حتى نتوما شفتو اللقطة هذي ولا غير أنا ؟؟؟

[ماكانش]

​

السلام عليكم ورحمة الله وبركاته
واش راكم خاوتي لاباس بخير الحمد لله
هذي لقطة كنت نشوفها غير من بعيد بصح الصباح هذا صرات قدامي
أيا كي العادة خرجت الصباح وفت على عيسى السوفي ألي يبيع التاي نجيب من عندو نص كاس كي العادة
أيا دخلت وبعدي يابعد دخلت طفلة أنا قاعد نشوف أيا دوموندات واحد تاي سربالها واحد في​

gوبلي أنا قاعد نتفرجن وقاعد برك نستنى فيها تهز شوي نعناع هههههه ولا تقلو زيدلي فيه شوي موز (مر) ههههه
حرت شوي
ماحيرنيش طفلة كيفاش تشرب التاي، بصح حيرني زعما ماقدرتش تصبر حتى توصل للدار وأطيب، ولا ماقدرتش تشريه في قرعة وتشربو في الدار ؟؟؟
ولا زعما عندها التاي مشقة وماتشربوش يضرها راسها ومانعرف واش ؟؟؟
خاصة أنها واقيلا كانت طالعة تقرا لليسي ولا مانعرف واش ...
يعني مموشة ماعندها لامشكل لازوج ههههه
وزعما كيفاش راح تشربو في الطريق ؟؟؟ تكوبي منو بالشوي ؟؟؟ ههههه
وبلاك راهم يدخلو للقهاوي ويهزو قهوة في جوتابل وأنا ألي مازال ماشفتهاش ؟؟؟
أيا قولولي نورمال الطفلة تهز معاها تاي ولا قهوة لبرا كي الراجل ؟؟؟
ونورمال تولي بالنسبة ليهم عادة ؟؟؟
إذا ماكانش ساهلة نحلولهم محشاشة تاع تاي خاصة بالنسا كيما في السودان ولا مانعرف وين ههههه ...


ملاحظة:
كنت نطيب التاي في الدار ، بصح لقيت روحي بلي مانعرفش نطيبو، ساعات يجيني مالح، ساعات يبان حلوة، ساعات برك يجي يشبه شوي للتاي ، وليت نشريه من برا وربي الساتر هههههه​

 

[ماكانش]

شكرا لقبول الموضوع

 

[محبة الورد]

سلام اخي سفيان
هههه والله انت كل مرة بعفسة تخرجنا
هي اولا نورمال الطفلة تشرب التاي ولكن كيما قلت اما تديه معاها في قرعة وتشرب في الليسي ولا الخدمة ولا ولا
لكن باه ترفد معاها قوبلي وفي نص الطريق تبدى تضرب كوبى اواه ماجاياش اصلا مي هادي تع طيب فالدار واذا ماكانش عندها الوقت كيما انا يما تخدم خطرات يضرها راسها تحب تشرب التاي تدي معاها قرعة وتعمر عند اللي يبيع مبعدة في الدار تشربوا ​

 

[βǻŋǾừŧά ₡ǖŦё]

هذي لاموض جديدة مازالي ماشفتهاش
مي سمعتها
حبيت نقلك حاجة درك احنا عدنا في كل شيء ممكن
انا صايي دوكا عرفت الجزائريين
قادرين يديرو اي حاجة عدت ما نتفاجاش
خلاص​

 

[ماكانش]

سلام اخي سفيان

هههه والله انت كل مرة بعفسة تخرجنا
هي اولا نورمال الطفلة تشرب التاي ولكن كيما قلت اما تديه معاها في قرعة وتشرب في الليسي ولا الخدمة ولا ولا

لكن باه ترفد معاها قوبلي وفي نص الطريق تبدى تضرب كوبى اواه ماجاياش اصلا مي هادي تع طيب فالدار واذا ماكانش عندها الوقت كيما انا يما تخدم خطرات يضرها راسها تحب تشرب التاي تدي معاها قرعة وتعمر عند اللي يبيع مبعدة في الدار تشربوا ​

اهلا محبة الورد
هههه
ايه كيما قلتي عادي الطفلة تشرب تاي بصح كيفاش تشربو
هل في الطريق وتضرب كوبات ؟؟ هههه زعما تجيب بيه طريقها ههههه
انا مافيهاش نتلاقا طفلة تشرب التاي لبرا نقلها ختي ماعليهش كوبا معاك حاشاك ؟؟؟ ههههه​

 

[ماكانش]

هذي لاموض جديدة مازالي ماشفتهاش

مي سمعتها
حبيت نقلك حاجة درك احنا عدنا في كل شيء ممكن
انا صايي دوكا عرفت الجزائريين
قادرين يديرو اي حاجة عدت ما نتفاجاش

خلاص​

أهلا شيومة
عيشي تشوفي هههه
كيما قلتي كلش ممكن في بلادنا
يعطيك الصحة​

 

[أسماء الغالية]

السلام عليكم ورحمة الله وبركاته
واش راكم خاوتي لاباس بخير الحمد لله
هذي لقطة كنت نشوفها غير من بعيد بصح الصباح هذا صرات قدامي
أيا كي العادة خرجت الصباح وفت على عيسى السوفي ألي يبيع التاي نجيب من عندو نص كاس كي العادة
أيا دخلت وبعدي يابعد دخلت طفلة أنا قاعد نشوف أيا دوموندات واحد تاي سربالها واحد في​

gوبلي أنا قاعد نتفرجن وقاعد برك نستنى فيها تهز شوي نعناع هههههه ولا تقلو زيدلي فيه شوي موز (مر) ههههه
حرت شوي
ماحيرنيش طفلة كيفاش تشرب التاي، بصح حيرني زعما ماقدرتش تصبر حتى توصل للدار وأطيب، ولا ماقدرتش تشريه في قرعة وتشربو في الدار ؟؟؟
ولا زعما عندها التاي مشقة وماتشربوش يضرها راسها ومانعرف واش ؟؟؟
خاصة أنها واقيلا كانت طالعة تقرا لليسي ولا مانعرف واش ...
يعني مموشة ماعندها لامشكل لازوج ههههه
وزعما كيفاش راح تشربو في الطريق ؟؟؟ تكوبي منو بالشوي ؟؟؟ ههههه
وبلاك راهم يدخلو للقهاوي ويهزو قهوة في جوتابل وأنا ألي مازال ماشفتهاش ؟؟؟
أيا قولولي نورمال الطفلة تهز معاها تاي ولا قهوة لبرا كي الراجل ؟؟؟
ونورمال تولي بالنسبة ليهم عادة ؟؟؟
إذا ماكانش ساهلة نحلولهم محشاشة تاع تاي خاصة بالنسا كيما في السودان ولا مانعرف وين ههههه ...


ملاحظة:
كنت نطيب التاي في الدار ، بصح لقيت روحي بلي مانعرفش نطيبو، ساعات يجيني مالح، ساعات يبان حلوة، ساعات برك يجي يشبه شوي للتاي ، وليت نشريه من برا وربي الساتر هههههه
ههههههههههه
​

السلامــــ عليكمــــ
نو حاجة باينة ماشي نورمال ...انا في رايي البنت اللي تشرب التاي في مقهى تع الرجال هي البنت اللي ماعندهاش دارهم (اذا عندها دارهم لازم طيب وحدها ولى امها طيبلها المهم ماشي فالشارع قدام الغاشي تشربلي في الشاي مش تبهديلة
*--* تحيــــاتي*--*

 

[ماكانش]

نو حاجة باينة ماشي نورمال ...انا في رايي البنت اللي تشرب التاي في مقهى تع الرجال هي البنت اللي ماعندهاش دارهم (اذا عندها دارهم ماتعرفش طيب وحدها ؟) ومانعرف

*--* تحيــــاتي*--*

اهلا أسماء
لا هذي ماتشربش في مقهى الرجال ومع الرجال
بصح تهزو في يديها وتمشي بيه لبرا كي الرجال ...
وعييت نفهم كي قلتي " اذا عندها دارهم ماتعرفش طيب وحدها" ....​

 

[آمِيْرَتُه]

السلام عليكم

خويا سفيان مكنتش برا كنت تتفرج في حصة و كل شيء ممكن

أنا مر حسيت راسي وجعني و مقدرتش و كون منشربش القهوة نهبل املا كي مريت على قهوة دخلت شريت كاس و خرجت الأمر عادي مكان حتى واحد يلتفت الانتباه عليك

 

[أسماء الغالية]

اهلا أسماء
لا هذي ماتشربش في مقهى الرجال ومع الرجال
بصح تهزو في يديها وتمشي بيه لبرا كي الرجال ...
وعييت نفهم كي قلتي " اذا عندها دارهم ماتعرفش طيب وحدها" ....​

راني صححت الخطــــــــــــأ ان شالله تكون فهمتها
​

 

[***سوسن الجزائرية]

نورمال وليت كي نشوف حاجة كيما هادي مانحيرش عاد كلشيئ جائز وحلال خصنا كاش نهار نشوفو طفلة دايرة جماعة مع رجالة فالقهوة ولا تلعب معاهم الشطرنج.

مواضيعك مميزة كالعادة كل اليوم خرجة جديدة و يلزم فيها هدرة على لبنات
شكرا لك.
​

 

[ماكانش]

السلام عليكم

خويا سفيان مكنتش برا كنت تتفرج في حصة و كل شيء ممكن

أنا مر حسيت راسي وجعني و مقدرتش و كون منشربش القهوة نهبل املا كي مريت على قهوة دخلت شريت كاس و خرجت الأمر عادي مكان حتى واحد يلتفت الانتباه عليك

أهلا منيني
ههههههههههه
حصة عيش تشوف هههه
صح بلاك كيما قلتي نتي حالتك بلاك تصلح بصح تشربيه على فرد نفس ماشي تمشي وتكوبي تجيبي بيه الطريق ههههه
وزيدي بلاك نتوما في وهرن شويا عادي حنا هنا فباتنة لالا ومانعرف ؟؟؟​

راني صححت الخطــــــــــــأ ان شالله تكون فهمتها ​

يعطيك الصحة
راني فهمت درك
يعطيك الصحة اسماء​

 

[أسماء الغالية]

هذا زمــــــــــــن كل شـــــــــــــــــيء ممــــــــــكن
​

 

[ماكانش]

نورمال وليت كي نشوف حاجة كيما هادي مانحيرش عاد كلشيئ جائز وحلال خصنا كاش نهار نشوفو طفلة دايرة جماعة مع رجالة فالقهوة ولا تلعب معاهم الشطرنج.​

مواضيعك مميزة كالعادة كل اليوم خرجة جديدة و يلزم فيها هدرة على لبنات
شكرا لك.​

أهلا سوسن
هههه
صدقيني بالله والله العلي العظيم كتبت في مقدة موضوعي " راهي قاتلي العضوة سوسن الجزائرية راك ديما تحكي على لبنات، ماعليهش نحكي على السيجي هذا ونبدل الفيستا ههههههه" ونحيتها قلت بلاك مايقبلوهش على هذي هههه
كيما قلتي منا لعوام نشوفو نسا متجمعين في لقهاوي ورانا نشوفو ساعات مرا في قهوة ؟؟؟
مازال الخير والتقدم _o:
​

 

[عفاف الجزائرية]

هاذا جزء من الحوادث اللي راها صايرة في المجتمع
طفلة تشرب التاي وطفلة تلقاها واقفة عند القارقوتي تستنى في كاسكروط وLE MALE انها تمشي في الطريق وتاكل قدام الغاشي والله نحير Quelle courage تفتح فمها قدام الناس وتاكل ونورمال من فوق
ربي يهدينا برك ويستر على بنيــــــــــــاتنا
الوقت اللي اضحينا فيه ما يرحم ما يترك رحمة ربي تنزل
مشكور خويا سفيان راك جايب حوادث المجتمع حادث تلو الاخر
ربي يجيب الخير
​

 

[ماكانش]

هذا زمــــــــــــن كل شـــــــــــــــــيء ممــــــــــكن​

زمن عيش تشوف
يعطيك الصحة سمسومة ..​

هاذا جزء من الحوادث اللي راها صايرة في المجتمع

طفلة تشرب التاي وطفلة تلقاها واقفة عند القارقوتي تستنى في كاسكروط وLE MALE انها تمشي في الطريق وتاكل قدام الغاشي والله نحير Quelle courage تفتح فمها قدام الناس وتاكل ونورمال من فوق
ربي يهدينا برك ويستر على بنيــــــــــــاتنا
الوقت اللي اضحينا فيه ما يحرم ما يترك رحمة ربي تنزل
مشكور خويا سفيان راك جايب حوادث المجتمع حادث تلو الاخر
ربي يجيب الخير​

أهلا عفاف
والله تاع
فلة واقفة عند القارقوتي ولا عند البيتزيريا ولا عند طياب لمحاجب بدينا نوالفوها، بصح قليل وين نشوف وحدة تاكل وتحل فمها لبرا ؟؟؟
ذرك ولينا للتاي وولاو يتمشاو بليgوبلي ويكوبيو ويجيبو الطريق كي الراجل ...
وجايا تلقايهم مدايرين قعدات في لقهاوي والدومينو تخبط ...
يعطيك الصحة عفاف نورتي الموضوع وساعة على ساعة طلي علينا هنا ...​

 

[الزنبقة السوداء]

انا منشربش gاع التاي خاصة لبر ثانيا ممكن مكفهاش الوقت شربت البر انا منحبش الطفلة تشرب البر لتاي بصح اذا شفت ليدير فيها مهمنش تجيني نورمال دايما مواضيعك متميزة وزينة تخرج خرجات منتوقعوهمش هه

 

[ماكانش]

انا منشربش gاع التاي خاصة لبر ثانيا ممكن مكفهاش الوقت شربت البر انا منحبش الطفلة تشرب البر لتاي بصح اذا شفت ليدير فيها مهمنش تجيني نورمال دايما مواضيعك متميزة وزينة تخرج خرجات منتوقعوهمش هه

أهلا بيك دراgون
صح بلاك كيما قلتي ماكفاهاش الوقت بصح راني شفت طفلة قبل بشهر تشرب لبرا التاي يعني مام هيا ماكفاهاش الوقت ؟؟؟ هههه
تهنيتي من التاي انا بدا يحكم فيا لازم نشربو​

 

[نوسو]

هذي كامل أفكار هزوها من تلفزيون والمسلسلات..... خوي سفيان أنت تقول مموشة كاش مابقلها أنت اللي في البريمار ويبنلها لراي فاهمة كلش,المهم ميصلحش عليها مهوش واش يدر الراجل دير المرأة كل واحد وبلاصتو ,وشكرا أخي على هذا الموضوع الذي شاع في بلادنا , ومهوش كلش نورمال
​

 

[هدوء المطر]

و عليكم السلام و رحمة الله
بيان سـuــر حاجة ماشي نورمال ، وشني الطفلة تهز كاس تاي و تشرب برا ؟؟ والله غير عيب ، علابالك أنا نحشم في بلاصتهم

و نقول في قلبي هذي عندها لي يحكم فيها ولا لا

؟ ، صح مافيهاش عيب إذا شرات قرعة و لا طيبت في دارها و تدي معاها للخدمة بصح باه تمشي و تكوبي في الطريق ماشي لازم

، ربي خلق المرا مرا و الراجل راجل ، و في الصيف تشوفهم هازين كورني تاع لاكريم و ياكلو ني حشمة ني والو

.
ربي يجيب الخير
يعطيك الصحة سفيان على الموضوع
​