الصنعة الخامجة تاع التبربيش

[nina bonoise]

سلام ناس اللمة وش راكم ان شاء الله انتيك
و عيدكم مبروك و كل عام و انتم بخير :sheer:
ندخلوا للموضوع تاعنا
و هو على التبربيش :cra_zy:
و بالاخص نحكي على فلانة تموت على التبربيش
كنت انا و هي و طفلة اخرى
هذي الطفلة هازة معاها ساك ثقيل شوية
ظهرت نسات حاجة في الدار و احنا مبعدناش ياسر
قاتلنا احكمولي الساك في ساع نروح نجيبها
قلت لها انا اسمحيلي اديه معاك منحكمش تروحلك
حاجة تحصل فيا ( اختكم خاطاها المشاكل هههههه) :shiny:
ولات حكمتهولها الطفلة لي كانت معانا
و هذي الطفلة حاطة روحا حاجة كبيرة قاتلي اعطيني مرايا في ساع
قلت لها و الله ماهيش في الساك هاذا راني نسيتها :no_no:
راح حلت الساك تاع الطفلة :blink: انا قلت لها كي تجي تمدلك
الطفلة خلاتهولك امانة متبربشيش فيه على جال مرايا
حلاتوا جبدت هذاك البارفا فشفشفشفشفش _o: عمرت روحها و رجعاتوا
مبعد جبدت لمرايا عدلت روحا و رجعت
كي جات مولات الساك شمت البارفا تاحا يضرب gauche droite
تعرفوا تغشت خلاه :santa_1: قالت لها جيت نخليهولك 5 دقايق بربشتي فيه
قالت لها معرفتيش تصبري حتان نجي و نعطيك :cra_zy:
صراحة هذي صنعة خامجة تاع التبربيش في حوايج الناس
صراتلك هذي اللقطة من قبل ول لا
ايا سلامو
​

 

[فقير صغير]

هههههه
صح عيب والله واحد يبربش في حوايج الناس الخاصة مايش عقلية
ولي فيه النgة ماتتنgا​

 

[NINA_c9]

salamo khti waallah hadik 3l3ada machiiiiiiiiiiiiii mli7 ana man7abach tbarbich w kima n9olo w tkhantich w teftich f 7wayaj khatik ana khatini hado l3fayesssss puisque ana man7abach li barbach f 7wayji pcq kayen li 3andha 7wayej khososiya ou bien 7wayej nta3ha mat7abechhhhhhhhh ghirha ychofhom wela ybarbech fihom tani 3aybbbbbbbbb wallah trop3afsa machi mlih rabi yahdiiiiiiii ma khla9999 7aja khatik makan lahhhhhhh merciiiiiiiiiiiiiiiiiii

 

[إيمان قلب]

ههههههه بالسيف باش فهمت كلمة التبربيش مزية جيت ناشطة ومش فنيانة
وكملت قريت الموضوع والا بقا هاذ المصطلح بدون معنى عندي
فهمت منك باللي التبربيش هو التفتيش يعني كي يخلي عندك واحد حاجة وتروح تفتشها
واه هذه عفسة عيانة وخيانة باسكو نورمالمو راهي خلاتولها امانة
الله يهدي ماخلق
ويعطيك الصحة اختي​

 

[عفاف الجزائرية]

كي قلتي التبربيش ما فهمتش حتان قريت
احنا نسموه التنقريش
ما همناش المهم في زوج ايش ايش
ايه كاين ناس فيهم هاذ الطبيعة
وهي ماش مليحة باسكو تمشي معاهم
انا عندي هاذ الطبع عيب
دومونديني نعطيلك
يركبوني جنوني كي يتلاحو لحوايجي بلا ما يدومونديو
ربي يهديهم برك
مشكورة اختي على الموضوع
وعلى المصطلح الجديد نتاع التبربيش
​

 

[النورس]

هلا العنابية
سيرباينة انت تاني بربشولك صاكك
وي عيب واحد عطاك امانة تقدر تخرب فيها و هاد العفسة كاينة عند الينات بزاف
تبربيش الصاك والبرطابل ووووو
​

 

[النورس]

بربش يبربش
مشتقة من البربوشة
الطعام
هههه
​

 

[لاجودان شاف]

السلام عليكم
صح ختي وش راح ديري
انا واحد النهار كنت قاعد مع صحابي سفيان مكانش وبوخنونة - فقير صغير-
كنا في المسجد نظت نصلي ركعتين ونسيت بورتابلي
مع كملت الصلاة درت لقيتهم ليميساج كامل قرواهم وسرقولي واحد العشرين نيميرو
وش راح ديري هذا يسموه vice في الجزائريين
ههههههههه
ههههههههههه
هههههههههههههه
​

 

[إيمان قلب]

بربش يبربش
مشتقة من البربوشة
الطعام
هههه
​

هههه والله العظيم حتى انا المرة الاولى نحسبها مشتقة من البربوشة هههه وحتى الموضوع نحسبو على البربوشة هههه
مزية مش غير انا اللي غلطت فالمصطلح​

 

[لاجودان شاف]

بربش معناها يفتش

وعندها الفاظ خرا ثاني منها : يفركت ..ويتفتف ​

 

[إيمان قلب]

بربش معناها يفتش

وعندها الفاظ خرا ثاني منها : يفركت ..ويتفتف ​

صح نعرف كامل هاذ المصطلحات الا كلمة بربش
شكرا على التوضيح
اضافة الى رصيد المصطلحات ههه​

 

[makour]

تبربيش هههههههه كلمة شابة هادي
انا درت في بالي طعام قلت نزدم كشما يصحلي ههه ماعليش
صح هادي عادة خامجة انا بالنسبة لي اللي يتلاح لامانة تع الناس خائن و ماشي مربي مالقري تكون حاجة وحدة قريبة ليا
الامانة هي الامانة

 

[adel-mz]

عندك حق عيب
بصح هادي الطفلة اصلا مبربشا
علاه تهز الساك فيه البافان ،يخي لايجوز ولا نورمال .؟؟؟؟؟
بلغيها ان كانت لا تعلم الله يحفظك
شكرا ليك
​

 

[programmeur]

حنا يقولولها يخنتش هههههههههه

 

[mira.21]

هههههههه صح صنعة خامجة
مام انا منحبش لي يفتشلي في حوايجي
مي مصراتليش من قبل سينو انا او قلبت دنيا ههههههه
مرسي على الموضوع ​

 

[الرومنسي الجاد]

يسما هكذا راني نبربش في موضوعكـ خخخخخخ

شكرا ع التبربيشة ..

نحن لا نبربش

ولي بربش بزاف كيفاه نسموه ..؟​

 

[لاجودان شاف]

يسما هكذا راني نبربش في موضوعكـ خخخخخخ​

شكرا ع التبربيشة ..​

نحن لا نبربش ​

ولي بربش بزاف كيفاه نسموه ..؟​

هههههههه وشبيكم حرتو في كلمة تبربيش
ساهلة خلاص
هيا اجبدو الكراريس ذرك نجيبلكم الطابلو والطباشير ونقريكم
المادة : قواعد
الموضوع : بربش وأخواتها
تبربيش اسم وفعلها بربش ويتصرف مع الضمائر
انا ابربش
انت تبربش
هو يبربش
هي تبربش
هما يبربشان / للذكران والانثييان
هم يبربشون
هن يبربشن
واسم الفاعل برباش
واسم المفعول مبربش فيه

ونقدرو نطبقوهم كتطبيق صغير على درسنا في جملة واحد وهي
بربش البرباش تبربيشة مبربشة لم يبربش قبلها برباش​

 

[somiasahraoia]

والله عندك الحق والغاشي ما على بالوش

 

[Estrella]

شحال نكره الي يفتش في صوالح النااااس عقلية فاسدة
الطفلة خلات الساك عندها امانة وهي تروح تفتشلها في صوالحها
تسما هادي خربتلها ف الخصوصيات نتاعها
لله يهد يــــــــــــهــــــم

يـــــعــــــطـــــــيــــــك الـــــصـــــحـــــــة​

 

[اللؤلؤة المصونة]

انا الله غالب اما حوايجي اما شابه ولا ناس اللي نعرفهم كامل يحبوتبربيش؟؟؟؟



الله غالبـ صراتلى مليار مرا


((انا يجو بنات فاميليتنا نفهم روحي ديراكت نسكر خزانتى بالمفتاح وفي الليسي قبل نولى خارجة جااااامي نحط ساكي ولا حتى بورطابلي باسكو هاديك ابشع اي تدخلك طوول للريبيرتوار ولا ميساجاتبففففففففف)))

يعيك صحه حنونة سوجي شباب حطة كيفك يا لعنابية

+​