قريوش بشكل جديد خفيفة روعة بالصور في خاطر إبتسام

the summer

:: عضو مُشارك ::
إنضم
8 أوت 2009
المشاركات
298
نقاط التفاعل
17
النقاط
12
االقريوش : بطريقة مضمونة
709158062.jpg



المقادير :
1 كيلو فرينة
2 حبات بيض
ملعقة خمارةخلطيها فشوية حليب
رشة ملح
1خمارة قاطو
1 فاني
كاس سمن
خلطي المكونات جيدا وبسسي الفرينة بحيث تتخلصي من كل الحبيبات
خلطي مقدار كاس( ماء وماء الزهر ) ابداي تخلطي بدون دلك حتى تلمي العجين وتتحصلي على عجينة طرية مش مهم تكملي الماء المهم تتلم العجينة وتصبح طرية قطيعيها قرص صغار (دوائر صغيرة بدون عجن ) واتركيها ترتاح شي 10 دقائق
حضري فهاد الوقت طاولة باه تحلي فيها وماشينة القريوش أو حلال ومقلاة لقلي
ابدئي بحل العجينة وضعيها على الطاولة (هههههههههرح نقولك حاجة تضحكك يما تقوللنا لازم تكون رقيقة حتى يبان منها الرسم اللي على الطابلة هههههههه اما على الماشينة ابداي من رقم 6 حتى توصلي رقم 3 حبسي ماتزيديش تحلييها

الان بواسطة الجرارة قطعي اشكال معين (مستطيل مائل )كيما فالصورة وضعي فتحة في الوسط كما في الصورة ومن بعد اأجمعي ثلاث ورقات او اربع كي تكون العجينة رقيقة و ورقتين كي تكون شوية خشينة باه ماتقعدش عجين من الداخل(بحيث تكون المعينات بنفس الحجم )

ومن بعد الزاوية اسحبيها للوسط واخرجيها من الوجه الثاني حتى تتحصلي على هذا الشكل لما تصنعي مجموعة لابأس بها من الحبات ابداي تقلي
فهاد الوقت سخني المقلاة كي يحمى الزيت نقصي عليه الناروخليها تطيب على نار هافتة تتحمر على عقلها
انزعيها وكملي البقية


بخصوص العسل المشري يجي ثقيل من الاحسن تصنعيه فالبيت :

مقادير العسل : كيلو سكر ///حبة ليمون معصورة ثم ترمي قشورها الداخل تغلي معاهم //و1 لتر ماء
حتى يثقل العسل خليه يبرد وعسلي بيه القريوش وزينيها بالجلجلان

ملاحظة تقدرو تديري الشكل القديم انتاع القريوش ايضا تجي روعة وخفيفة



الصحن انتاع اللامونات اللي راه فالصورة هذاك تطبيقي للفطير انتاع الاخت زهور ربي يحفظها جا روعة فقط كون ضفتلو شوية حبة الطيبة يجي روعة جاونا ضياف خلاو اقريوش وكلاو الكعك لانو خفيفو و
ماهوش حلو بزاااف
 

المرفقات

  • DSC00137.JPG
    DSC00137.JPG
    643.4 KB · المشاهدات: 12
  • DSC00139.JPG
    DSC00139.JPG
    709.9 KB · المشاهدات: 9
  • DSC00138.JPG
    DSC00138.JPG
    752.6 KB · المشاهدات: 8
  • DSC00140.JPG
    DSC00140.JPG
    706.5 KB · المشاهدات: 10
  • DSC00128.JPG
    DSC00128.JPG
    428.5 KB · المشاهدات: 15
آخر تعديل:
اممممممممممممممم هايل اختي وقيلة نجربو ان شاء الله
 
جربيه مش رح تندمي باه ماتتعبيش فيه بزاااف جربيه بنص العبر لانو يجيك ياسر
موفقة في التجربة
 
هايل سمورة نجربو انشاء الله
 
يعطيكي الصحة جاك هايل الله يبارك
 
رووووووووووووووعة حبيبتي نجربو انشاء الله جاء في وقتو عندي سؤال من فضلك السمن ستعملتيه ذايب والف شكر على الوصفة
 
خخخخخخخخخخخخخخخخخخخ
غير ضروك كنت نصنع فيها
بصح الخمارة درت نص باطة برك
مجاتش منتفخة وشابة كيما تاعك
نجربوها ان شاء الله
مرسي ليك
 
يعطيك الف صحة هايل
ان شالله انجربو
صح فطورك
 
وش هذاك لي قدام لقريوش في الصحن يشبه للمسكوتة
 
أم فاروق وايناس منورة الموضوع وشكرا على مرورك وردك الطيب
 
هايل سمورة نجربو انشاء الله
ان شاء الله تجربيه ورح تفرحي بييه بزاااف
شكرا على مرورك ايمان27 سعيدة بوجودك وصحا فطورك
 
رووووووووووووووعة حبيبتي نجربو انشاء الله جاء في وقتو عندي سؤال من فضلك السمن ستعملتيه ذايب والف شكر على الوصفة

سلام تسنيم واش اخبارك اعتذر لبارح مادخلتش كانت عندنا عرضة من 9 :00 الصباح حتى لفطور وانا فالكوزينة الحمد الله كي خرج فطور شباب وهاد وين قريت سؤالك والله
فيما يخص السمن ذوبيه وخليه يبرد شوية
ومادا بيك كون تزيدي الخليط ملعقة اكل خل والله تجي خفيفة وروعة راني ماعرفتش كيفاش نعدل الموضوع باه نضيفها :cra_zy:
وشكر على مرورك الجميل
 
خخخخخخخخخخخخخخخخخخخ
غير ضروك كنت نصنع فيها
بصح الخمارة درت نص باطة برك
مجاتش منتفخة وشابة كيما تاعك
نجربوها ان شاء الله
مرسي ليك
اهلا بيك ميساء ويعطيك اصحا كي صنعتي القريوش سور اتعبتي بزاااااااااف
وفيما يخص القريوش راكي شفتي شحال د رت خمارة والله بلا مانشكر روحي القريوش انتاعنا الضيف اللي يجي لينا ولا ندوهالهم فالمناسبات يهبلو عليها
كي قلتي نص باطة يسمى كامل ماخمرتش وديجا راني نسيت ماكتبتش فالخليط يجي فيها ملعقة اكل خل باه يساهم فالتخمر وشنو كاين حاجة كي تخليها ترتاح على الاكثر 5 دقائق وابداي تحللي وتقلي فيها باه مايفوتهاش الخمور وتجيك حامضة
شكرا على مرورك الجميل
 
يعيطك الصحة سميرة جاك هاااايل
والله شاطرة خيتو
تقييم مايجيش قدام جهودك مي خير من والو
نسنتناو منك كل جديد

 
وش هذاك لي قدام لقريوش في الصحن يشبه للمسكوتة سلام بونواز هداك اللي قدام القريوش فطائر دارتهم زهور
هاذا هو الموضوع الاصلي https://www.4algeria.com/vb/showthread.php?t=300034
مشكووووووووووورة جات هايلة الله يبارك نور *خ شكرا على مرورك حنونة يبارك فيك ايا وريلنا صنعت يديك وديريها هههههه


يعطيك الف صحة هايل
ان شالله انجربو
صح فطورك يسلمك ياقوتة الصحراوانت زادا جربيه مش رح تندمى



 
يعيطك الصحة سميرة جاك هاااايل
والله شاطرة خيتو
تقييم مايجيش قدام جهودك مي خير من والو
نسنتناو منك كل جديد

شكرا ليك حنونة منورة الموضوع كلامك هاذا بزااف عليا احسن من التقييم بارك الله فيك ختي سوكري دكور ربي يحفظك
 
emmmmmmm jak hayel ^_^
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top