10 سنوات تمر على فياضانات باب الواد ( اللهم ارحم جميع موتانا )

[Moha le sage]

السلام عليكم

حتى لا ننسى


مضى 10 سنوات على هذا التاريخ :

يوم السبت الاسود

10 -11 - 2001

باب الواد ..بوفريزي ...تريولي ... و مناطق عديدة اخرى

هو تاريخ أسود ... لكل العائلات الجزائرية

مصرع أكثر من 752 شخص ...

أكثر من 100 مفقود

أكثر من 500 عائلة منكوبة

أكثر من 60 عمارة سقطت و منازل اخرى ..

أكثر من 2.5 مليار دولار خسائر ...

كانت مجرد أمطار إبتدأت بالسقوط ...للتحول الى فيضانات هي الاعنف من نوعها في مدة 200 سنة

كانت ببساطة كارثة المت بالشعب الجزائري .... بمنطقة باب الواد خاصة ...

هته بعض الفيديواهات التي قد تخلد بعض هول الكارثة

أنصحكم أن تشاهدو كل المقاطع الى الاخر ... ربما قد تستطيعون محاكات ما عاشته العائلات ..انذاك ...

ووقع الصدمة لازال كبيرا الى يومنا هذا ... عند كل العاصميين ...



http://www.youtube.com/watch?v=mlrAL-_jm9c


http://www.youtube.com/watch?v=vOiAIJkGrpM

http://www.youtube.com/watch?v=ezSSP266oQE

http://www.youtube.com/watch?v=8kF7AdRSMi0

http://www.dailymotion.com/video/xa0y6f_inondations-de-bab-el-oued-10112001_tech


*****************

http://www.youtube.com/watch?v=e7OUB4Jtx4E

*********************
http://www.youtube.com/watch?v=pE6vXdVpwM8&feature=related

*************

http://www.youtube.com/watch?v=aaWjHb1zDew&feature=related


******************





لا إله الا الله .. و ان الى الله و ان اليه راجعون

قدر الله و ما شاء فعل




​

 

[شجـ الروح ـون]

السلام عليكم ورحمة الله تعالى وبركاته.

.
.
فياضانات باب الواد
كارثة طبيعية مهدت لها ايد بشرية....
فيضانات باب الواد نتيجة حتمية غير مباشرة
للاوضاع الامنية المتردية التي كانت تسود البلاد
نتيجة للامبالاة والحلول السطحية الغير مدروسة
المنتهجة من قبل اولي الامر
فياضانات باب الواد.....نتيجة لسياسة" البريكولاج" المنتهجة.....
فياضانات باب الواد نتيجة سببها الاول هو ....الحل القاتل
"سد المجاري عام 1997 لالا تتخذها الجماعات الارهابية اوكارا....!!!!!!"
.
.
.
رغم مضي 10 سنوات الا ان الجرح لا زال ينزف
دموع الارامل لم تجف
حزن الابناء لم يندثر
قلوب الامهات احترقت من لوعة الفراق
سبت اســــود
اخذ مع غروب شمسه مئات الارواح
لتشرق شمس الاحد كاشفة
بشاعة الوضع ومدى الدمار
احياء باكملها ردمت
عمارات بطوابقها سويت بالارض
مركبات لا نفرق لها بين راس وعقب
والابشع جثث وجثث وجثث
اطفال نساء شباب شيوخ.....
قدر الله ماشاء فعل
ولا اعتراض على مشيئته سبحانه
فقط علنا نعتبر.........علنا نعتبر
رحم الله موتانا واسكنهم فسيح جناته
انا لله وانا اليه راجعون
هم السابقون ونحن اللاحقون
رحمك الله عمو خالد ....
.
.
شكرا مووووح
اسمى التحايا لروحك
​

 

[أمينة16]

اييييه على هداك النهار
شحال نكره نتفكرووو سبحان الله كان يوم اسود صح
يعني حتى قبل ما يصرا الفياضانات كان باين ....
منحبش نتفكروووو وعندي بزاف حباب كانوا ضحاياه
واخرين عاشوووه بتفاصيلووووو ويحكولنا ...
الله لا يعيد يوم مثلووو يارب
بارك الله فيك موح

​

 

[Moha le sage]

شكرا موووح
لي عودة
​

لا شكر على واجب ... وواجبي نوقف على ارواح الناس لي ماتت .... ربي يرحمها

مرحبا بيك في اي وقت

​

 

[Mafia-beo16]

فعلا كان يوم أسود
هذاك المشهد مازال بين عينيا عمري ماراح ننساه
كان السبت الأسود
ولكن مابقات غير الذكريات
ربي يرحم الموتى الي ماتو في هذاك الفيضان
شكرا لك موووووح​

 

[Moha le sage]

اييييه على هداك النهار
شحال نكره نتفكرووو سبحان الله كان يوم اسود صح
يعني حتى قبل ما يصرا الفياضانات كان باين ....
منحبش نتفكروووو وعندي بزاف حباب كانوا ضحاياه
واخرين عاشوووه بتفاصيلووووو ويحكولنا ...
الله لا يعيد يوم مثلووو يارب
بارك الله فيك موح

​

نهار اكحل يا امينة ...علينا كامل ...

صح كنت في سطيف بصح كان قلبي لثم مع لافامي ... و عشت مع العايلات وش عاشوه ..

القصص بزاف اللي توجع القلب ... قصص الطين اللي دا معاه ديار بزاف .. و اللي غطى احياء كاملة ..قصص الجثث اللي داتها الحملة ... في مايو و في بلايص خرين ...قصص الناس المخلوعة اللي ما قدرتش تعاون جيرانهم ..قصص من بينهم قصة محمد اللي ربط روحو بحبل و قال لصحابو انا نرمي روحي و نتوما اجبدوني كل مرة ... و سلك 7 من الناس غرقو و من بعد تقطع بيه الحبل و مات ... قصة الكميو هذاك اللي دخل في باطيمة و مات الشيفور هو و العايلة تاعو ....

قصة المشكل الرئيسي اللي هو مكانش قنوات الصرف تاع المياه ... و اللي كانت كاينة غلقوها على جال الارهاب باش ما يفوتوش داخلها ....

نشفى خرج السيدي تاع الحملة ذاك الوقت و قعدت نتفرج فيه ... و بقاو هذوك التصاور محفورين في ذاكرتي ....

ايه ربي يرحم كامل الموتى و يعطي الصبر لعايلاتهم .....

يعطيك الصحة و امينة ... كون تجيبك طريق لمايو حطي وردة نيابة مني لثم ترحما علي اللي ماتو ...
​

 

[Moha le sage]

فعلا كان يوم أسود
هذاك المشهد مازال بين عينيا عمري ماراح ننساه
كان السبت الأسود
ولكن مابقات غير الذكريات
ربي يرحم الموتى الي ماتو في هذاك الفيضان
شكرا لك موووووح​

شكرا ليك بسمة ....

و بعض الذكريات لازم نسترجعوها و نخبرو اللي ما عاشهاش بيها ... حتى و لو كانت مؤلمة و تحز في النفس

ربي يرحمهم ان شاء الله

يعطيك الصحة بسومة

​

 

[assinat]

الله يرحمهم و يرحم جميع موتى المسلمين ان شاء الله

 

[إحســاس بــراءة]

السلام عليكم
صح كان يوم صعيب عليهم و علينا احنا تاني لانو جميع الجزائريين تأثرو بواش صرا لخاوتهم
الله يرحمهم ويوسع عليهم
ومحمد خويا بغيت نضيف نقطة مهمة في الوقت هاذاك الحاجة الوحيدة اللي شفناها بكثرة وهي التضامن
الكبييييييييير بين الجميع وهاذا الشئ اللي يبقى في الذاكرة كذلك
يعطيك الصحة خويا
وربي يرحم جميع الموتى يارب
بارك الله فيك​

 

[randa serine]

rabi yarham jami3 li mato ya rab w yatghamadhoum b rahmatihi​

 

[la_safa]

السلآم عليكم و رحمة الله و بركآته

فعلآ كآن يوم ماكان حتى وآحد حب يعيشو
رغم البعد اننا حسينا باخوتنآ و كان لينا احباب و اقارب تضرو
و هذآ اليوم كان يوم اسود على الجزائريين الكل

ربي يرحم الموتى ان شاء الله

و الله لا يعيد يوم مثلوووو ان شاء الله

شــــــكرآ ليكـ خويآ مووح .. ْ~|
​

 

[مرام التيبازية]

سلام اخي بارك الله فيك على الموضوع+ربي يسترك..
ايه خويا ربي يرحمهم كامل ويبقى هداك اليوم في ذاكرة كل الجزائريين..
تحياتي الى صاحب الموضوع والى كل من مرة بالموضوع.
اختكم في الله -امينة42-..

 

[07 _H@yThm]

ربي يرحم جميع الموتى يارب
بارك الله فيك​

 

[redpearl]

إنا لله وإنا إليه راجعون
مازالنا نتذكر تلك الصور التي عايشناها عبر شاشة التلفاز حيث كان الخراب يعم المكان والعمارات تساقطت نهائيا
تلك الكارثة لم تكن بسبب الفيضانات فقط بل بسبب الأخطاء والإستهتار في طرق البناء
كانت كارثة وفضيحة راح ضحيات مئات الأبرياء

ولكن يبقى كما قلت قدر الله وما شاء فعل

بارك الله فيك

 

[Moha le sage]

كل الود لكم و الشكر على المرور ...

و تبقى الذكرى للاعتبار .. رغم المرارة ...


الله يرحمهم ان شاء الله و يجازي لي كانو السبب ..



​

 

[صفية الروح]

كارثة بمعنى الكلمة وصور تدمي القلب وذكرى لن ينساها كل جزائري
الله يرحمهم جميعا

​

 

[مابقاش بزاف.Dz]

وي يوم مازال في ذاكرتنا و يبقى للابد
ربي يرحم قع شهداء حومتنا القديمة الغالية باب الواد