ماذا ستطبخين اليوم سيدتي..انستي..../الجزء الثالث

[oumsif]

مساكم بالخير لبنات كوثر ربي يشفيك اختي ما تعبش روحك بزاف و صح غداك ,دهبيتوا امممم نموت علي شخشوخة السيار تجي خفيفة علكيف ,
ابتسام صح قهوتك و ربي يشفيلك بنتك , فلوسة ياختي سخفتيني بالقرصة,,,ام نفين عيد ميلاد سعيد لامين ربي كبروا في السن والطاعة :music_whistling:
ايمان بصحتك البطاطا في الكوشة حتى انا البارح درتها
نرجس ربي يعينك و بصحتك البتزا انتاع برا
وصح غداء ألي نسيتهم يسمحولي

 

[ام ايناس]

يعطيكم الصحة ايمان ولالجيرواز دوك نشوف

 

[ibtesem]

مساء الخير على الغاليات و لحراير و الفحلات
بصحتكم كامل واش طيبتو
عيد ميلاد سعيد لوليدك حبيبتي ام نيفين لعقوبة ل100 سنة
حبيبتي ام كوثر ربي ايجينلك الشفا
عزيزتي ابتسام عند ليك سؤال على البراونيز 4قطع شكولا شحال بالميزان راني نستنا الرد باه انديرو الان لقهوة لعشيا

4 مكعبات من شكولاة نوار انا عملت كاكاو لانو مكانتش متوفرة عندي الشكولة

 

[ibtesem]

happy birthday to amin

 

[nada242008]

يعطيكم الصحة كامل
دهبيتو الشخشوخة تشهي والله يالفلفلات اللي حذاها امممم
سمورة الشفلور باين باين بنين بصحتكم
ايمان بصحتك البطاطا والستاك حتى والصورة فلو بصح هايلين
بسومة ربي يشفي بنتك الوذننين واعرين والسطرة تاعهم ماتتحملش
ام نيفين عيد ميلاد سعيد لامين وكل عام وهو بالف خير
فلوسة الغرايف روووعة
ام ايناس ديري مع الحريرة كفتة ولا طاجين الزيتون ولا دجاج محمر واذا قدرتي زيدي ميني بيتزا
انا ماطيبتش اليوم بقالي الجاري من البارح

 

[narjes81]

لبنات ماعليش عندي سؤال شكون لي تسكن في وهران ترد عليا ضروري

 

[ام منصف]

بصحتكم غداواتكم كامل
ام نيفين كل عام وامين بالف خير
غدانا اليوم محجوبة عندي مدة مادرتهاش

​

 

[oumsif]

يسلمك اختي ام ندى بصحتك الجاري
ام منصف اممممم كون نكلها ديما ما نكرهاش تكليها بالصحة

 

[ام ايناس]

يعطيكم الصحة كاااامل راني خممت ندير كباب في الفرن ونحمر الجاج والله يا ام ندوش خممت في البيزا لكن مش قادرة رايحة ندير خبز الدار
ام منصف المحاجب جاوك هايلين يعطيك الصحة

 

[كوثر الوهرانية]

بصحتكم لبنات واش طيبتوا اليوم
راني جربت البراونيز تاع بسومة كي نقطعه نحط الصور غادوني ولادي معندهمش باش يتقهوا كابرة و نضت صنعته
نرجس انا من وهران هههههههههههههههه قوليلي هدي باينة

 

[كوثر الوهرانية]

هدا هو البراونيز
ام منصف المحجوبة جاتك هايلة بصحتكم

 

[ibtesem]

بصحتك كوثر البراونيز امممممممممممم اشهو بالمكسرات

 

[faloussa]

امممممم كوثر البروانيز جاوك روعة يعطيك الصحة اختى

 

[narjes81]

ام كوثر قوليلي ماتعرفيش شي وحدة تكري منصوريات ولا بلايز نتاع عرايس
الامر مستعجل الله يخليك

 

[كوثر الوهرانية]

مشكورات بسومة و فلوسة
نرجس كاين في مدينة الجديد و في شوبوا غي سقسي يورولك

 

[oumsif]

امممم جاك يسخف البراونيز يعطيك الصحة

 

[narjes81]

شكرا اختي ام كوثر بارك الله فيك نفوت اليوم في شوبو قالولي النقافات

 

[كوثر الوهرانية]

مشكورة سمورة ربي يخليك اختي
واه نرجس عند النقفات هما يكروا

 

[imane27]

بصحتك ام منصف محاجب
كوثر براونيز جاك رائع بصحتهم دراري

 

[روعة2005]

اولا عيد ميلاد سعيد لحبيبنا امين ربي يجعلو من الصالحين
الغرايف جاوك مييميم فلوسة بصحتك
الشخشوخة روعة دهبيتو بصحتكم
البراونيز روعة حبيبتي فريدة بصحتك
المحجوبة باينة هايلة بصحتكم شريفة
سمورة بصحتك الشفلور جاك اممممممممممم
ايناسو بزايد عليها راكي الله غالب
ايمان البطاطا جاتك تشهي
سلامي للجميع وربي يسمعنا اخبار خير على الغايبات توحشتهم بزاف مريم حاسي/تسنيم/روز:sadwalk: