بففففف الهبال نتاع النسا

[لاجودان شاف]

السلام عليكم ورحمة الله وبركاته

اهلا بجميع ناس اللمة لعزاز لكرام انشاء الله راكم جايبين رواحكم مع رمضان

هاذي عندها يامات كنت مريح مع جماعة في القهو نقصرو

والجماعة كامل مزوجين غير انا

وكاين واحد كان مريح معانا مش مليح خلاص وجهو كحل من الحيرة ومهبط راسو وكاره حياتو

مالا دارولو الجماعة قالولو وشبيك يا فلان وش خصك علاه راك مدمر هكذا

قالنا يا خاوتي والله مرتي هبلتني راهي بالحمل و - تتوحم -وقاتلي لازم تجيبلي التشينة البرتقال

من السماء ولا من لرض قالنا ومنين راح ندبر التشينة انا في الصيف

وبدا يشكي ويبكي وراني خايف لا الطفل كشما يخرج فيه ولا يصرا بيه

ولثم بداو الجماعة يحكيو على نساهم وش طلبو عليهم في هاذ الفترة بففففففففففففففففف

والله غير هبال في هبال

واحد قالنا قاتلي لازم تجيبلي ليفراز وحنا في عز الشتا قالنا عشيت نوصي في صحابي في فرنسا

وفي الخارج كشما يدبرولنا شوي فراز

واحد قالنا زوجتي توحمت على على الثلج وجاب ربي كنا في فصل الشتا ووقتها صب الثلج

قالنا طلعتها لسطح البيت وخليتها والله كلات حتى غلبت

والله راسي حبس وعييت نفهم وانا كنت مستهين الحكاية

وقالولي لو ماتجبيلهاش طلبها تخرج الوحمة في الطفل ويجي مشوه

وقاعد نخمم لو غدوة مرتي تتوحملي على شيء واعر منين راح نجيبو:schmoll:

يا وخذي واش لو تتوحملي على مهند منين راح نجيبو:scared:

ولا تتوحم على حب لملوك بلا علف :scared:

ولما رجعت للبيت زدت سقسيت الوالدة قلتلها كاين منها هاذ لحكاية قاتلي وي كاينة

قتلها وانا واش توحمتي عليا قاتلي نتا ثاني توحمت على تشينة وقازوز حمرة

لثمة غاضتني روحي بزاف بلي وحمتي جات رخيصة بزاف ب عشرين الف خرجت انا للدنيا

المهم

نتوما ثاني باينة كل واحد توحمت الوالدة على حاجة معينة واكيد سقساها عليها

كل يقولنا وشي هي

وشكرا:re_gards:






​

 

[اريج الروح]

يعطيك الصحة خويا على الموضوع وكاين منها تاع التوحام انا يما توحمت فيا على الكبدة مي منعرف اذا تاع الجاج:schmoll:ولاتاع واش المشكل مسكينة متفكرتشi-o:ههههههههههههههه

 

[احساس انثى dz]

هههههههههههههههههه عجبني الموضوع بصح ماعلاباليش ماجاش في بالي نسقسي ماما
ايا نروح نسقسي ماما ونجي نقوللكم ههههههههه

 

[هدى]

قتلها وانا واش توحمتي عليا قاتلي نتا ثاني توحمت على تشينة وقازوز حمرة

لثمة غاضتني روحي بزاف بلي وحمتي جات رخيصة بزاف ب عشرين الف خرجت انا للدنيا




​

هههههههههههههههههه وشبيك خويا تطلع في السومة في وقتك انت كان الكيلو تاع البرتقال ب الفين فرنك والقازوزة بخمسمية
يعني خرجت بحق شكارة تاع حليب ههههههههههههه
انا ماما توحمت على الكبدة في وقتي انا غااالية الكبدة جابوهالها هههه
مارسي على الموضوع
​

 

[احساس انثى dz]

هههههههههههههههههه وشبيك خويا تطلع في السومة في وقتك انت كان الكيلو تاع البرتقال ب الفين فرنم والقازوزة بخمسمية
يعني خرجت بحق شكارة تاع حليب ههههههههههههه
انا ماما توحمت على الكبدة في وقتي انا غلية الكبدة جابوهالها هههه
مارسي على الموضوع
​

لالا ختي راهو ينحي عليه العين ههههههههههه

 

[{مُدَلَّلَتُهُ}]

sba7 el nor Merci 3la el mawdo3

kayen chi nsa mechi yetwa7mou yeheblou mais lah ghaleb hadak ma 3ta rabi cha ghadi ydirou

ana rani sa9sit mama gatli twa7amt fik 3la el fromage wel yaourt w el pizza

sa7a ftorkoum

 

[ماكانش]

ههههههههه
كون غير يكون همي في الدنيا تافه كي هم هذا على كيلو تشينة
افففففف
نورمالمو ذرك ولا كلش متوفر
ولوكان جا راجل يسافر ويجيبهالها ...​

 

[sabrina17]

ههههههههه

كون غير يكون همي في الدنيا تافه كي هم هذا على كيلو تشينة
افففففف
نورمالمو ذرك ولا كلش متوفر

ولوكان جا راجل يسافر ويجيبهالها ...​

اوووا ووو وااش هاد الرومنسية

 

[sabrina17]

ههه والله مووضووع هاايل

وانا والله ما علابالي واش توحمتعلياا ماما

بصح باينة حاجة غالية ههههههههههههههه

نتمسخر

يعطييك الصحة

 

[ماكانش]

اوووا ووو وااش هاد الرومنسية

والله صح يا صبرينة ...

 

[mira real]

موضوع هايييييييييييل و يضحك هههههههههههههه........ولله غير صح هبال تاع النساء رانا ديما نسمعو في النساء يتوحمو على حوايج ماشي في وقتها و لكان متجيهمش تصرا مشاكل بينها وبين راجلها على كرشها هههههههههههههههههههههههههههههههههههههه ...ولا تضرب كاش بلاصة في جسمها تخرج هاديك الحاجة في وليدها كي يزيد و تشوهو بيها

انا ماما توحمت على الكبدة و مكلاتش منها بزاف لخاطر كانت في عرس خوها مش لاتية خرجت في جنبي 3 قطع كبدة ههههههههههههههههههههههههههههه كي نشوفهم نقول لماما علاش علاش مكليتيش مليح هههههههههههههههه بصح مزية ماشي معورين هههههههههه

 

[زمردة الايمان]

مرسي موضوع هايل خويا
أنا ماما توحمت بيا على الشوا
بصح جابوهلها يا سيدي على جالي أنا

 

[starblue]

هههههههههه موضوع فور بزاااااااااف..........ديما النسا هكدا كي يجي وقت الوحم يبداو يتشرطوا ويطلبوا غير المفقود زعما سومهم غالي
وكاين النسا اللي مايعرفوش يسميو الحاجة وجامي شافوها يستناو حتى يجي وقت الوحم ويتوحموا عليها
ربي يكون في عون الرجال والله يشفو ........انا ماعلاباليش ماما علاه توحمت بصح بالاك ماتوحمت على والو انا تاني جيت للدنيا بالرخيس
يعطيك الصحة خويا على الموضوع
تحياتي

 

[MA§§!N!§§A]

الكبدة يا خوووووو
صدق أو لا تصدق
في يدي اليمني كلي وشم بني
على شكل كبد إنساااان

ممكن نتلع الفوتووو مبعد ...!!
هههه مي لازملها 20Mp
وما عرف لا كان تبان
ههههه
سلام،،
​

 

[hiba14]

صح منها هاد لحكايات لافامي تاعي صراولهم وحد الصوالح بقيت حايرة
انا ماما الله يرحمها توحمت فيا على الكبدة

 

[just peace]

امي توهمت على الزيتون....مي الحمد لله ماخرجليش في راسي
شكرا على الموضوع
​

 

[نجمة رجاص]

hhhhhhhhhhhhhhhhhhhhhh

ana yema twahmet biya 3la

اللبن

hhhhhhhhhhh

wbkhouti

chi 3la lham

chi 3la hout

chi 3la tfah

wllah ghir hala

 

[لاجودان شاف]

يعطيك الصحة خويا على الموضوع وكاين منها تاع التوحام انا يما توحمت فيا على الكبدة مي منعرف اذا تاع الجاج:schmoll:ولاتاع واش المشكل مسكينة متفكرتشi-o:ههههههههههههههه

ههههههه مليح

معليش تاع جاج ولا خروف
المهم مايش تاع قط برك
شكرا​

 

[لاجودان شاف]

هههههههههههههههههه عجبني الموضوع بصح ماعلاباليش ماجاش في بالي نسقسي ماما
ايا نروح نسقسي ماما ونجي نقوللكم ههههههههه

هههههه مليح

شكرا​

 

[لاجودان شاف]

هههههههههههههههههه وشبيك خويا تطلع في السومة في وقتك انت كان الكيلو تاع البرتقال ب الفين فرنم والقازوزة بخمسمية

يعني خرجت بحق شكارة تاع حليب ههههههههههههه
انا ماما توحمت على الكبدة في وقتي انا غلية الكبدة جابوهالها هههه
مارسي على الموضوع ​

هههه علاه ختي قالولك زايد في الاستقلال هههه
+
وشي حكاية امهاتكم كامل توحمو على الكبدة
عليها خليتو الرجال لي يشوفكم يربي عليكم الكبدة ​