ماذا ستطبخين اليوم سيدتي الجزء الســـ6ــادس

[nada242008]

عداااااااااااااااااااااااااب \ اممممممممممممممم ​

الله يسلمكم يا بنات
صفصوفة شوفي المقادير
3 كيلات سميد
3/4 كيلة زبدة ولا سمن و 1/4 كيلة زيت
رشة ملح
تبسيه مليح ومن بعد تبلي بالما بلا ماتعجنيه لميه برك وخليه يرتاح
الحشو
غرس منقي ومرحي وشوية جلجلانية محمصة و م ك زيت تعجنيه مليح وتحليه على شكل قرصة فوق بلاستيك غذائي
وجوز مدشش // مرحي خشين

الطريقة
تقسمي العجينة الى قسمين
تحلي النصف الاول فوق بلاستيك وتحطي فوقو قرصة الغرس وطبقة من الجوز اختياري
وتزيدي تحلي النصف الثاني من العجينة فوق بلاستيك وتحطيه فوق الجوز
تعقبي عليها الحلال ولازم الحبات كامل يكون فيهم الغرس
تقطعيها مقروضات وتطيبيها في الطاجين
انا طيبتو فوق الالة الكهربائية تاع الخبز العربي
وقلبيه على الجهتين وبالصحة والهنا :sheer:

 

[oumniati]

براج بالجوز مممم فنانة يا زكزوكة
هذي عليها بوسة وتقييم:showoff:

 

[M!ss D!or]

الله يعطيك الصحة عفوفة ربي يسلك وحلك ان شاء الله
درك نسجلها عندي باش ماننساش \الله غالب مخي مثقوب\
البراج نساوني باش نقلكم صحا غداكم
بصحتكم كاااامل واش طيبتو
حنا فلفل مقلي و فريت وسلاطة​

 

[M!ss D!or]

ديرولنا الجزء السابع من فضلكن باش تسهل عملية التصفح​

 

[imane27]

اممممممممممم ندى حنا نقولها متقبة بتمر
واش راكي صافو

 

[ibtesem]

45 (20 عضو و 25 ضيف) ‏ibtesem, ‏arsalane, ‏لڪْبريآئيْ روْآيہَ, ‏ام مراس, ‏ام ابتسام, ‏ام ايناس, ‏ام تقوى, ‏امة الرحمن, ‏بلادي نبغيك, ‏حكيك, ‏kikyo2, ‏lina07, ‏nada242008, ‏NaNouS, ‏nassima88, ‏شذى الزهور, ‏rima29, ‏safinaz, ‏عاشقة الوردة, ‏فايزة1207 مرحبا بالدي انضم الان لينا :sheer::sheer:

 

[nada242008]

الله يسلمكم ايمان وامنياتي وبوسة كبيرة لزكزوك :sheer:

 

[M!ss D!or]

اممممممممممم ندى حنا نقولها متقبة بتمر
واش راكي صافو

الحمد الله عزيزتي واش راهي البنوتة كبرت ولا مازلت تشرب في الحليب ​

 

[ام ابتسام]

تسلم ايدك حبيبتي ام كوثر فقط ربي يخليك اعطيني وصفة الطورنوا تاعك عجبني بزاف

 

[momoude]

سلام لبنات بصحتكم واش طيبتو كامل والله يا لمبرجة يا عفاف بصحتك

 

[لؤلؤة القلب]

بصحتكم كامل
احنا اليوم طيبنا كسكسي بالخضرة