ماذا ستطبخين اليوم سيدتي الجزء 7

[أم انس عبد الله]

السلام عليكم ورحمة الله وبركاته
بارك الله فيك اختى حكيك جزاكي الله خيرا
+++++++++++
ياخاوتى الساع بسومة شهاتنى في لي كالدى
نضت درتهم وحصلت في العجينة
لانو فلوسة ماراهيش كاتبة ادا ندلكهم او نلم العجينة ونخليها
ربي يستركم قولولى​

 

[ام منصف]

راني جيت
توحشتكم كل وحدة باسمها
صحى غداواتكم
وللصائمات ربي يقبل
راني نشوف بلي بعد الموضة نتاع المادلان جات موضة لي كالدي عندي مدة وانا حابة نجربهم بصح ذرحت بصح نظن بلي درتولي الكوراج مع الصيام هذا ما يليق
روز الرابط اللي تحوسي عليه

https://www.4algeria.com/forum/t/308818

​

 

[أم انس عبد الله]

على هاديك راني نسقسي ياختى
لانو احنا مش ساكنين في البلاذ والدعوة هاديك :shay:الحمد لله
يما راهي اتقول قاطو ونفصللهم والله اعلم

وعليكم السلام هاجر حنا عوايدنا نرجعولهم نوة حلوة تكون فيها انواع على حسب مقدورك احسن شيئ متقدريش تردلهم لحم على خاطر هما جابو لحم وناس العاصمة طبعهم شين:cra_zy: شوية

 

[l'algeroise]

لبنات تعيشو راني حابة ندير للعيد الشاراك لمسكر و حاباتو يجي شكلو هكدا قولولي كيفاش الطريقة​

 

[oumniati]

السلام عليكم ورحمة الله وبركاته
ماشاء الله طيابات يشهيو، راهي حملة ليكالدي، ضرك نجربهم ان شاء الله
فرحتينا اختي حكيك بمشاركتك ربي يدومها

اليوم راني خارجة، قلت نخير شيف في ورطة ونروح، يخي الطياب فيها فيها ماعرفتش علاه الاعتذار:sad:

المتورطة اليوم للفطور هي صاحبة وصفة لي كالدي
حبيبتنا فلوسة:sheer:

 

[ام ابتسام]

حبيباتي بصحتكم واش طيبتوا كامل

الي صايم يتقبل الله صيامه ادعولنا معاكم ماتنسوناش

واما الطيبات تعكم راني من نشوفهم نجوع اكثر فاكثر تسلم ايديكم وربي يوضع البراكة
انا راح نعمل الكروكي يحبه زوجي والصابلي للبنات

انا اليوم عملت عدس للفطور لان الحال بارد والعشاء باذن الله شربة وكسرة رخسيس

 

[حاملـة المسك]

صحيتو البنات
راني وليت شريت بعض المستلزمات
طابع الخلية مصبتوش قالولي وريهولنا باش نجبوه
طابع السيلكون ديال نفين صبتو خبطة بـ100 الف :blink:و ليت شريت واحد عادي
شكرا لك حكيك تقريبا يشبه لديالك بصح فيه 4 مقاييس
روز بعد ما خلصو الدريهمات شت لمول ديال الموسكوتشو قلت و الله لا نسقسيه لا عندو كيفهم
و صغار تعرفي في دقيقتو جبدهملي الوحدة بالفين قلتلو العام الجاي :laugh: تفرت
دكا نروح للمقروط ربي يوفقني و يوفقكم

نانوس وليت ما نودش بكري :tongue_1:
ليك نانوسة:ax_flw:​

 

[nada242008]

بصحتكم واش طيبتوا يالفحلات
انا درت كوكا للغدا لحقت غير على حبات صورتهم
وبقاتلي من عجينة البقلاوة درتها دزيريات

 

[أم انس عبد الله]

اممممممممممممممــ الكوكا اتشهي يعطيك الصحة ام ندى
والدزيريات ماشاء الله
+++++++++++
بصحتك العدس ام ابتسام​

 

[cherine]

يعطيك الصحة ندى والله جاوك يهبلو
وام ابتسام بصحتك اللونتي حنونة
​

 

[cherine]

لي تبغي تونسني وتشرب معايا لتاي
والله ماقدرت نصووم اليووم لبناات البارح درت الكوراج ومين ادن المغرب دروك غاضتني عمري :sadwalk:
صح فطووور الصايمات وربي يتقبل منكم
آمين يارب ​

 

[روز]

امممممممممممم ام ندوش روووعة هاذيك الدزيريات والكوكا الله يبارك متقونة تاع الصح تشهييييييييي وقيلة نخدم الدزيريات في العيد
ام منصف تعيشي على الرابط يعطيك الصحة
مازلت نخمم وش نعمل عشا

 

[merieme hassi]

السلا م عليكم
تبارك الله عليكم
بصحتكم كامل كل واحدة باسمها
اليوم جربت قاطو ام كوثر و خرجلي روووعة ننصحكم تجربوه للعيد
https://www.4algeria.com/vb/showthread.php?p=3814341#post3814341

شيرين حنونة مخرجتليش الصورة للاسف ربي يهنيك

 

[narjes81]

بصحتكم واش طيبتوا يالفحلات
انا درت كوكا للغدا لحقت غير على حبات صورتهم
وبقاتلي من عجينة البقلاوة درتها دزيريات

والله يا اختي ام ندي حبيت نقولك حاجة في خاطري

تعجبيني بزاف شيك بزاف طريقة التصوير الاطباق تقولي فنانة الله يبارك ربي يرزقك ماراكي متمنية ان شاء الله

 

[imane27]

على هاديك راني نسقسي ياختى
لانو احنا مش ساكنين في البلاذ والدعوة هاديك :shay:الحمد لله
يما راهي اتقول قاطو ونفصللهم والله اعلم

هاجر هدا مكان شوية قاتو ولا حبتي طرف قماش لعجوزة مرتديش برك لحم ماشي مليح
والله يوفقك:sheer:

 

[imane27]

لبنات تعيشو راني حابة ندير للعيد الشاراك لمسكر و حاباتو يجي شكلو هكدا قولولي كيفاش الطريقة​

الجرواز مفهمتش واش حبتي لبات ولا شكلو وهوا مسكر

 

[nada242008]

الله يسلمكم شرين والسلفية الصغيرة
شرين سنية تشهي صبي كاس تاي :shay:
روز هذي الكلمة لي كنت نسنى فيها ههههه قلت نخدمو لعجوزتي كي تجي من الحج ان شاء الله
اول مرة نديرهم وعجبوني جاو مقرمشين ومعسلين ..... // راكي تسمعي يا اعتدال i-o:
--
نرجس اختي الله يشفي بنتك . ويحفظهالك ان شاء الله
. هههه ديت الخبرة برك راني قريب 3 سنين وانا نصور

 

[أم انس عبد الله]

بصحتك اختى انا نجي نونسك ادا حبيتى :shay::shay:
الله غالب اصبحت صايمة نكمل زعمى جا بابا قالى جيبيلى كاس قهوة كي سكرتلو ذقتها ادا حلوة او مرة :scared:حتى عشيت فاطرة راني حابة ناكل روحى :tears::tears:​

لي تبغي تونسني وتشرب معايا لتاي
والله ماقدرت نصووم اليووم لبناات البارح درت الكوراج ومين ادن المغرب دروك غاضتني عمري :sadwalk:
صح فطووور الصايمات وربي يتقبل منكم

آمين يارب ​

 

[أم انس عبد الله]

ان شاء الله اختى ايمان:shay:
ربي يسترك :ax_flw:​

هاجر هدا مكان شوية قاتو ولا حبتي طرف قماش لعجوزة مرتديش برك لحم ماشي مليح
والله يوفقك:sheer:

 

[imane27]

ندى بصحتك الكوكا رانا نتنافسو عليها نهار عليك ونهار عليا الله غالب كل ما نشوفها منقدرش نخليها فى قلبي ولا دزريات جاو تحفة يعطيك الصحة
شرين راني جاية نشرب تاي حلي الباب
مريم حاسي بصحتك قاتو