ماذا ستطبخين اليوم سيدتي

[imane27]

مساء الخير عليكم واش راكم
دخول مدرسي موفق انشاء الله
راكم تخمو على طياب انا هدا وين نضت

 

[ام ايناس]

مساء الانوار عليكم ابتسام فطور يشهي يعطيك الحة
انا اليوم درت عدس للفطور من الصباح وانا مع الميناج وغسلت القش
وفطرت ورقدت هادا وين نظت
الله يسلمك ام ايناس وفارووووق وربي يخليهوملك ويحفظ قاع وليداتكم

 

[ام ايناس]

حبيباتي راني حطيت موضوع جديد انشا الله تشاركوني فيه سلااااامي
واش هي الطبخات والحلويات المعروفة بولايتك

 

[nada242008]

مساء الخيرات .. دخول مدرسي موفق لاولادكم ان شاء الله
راني جربت نحمل الصور معرف تحل المشكل ولالا
هذي الكفتة تاع البارح واليوم جبدت شخشوخة الظفر من الكونجيلاتور وسخنتها

 

[بنت الجسور المعلقة]

سلام اخت رقية دخول مدرسي موفق وربي يعينك على الدار
ونا ليسيلي راكي فيه

مرسي حنونة ربي يخليك ليسي تميمي

 

[ام ايناس]

مرحبا بيك ام ندوش واش حوالك الصورة خرجت ويبان يشهي وبصحتك الشخشوخة

 

[nada242008]

الله يسلمك ام انوسة .. هذا وين رجعت نشوف هههههه الحمد لله

 

[rima29]

مساء الانوار
ندووووووش الكفتة جاتك رووووووعة
ادعولي ندي الباك العام هذا ​

 

[rima29]

نسيت نقوللكم اليوم تحجبت
باااااااركولي راني فرحانة ياااااااااااااسر​

 

[روعة2005]

مبروك الحجاب ريما
بصحتكم الكفته ام ندى
مساء الخير على الجميع

 

[بنت الجسور المعلقة]

مبروك ريما على لحجااااااب أيا زينك ولا مخبي ههه لعقوبة نزيد نديرو انا

ندووووووش تسلم الايادي على لكفتة ممم تشهي ​

 

[ام ايناس]

مساء الانوار فوفة
مبروك عليك الحجاب ريما

 

[بنت الجسور المعلقة]

حنىآ ليوم لعشية دخلنا لليسي مليقينا حتى واحد غير ليزلاف وزيد سخانة ولعطش حكمت طريقي وروحت هههه والفة بلكليماتزوغ ولقعاد في دار والله جاتني بيزار كي خرجت ليوممم
ومبعد درت فيها سفنج ggri;, والله كلش بلباتور جا خفيف وطالع

بصحتكم
سلام حبيبآآتي ​

 

[روعة2005]

اهلا ام ايناس واش عولتو للعشاء انا زوجي سخف على بربوشة بلكوبيا والحليب

 

[روعة2005]

اممممممممممم الله يبارك رقية حطة جاك السفنج ممكن طريقتك فيه كنت راح نخدمو ليوم مع بسبوسة كيعاد دخلت بنتي تقرا ...مباعد رجعوهم حتان للاحد القادم ياربي ويقبلوهالي
حبيباتي في الله حبيت نذكركم ونفسي بصيام ست من شوال كيما نسموهم باالعامية ايام الصابرين
انا الحمد لله صمت 5 ايام وغدوة نكمل اخر يوم لاتنسو :shay:

 

[nada242008]

مساء الفل فوفة .. ريمة الف مبروك الحجاب وربي ينجحك في الباك ان شاء الله
بنت الجسور السفنج جاك هايل اممممم راكي حرة الحراير وصغيرة الله يبارك
هذي بيتزا ومونجتو طيبتهم الايامات اللي فاتوا
العشا معولة على كوكا راهي تطيب

 

[بنت الجسور المعلقة]

يبآآرك فيك فوفة
اوكي
درت فيه 3 كيسان فرينة وقرصة ملح وحبة عضمة (بيض) وزدت فيه مغرف جلجلان محمصة ولخميرة نتاع لخبز 3مغارف نتآع قهوة خلطت نواشف معا بعضاها ومبعد جريتها بلماء بلباتور حتان تخلط كلش مليح وخليتها تطلع لعجينة
سخنت زيت وقيتهم ومبعد عسلتهم بصحة ولهنا حنونة نشاله جربيها وتعجبك ​

 

[ام ايناس]

بصحتك الطعام امممممممانا دايرة سباقيتي ونحمر شوي جاج
رقية السفنج جاك هايل اعطيلنا الطريقة
والله فوفة الصباح كنت رايحة نقولك ايا حطيلنا السفنج انشا الله الاحد الجاي نشربو عندك القهوة

 

[ام ايناس]

فوفة ربي يتقبل منك راني انا تاني تفاهمت بالاك غدوة نبدا نصوم انا وراجلي
يعطيك الصحة ام ندوش المونجتو تبان هايلة والبيزا ديما الهريسة معاها نتاقلتلي العدوى رجعت كيما نتي ههههه
رقية مشكووورة على الوصفة

 

[Setifienne]

مساء الخير عليكم كامل
أختي ريما مبروك عليك الحجاب
أختي بنت الجسور المعلقة بصحتك السفنج ايشهي ممكن الطريقة من فضلك باه أنديرو غدوة ان شاء الله
العشا اليوم la sole meuniere +les frites
et une salades verte