نحيلهم يديهم وذرعيهم وماتنحيلهمش .......عندو الحق بافلوف

[ماكانش]

موضوع مشابه برك في الفكرة

راك زربت روحك برك
يونو التشابه فيه

بخصت بروحك​

اه نسيت صح
تشابه في الفكرة وفي القصة ثاني
مالا صاحبك مول الموضوع هذاك ؟؟؟ هههههه
معا لتطوير اللمة والقضاء على المواضيع الدخيلة والمنقولة والمزورة والمسروقة
معا لحصرنة اللمة
اشيخ حبيت نولي مراقب برك ههههههه​

 

[بلادي نبغيك]

أهلا بيك بلادي نبغيك
يعطيك الصحة نقصتي الهرج على روحك هههههه
ايه بصح لازم ترفدي حاجة في يدك ؟؟؟
مام ماعندكش الدراهم بصح رافدتها في يدك ؟؟؟​

اهلا بيك نرفد واه بصح بوشات صغيرة ندخلها قاع في يدي متبانش قاع ولا كنت خارجة برفاقة منرفد والو من الاخر كيما يقول المصري انا مشي كيما لبنات تاع دروك يقوليلي نتي عقلينك تاع بكري اي حاجة يديروها دروك انا عكسها

 

[ماكانش]

هدا الرد مانزيد عليه والو ..

شكرا لك

ربي يحفظك سوسن
يعطيك الصحة
عيينا نعلموهم هههه​

 

[***سوسن الجزائرية]

مكانش خدمتو غير يعس أبابابابابابابا بزاف عليك سفيان

 

[لاجودان شاف]

ههههههههه والله لا ضحكت شوية

وزدت تفكرت مرة خرجت انا وماما واختي لكبيرة
أنا وماما لابسين الصاك زهي نو جات تضحك شبعنا عليها
ضحك وماما تقولي ما تديريش السمير اي تتنشع والله يا خويا
كي شغل راجل ماشي يد القدام ويد اللورا هههه ضحكة تاع الصح
أنا صراحة ما نمشيش بلا صاك ديما بيه مي لوكان نخرج نقضي من
حانوت قريب ما نعبيهش معايا نديغير القفة والبوغطابل في الجيب والـpـوغت
موني هذا ماكان ... أما واش نحط في صاكي عندك pـغت موني نواغ وواحد آخر
غوج ... بوغطابلي لمليح ولاخر لمقرقب هههه ... pـاpـبيي موشواغ ... قرعة باغفان
كراريس وقت كنت نقرا مام نروح لبلاصة خلاف مش الجامعة نخلي الكراريس ودرك
كي كملت لقراية نحط خمار خلاف في الصاك باش يبان معبي من الداخل هههه ... ولمراية
تاعي مع الـpـوغت موني الداخل فيه وحدة ولا عندي وحدة في الـpـوغطابل تاعي ما نشقاش
نعبيها معايا ... هذي هي حكايتي مع الصاك ... آه ونسيت ساعات نحط صباط خلاف غيزاغف
ما تدريش يتخمج واحد نلبس لاخر مريضة بالصبابط وما نحملش صباط مغبّر يبانلي عيفة
ههه والله لا موضوعك باهي هيا مغسي وسلامو​

هههههه صح هي واعرة شوي الطفلة تمشي لبرا بلا ساك
تبان ماصو رايح لشونطي يخدم
+
واش معناها كي تبغيو تبينو بلي الصاك راهو معبي
يعني وش تستفادو
يقولو عندها الصوارد ....تعرف تعيش....عندها بزاف امور
مثقفة بزاف ...واعية
ديرهم في دنيتها ...جوكومبخون با:sad:
+
المه كثر خيرك وساليلنا على البوغتموني الغوج ولكحل
والبوطابل لميح والمقرقب​

++++++++++++

تقييم​

يعطييييييييييك الصحة وكثر خيرك
ونخلفوهالك في الفرح
:re_gards:
​

 

[لاجودان شاف]

اه نسيت صح

تشابه في الفكرة وفي القصة ثاني
مالا صاحبك مول الموضوع هذاك ؟؟؟ هههههه
معا لتطوير اللمة والقضاء على المواضيع الدخيلة والمنقولة والمزورة والمسروقة
معا لحصرنة اللمة

اشيخ حبيت نولي مراقب برك ههههههه​

ماوش صاحبي
راجع الموضوع مليح ماقلتش بلي صاحبي
وانا مانقلتش بالعكس موضوعي خلاف على هذا الموضوع
+
طلع النيفو شوي وبزايدك من هاذ لقوالب تاع الذر​

 

[ماكانش]

ههه انا نقلك متتخيلش احسن ههه​

نسموه بورتفاي ولا بورتموني ​

صراحة انا كي نخرج نقضي منديش معاي بورتفاي هه نحط دراهم في جيب تع سروالي ههههه

هههههه
آآآآآ مام الدراهم في الجيب تاع السروال ماتصلحش للبنات ههههههههههه
كيفاش زعما يقلك كاشما عندك ختي ألف؟؟؟
تلوحي يدك زعما في الجيب الثاني كاشما تلقايلو الألف هذي ولا شوي صرف ؟؟؟ ههههههه
​

هذا هوا الجواب تاع الصح جبتها تاع الصح
انا شخصيا مانتخيلش روحي نمشي بلا ساك تالمون لي ماوالفتش نمشي بلا بيه كون ينحيولي الساك كاpابل مانخرجش علاجالو نورمال على خاطرر بلا ساك مانعرفش نمشي ويروحلي الريتم تاع المشية و تتخلطلي نحس روحي راجل ماش مرا

أهلا ريم
ربي يحفظك ويخليك

ايه كيما قتلو انا :shiny:
نورمالمو حاجة باينة يفهموها ​

ههههههههه اهلا بيك سفيان

ههههههههه وش راح نقولك سفيان راك قنعتني صاي
آني نتخيل في جونفي لابسة ومليح وزينة ويديها يلعبو في الهوا
وتزرب في المشية وتنهج تقول عندهامرض لازم
هههههه والله ما هي عقليه
ولا انوشة خارجة من الجامعة وحاطة يديها وراها
وظهرها مقوس ههههه

هزو هزو لي ساك يا لبنات راني نقصر برك ههه​

هههههههههههههه
شت كيفاش يا الشيخ راك فهمتها هههههه
​

 

[لاجودان شاف]

ولهن فيه مآرب اخرى

يعطيك الصحة اخي ​

هههههههه
!!!!!!!!!!!!!!!!!!!!!!!!!!!!!par exemple
يعطيك الصحة
:re_gards:​

 

[ماكانش]

ماوش صاحبي

راجع الموضوع مليح ماقلتش بلي صاحبي
وانا مانقلتش بالعكس موضوعي خلاف على هذا الموضوع
+

طلع النيفو شوي وبزايدك من هاذ لقوالب تاع الذر​

أواه أنا قلت صاحبك مادام حكيتو في زوج حكاية هذيك ألي نسات الساك تاعها ؟؟؟
واش بيك يا الشيخ درتها وخنست ومن بعد تقلقت ؟؟؟
ههههههه
رانا نقصرو برك حاول منا وهاك تجيب الجديد وتجتهد لأجل تطليع مستوى اللمة ...
:shiny:​

 

[لاجودان شاف]

أواه أنا قلت صاحبك مادام حكيتو في زوج حكاية هذيك ألي نسات الساك تاعها ؟؟؟

واش بيك يا الشيخ درتها وخنست ومن بعد تقلقت ؟؟؟
ههههههه
رانا نقصرو برك حاول منا وهاك تجيب الجديد وتجتهد لأجل تطليع مستوى اللمة ...

:shiny:​

وين راك تشوف فيا خنست
+
نتقلق كي نشوف واحد لاعبها زعما كبير ويدير عفايس الذر
راك كبير احشم
:scared:​

 

[لاجودان شاف]

سلام عليكم

عيد سعيييييدة خويا كل عام انتي الف خير عافية يارب
موضوعك شباب اعجبتني بزااااااف هههههههههههه راو بغيت امر من هنا واعايد عليك
تعجبني تفكيرك خويا:re_gards:

بتوفيق​

وعليكم السلام ورحمة الله وبركاته
اهلا بيك خويا وصح عيدك نتا ثاني
هههههههه هيا مليح مادام عجبك موضوعي هات تقييم مالا هههههههه
خويا كثر خيرك وشكرا لك
:re_gards:​

 

[pixau_dz]

wallah tji tafham tdou5 m3a had cha3b mas7ou9

 

[ISMA.dz]

‏
حالياً الأعضاء النشيطين الذين يشاهدون هذا الموضوع : 12 (9 عضو و 3 ضيف)
‏ISMA.dz, ‏لاجودان شاف, ‏ماكانش, ‏المسلم حسني الجزائري, ‏dahbito, ‏بلادي نبغيك, ‏miss-imane, ‏سلفي والحمد لله, ‏RIM_ARCHI

ماشاء الله الصيكان دايرين حالة فيكم هههه​

 

[ماكانش]

وين راك تشوف فيا خنست

+
نتقلق كي نشوف واحد لاعبها زعما كبير ويدير عفايس الذر
راك كبير احشم

:scared:​

ههههههههههه

 

[لاجودان شاف]

يعطيك الصحة على الموضوع ،، مدام الطفلة ولات تلبس سروال وتدير الكاسكيطة ،، لازم تهز ساك باش انت تفرق بينها وبين الولد ..

تحياتي

ههههههه تسما ولا الساك باه يفرقو بين البنت والولد
هيا مليحة
لالا مالا ماتعبوش رواحكم
ذرك حنا نديرولكم لفرق
ذرك نربيو شعورنا ونلبسو قنادر النسا وخلاص
وتتهناو من لي ساك
يعطيك الصحة ختي
:re_gards:​

 

[dahbito]

السلام عليكم
انا من راي انو الصاك حاجة لازمة سورتو في الخرجة الله غالب والفناه
+
لازم يكون اسورتي مع اللبسة
+
انا نحط فيه غير الكراريس والريحة والبورطابل وخاطيني لي صاك الكبار
مرسي ع السوجي الباهي
+
تقييم
​

 

[لاجودان شاف]

ربي يخليك يا الشاف :re_gards:

امالا راني روطار نروح نجري على روحي قبل ماتديهالي الساندريلا قالك صاك تع 300الف _o:_o:

:schmoll:ههههههههه

سلامو خويا العزيز

ههههههههههه غير ازربي
هيا شرات ساك ب 300 الف وعشرالاف
نتي اشري ب 400 وعشرالاف
كشما تعجبي الامير ويفتح عليك ربي ههههههه
وديري الدار على روحك​

 

[لاجودان شاف]

شخصيا انا نعمر ساكي b1 doséباش كي يتعدى عليا واحد نخبطوا بيه

علابالكم يخي الرجالة نقصت شهامة
كي يشوفوا وحدة يتعدى عليها واحد بالهدرة يعجبهم الحال ويبداو يضحكوا
يالوكان تبات تعيط وتستغيث
والله هو سلاح فعال ومجرب

خاصة اذا كان ثقيل رصاصة​

ههههههههه مليحة هاذي
لاكان علاجال الدفاع عن النفس ساهلة وعلاه تعبي في روحك
هزي موس ولا ساطور ولي يقرب ليك ابعجيه وخلاص هههه
يعطيك الصحة
:re_gards:​

 

[إيمان قلب]

السلام عليكم
صح عيدك خويا لاجودان
والله موضوعك روووعة وقتلتني بالضحك سورتو تاع نص مراية
اولا انا قبل مانطلع للجاميعة كان عندي صاك واحد دايراتو للاعراس والاعراس بلاما نفصلو راكم تعرفو مستلزماتهم
اما دوك الله غالب نحتاجو واش فيه نبداو على بركة الله
bloc not للمحاضرات والتيديات "الحاجة الوحيدة المهمة ههه"
ستيلو
بابي مشوار
بورت موني
ديودورون
بارفان
اجوندا صغيرة
هاذ المستلزمات كي نكون رايحة نقرا والا كي نكون خارجة بعيد
اما كي نكون قضيان خفيف ولا زيارة قريبة بورتموني صغير فيه التليفون وشوية صوارد
والصاك كيما سبق وقالوا يبانلي حاجة اوبليجي تهزها الطفلة ماشي جاية تمشي
يديها فارغين وتشاير كي الراجل , وتاني مش كي تكون رايحة للاليمونتاسيو جارهم تهزو هههه
هيا يعطيك الصحة على الموضوع + تقييم

​

 

[بنـ MaPa ـت]

وعليكم السلآم

انا مانسيبورتيش السيكان الكبار نكرهم كي نديرهم نحس روحي آنورمال + مانقدرش نمشي آلاز

مي كي ندير البوشات لي الفوق نمشي فور قآع ندير السبتة ولا نرفدها هكداك ههه ساهلة وترفدلي الكالكي (كي ماعنديش بورطابل زعمة نخلع بيها برك :shay: هههه) ترفد البابيي مشوار والريحة...المرايات والماكياج والعفايس هادوك مانسيبورتيهمش عندي زين ناتورال هههه...

و الساك هادا راه فطري للمرأة ماتحسش بيه حتى تلقى روحها شارجاتو وحطاتو على كتفها.....وحاجة مليحة تخرج بيه خير من تخرج بلاش يد اللور ويد القدام

:shiny:

مرسي على الموضوع

تحياتي
​