يا لبنات تعيشو هادي المرة تانية نحط الطلب ديالي ما حبيتوش تقولولي ما راكمش حابيني نتعلم امممممممممممم
قلولي كيفاش ديرو هاد الشاي لي راكم تحطو فيه نموت و نعرف
تطبخي الماء مليح حتى يولي يتقلب في كاش كسرونة تكوني تطبخي فيها الما برك لانو لاتاي حساس واذا طبختي الما نتاعو في اي شي موالفة اطيبي فيه الحوايج تاع الماكلة الطعم نتاعو يتبدل حنا نطيبوه في حاجة سبيسيال امبعد نصورهالك نسموها الكفاتيرا مش عارفة اذا الاسماء تتغير
بعد مايتغلى الما مليح جيبي مقدار من لاتاي نسموه الورgـة تغسليه في مصفاة بماء بارد مليح مليح وتغسلي النعناع الاخضر مليييييح وتحطيهم كلهم في هذاك الماء المغلي و تغطي وتخليه يتلقم حنا نقولولو هكذا يعني يطلق اللون الاخضر هذاك
خليه مدة طويلة نوعا ما يعني اخدميه قبل الفطور وخليه
بعدها تجي باش تحطيه هذي خدمتو:
سخنيه وابداي فرغي من الابريق لكاس لاتاي ورجعي وعاودي وعاودي العملية شحال من مرة
ثم صفيه وديري السكر في كاس كبير شوية كمية كبيرة شوية تاع سكر وفرغي عليه شوي اتاي لي خليتيه يطلق اللون نتاعو وخلطي حتى يذوب السكر
بعدها نحي
نص الاتاي لي في الكاس ( لي بنين ) وفرغيه في ابريق لاتاي
وديري العملية من الابريق لكاس لاتاي وعاودي رجعي و وعاودي حتى تحسي السكر دخل في لاتاي
وامبعد اذاحسيتيه مخصوص سكر كملي النص الباقي تاع الكاس الكبير لي درتي فيه السكر وفرغية في الابريق وعاودي فرغي من الابريق لكاس لاتاي
هاذي طريق وضع السكر في لاتاي يعني ماتخلطيش بالمغرف كما بعض الناس ادير لاتاي تاع الصحرا يلزم التخلاط من الابريق لكاس لاتاي وهكذا حتى يجيك بنين كما تحبيه وحاولي ونتي تفرغي لاتاي من الابريق للكاس لاتاي حاولي المسافة تكون بعيدة يلزم تسمعي صوت لاتاي ههه على الكاس ويعمل فقعات هاذيك نكهة لاتاي في هذيك الفقعات
