي، ومعناه: أن الجار الذي لايقدم شيئا من غدائه ليس له شئ في داره، فيهب الجميع نحوه لبحث أمره ومساعدته، وفي هذا التعامل تتجسد معاني سامية حثنا عنها ديننا الحنيف" ليس منا من بات شبعان وجاره جائع" أو كما قال رسول الله صلى الله عليه وسلم.

 

[mohgladiator]

يا حبيبي
هنا مرة مرا بعتت بنتها باش تطلبلها شويا زيت
و اللي رايحة ليهم كانو يبيعو في دارهم
وصاها باباها لمول الدار
كي راحت تطلب و كملت
جاها اللي مبعوثة ليه
قاتلو قالك بابا الا راك طالب فالدار 400 مليون ماتبدلنيش
.............
راك عارف بلي قريب هبل السيد
يطلب فالزيت و عندو كتر من 400 مليون
...........

​

 

[βǻŋǾừŧά ₡ǖŦё]

Héhé ànà àùssi mànsàlèfCh ngOl màmà mà tèbGhiCh Hhhh
​

 

[YôuyÖû'T@h SîzÄ]

هههههههههههههههههههه
والله غير صح كاينة
و المليحة كامل سلفيلي الpاس تاع الباب و الا سلفيلي كاس زيت باش نطيب بعثت وليدي يشريلي بطا عليا هههههههههه
اللمهم ربي يهديهم​

 

[قناص الغرام]

ياك نهار العيد مافيهش تسلاف
قاتلك ماما سلفيلي شوية كبدة
​

 

[־●ـ‗غمــــوض ــالــورد_ـ●־]

هههههههههههههه
والله غير كاينة مي مش مشكل ايدا سلفتي لجارك حاجة يستحقها وهو معندوش
المشكل راهو في واحد عندو خير منك ويسلف حوايج ميصلحش يتسلفوا
والحاجة لمليحة إدا لقاوك تحشم ماتفراش كلش توقع يطلبوه.. قالتلك اختي سلفيلي لابيس تاعك ايدا فيها لكريدي باغية نعيط ويدا قلتلهم معنديش يزعفوا ويتشنفوا تقول راهم شركة معاك

​

 

[عرفتك]

كاين مثل يقلك المكسي بقش الناس عريان
كاين واحد الجيران يسلفو ديما اللبسة والدراهم وكي تكثر عليهم الدين يرحلو الى حي جديد وبعيد باش يعاودو ينصبو على الناس الي ميعرفوهمش وهذي هيا صنعتهم
والله انا وحدة من الناس نكره نمد حاجتي حتى لختي كل واحد وحاجتو

الحق هذي صنعة مش مليحة خلاص
تقبلي مروري

 

[lizou]

حنا تاني عندنا هاد العفسة تاع التسلاف انا نقولك رايي بصراحة انا مانيش ضد فكرة التسلاف بصح لازم بلقيس يعني لمرة يامات يجوها ضياف على غفلة والراجل ماكانشو وهي تحتاج هاداك الشي اورجو هادي مقبولة مي باش الوحدة تجي وتسلف بلاليست هادي ماكانش منها قاع ...شكرا لك على الموضوع الرائع​

 

[سحابة صيف]

شعب مريض انا هدي العقلية منحبهاااااااااااااااااااااش
انا مرة كنت عند خالتي وجات بنت الجارة باش تسلف قرعة جي (عصير) قلتلها واش شينا ولا كوكتال راحت وماولاتش:d:d

 

[أم أمين23]

اوووف والله فكرتيني في الايام كانت عندنا جارة ما تخلي ما تطلب وكاين حاجة كل يوم تطلبها وهي حاشاكم البالية ويما تحشم تمدلها واحد النهار طلعتلي الدم قلتها البالية راهي رشات اديها ورانا شرينا واحدة جديدة بالاك ترجعي تطلبيها
من وراها قعدت واحد شهر كي تشوفني تبدل الطريق ومن وراها انا رحت سافرت وكي رجعت لقيتهم رجعو لنفس العادة وماما مسكينة تحشم كي اقوللها تمدلهم وتبقى تعارك وحدها

 

[INES EMO]

هههههههههههههههههههههه

 

[om djawad]

كاين ناس التسلاف عندهم طبيعة يمشيلهم فالدم مالغري عندهم ويسلفو
على خاطر والفو هاذ الشي و هو مرض....بصح كاين دواء..
الي هو العين الحمرة و كلمة ماعنديش
ومتخافش من تانيب الضمير
ياااااااو راك تداوي فيهم
​

 

[انفاس الورد]

والله عندك الصح في هادي
مي انا منحبهاااااااااااااااااااااااااااااااااااااااش ابدا
ومنحبش واحد يتسلف عليا