من واقعنا ... اليوم مع التسول

[سمسوم]

الرجاء الإنتضار حتى يتم تحميل الصور كليا

روح اضرب طلة و ارجع​

دارهم السمسوم من دراهم الفورنيسارات​

ما دارهم ماوالو​

الحديث قياس​

معليش نبداوا​

نبذة على الحصة :​

الحصة حصرية على اللمة​

و الله اتحدى اي منتدى في العالم فيه موضوع بالفكرة هادي​

الحصة يا خاوتي تمشي كل خميس​

اسمحولنا المرة الأولى درنا الروطار في نشر الموضوع​

لكن الحصة راها مشات فعلا بالخميس الماضي​

كيفاه تمشي ؟؟؟​

الحصة هي اننا نستضيفوا ضيوف في كل مرة على السكايب .​

نحكوا كامل على سوجي من السوجيات او الظواهر و الأفة اللي راها قدام عينينا​

و من بعد تنقل المحادثة للموضوع​

بالإضافة الى الروبرتاجات و الصور و التعاليق​

فهمتوا كيفاه ؟؟​

نبداوا عدد اليوم بإذن الله

نشوفوا مع بعض ضيوف الحلقة​

ضيوف من اللمة :​

سمسوم اللي راه يحكيلكم منشط الحصة زعما باسم : rossi_sami ​

Mr mino و اللي هو عضو في الفريق يعني منشط و ليس ضيف باسم : minomino_gc ​

karim007 مشرف في اللمة باسم :karimbabia​

امير-احمد مشرف في اللمة : باسم 4algeria for ever و من بعد بدلها "اللمة الجزائرية "​

‏bnbnbilal : بلبل اللمة عضو برونزي باللمة باسم : bilal_bnbn ​

Fethi_dz: إطار سابق في اللمة باسم fethi.dz ​

أحمد ولد الجزائر عضو نشيط باللمة باسم : ميدو​

moussa_ess عضو نشيط باللمة باسم : متهم​

و الآن مع ضيوف اللي ماشي من اللمة​

أستاذي الفاضل :​

أبو يوسف من مصر الشقيقة و اللي حضر المحادثة باسم : أين الحب ؟؟ خبير المواقع و الشبكات ​

و درك نخليكم مع بعض الصور للموضوع و نرجعوا​

كاين répertoire غير ما تقلقوش مازال كاين الصور​

و درك

rossi_sami a dit : سلام عليكم كامل​

bilal_bnbn a dit : و عليكم السلام كامل​

karimbabia a dit : و عليكم السلام​

ميدو a dit : وعليكم السلام​

bilal_bnbn a dit : لي نعرفو و لي منعرفووووش​

minomino_gc a dit : وعليكم السلام قاع​

minomino_gc a dit : معليهش خويا ليوم نعرفو بعضانا اكل​

*** bilal_bnbn a modifié le thème en "التسول" ***​

bilal_bnbn a dit : انشاء الله تكون معرف خير برك​

karimbabia a dit : انشاء الله​

minomino_gc a dit : ان شاء الله​

rossi_sami a dit : كي راكم يا رجالة​

ميدو a dit : و الله غير الحمد لله​

rossi_sami a dit :كيما كتب بلبل الموضوع على التسول​

bilal_bnbn a dit : التسول​

ميدو a dit : نتمنى من بلال و كريم و أين الحب يدخلوني عندهم​

minomino_gc a dit : التسول واش نقلك راه مداير حالة​

bilal_bnbn a dit : انا راني واحد منهم ههههههه ​

minomino_gc a dit : متبانش​

minomino_gc a dit : زوالي وفحل​

bilal_bnbn a dit : ايه​

اين الحب...؟ a dit : اهلا بكم جميعا انا معكم​

rossi_sami a dit : اخواني نعرفكم على استاذي أبو يوسف المصري "أين الحب"​

minomino_gc a dit : وعليكم السلام​

karimbabia a dit : اهلا بيك اخ​

ميدو a dit : أهلا بناس مصر​

bilal_bnbn a dit : اهلا بيك​

rossi_sami a dit : راح يحضر معانا و يشارك معانا​

minomino_gc a dit : اين الحب مرحبا بك ناس مصر​

karimbabia a dit : الفراعنة​

ميدو a dit : متشرف بمعرفتك أخي **اين الحب**​

اين الحب...؟ a dit : اهلا بيكم اجمعا وبأهل الجزائر والوطن العربى​

karimbabia a dit : اهلا بيكو بناس مصر​

rossi_sami a dit : هيا اخواني نبداوا​

bilal_bnbn a dit : بسم الله التسول​

minomino_gc a dit : رانا هنا​

bilal_bnbn a dit : بسم الله​

minomino_gc a dit : يلا لينا​

karimbabia a dit : واش هي اسباب التسول ادخلو في الموضوع
السبب اول البطالة
السبب الثاني الطلاق
الفقر​

bilal_bnbn a dit : السبب الثالث كيما قالها كريم السبب الرابع المجتمع هو السبب الرئيسي​

rossi_sami a dit : المحيط اللي ينشأ فيه المتسول​

ميدو a dit : كيفاش المجتمع ؟؟​

rossi_sami a dit : كيفاه المجتمع ؟؟​

bilal_bnbn a dit : المجتمع هو ليكون الفقر باش يكون التسول​

rossi_sami a dit : مي شكون المجتمع ؟؟؟ ياك انا و انت وهو ماشي من الأفراد​

minomino_gc a dit : الفقر هو السبب الرئيسي الفقر هو اللي يدفع الناس للتسول الله غالب ما عندوش واش ياكل واش يلبس وين يسكن​

karimbabia a dit : أسباب ظاهرة التسول تعود بشكل أساسي للفقروالبطالة وقلة الحال. إلا أن لنظرة المجتمع للتسول تختلف من بلد لبلد، ومن شخص إلى آخر، ويرى الكثير أن أعتماد الكثير على التسول كمهنة يومية تدر دخل معقول سببه تعاطف الناس مع الإستجداء الكاذب للكثير من المتسولين.​

ميدو a dit : جماعة تكلمو باللغة العربية من اجل المصري ربما لا يفهم​

minomino_gc a dit : عندك حق ميدو خويا العربية​

bilal_bnbn a dit : اوك​

rossi_sami a dit : معليش راه ييعرف اللهجة هكدا أستاذ ؟؟​

اين الحب...؟ a dit : انا افهم الى حد كبير اللهجة الجزائرية معكم مستمع​

rossi_sami a dit : شفتوا​

ميدو a dit : الحمد لله​

karimbabia a dit : أسباب ظاهرة التسول تعود بشكل أساسي للفقروالبطالة وقلة الحال. إلا أن لنظرة المجتمع للتسول تختلف من بلد لبلد، ومن شخص إلى آخر، ويرى الكثير أن أعتماد الكثير على التسول كمهنة يومية تدر دخل معقول سببه تعاطف الناس مع الإستجداء الكاذب للكثير من المتسولين.​

*** rossi_sami a invité اللمة الجزائرية à cette discussion
***
rossi_sami a dit : مرحبا بيك ميرو​

4algeria for ever a dit : كيف الحال​

ميدو a dit : و الله الحمد لله​

bilal_bnbn a dit : الحمد لله​

minomino_gc a dit : هذا نتع البرامج ؟؟ مرحبا بيك​

4algeria for ever a dit : شكرااخي​

rossi_sami a dit : يعني اخواني كاينين ناس عايشين في الفقر أكتر من الخيال مي ما يتسولوش​

bilal_bnbn a dit : صح كاين منها​

bilal_bnbn a dit : راهي ولا لي عندو دراهم هو ليتسول​

rossi_sami a dit : صح بلبل علاش امالا المتسولين يتخذوا الطريق السلبي هذا ؟​

ميدو a dit : الفقر هو العامل الرئيسي لكن العجز عن العمل رايح يخليه يدير المستحيل باش يصيب لقمة العيش و آخر حل عندما لا يجد العمل هو التسول​

4algeria for ever a dit : هناك عدة اسباب عائلية​

minomino_gc a dit : يا خاوتي التسول راعه عند بعض الناس طبيعة وعادة​

rossi_sami a dit : ولى لهم خدمة حتى ما راهمش محتاجين​

bilal_bnbn a dit : الظروف المجتمع القاسية هي السبب​

minomino_gc a dit : انا اعتقد ان الناس اصبحت لا تثق في المتسولون​

bilal_bnbn a dit : الجماعة عندي سؤوال​

karimbabia a dit : تفضل​

bilal_bnbn a dit : ربي خلق فقير و الغنية و لا راني غالط ؟؟ و قال للغنية لازم تزكي على مالك للفقير باش فقير يعيش على زكات ليمدهالو الغنية بصح انا راني نشوف بلي الغنية يقلك انا منمدش زكاة للفقار​

rossi_sami a dit : معليش بلبل عندك حق مي مهما كان ما نمدش يدي للناس لا ؟؟ ​

rossi_sami a dit : وين راهي الزكاة يا خاوتي​

minomino_gc a dit : المشكل راه المتسول ما يتقنعش والله ياو تعطيه مال الدنيا
ميدو a dit : حنا المشكل اللي عندنا الفقير مامبا ما يروحش يتسبب من أجل إيجاد العمل​

bilal_bnbn a dit : ايه​

rossi_sami a dit : يا ميرو حتى انو عندو تلقاه يطلب​

bilal_bnbn a dit : راهي ولات خدمة انا خطرا سقسيت طلاب قتلو قداش جيب في نهار؟؟قلي كي تعود خدمة مليح نجيب حتى ل5 ملاين و قلي كي تعود مكانش 2 حتى 3 ملاين في نهار راهو يدخل خيرمن واحد خدام عند روحو​

ميدو a dit : إيه بلال عندك الصح​

4algeria for ever a dit : نعم لأنها مهنته الشريفة​

ميدو a dit : لالا في شريفة ما نيش معاك​

minomino_gc a dit : والله يا جماعة المحتاج حقيقتا ما يمدش ييدوا للناس بالعكس يحاول يبحث عن عمل يعاون بيه روحوا ويعين روحواعلاه تولدت فيه هذي الصفة لخطراه ايمانو بالله كبير وما هوش طامع في الدنيا ومداير في بالو بلي ربي رزاق قادر يرزقو في اي وقت بصح مش بالتسول​

ميدو a dit : هاكو هاذي
http://www.alwatanvoice.com/arabic/content-115487.html​

إقرأو ردلي الخبر​

هذا مقال في منتدى فلسطيني
rossi_sami a dit : هادي الفوتو نتاع مبعوت الشروق شفتوها ؟؟الراس يحبس​

bilal_bnbn a dit : هدي​

karimbabia a dit : عععععععع شفناها​

ميدو a dit : نعم شفتها​

minomino_gc a dit : كاينة صح​

rossi_sami a dit : شفتوا هادي القصة ؟؟​

4algeria for ever a dit : هذه عادات مجتمعنا​

ميدو a dit : حاب نسالكم سؤال​

karimbabia a dit : تفضل​

ميدو a dit : كم يبلغ عمر معظم المتسولينو الجنس تاعهم ؟؟​

4algeria for ever a dit : بين 15 و 20 معظمهم​

minomino_gc a dit : جاوبوني يا ترى هذا الراجل اللي في الصورة قادر على العمل​

bilal_bnbn a dit : نساء تلقا نساء بزاف​

rossi_sami a dit : يا ولوا يخدموا في البيبيات​

ميدو a dit : أكثرهم نساء يعني غير قادرون على العمل​

bilal_bnbn a dit : لكن ما هو السبب تاع نساء ليتركهم يتسولو​

ميدو a dit : و مرات تتجه النساء إلى بيع كرامتهن من أجل المال​

karimbabia a dit : السبب معندهمش المال​

minomino_gc a dit : يا اخي ميدو النساء قادرين على كلش ومش قادرين على العمل​

karimbabia a dit : قادرين على العمل​

ميدو a dit : وين راه المشكل إذا ؟؟ هو ما بيه غير الدراهم و يحوس فقط على لقمة العيش ماشي أنو يكون غني​

karimbabia a dit : كاين خدمات لائقين للنسا و كاين اخرين ماهمش لائقين​

bilal_bnbn a dit : بصح كاين حاجة تروح للبلدية تلقا غير نساء تروح للبوستا تلقاي غير نساء تروح للمحكمة تلقا غير النسا وين تروح تلقاهم و يزيدو يتسولو​

ميدو a dit : ههههههههه في هاذي عنط الصح بلبل​

rossi_sami a dit : خاوتي سؤالي و واحد يجواب​

ميدو a dit : إسئل​

rossi_sami a dit : اسمعوني .. كامل علبالنا بلي حتى الطلبة او التسول يتعب علاه اذا المتسولين يفضلوا التسول على العمل​

ميدو a dit : لا بالعكس و الله غير امر سهل من جهة التعب الخسارة الوحيدة هي خسارة الكرامة و ماء الوجه​

karimbabia a dit : باش ميتعبوش فنيانين​

4algeria for ever a dit : لأن جهد التسول ليس كجهد التسول منها يحوس ومنها يربح عكس العمل​

bilal_bnbn a dit : الله يهيدهم و يهدينا​

karimbabia a dit : امين​

ميدو a dit : آمين​

4algeria for ever a dit : امين و لكل المسلمين​

rossi_sami a dit : سؤال أخر​

ميدو a dit : نعم سمسوم​

rossi_sami a dit : علاه العصابات نتاع التسول تستعمل فئة الأطفال بدرجة كبيرة​

4algeria for ever a dit : لأن الأطفال سلاحهم ومصدر ربحهم​

rossi_sami a dit : كيفاه ميرو؟؟ يعني علاش ماشي الشباب اللي قادر شقاه​

ميدو a dit : الأطفال أول شيء ما يهتموش بالمال بدرجة كبيرة يعني يحشوهالهم​

rossi_sami a dit : صح ميدو خويا ممكن ليستعطفوا الناس عليهم​

ميدو a dit : انعم يا روسي . الأطفال يعتبرون كسلاح للعطف عليهم​

rossi_sami a dit : كريمو خويا​

karimbabia a dit : oui​

rossi_sami a dit : واش هو الحل في رايك باه تنقص الظاهرة​

karimbabia a dit : الاهتمام من طرف الدولة و توعيتهم​

4algeria for ever a dit : اولا الإهتمام بدراسة الطفل من طرف المجتمع​

ميدو a dit : أولا التوعية للمجتمع مو للمتسولين باش يهتمو بالظاهرة و توفير فرص العمل ​

rossi_sami a dit : مينو شا تقول انت ؟؟​

minomino_gc a dit : انا تبالي الدولة نتاعنا مش رح تقدر تقضي عهلى التسول​

rossi_sami a dit : علاه ؟​

minomino_gc a dit : لخطراه القضاء على التسول يعني القضاء على البطالة وعلى الفقر وعلى مشكل السكن وزيد وزيد​

4algeria for ever a dit : لالالالا بإمكانها​

ميدو a dit : هذا شيء غير ممكن 100%​

4algeria for ever a dit : لا اخي ممكن جدااا​

ميدو a dit : التقليل فقط​

minomino_gc a dit : حتى التقليل خويا ميدو ما نظنش​

minomino_gc a dit : الدولة راهي عاجزة امام هذي الافات​

4algeria for ever a dit : لا موش عاجزة. موش مهتمة​

ميدو a dit : مين تقول مكانش تسول معناتها دولة مايخصها وااااااااااااااااااالوووووووووو​

rossi_sami a dit : يا اخواني حتى و ان وجد المال و الله ما يبطلوا الصنعة​

4algeria for ever a dit : لأنها من عاداتهم​

ميدو a dit : بصح هاذي فئة قليلة​

[20:59:16] minomino_gc a dit : شوف خويا ميرو الدولة باه تقضي على التسول كيما راك تقول لازمها تدخل كل متسول تلقاه للحبس ومعارف لا تقدر​

4algeria for ever a dit : لالالا اخي موش هذا هو الأسلوب​

rossi_sami a dit : اسمعوا قصى طلاب في عمرو 12 سنة يطلب قدام الباب الجامعة و الله يبكي بالدمعة​

4algeria for ever a dit : مسكينـ​

minomino_gc a dit : مسكين ايه​

ميدو a dit : أنت أول ماتفكر فيه شاوالا​

rossi_sami a dit : و حاط ورقة قدامو نتاع الدواء و يقول ماما راهي ما تشوفش عاونوني قعدت حكيت معاه وين تسكن ؟؟في كشيدة في باتنة في بيوت قصديرية​

4algeria for ever a dit : هذه من الأساليب المعتمدة لدى التسولين
ميدو a dit : قال تعالى بسم الله الرحمن الرحيم "وأما السائل فلا تنهر"​

rossi_sami a dit : بابا مطلق ماما​

ميدو a dit : متشرفين من جديد بناس باتنة و كشيدة خاصة ​

rossi_sami a dit : الله يسلمك ميدو مي بريكة ماشي باتنة انا​

rossi_sami a dit : من بعد قتلوا احكيلي الصح درك نعاونك​

4algeria for ever a dit : اها رائع​

minomino_gc a dit : دار الحضانة ... لاكراش​

rossi_sami a dit : قالي انا من مدينة بسكرة جينا هنا جابنا بابا نطلبوا الصباح و العشية نروحوا و باباه خدام لتم في باتنة​

minomino_gc a dit : باباه حال شريكة نتع طلبة من 8 حتى 5 الشركة الوطنية للطلبة​

rossi_sami a dit : ههه​

4algeria for ever a dit : مسكينـ​

rossi_sami a dit : و قالي يجوا معانا طلابة بزاف
قالي يخدموهم. يعني تطلب و العشية تخلص​

minomino_gc a dit : قتلك شريكة قادرة جامي تعطل ولا تولي مشريار يا ربي يستر برك​

4algeria for ever a dit : امينـ​

karimbabia a dit : امين​

الموضوع مزال متواصل ...​

 

[سمسوم]

ميدو a dit : يا جماعة و الله غير الموضوع نتاعنا كله راه في هاذا المقال المنقول من فضلكم أقراوه :

يبدو أن التسوّل في مجتمعنا أخذ مناحي أبعد في ظل الغفلة التي تبديها الجهات المسؤولة عن هذه الظاهرة المقيتة، ولاسيما أن آخر موضة لهذه الظاهرة تمثلت في اقتحام المنازل وبشكل دنيء ومتخلف، فقد ذكر لي أكثر من صديق وقريب مفاجآت كانت تنتظرهم وهم في منازلهم بعد قرع الجرس، ليفاجأ بمجموعة أو فرد واحد وهم يستغيثون لاهجين بالدعاء وطلب النجاة والصحة لصاحب الدار .. والمقابل معونة مالية تسد رمقه أو بعض جياع في بلده الذي اضطرته ظروفه إلى مغادرته.

هنا لا أبدأ بالمطالبة بطرد أو حتى نهر السائل، لأن الله سبحانه وتعالى قال في محكم آياته "وأما السائل فلا تنهر " لكن كيف هو الحل تجاه من يقتحمون البيوت حالياً لأجل التسول؟ قد نقول إن ظاهرة التسوّل المنتشرة جداً عند إشارات المرور والأسواق وعند المساجد وحتى عبر السيارات الجائلة قد تكون مقبولة نوعاً ما، لبعدها عن الخصوصية الشخصية جداً، لكن أن يصل الأمر إلى المنازل ، وما يعنيه ذلك من مخاطر أكبر، فتلك مصيبة وأي مصيبة، ولاسيما أن من يجرؤ على قرع باب منزل لا يعرفه، ستكون لديه الجرأة أيضاً أن يفعل أشياء أخرى لا سمح الله.

أعود إلى هذه الظاهرة التي تمارس من قبل منتمين لدولة عربية مجاورة، مع التأكيد أن الأمن الاجتماعي حق مشروع لكل مواطن ومقيم على أرض هذه البلاد، وإذا ما استمرت الظواهر السلبية في الانتشار حتى تصل إلى داخل المنازل "أحشفا وسوء كيلة" لكن كيف هو الحال وما الحلول تجاه هذه الظاهرة؟ خاصة أنها تجاوزت البعد الاجتماعي لتدخل في الشأن الأمني للمنازل.

إن مجتمعنا برمته يرفض هذه الظاهرة من خلال التكافل الاجتماعي الذي استمده من دينه الحنيف، ناهيك عن أنه مجتمع تعود الاعتماد على نفسه حتى خلال الظروف الصعبة قبل النفط، ولم يطأطئ رأسه، ولم يمد يده إلا الشواذ والقلة الذين لم يكونوا يمثلون أي نسبة من ذلك المجتمع النبيل.

ومع هذا التطور يبدو أن عدم وجود الرقيب ومعه العقاب وفي ظل عدم الاهتمام سيجعل من هذه الظاهرة أكثر تفاقماً، ونخشى أكثر أن ينسحب إليها من جراء سهولتها بعض من شبابنا، لأن لا رقيب ولا حسيب إلا الله سبحانه وتعالى، في ظل أن إدارة مكافحة التسول مستمرة في البيات السنوي ولن يجرؤ أحد أن يوقظها من سباتها.

أقول إن التغاضي عن هذه المهنة الشاذة كفيل بجعلها مهنة لكثير من العاطلين من شبابنا من أولئك الذين يرغبون في حياة سهلة دون عمل، ولاسيما أنهم سيتعلمون من هؤلاء الوافدين كيفية الكسب السهل ، ووسط غياب الرقيب ، وغياب المسؤولية الاجتماعية لدى بعض جهاتنا الحكومية ، حسبنا الله ونعم الوكيل

ميدو a dit : للسيد مساعد العصيمي

4algeria for ever a dit : روعة الموضوعـ

minomino_gc a dit : ومع هذا التطور يبدو أن عدم وجود الرقيب ومعه العقاب وفي ظل عدم الاهتمام سيجعل من هذه الظاهرة أكثر تفاقماً
شفت يا اخي ميرو قتلك الحبس هو الحل

4algeria for ever a dit : نعم في بعض الأحيان

rossi_sami a dit : كيفاه يا مينو ؟؟؟ يعني يتبعوهم قضاءيا ؟؟

minomino_gc a dit : لا يتبعوهم لا والو يخلعوهم برك

ميدو a dit : هذه وجهة نظر

minomino_gc a dit : يعطيك الصحة خويا ميدو

ميدو a dit : شكرا...لكن علينا فهم مقصد الموضوع

minomino_gc a dit : قول واش عندك عبر على شعورك يعطيك الصحة. مسلمين مكتفين ماينا

ميدو a dit : الحل هو دين الإسلام بحذافره

4algeria for ever a dit : نعم محق جداا اخي

minomino_gc a dit : كلامك كبير خويا ميدو هذاك هو الحل

karimbabia a dit : الدين هو الصح

ميدو a dit : و تخيل لو ان الكل طبق القول ...اليد العليا خير من اليد السفلى

rossi_sami a dit : يعطيك الصحة

*** rossi_sami a invité fethi.dz à cette discussion
***
rossi_sami a dit : خاوتي معانا ضيف جديد

ميدو a dit : مرحبا بفتحي

rossi_sami a dit : مرحبا بيك فتحي

fethi.dz a dit : و الله فاجأتني اخي
السلام عليكم جميعا

rossi_sami a dit : معليش

karimbabia a dit :و عليكم السلام فتحي من قطر

rossi_sami a dit : فتحي واش تعرف على التسول في الجزائر ؟

fethi.dz a dit : التسول الكل يعرف ما معناها و بلهجتنا الشحد من الناس نلاحظ في الجزائر المتسولون كثر

rossi_sami a dit : ماهي اسبابه خاصة في مجتمع جزائري مسلم
fethi.dz a dit : و الله الاسباب لا تخفى على احد ان سببها الرئيسة البطالة و عدم توفر العمل او بالاحرى العمل متروك للذين يملكون الواسطو او بلهجتنا المعريفة و طبعا في الاونة الاخير كترت حاجة خبيته في مجتمعنا الرشوة التي طغت كثيرا عليه

4algeria for ever a dit : نعم

bilal_bnbn a dit : كثيرا

rossi_sami a dit : مينو يقول بلي يجب متابعتهم قضائيا للحد من الظاهرة ما رأيك ؟؟

يا اخواني ذكرت الصحف انو الظاهرة منتشرة في باتنة و وهران ما رأيكم ؟؟

karimbabia a dit : صح وكاين العلمة ثاني بصح راهم قلو في العلمة هاذو الاعوام القليلة الماضية

rossi_sami a dit : لكن انا نشوف بلي في الجزاير كامل ماشي غير مناطق

ميدو a dit : أنا كنت نسكن في وهران و هذا الظاهرة تخليك تحير تماك لالا و الله غير وهران لوحدها في كل بلاصة

fethi.dz a dit : في كل انحاء البلاد هذه الظاهر منتشرة و انما تختلف النسبة في منطقة لاخرى

karimbabia a dit : وين تروح تلقااها الجزائر

rossi_sami a dit : مينو اخي نحن كأفراد مجتمع واش نقدروا نديروا باه نقسوا من الظاهرة في ظل الصمت الذي يخيم على الحكومة اتجاه الظاهرة
ميرو شا تقول ؟؟

ميدو a dit : لا حكومة لا والو يمكن فقط فقط بمساعدة من الجمعيات
توعية الشعب اللي يكون هو الخطوة الأولى في الحل . مثلا مشكلة الوساطة أو المعرفة تخيل شحال من منصب ما راهش لمولاه

karimbabia a dit : الحكومة ماهيش لاتية

اللمة الجزائرية a dit : اخي التسول سببه الحكومة و المجتمع

minomino_gc a dit : سمسوم نرجع لسؤالك

rossi_sami a dit : مينو اخي نحن كأفراد مجتمع واش نقدروا نديروا باه نقسوا من الظاهرة في ظل الصمت الذي يخيم على الحكومة اتجاه الظاهرة

minomino_gc a dit : انتوما راكم تقولو بلي الحبس مش حل والتوعية هي الحل معليهش كيفاه رايح توعي المتسول وهذي راهي طبيعة فيه لازم يتسول

rossi_sami a dit : فتحي

fethi.dz a dit : التوعية شيء اولي. ثانيا لازم توفير العمل حتى تمحي هذه الطبيعة اللي فيه الفرد وحده لن يستطيع المساعدة لازم الجميع على راسهم الحكومة عليها بتوفير العمل للتقليل من ظاهرة التسول و غيرها من الظواهر الاخرى كالحرقة مثلا
minomino_gc a dit : الحكومة راهي شايفة وساكتة عندك حق اخي فتحي بصح راك تشوف التسول راه كاثر وانت علبالك بلي الحكومة راهي عاجزة عن توفير العمل حتى للناس العاديين

rossi_sami a dit : استاذي اين الحب ممكن تعليقك ؟؟

اين الحب...؟ a dit : ممكن..!!
هو تقريبا الجو عندكم فى الجزائر مماثل لما موجود فى مصر
وانا ارى انا السبب فى انتشار ظاهرة التسول هو موزع على جزء على الحكومات وجزء على الشعب واذا عرف السبب كان من السهل معرفة العلاج

a dit : bilal_bnbn a dit : بصح شعب واش يقدر يدير كما قالها الراحل هواري بومدين سالو الشعب قلو الشعب راهو عوج في خدمتو

ميدو a dit : لازم نبداو في الحلول لا زم تكون هناك حملة ضد التسول

اين الحب...؟ a dit : لا نقدر نحن ان نفعل بها شئ مثل توفير عمل توفير دخل ثابت قادرعلى كفالة الفرد

*** rossi_sami a invité متهم à cette discussion
***
ميدو a dit : هناك عضو جديد يا جماعة رحبو بالمتهم

minomino_gc a dit : مرحبا بك اخي موسى

karimbabia a dit : اهلا بيه

rossi_sami a dit : مرحبا بيك أخي متهم

bilal_bnbn a dit : مرحب بك

minomino_gc a dit : اهلا

rossi_sami a dit : يعني أخي الدولة تتكفل بهم كامل ؟؟ مستحيل
fethi.dz a dit : علاش الدولة موجودة : حتى تخدم مصالح الشعب قبل مصلحة نفسها

karimbabia a dit : نعم

rossi_sami a dit : يعني فتحي تبان بزاف لالا ؟؟

fethi.dz a dit : نرى فينا نحنا انهم يخدمو انفسهم و يهملون الشعب
يزينون لنا و يرسمون لنا بالالوان لننتخبهم من ثم يخدعوننا

bilal_bnbn a dit : ايه هدي حاجة باينة واش تزيدو

اين الحب...؟ a dit : فى جزء قائم على الدولة والحكومات وهو توفير عمل ودخل ثابت للفرد قادر على كفالة الاسرة بمستوى متوسط من المعيشة ........وفى جزء على الشعوب.............................وهو اراه فى الرجوع الى منهج الله تبارك وتعالى واتباع سنة النبى .............ولو توفر هذا ما فاض من الاغنياء كفيل ان يوفر معيشة طيبة للفقراء

ميدو a dit : كلامك من ذهب يا أخي

minomino_gc a dit : اخي اعطينا وجهة نظرك اتجاه ظاهرة التسول

rossi_sami a dit : بارك الله فيك استاذ على الكلام

rossi_sami a dit : ممكن أرائكم في الشبكات التي تستخدم المتولين في اطار منظم ؟؟
bilal_bnbn a dit : التسول في الدول العربية

ميدو a dit : علاش ما نقوموش بحملة

ميدو a dit : حملة ضد التسول

bilal_bnbn a dit : شكون يقوم بيه

rossi_sami a dit : كيفاه ميدو

karimbabia a dit : منضنهاش تصلح هذي الحملة

ميدو a dit : في المنتدى كله

ميدو a dit : كاين اللي مامبا ماراهش عاطي أمر التسول أهمية حاسبه زعاقة

rossi_sami a dit : أخواني نصل الى نهاية موضوع اليوم ممكن كلمة ختام من كل عضو نبداوا بأستاذنا أين الحب

rossi_sami a dit : الكلمة لك استاذ

ميدو a dit : يا جماعة الروسي راه يتكلم

اين الحب...؟ a dit : نعم

انا ارى انا القضاء على التسول لا يكون بحملة او شعارات انما بالفعل ممكن يكون اولا بانشاء جمعيات كفالة وتنظيم توزيع التبرعات يعنى انا ارى ان لا نعطى المتسولين اى شئ بل للقضاء عليهم يجب توجيههم الى جمعيات معينه تقوم بالكفالة

ميدو a dit : و أما السائل فلا تنهر

@اين الحب...؟ a dit : هذا ليس نهر انما قضاء على ظاهرة بدئت تصبح عمل او وظيفة لفئة معينه من الناس

rossi_sami a dit : يعطيك العافية استاذ

rossi_sami a dit : بلال كلمة أخيرة

bilal_bnbn a dit : على التسول

rossi_sami a dit : نعم

bilal_bnbn a dit : لازم نحاولو نطبقو الشيء لي كنا نهدرو فيه و لازم نلقاو دعم من طرف الدولة و جميع المواطنين

rossi_sami a dit : فتحي أخي ممكن كلمة أخيرة

fethi.dz a dit : و الله ما قصر الاخ

ليس علينا بطرح شعرات و عقد ندوات و كتابتة الجرائد و النصوص
مللنا من كتر القيل علينا تطبق ما نقول على ارض الواقع
علينا منع هذه الظاهر بمنع انفسنا نحن بإعطاء هؤلاء الفئة ما يطلبنه
على الدولة اقامة جمعيات كفالة مثل هنا في قطر توجد جمعيات تجمع التبرعات من المواطنين
و هذه التبرعات تتم توزيعها لكل محتاج و لما اقول محتاج يتم فرزهم يعني هناك اوراق قنونية فليس من هب و دب تعطى له هذه المساعدات

متهم a dit : دول مكانش

rossi_sami a dit : مشكور فتحي أخي بارك الله فيك

rossi_sami a dit : كريمو خويا

karimbabia a dit : منضنش الدولة تساعد المتسولين ماهيش مدايرتلهم قيمة ولا راني غالط ؟

ميدو a dit : المشكل اللي عندنا يا فتحي حتى بوجود الجمعيات راح تبقى هده الظاهرة كمهنة لكسب المال بطريقة سهلة أولا و بكميات معقولة في أقصر وقت

fethi.dz a dit : لاني ارى في معظم الاحيان او كثرا من المتسولين يمثلون العجز و الفقر فقط من اجر كسب المزيد من العيش
و هذه الظاهرة موجودة في كثير من الدول
اخي لن يكون هناك كسب سهل لو يكون هناك منظومة منظمة تدير هذه الجمعيات
كل محتاج سيقدم اورقه
من يعمل راح يكون مسجل في الدولة انه يعمل و ليس بطال
يعني المساعدات تدهب للذين لا يعملون

ميدو a dit : كلامك من دهب أخي فتحي

karimbabia a dit : صح

rossi_sami a dit : بلال أخي كلمة أخيرة

bilal_bnbn a dit : نعم

اين الحب...؟ a dit : كلمة اخير انا مع عدم اعطاء المتسول اى مال او اى مساعدة مادية انما يجب المساعدة تكون بالتوجية 1111 للجمعيات الخيرية اذا كان غير قادر على العمل واكتساب الرزق 2222 لجهات ممكن ان توفر عمل شريف اذا كان قادر على العمل .................................................................وبهذا وعد
وعدم اعطائهم اموال سنقدر ان نقضى على ظاهرة التسول

bilal_bnbn a dit :و الله معندي منزيد نقول لي قالوه اعضاء
يعني ميكون مبقا والو و شكر للاستاذ الكريم

rossi_sami a dit : مشكور بلال و أستاذنا الكريم

rossi_sami a dit : مينو كلمة أخيرة

minomino_gc a dit : والله انا نقول التسول ظاهرة سيئة وارجوا من الحكومة ان تجد الحلول المناسبة ولو اني غير متفائل لانها تحتاج الى مصباح علاء الدين لتقضي على هذه الظاهرة

متهم a dit : يعطيك الصح يامينومينو

minomino_gc a dit : والله امنيتي نوض الصباح ونخرج من الدار ومنلقاش طلاب يستنى فيا يلصق فيا ربي يسترك ويحفظك وووووو
المهم اشكر الجميع على التواصل معنا

rossi_sami a dit : مشكور مينو خويا
متهم ممكن كلمة أخيرة ؟؟؟

minomino_gc a dit : شكرا اخي سمسوم

rossi_sami a dit : العفو مينو

karimbabia a dit : لازم الدولة تنشأ جمعيات الي تساعد هذو السولة بلاك نشوفو هذي الضاهرة تنقص شوية

fethi.dz a dit : شكرا لكم جميعا

متهم a dit : برك الله فيكم على تواصلكم

minomino_gc a dit : الماتش راه قريب يا المصري زقات عليكم

karimbabia a dit : مزال بعيد

اين الحب...؟ a dit : شكرا لكم جميعا

minomino_gc a dit : شكر اخي كريم وقاع اللي حاضرين معانا

karimbabia a dit : العفو

minomino_gc a dit : rossi_sami a dit : ميدو كلمة

ميدو a dit : أي كلمة يا الروسي

rossi_sami a dit : كلمة أخيرة

ميدو a dit : و الله غير كلام الجماعة وافي و كافي يعطيهم الصحة حنا الأمل الوحيد تكون الحلول مطبقة على أرض الواقع من طرف الحكومة

rossi_sami a dit : يعطيك الصحة

rossi_sami a dit : كريمو كلمة أخيرة

karimbabia a dit : لازم الدولة تنشأ جمعيات الي تساعد هذو بلاك نشوفو هذي الضاهرة تنقص شويةالسولة و معدني مانقول ملي قلتوه يعطيكم الصحة يا جماعة

rossi_sami a dit : مشكورين كامل

karimbabia a dit : الله يسلمك
rossi_sami a dit : الموضوع راح يطرح في منتدى اللمة الجزائرية
المنتدى العام
راح تطرح فيه محادثاتكم

ميدو a dit : و الله مشكورين على حسن الإصغاء و الماتابعة أأأأأأ اعني الكتابة و القراءة بتمعن

rossi_sami a dit : نلتقي الخميس المقبل في نفيس التوقيت
على 8:00 مع موضوع جديد

karimbabia a dit : ان شاء الله

ميدو a dit : أن شاء الله

متهم a dit : انشاء الله

bilal_bnbn a dit : انشاء الله

rossi_sami a dit : وأشكركم لتلبية الدعوى السلام عليكم و رحمة الله

ميدو a dit : روسي انت من أين ؟؟

rossi_sami a dit : اسمي سمسوم الحزين من بريكة

karimbabia a dit : انا كريم من العلمة اسمي في اللمة karim007

minomino_gc a dit : انا Mr Mino من بريكة

ميدو a dit : أحمد ولد الجزائر من غليزان

متهم a dit : سيدي عيسى 28 moussa_ess

ميدو a dit : جماعة مشكورين قاع

fethi.dz a dit : شكرا للجميع :: في امان الله

ميدو a dit : السلام عليكم

minomino_gc a dit : باي

bilal_bnbn a dit : و بون وي

karimbabia a dit : السلام عليكم

متهم a dit : سلام

rossi_sami a dit : سلام​

 

[سمسوم]

انتهت حصة هاذا الأسبوع في الأسبوع القادم

الى اللقاء

​

 

[سمسوم]

 

[dahmene4algeria]

السلام عليكم ورحمة الله وبركاته
ماشاء الله عليكم حصة في المستوى ...وبالفعل مجهود كبير مبذول من أجل هاذا الموضوع ...ويستحقّ كلّ الشكر والثناء
وربيّ يعاونكم

 

[سمسوم]

السلام عليكم ورحمة الله وبركاته
ماشاء الله عليكم حصة في المستوى ...وبالفعل مجهود كبير مبذول من أجل هاذا الموضوع ...ويستحقّ كلّ الشكر والثناء
وربيّ يعاونكم

مرسي خويا ربي يحفظك

يعطيك الصحة على المرور المشجع

​

 

[الساجدة لله وحده]

ماشااء الله........ابدعتم في الموضوع....
....والاروع انكم قمتم بمعالجة قضية راها غير تزيد وتزيد في بلادنا..التسول.رجع حرفة والنااس غسلت وجوه الحشمة والحيااء بالبارد..
...بااارك الله فيكم......ونحن في انتظاار الجديد.....بالتوفيق
......

 

[سمسوم]

ماشااء الله........ابدعتم في الموضوع....
....والاروع انكم قمتم بمعالجة قضية راها غير تزيد وتزيد في بلادنا..التسول.رجع حرفة والنااس غسلت وجوه الحشمة والحيااء بالبارد..
...بااارك الله فيكم......ونحن في انتظاار الجديد.....بالتوفيق
......

مشكورة دندونة أختي على مرورك

يعطيك الصحة على ردك

و الله هكدا حبيت الردود

انكم تناقشونا في الظاهرة

و ليس الشكر فقط

يعطيك الحصة أختي

​

 

[safa rym]

أولا بارك الله فيكم على الابداع في مناقشة هذه القضية... التي أضحت منتشرة كثيرة في وقتنا هذا...
أصبحت حرفة الكثيرين ليست لسد الرمق بل لاستعمالها لتوفير الكماليات...
شكرا لكم على الحصة ...ننتظر باقي ابداعاتكم..
تحياتي لجميع من ساهم في هدا العمل..​

 

[سمسوم]

أولا بارك الله فيكم على الابداع في مناقشة هذه القضية... التي أضحت منتشرة كثيرة في وقتنا هذا...
أصبحت حرفة الكثيرين ليست لسد الرمق بل لاستعمالها لتوفير الكماليات...
شكرا لكم على الحصة ...ننتظر باقي ابداعاتكم..
تحياتي لجميع من ساهم في هدا العمل..​

يعطيك الصحة أختى صفاء

شكرا على مرورك

​

 

[karim007]

ماشاء الله اخي سمسوم موضوع منضم و رائع و الله تقول دارو صحفي
نتلاقاو الخميس الجاية ان شاء الله

 

[سمسوم]

ماشاء الله اخي سمسوم موضوع منضم و رائع و الله تقول دارو صحفي
نتلاقاو الخميس الجاية ان شاء الله

مرسي كريمو خويا

هذا بفضل نقاشكم الجاد أنتم

يعطيكم الصحة لضيوفنا كامل

مرسي كريمو
​

 

[سمسوم]

جاكم الموضوع طويل بزاف ؟؟

ياااااااا و نقلكم و الله نباتوا نحكوا ما تفراش

القلب مدود يا الخاوة شا ديروا

​

 

[سمسوم]

معليش المهم عدد المشاركات

​

 

[سمسوم]

مشكور يا عبقري

مرور و لا اروع

مرسي ميرو خويا

​

 

[سمسوم]

يعطيك الصحة على مجهوداتك​

مشكور يا عبقري

مرور و لا اروع

مرسي ميرو خويا

​

 

[bnbnbilal]

شكراااااااااااا

 

[سمسوم]

شكراااااااااااا

العفو بلبل
​

 

[iam-13]

ماشااء الله........ابدعتم في الموضوع....
....والاروع انكم قمتم بمعالجة قضية راها غير تزيد وتزيد في بلادنا..التسول.رجع حرفة والنااس غسلت وجوه الحشمة والحيااء بالبارد..
...بااارك الله فيكم......ونحن في انتظاار الجديد.....بالتوفيق
...... :thumbup::thumbup::thumbup:

 

[سمسوم]

ماشااء الله........ابدعتم في الموضوع....
....والاروع انكم قمتم بمعالجة قضية راها غير تزيد وتزيد في بلادنا..التسول.رجع حرفة والنااس غسلت وجوه الحشمة والحيااء بالبارد..
...بااارك الله فيكم......ونحن في انتظاار الجديد.....بالتوفيق
...... :thumbup::thumbup::thumbup:

معليش يا الفحل بلاك تزيد تنقل الردود

هنا في اللمة نسمحوا بنقل المواضيع فقط

يعطيك الصحة

​