ما رأيكم في هذا الخلق السيئ ..............؟!!

هشام رضا

:: عضو مُشارك ::
إنضم
7 ديسمبر 2007
المشاركات
259
نقاط التفاعل
135
النقاط
14
السلام عليكم ورحمة الله وبركاته (00______________________________((((((((())))))
واش راكم خاوتي ان شاءالله تكونو بخير المهم ندخل اونديراكت في الموضوع
واش رايكم في المراقبين ولا ولا الاداريين بصفة عامة نتاع التعليم يشوفو هذاك باباه ميت ولا معندوش معريفة يحقروه اما يشوفو واحد اخر باباه حاكم البلدية جامي يقربولو
واش هذي الخلق وواش رايكم فيه وهل لدينا حق نحن اليتامى الرد عليه فكمثالي انا كرهت من واحد المراقب من دووم كل الدارسين يجيني انا ويحقرني رغم اني قادر نقتلو في ظرف ثواني بصح نخاف ربي سبحانو قادر نحولو على ذليل في الارض بصح نخاف ربي سبحانو بصح زودها خاوتي وين يلقاني ولى يحقر و يحوس يدزني ويخرجني رغم اني قدام الناس كل عاقل هل لو ارد عليه مانتحاسبش عند ربي يعني لو اجعلوا ذليل جدا في هذه الارض ردا عليه لانه كثرها وشكرا وانا في انتظار آرائكم
 
كونتي تقدر تشكي بيه للمدير
وشي هدي الحقرة الكل
جيب عمك ول واحد كلبر مالعايلة تاعك يهدرو مع المدير
 
واه خويا قاع لي قلته صح

انا راني نخدم في التعليم وراني نشوف العنصرية لي ولت

عنا وحد المدير زبالة حاشة خاوتي يفضل لي باباه طالع على ولد المسكين ولا ليتيم

وهادا لي راه يحقرك قول غير حسبي الله ونعم الوكيل

ربي سبحانه يجيبلك حقك منه

مشكور خويا على الموضوع ربي يحفظك
 
شكرا لقبول موضوعي
اخت nina لوكان نشكي بيه هذا المراقب وهو يملك مليارات الدينارات داخل حاكم مراقب برك علاجال لبنات ... الخ لوكان نشكي بيه زوج دقائق بالمعريفة نتاعو نلقى روحي في الشارع لا دراسة لا والو
 
واه خويا قاع لي قلته صح

انا راني نخدم في التعليم وراني نشوف العنصرية لي ولت

عنا وحد المدير زبالة حاشة خاوتي يفضل لي باباه طالع على ولد المسكين ولا ليتيم

وهادا لي راه يحقرك قول غير حسبي الله ونعم الوكيل

ربي سبحانه يجيبلك حقك منه

مشكور خويا على الموضوع ربي يحفظك

اخت شكرا لك على الرد الجميل بارك الله فيك والله مالقيت ماندير راني نقول حسبنا الله ونعم الوكيل وخلاص
خايف نديرلو حاجة ونتحاسب عند ربي فيها رغم اني كرهت لا ادري ماالعمل الموضوع للنقاش على هذه الظاهرة :showoff:
 
السلام عليكم
اخي وكل عليه ربي و اللي قلت صح في صح
انا تاني كانوا يديرولي مشاكل لانوا يشوفوني يتيمة يهدرولي على الكبيرة و الصغيرة و تدخل بنت فلان و فلان نورمال بصاح حطيتهم عند حدهم وليت ما نخليلهمش لوكازيون باش ينشعوني هكا قلت هدرتهم شوية ايا الله يهديهم
 
و الله يا اخي انا راني في سلك التعليم بصح الخلق هدا ما يقتصرش على الاداريين و المراقبين برك كمتال انا اللي معايا و الله الله يبارك و بالعكس اليتامى يبغوهم بصح هادو اللي راك تحكي عليهم جزء من الناس اللي غاويتها الدنيا ماشي غي منهم مراقبين على العموم مهما طولت الا و رايح تخرج انت زير روحك و قرا و جيب معدلات فرح بيها ميمتك و فز في عينيهم
 
انت وش راك خاسر اصبر عليه واديلو حسناتو كلش ماشي
لانه مهما طولت هذي الفترة وهو يقر فيك اكيد راح تتهنا منه في يوم من الايام
 
نت بينك و بين روحك ما قلتش علاش هاد السيد راهو يعاملني هكدا ؟ ......

واش درتلو؟ ....

وادا كان طبيعة فيه نورمالمون قاع يعاملهم بنفس الطريقة لي يعاملك بيها

على كل حال ادا كان حقار ......وكل عليه ربي

موفق
شكرا

 
خليه خويا العزيز بينو وبين مولاه و كل طاغية ربي يعطيه ضربة باش يفيق واش دار واياك تفكر في ضرب أو شيئ أخر راك تعرف تولي من مظلوم الى ظالم و تقدر يشكي بيك و تعشي حاصل والا في الحبس الله لا يقدر
 
سلام
اخي الناس اشكال واصناف كاين الحقار وكاين لفحل ،وانتا كبر بالك اهتم بدراستك راك رايح تخرج من المرحلة اللي راك فيها وتروح للجامعة مافيها ني مساعد ني والو ،معناتو رايح يقعد فيها هو وحدو ،راهي ليه بلاك يلعبلك على المورال وتطفر فيك ،منيش نقولك خاف منو مي متعمرش راسك بيه باسكو ذبابة ،يقعد ذبابة وكيما يقولو الحقار يموت ذليل ،ربي معاك خويا العزيز

 
لاحول ولاقوة الا بالله
الله المستعان اخي معليك الا بالصبر فهو مفتاح الفرج
وان شاء تنجح وتتهنى من ه الى الابد والزمان دوار وقادر يجي يوم ويطيح في يدك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top