ماذا ستطبخين اليوم سيدتي الجزء 7

[M!ss D!or]

اهلا بسووومة واش راكي حبيبتي ان الحمد الله السواال علييك هاد ليامات راكي تباني شوية مشووكية من خبر ....
المهم ربي يهدي :glare:
يعطيك الصحة عزيزتي دوك نوض نديرها الف شكر
و بصحتك هاديك اللوبية و التليتلي يشهيووو ربي يحفضك غاليتي​

 

[ibtesem]

بصحة والهنا صافو

 

[Djazaire-El-Ghalia]

ابتسام ابعثيلي عنوان الإيمايل ديالك تع الياهو راني بعثلك بزاف إيمايلات في الهوتمايل و رجعولي هذا اليآت ماكنتش ندخل ونسيت باش نسجّل الخروج غيرما قريت رسالتك عذراً خروجي عن الموضوع

 

[nada242008]

مريم حاسي البراج جاك هايل المرة الجاية نقصيلو في السمك وطيبيه اكثر وطبعا تقدري تخبيه في المجمد.. بصحتكم
بسومة صار راكي متقلقة وتعاندي في ال menu هههههه بصحتك اللوبيا والتليتلي جاك روعة اممممم
صافو واش راكي :sheer:
ستيفيان بصحك البادمجال ويعطيك الصحة على الحلويات كون غير تقدري تحطيهملنا
--
انا درت سندويتشات الشورما بالخبز العربي .. كليتهم البرا ونقلت عليهم جاو روعة
ضرك نحطلكم الوصفة بالتفصيل

--

زوووووم طبعا :shay:

 

[dahbito]

السلام عليكم
يعطيكم الصحة كامل واش طيبتوا
انا اليوم صبحت غير مع البقلاوة هادا وين كملت دورك طيب ونوريهالكم ​

 

[faloussa]

سلام لبنات صحا غداكم كامل والصايمات ربي يتقبل ان شاء الله
اممممممممممممم يا ام ندى سندوتشات رووووووعة بصحتك اختى
البنات شوفو هذا الرابط تتطبيق للقريوش نجمة البحر طبقاتو اختى هي اول مشاركة ليها في المنتدى
​

https://www.4algeria.com/forum/t/316268

 

[ibtesem]

يا بننتي راعي شعوري
متقوليش لمرا صايمة تسخف راها 9 تاع الصباح واش اجيب المغرب ههههههههههههه
بصحتك انت والبيبي كاني انا لكليت امممممممممممممممم

 

[nada242008]

يا بننتي راعي شعوري
متقوليش لمرا صايمة تسخف راها 9 تاع الصباح واش اجيب المغرب ههههههههههههه
بصحتك انت والبيبي كاني انا لكليت امممممممممممممممم

هههههههههههههه مليحة هذي تاع راعي شعوري .. قتلتيني بالضحك
ربي يقبل ان شاء الله و يجازيك خير الجزاء انت والصايمات

--
فلوسة مرحبا باختكوجاري زيارة الموضوع
دهبيتو ربي يعاونك وماتنسايش تحطيلنا البقلاوة ههه قصدي الصور
روز وينها مابانتش
وفوفة ثاني عندي ايامات
وعفاف راهي ضاربة النح علينا :sad:

 

[ibtesem]

ابتسام ابعثيلي عنوان الإيمايل ديالك تع الياهو راني بعثلك بزاف إيمايلات في الهوتمايل و رجعولي هذا اليآت ماكنتش ندخل ونسيت باش نسجّل الخروج غيرما قريت رسالتك عذراً خروجي عن الموضوع

علم حول هههههههههههه
راني راسلتك يازينة :sheer:

 

[Setifienne]

يعطيك الصحة حبيبتي ندى على لسوندويتش ايشهو انجربهم ان شاء الله
فلوسة مرحبا باختك في لمتنا ويعطيها الصحة تطبيق ممتاز ان شاء الله انديرهم كي جي جدة من الحج ان شاء الله الوصفات حبيبتي ندى سهلين ادا عرفت نحط الصور نحطهم لان لباراي منعرفلهاش مليح
الوصفة الاولى مقروط الجلجلانية :
500غ زبدة دائبة 6ملاعق اكل سكر عادي كاس كوكاو مرحي كاس جلجلان محمص حب قشور الليمون والفرينة تنشفي بها ثم تخلبها تريح 5د وتعملي مقروطات وطيبيهم وهما سخان ترمديهم في السكر الناعم
الوصفة لقيتها في وحد المنتدى جربتها وجات روعة
الوصفة الثانية boules miellees aux raisins secs et grains de sesames
100غ زبدة 50غ سكر عادي 100غ زبيب 1 ملعقة صغيرة فاني قشور الليمون 1 بيض كاملة +1صفار 1 ملعقة صغيرة خميرة الحلوى 1 ملعقة كبيرة نشا 300غ فرينة تكربعيهم ثم ديريهم في البياض ليبق ورمديهم في الجلجلان او الكوكاو كيما انا درتهم طيبيهم في لي كيسات بعد النضج عسليهم
الوصفة الثالثة تشبه للكاستال
250غ زبدة +250غ سكر عادي +قشور الليمون +150غ كاوكاو مقلي و مرحي+250غ فرينة ثم خلطي
بشوي مع 3 بياض البيض كالثلج فرغي في البلاطو الصغير وطيبيها و في هدا الاثناء حضري القلاصاج 3صفار البيض +125غ سكر ناعم + عصير نصف حبة ليمون وطلعي بالباتور بعدما اطيب الحلوى و هي سخونة فرغي لقلاصاج وزيني بخطوط من الزيقزاق بملعقة صغيرة كاكاو وملعقة صغيرة حليب مخلطين مع بعض
و الوصفة الرابعة هي لحاملة المسك حلوة المروحة هاو الرابط
www.4algeria.com/vb/showthread.php?t=289290
ان شاء الله تكوني فهمتيني

 

[imane27]

سلام عليكم واش راكم
يعطيكم الصحة اطباكم تشهي
بصح انا دوخني غير السندويتش لوكان غير بعثتي هداك دوزيام فيداكس يوصل غير متخافيش بصحتك راه يشهي

 

[dahbito]

راهي وجدت البقلاوة



​

 

[ibtesem]

اه اه اه يادهبيتو جاتك روعة مشاء الله
سلمت يمناك حبيبتي
راح نعملها انا خليتها ليوم السبت ان شاء الله

 

[dahbito]

اه اه اه يادهبيتو جاتك روعة مشاء الله
سلمت يمناك حبيبتي
راح نعملها انا خليتها ليوم السبت ان شاء الله

الله يسلمك اختي بسومة
ان شاء الله

 

[ibtesem]

ام صلاح تقدري طيبي الخبز العربي في التيفال غير سخني مليح المقلة والخبز تكوني
خمرتيه لاني انا نطيبو في التفال
ان شاء الله تنجحي فيه

 

[كوثر الوهرانية]

مساء الخير يا اغلى حبايب
ان شاء الله راكم بخير
سؤالي على خوتاتنا الي غايبين ان شاء الله المانع خير
اختي ستيفيان اهلا بيك من جديد و يا رب يشفيك و يعافيك و بصحتك الحلويات يا الساجية
اسمهان راكي في لي زوندالوا ااااااااااااه بصحتك شوفت البحر كل يوم
لبنات سا نقولكم مخليتوا فيا والوا و انا راني جيعاااااانة
لبراج هايلين و اللوبيا و التليتلي ام و الشوندويتات روعة و البقلاوة ه يا ليل
الله يعطيكم الصحة و يزيدكم من خيراته
اليوم نهار شاااااق عيت من الخرجة و قديان الزنقة
الغداء كان سردينة و بطاطا سلاطة و العشاء راه ندير كوكا و منعرت شا نزيد

 

[ibtesem]

, ‏Djazaire-El-Ghalia+, راسلتك زوج رسائل انت وينك

 

[ibtesem]

بصحتك كوثر السردين امممممممممممممم واش رايحا تعملي كوكة امممممممممممم

 

[رآج ـية العفو]

السلآم عليكم ورحمة الله
يسعد مسـآئكم يالغآليآت بصحتكم وآش طيبتو
وسلآمنآ للغآيبآت
أنآ من الصبآح رآني وآقفة رآني غير وحدي درت مينآج وخملت البلآكآر
تآع القش وبآقي جيهة قشي خليتلهآ وقت سبيسيآل بآسكو رآهآ تشف
ههههههه ودرك خدمت قآطو وبآقي الترمآد تآعو وخدمت النوع الثآني
خدمت غير العجينة قلت نجي نطل عليكم ونرجع للعيجنة ننكملهآ بآش

في الليل نرمد ونتهنى i-o:
ستيفيآن مرحبآ بيك حبيبة هآذي غيبة يعطيك الصحة على القآطوآت
ووآش مشكلتك في الصور ممكن تقوليلنآ بلآك نعآونوك
حبيبتي مريومة بصحتك لبرآآج حتى أنآ نتمنى نتعلمهم ان شآء الله
أم ندوووش تحطهملي بالتفصيل​

صبا الخير كيراكم

ماتقولوليش مازلتوا راقدين غي اسماء
ولا راكم لاهيين مع المينااج ههه
انا خدمت 4 آنوأع المخبز والمخيدات والمشوك ونتاع اسماء نسيت اسمه
وراهي ماما تكمل فيهم
واش الغدا اليوم ولا مزال
​

هيه غير أنآ كنت ندور وحدي هههه :sadwalk:
يعطيكم الصحة نتي ومآمآك سلمي عليهآ
ونستنآو الصور

هههه الى الاعمال الشاقة :showoff:

ومآدآرت فينآ الأعمآل الشآقة اليوم هههه

صباح الخير عليكم يالبنات
نهاركم مبروك
اكثرو من الدعاء رانا في ايام مباركة
ربي يتقبل الصيامكم يارب
ندى ربي معاك في الميناج
مريم الله ابارك على البراج كون حمرتيه شوية زيادة تالي شكلو مليح تقدري تخبيه في المجمد
‏setifienne واش راكي ياختي ربي اشافيك يارب
‏nassima88,مرحبا اختي وعلاش متشاركيناش راكي اخت ام شيماء

: 28 (10 عضو و 18 ضيف) ‏ibtesem, ‏لڪْبريآئيْ روْآيہَ, ‏ندى الأيام, ‏ام تقوى, ‏ام صلاح, ‏nassima88, ‏رآج ـية العفو+, ‏setifienne, ‏smiliani1, ‏فايزة1207
مرحبا بالمتواجدات والضيوفنا الكيرام :sheer:

مرحبـآ بسووومة وآش رآكي اليوم حبيبة؟
ربي يتقبل صيآمك ودعيلنآ معآآآك​

صبااااح الفل على احلى ناس \اكيد ناس اللمة \

ان شاء الله راكم بخيير و عافية يعطيكم الصحة على طياباتكم كاااامل يشهييييو ​

حبيباتي شكون لي تعرف و صفة سلطة البادنجان هاديك لي تجي كيما purée

​

مرحبـآ صآآآفو توحشنآآآك حبيبة
تقصدي بآبآ غنوج

هدا واش عملت اول مبارح
لوبية حمرا

عشايا كان
تلتلي

بصحتكم غداوتكم لراكم فاطرين

ممممممم يعطيك الصحة

--
انا درت سندويتشات الشورما بالخبز العربي .. كليتهم البرا ونقلت عليهم جاو روعة
ضرك نحطلكم الوصفة بالتفصيل

--

زوووووم طبعا :shay:

وي وي حرآآآآم عليك
والله رووعة يعطيك الصحة ونستنآآآو الموضوع​

راهي وجدت البقلاوة






​

يعطيك الصحة حبيبتي ذهبيتو
جآآآتك هآآيلة بصحتكم​

 

[رآج ـية العفو]

جزاير غالية وينك هاذي غيبة توحشنآآآآك​