الي راه زعفان يجي يحرق روحه معايا

S

soussou.31

:: عضو مُشارك ::
السلام عليكم و رحمة الله و بركاته

ضاهرة اصبحت شائعة و هي اذا اي واحد زعف و لا صادفه مشكل يروح يحرق روحه

كم من شخص حرق روحه

و كامل زعفو

خاصة عند فئة الشباب

بصح انا من وجهة نضري نقول كون جا فاهم يحاول يعيش في كامل الاحوال

اذا كان عايش الحقرة يحاول يعيش رغما هذا

متنساوش هذا امتحان من عند ربي

الى اول امتحان درلك هكا

خلاك تخمم في الانتحار

انا شفت البنات راهم يقراو و الشباب لا

يعني نتخيل غدوا البنت تتزوج و هي تروح تخذم و تخلي راجلها يخمل الدار و يطيب الفطور

و هي تخدم و تولي المسؤولة

سما يبقا حاجة وحد هي الفتات تروح تخطب


انا اتمنى من الناس الي خمو هكا يراجعو رواحم و الله يهديهم

الدنيا معمر بالامتحانات

حنا لازم علينا نصبرو و نخليو الباقي علا ربي

و دائما تتفكرو بلي

دوام الحال من المحال



عفوا على الاطالة
 
سلام
صح الاخت موضعك في وقتو
ظاهرة الانتحار متعنيش ان الانسان زعفان على اوضاع المعيشة في البلاد فقط وانما الانسان كي يلحق درجة القنوط من رحمة ربي هنا يفعل فعلته .
ياشاب ويا شابة كلنا نعلم وكلنا نعاني ولكن رحمة الله واسعة ، اذا كان الانتحار حل دنيوي واخروي ،اوكي كلنا ننتحر
ولكن هيهات لانك ستلاقي ربك ولا تجد مبرر لقتل نفسك
والمأوى معروف ،ينبغي الانسان ان يصبر وان يدعو الله الفرج
ان الله عليم بكل صغيرة وكبيرة
الله يهدينا الى الصواب ويفتح علينا
​
 
يعطيك الصحة سوسو
تستاهلي تقييم على الموضوع الباهي
وقت صعيب والعبد لازم يكون صابر وواعي ويدير ربي في قلبو كيما نقولو
انا ساعات نلوم لولاد ألي مايقراوش وساعات مانلومهمش لنهم راهم يشوفو فلي قراو حاكمين لحيوط وقاعدين وممرمدين ...​
 
كثر خير البوعزيزي ربي يرحمه ويوسع عليه
ع الاقل هو كي انتحر ناضت في بلادو ثوره وهبطت اكبر ديكتاتور فلعالم
اما لي ينتحرو ع زبالة الدنيا _(حشاكم)_ فمنعتبرهمش اصلا شهداء
ربي يعطينا لعقل ويثبتنا مـــــــــــــــــارسي ع الميضوع
​
 
وعليكم السلام ورحمة الله
بارك الله فيك أختي على الطرح القيِّم
فعلاً الظاهرة انتشرت بكثرة في المجتمعات وهذا الأمر عندو سبب واحد وهو قلة الوازع الديني وضعف الإيمان واتباع الشيطان
أوقات أستغرب كيف لإنسان واعي تهون عليه نفسو ويحرقها، المشكل أنو مش رح يحرقها مرة واحدة بل مرتين، مرة في الدنيا ومرة في الآخرة بنار جهنم والعياذ بالله
كما يقال المومن مصاب، لازم كل إنسان يجعل ثقته في رب العالمين كبيرة ودائما يحسن الظن برب العالمين، لأن رب العالمين قال في الحديث القدسي: (أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ).
يعني هاذ الإنسان لي يروح يرمي البنزين على روحو ويحرق نفسو أو يشرب الدواء أو لاسيد من أجل أن يقتل نفسو عوض هذا التعذيب للنفس كلو لو التجأ إلى رب العالمين ورفع يديه إلى السماء وقال: يارب أكيد رب العالمين رح يسمع نداءه ويستجيب لـه لأن رب العالمين حيي ستير كما جاء في الحديث، رح يكون أفضل له في دينه ودنياه وآخرته وبإذن الله رح تُرفع درجته عند الله تبارك وتعالى.

حاجة أخرى حبيت نذكرها وه أن البعض يسمو هؤلاء الناس بالشهداء، فالله المستعان

ملاحظة: لاحظت في بياناتك أختي أن عمرك 15 سنة، فإذا كان فعلاً عمرك 15 سنة وأنتِ بهذا التفكير فأهنئك وأقولك بارك الله فيكِ وفي والديكِ وربي يثبتك أختي وييسرلك كل ما فيه خير لكِ دينكِ ودنياك وآخرتكِ
ربي يحفظك لوالديك
​
 
شكرا لكم لتقبل موضوعي

اخ مكانش الدراسة مهما كانت الاحوال تبقى بقيمتها مهما ادا وجدت عمل او لا حتى الرسول عليه الصلاة و السلام وصانا بطلب العلم

اخت انسانة ما انا صح عمري 15 و انا من مواليد نوفمبر 1995 و لكن التفكير نتاعي بسسبب الاشياء الي شفتها في حياتي .


اتمنى الاستفادة من مواضيعي
 
كثير من الناس راهم عايشين ظروف صعبة جدا حتى واحد فينا ما يقدر يتصورها
الانسان الي يحاول الإنتحار في نظر النفسانيين مريض وماهوش عادي
لازم العائلات تتقرب من أولادها وبناتها وماتتركهم وحدهم في الهم
لازم يساعدوهم بالكلام ويصبروهم
كاين بنات قاعدين في البيت وربما فاتهم قطار الزواج
منين يقوم أخوها ولا أمها ولا أبوها
يعطوها الكلامات . لو كان جيتي ساوية لكان راكي في بيتك
وكأنها هي راهي قابلة وضعها
نفس الشيئ الشاب لما ما يوجدش خدمة
طول اليوم وهما يعطوه صحابك وقراينك راهم يخدموا وانت نهار طول قاعد هنا

هذا الكلام يدمر ويخلي الانسان كافر
كاين قول لا أدري للسيد علي أو لعمر بن الخطاب
عجبت من شخص بات جوعان ولم يحمل سلاحه صباحا ويقاتل الناس
يعني حالته النفسية تخليه يقتل
وكاين قول ىخر
كاد الفقر أن يكون كفرا
الله يكون في عون خوتنا جميعا والله يهدي النفوس​
 
صح ختى عندك الحق ناس راى تحرق فى رحها بزاف ناس تنتاحر بصح ربي يعلم حالهم الله يسترنا مى كاينة حاجة شكون قالك الطفلة ماراهيش تخطب هههههههههههه واقيلة نتيا نية على الروحك رانى تخطب ولا تخطف غير بعينها ههههههههههههههه واش نقولك 18 امتحانات ماشى تع القراية مهم ودايما تصرى فى حياتى مفاجاءت مى كلها تصدم وتحزن الحمد الله
 
صاح يا اختي عندك الحق كاين بزاف ناس تدير هكذا .بصح هاذي يسموها الناس الجاهلة اللي ما عندها حتى ادراك للحقيقة و الواقع ...........و الدين
 
قال lilia dz:
صاح يا اختي عندك الحق كاين بزاف ناس تدير هكذا .بصح هاذي يسموها الناس الجاهلة اللي ما عندها حتى ادراك للحقيقة و الواقع ...........و الدين
إضغط للتوسيع...
يا خويا متقولش ناس جاهل يا جهل ؟
على خطرش الفقر واعر بزاااف والله غالب واحد مين يتنارفى ميعرفش روحه شراه يدير
الله يجيب الخير على خطرش هدى بلاد ميكى غناى عليها دوبل كانو ومغلتش
لعنده الدراهم يعيش ولمعندهش ليقله يروح ينتحر
هدا هو احل؟
 
mrc khti rabi yehdihoum
 
السبب الرئيسي للإنتحار يعود إلى عدم التدين و ضعف الإيمان بالخالق، لكن أريد أن أضيف شيئا حول هذه الظاهرة خصوصا للرجال، أخرجوا، سافروا، ما تبقوش في دائرة واحدة تحوموا فيها، ابحثوا عن جديد خارج محيطكم، و سعوا محيطكم الإجتماعي، تعرفوا على أشخاص جدد، أماكن جديدة، عندما يقول الواحد مليت من هذو العباد، روح ابعد عليهم، أهرب طير ماعلاباليش أنا المهم ماتبقاش في بلاصا تكون فيها ماشي مليح، و الإنتحار ماشي حل، بل إنتقال نحو الأسوء
 
معك حق اخ يوغرطة بصح الي قالو الفقر يدير كلش صح

بصح انا نعرف وحدة فوتت الباك و ساكنة في قيطون و داته بمعدل عالي

انا نقول الفقر يدير القلب و يخليك تقرا

ماشي العكس
 
أولاً هذا يسمى إنتحار وأنا ما نشجعو شكون يعرف بصح غدوا نمشوا في الشارع نشوفوا كاين واحد يحرق نفسوا

النفس آمآنهـ يجب أن نحافظ عليها

يعني نتخيل غدوا البنت تتزوج و هي تروح تخذم و تخلي راجلها يخمل الدار و يطيب الفطور

و هي تخدم و تولي المسؤولة

لازم لمرا والرجال يتعاونوا في الحياة الزوجية ..} وجهة نظر
 
اكيد ما قلته و لكن انا نشوف بلي معظم الشباب خرجو من القرايا فهت قصدي على ما قلته اخ دمي خليجي
 
آخر تعديل:
هذا ضعف الايمان و جهل
يعنى ربى خلق الدنيا هاذى كامتحان لينا
و عطانا معاها عقل نفكرو بيه باش نخرجو من الصعاب تاع الحياة
و عطانا نفس نحافظو عليها
فى المقابل واحد آخر يروح يحرق روحو
يا أخى هل تعلم أنك راح تحرق روح بنار ترسلك لنار جهنم مباشرة ؟

الله يهدينا و يهدى الأمة العربية

مرسى على السوجى اختى


تحياتى​
 
شكرا اخي jgawar على الرد
 
دوام الحال من المحال يروح حال يجي حال
الله يهدي الجميع
 
موضوع مميز أميرتي اهنئك على هذا التفكير

فتاة لم تتعدى 15 سنة تعرف مثل هذه الاشياء

و هناك من بلغوا من الكبر عتيا ويفكرو بالانتحار

لأسباب مثل البطالة والفقر لاحول ولاقوة إلا بالله

اللهم ثبتنا على هذا الدين وغفر لنا ولكل المسلمين

آمين .....بارك الله فيك عزيزتي ربي يحفظك ويسترك
+​
 
شكرا لك يا مينة الاء القدوس على هذا الرد العطر
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom