هل تقبلين؟

[سارة 196]

السلام عليكم
ادا قابلت شخص في حياتك وقال لك احبك وسوف اقوم بخطبتك
ومبعد يقولك بصح انا عندي مشكل هو اني نشرب الشراب عفانا الله واياكم
وقالك انا بلا ما نحس صبت روحي نشرب وكون تعاوني هدا الانسان راح تكسبي فيه تواب وزيد راح يعترفلك بالجميل مدى الحياة
احكالي قصة حياتو اللي بسبتها دخل في هدا المشكل
بابا وماما تطلقو وانا في عمري 8 شهور ومبعد بابا تزوج بواحدة ما قبلتنيش وكي ولا في عمري 18 سنة بابا حاوزني من الدار لقيت الشارع فاتح احضانو يستنى فيا ومبعد فما بدا يشرب ولا يخدم لاباس عليه دار الرزق وحدو وضروك عندو دارو عندو خدمتو واصبح عندو 29 سنة ولقا روحو مدمن على الشراب
وطلب منك المساعدة باه يحبس الشراب ويتزوج بيك خبروني شا تديري في هده الحالة من جيهة تتعاطفي معاه ولكن مشي معنتها اللي عندو مشكلة يروح يشرب
مادا بيا نعرف ارائكم ادا تقبلو ولا لالا وادا قبلتو كيفاه راح تتعاملو معاه
وكيفاه نساعدو هدا الشخص المدمن
ربي يستركم ما تبخلوش بارائكم

 

[مرام التيبازية]

سلام عليكم اختي شوفي حاولي معاه وغير بالشوية باه يحبس هاد السم تع الشراب،واذا كان انسان حده وحد روحه ودار تاويله المهم يكون قد قد علاه نورمال بالاك يتزوج ويتسقم ويخلي الشراب هدا على كل حال اختي شوفي واش يخرج عليك بصح يااختي متنسايش هادا مستقبلك ملازمش تضيعيه بيدك ورايحة اديري دار واولاد حذاري .حذراري .ثم حذاري..تحياتي..
اختك في الله امينة42.

 

[سوسو الشاوية]

ما نكذبش عليك هو ريسك كبير ممكن تنجحي نتي و ياه و ممكن لا و تخيلي حياتك مع سكير بصراحة جحيم
و راجل تكذبي على روحك لوكان تقولي نعرفلو العقلية راهو مور الزواج يتبدل 180 درجة و ربي يجيب الخير

 

[randa serine]

السلام عليكم
و صحا عيدك ختيتو
انا درك نقوللك راي انا نشوف ادا هدا الانسان تاع الصح راهو رايح يحبس الشراب و ما يوليش ليه
ممبعد ادا حبسو نشوف ادا هدا الانسان مليح راح نعيش معاه مرتاحة البال
ادا عاقل خدام قادر على تحمل المسؤولية و ما راحش يرجع للمشروب
تماك وعلاش لالا نقبل بيه مدام راهو حاب و ناوي الحلال
و الانسان تاني يستخير ربي.
​

 

[صابرينا85]

الاستخارة اهم شيء
لازم يحاول يبطلوقبل ما تخطوا اول خطوة لخاطر الزواج ماشي حاجة ساهلة والادمان ثاني ماشي ساهل

 

[سجاآآايا]

السلام عليكم
لن أقبــــل و لن أجـازف
مهما كانت أسبابه لا يجوز له الوقوع في الحرام
حاولي أن تبحثي على من يخاف الله فيك .. حتى و ان كان فقيرا دون عمل
أما عن مساعدته .. حاولي أن تنصحيه
و أن تدعي الله ليهديه
هذا رأيي
​

 

[كرامة]

من شبّ على شيء شاب عليه
تصوري بكرة بعد ما تتزوجو اجا على بالو يشرب وانت حاولت تمنعيه فكرك رح يمتنع ..
حيقاوم رغبته في الشرب عشانك ؟! .. مستحيل ولو قاومها مرة وتنتين ما رح يقدر يكمل بعدين
حتكون الخمرة هي الشيء الأساسي بحياتو وانت -وبالرغم من انك كنت منيحة معو - احمدي ربك تكوني شيء ثانوي بحياتو هادا ازا ما كنت ولاشي بالنسبة لالو
​

 

[TeNtOuNa]

اختي صراحة لا انصحك بالقبول فهو اولا ضحية طلاق وله طبعا مشاكل نفسية كثيرة ومتنوعة
كما انه يشرب وقد يكون يقوم باشياء اخرى لا تعرفينها
وبالتالي الله ليس راضيا عنه
فكيف ترضين ان يكون هذا ابا لاولادك في المستقبل
اختي يجب عليك الاختيار جيدا في قضية شريك الحياة فمن يعرف ربما بعد الزواج يكون قد خدعك وكل ذلك تمثيل وكذب وتخرجين من بيتك مطلقة
يجب ان يكون لديك بعد النظر ولا تاخذي الامور بعاطفتك بل بعقلك
​

 

[هاجر K]

بصراحة مستحيل نوافق وكيما قالت الاخت ريسك كبير
لانو الانسان اللي يشرب يكون بشخصيتين احيانا
انسان عادي وكي يحب يشرب ولا يشرب يولي
كي المجنون وباه تقولي نعاونو هادا شيء شبه
مستحيل لانو الادمان لازمو علاج في مصحة ماشي
دروس ومواعض كون انا في مكانك نتجنب
هاد الامر

 

[GI Joe]

il y a ceux qui boivent sans sesse et qui rentrent a 2 h du matin, il m empeche qu il y a ceux qui boivent qui sont aussi dependant mais des contités raisonable avec toute leur tete dans ce cas on peut les rendre dans le droit chemin

dans la vie ft prendre des risque, plus il sont grands plus c exitant j accepterai !!

 

[07 _H@yThm]

ختي اولا نحيك ع صراحتك
ثانيا هادي راهي حياة وعشره عمر
انا ننصحك تشوفي واحد خير منو خيرمن ضيعي حياتك مع واحد كل
يوم بمورال جديد ماتعرفيلوش طريق
وبالنسبه لحياتك ف الصغر ربي يكون في عونك واصبري
ربي يوفقك
​

 

[سارة 196]

شكرا لكم جميعا كل باسمه
والله ارائكم رغم تناقضها الا انها افرحتني وجعلتني تقريبا اتخد قرار نهائي
شكرا للجميع

 

[ماكانش]

أهلا بيك سارة
هذا مشكل واعر
المفيد إياك ثم إياك يغرك بالكلام ويلعبلك على راسك
واش صار عليك تتزوجي بمدمن خمر ؟؟؟ راح ينغصلك المعيشة تاعك
وبزاف قالو نحبسو الشراب ولكن ازوجو وحبسوه وقت ثم رجعو ليه لتفه الأسباب ...

 

[براءة مسروقة]

اكيد لازمو يروح لمصحة هادى اكثر حاجة تعاونيه بيها زيد الناس كى تلقى الاهتمام تحس بلى كاين ناس تحبها شجعيه يداوى ومبعد كى يستقر كل شي ديرو واش راكم حابيين فوتى سي معاه العلاج ماتعرفى بالاك ناس ملاح بصح ننصحك يداوى قبل ما تتزوجو تجنبا لامور اخرى هدا هو راي

 

[Łøst Fłôwęr]

بصراحة مستحيل نقبل على خاطر راهو غير يكذب على انو يحوس يحبس الشراب نعرف قداه من واحد قال هكا و لات هي قبلت وتزوجت بيه ماحبوسوش ورجع يضربها ومايخليلهاش انا من رايي ماتجازفيش يقولك
طبعي طبعي ولوكان يطير صبعي وممكن قصة باباه ومنا تكون غير كذبة باه انت يشفك وتقبلي بيه وهذا كي عاد ماعندوش الي يعاونو كيفاه لم الرزق تاعو؟؟ وكيفاه ماراحوش دراهمو على الشراب؟؟
حاجة ماتتصدقش
انا نقولك عليك بصلاة الاستخارة و توكلي على الله
​

 

[حنان18]

ايه نقبل نوعيه حتى يحبسوا و هو كي يلقا واحد واقف جنبوا يبدل و غير و يسقم روحوا و ان شاء الله يصبح رجل بأتم معنى الكلمة و يحبس هاد الشراب هو بلاك ستعملوا في وقت المشاكل مي كي كاين الخدمة و الدار و المرأة يتسقم و ان شاء الله.

 

[بلادي نبغيك]

ايه نقبل نوعيه حتى يحبسوا و هو كي يلقا واحد واقف جنبوا يبدل و غير و يسقم روحوا و ان شاء الله يصبح رجل بأتم معنى الكلمة و يحبس هاد الشراب هو بلاك ستعملوا في وقت المشاكل مي كي كاين الخدمة و الدار و المرأة يتسقم و ان شاء الله.

نفس الراي نعاونو ونقوف معاه علاش لا

 

[hamza42018]

ايه نقبل نوعيه حتى يحبسوا و هو كي يلقا واحد واقف جنبوا يبدل و غير و يسقم روحوا و ان شاء الله يصبح رجل بأتم معنى الكلمة و يحبس هاد الشراب هو بلاك ستعملوا في وقت المشاكل مي كي كاين الخدمة و الدار و المرأة يتسقم و ان شاء الله.

والله ليس الأمر هكذا بالضرورة ، وأنا بصراحة أتحفظ على رأيك يا أخت حنان ، لأن فيه مجازفة كبييييييييرة جدا ، فهؤلاء الأشخاص يجدون لذة كبييييرة في الخمر و لا يستبدلونه بكنوز الأرض ، قد يتغير لأيام و ممكن يرجع لعادته القديمة و بقوة أكبر
أنصح الأخت بالاستخارة و التريث الشديد قبل الاقدام على هذه الخطوة الهامة في حياتها

 

[سارة 196]

شكرااخوتي على ارائكم التي
تدل علىوعيكم وتفهمكم لي

 

[نجاة40]

مادام ذاقو مستحيل يخليه اختي
ما تريسكيش بروحك
​