مساء الخير خاوتي نبدا بالحمد لله و السلام على عباده الذين اصطفى ...لا الاه الا الله و أستغفر الله لي ذنبي و للمومنين و المومنات
مشكلتي أن حياتي تعقدت و راني حاسة بلي أحلامي ضاعت رغم تحقيقي لكل أهدافي لسعيتلهم في حياتي عشت حياة قاسية خلاة عندي عقد نفسية حساسة نبكي بزاف و تغيدني عمري و عندي خوف و قلق زايد من الخسارة بصح الارادة و حب النجاح لي كانو عندي خلاوني نقدر نواجه كل الصعوبات في حياتي من قراية و حياة اجتماعية حتى لحقت للحياة الزوجية و هنا راني حاسة روحي بلي انا ما وليتش أنا ثقتي بنفسي راحت خوفي من المستقبل حا يدمرني و يدمر حياتي و سببها علاقتي مع زوجي متوترة حبينا بعض و درنا المستحيل باش تزوجنا ضحينا بزاف و صراحة كنت أكثر شخص متنازل قبلت بشروطو كلها و ما شرطت حتى شي هذا لأنو كان مكفيني من كلش لكن مش كلشي كنت في دارنا هداك الوقت و كنت خدامة و كانت عندي حرية لكن بعد الزواج بديت نشوف انسان أناني عديم المسؤولية عصبي مسيطر يحب كلشي على حسابو و ما يهموش ادا عندو الحق ولا لالا لأنو بكل بساطة هو قال و أنا وليت عايشة في توتر دائم و الزعاف كاليني من الداخل بكل بساطة عايش لنفسو و ما يهمو حتى واحد و أنا طبقت شرع ربي و طعتو في كلشي ني خدمة ني خرجة لا معاه لا مع غيرو و مع أحوالو المادية صعيبة تفهمتو و تخليت عن كل احتياجاتي و خليت الا الضروري يعني ناكل و نشرب و جامي رديتلو طلب لكن كاين روبو عبز يسيل و كاين انسان ما تقدرش نلزمزه أمور فوق طاقتو و انا عندي حدود لقدرة الاحتمال مثال ما نقدرش نعيش حياتي نمد كلش و ما ندي والو بصراحة هو عندو مشكلة وحدة معايا هي أني شي ما عجبنيش نقولو و ما نخبيهش و هو هاد شي ماشي حابو فيا و وصلت بيناتنا وين كنا حا ننفصل لكن ككل مرة أنا نتنازل و نقولو خلاص نوليو و نديرك واش تحب و نولي ما نشكي مالحتى حاجة و ما نطلب والو نقول بالاك كي يوف هكدا و راني سهرانا على راحتو حا يخمم فيا بصح والو لا حياة لمن تنادي السيد يحساب راني لباس بيا وليت نقول واش ندير نهدر مانيش مليحة نسكت ما نال والو و ماشي قادرة نشكي لحتى واحد ماليا قالولي نتي خيرتيه ادا ماهوش عاجبك اتلقي ولا راكي حابة تعيشي معاه على أمل يجي نهار و يتبدل احمليه و ارداي بيه بلي فيع واش ندير كاين دراري راني ناكل في بعضي و ماشي حاملة خاصة كنت شخصية مسؤولة و مستقلة وليت مسحونة لا خرجة لا فرجة و حتى واحد ما يجي ليا خاطر ما يحبش الضياف حياتي ولات كي حياة المسجونين كل يوم نفس الشيء و دارنا الا ادا كانت كاش سبة باش نروح و جامي هو يديني يجو ماليا يدوني و يرجعوني عايشة نقوم بواجباتي و ما عندي حتى حق و زيد عا طلعة و النازلة يقلي أنا نزيد نتزوج و كي نقلو علاه كا ما يخصك معاية يقلي لالا ربي عطاني الحق و أنا نحب انوع و نحب النسا هاهي حياتي و انا المسؤولة الوحيدة ما نلوم حتى واحد نلوم نفسي أنا لي خترة لكن خايفة كامل واش راني عايشة حاسة روحي في بقعة مسدودة ما عندي طاقة باش نرجع و نبدى مالجديد خايفة نكمل و نلقى غير الهم و الحزن و يزيد يختمها عليا بظرة وحدخرة يعني راني سابرة على الميزيرية مع التالي كي يولي لاباس بيه يترشق مع وحدخرا و الله ماني عرفة واش ندير و كل يوم ملي نود و راسي يخدم بلا حتى نتيجة مصبرة روحي يصلاة و الدعاء لأني و بصراحة ماني حابة نتلق ماني حابة نعيش هادي الحياة الخايبة ما عندها حتى بنا نهار لي جي كي قبلو و بالعكس كل ما نود نقول لاه يستر ما تسراش كاش مشكلة بيناتنا خاطر هو مالنوع لي يلكك على كلش مانياك فوق اللازم ز ما يعجبوش العجب و يحب يشارشي بزاف و أنا وليت نظل ندعي ربي يخليلي عقلي باش ما ندخلش في لعبو قولولي يرحم في والديكم وا ندير مخي ما عادش يقدر يتحمل و وليت نخاف من روحي كتر من الخوفي منو خاطر راني ساكتة و متقبلة كلش و خايفة ما يخرجنيش على خير سكوتي هذا و مخزنا كامل واش راني عايشة داخلي.
و السلام عليكم
مشكلتي أن حياتي تعقدت و راني حاسة بلي أحلامي ضاعت رغم تحقيقي لكل أهدافي لسعيتلهم في حياتي عشت حياة قاسية خلاة عندي عقد نفسية حساسة نبكي بزاف و تغيدني عمري و عندي خوف و قلق زايد من الخسارة بصح الارادة و حب النجاح لي كانو عندي خلاوني نقدر نواجه كل الصعوبات في حياتي من قراية و حياة اجتماعية حتى لحقت للحياة الزوجية و هنا راني حاسة روحي بلي انا ما وليتش أنا ثقتي بنفسي راحت خوفي من المستقبل حا يدمرني و يدمر حياتي و سببها علاقتي مع زوجي متوترة حبينا بعض و درنا المستحيل باش تزوجنا ضحينا بزاف و صراحة كنت أكثر شخص متنازل قبلت بشروطو كلها و ما شرطت حتى شي هذا لأنو كان مكفيني من كلش لكن مش كلشي كنت في دارنا هداك الوقت و كنت خدامة و كانت عندي حرية لكن بعد الزواج بديت نشوف انسان أناني عديم المسؤولية عصبي مسيطر يحب كلشي على حسابو و ما يهموش ادا عندو الحق ولا لالا لأنو بكل بساطة هو قال و أنا وليت عايشة في توتر دائم و الزعاف كاليني من الداخل بكل بساطة عايش لنفسو و ما يهمو حتى واحد و أنا طبقت شرع ربي و طعتو في كلشي ني خدمة ني خرجة لا معاه لا مع غيرو و مع أحوالو المادية صعيبة تفهمتو و تخليت عن كل احتياجاتي و خليت الا الضروري يعني ناكل و نشرب و جامي رديتلو طلب لكن كاين روبو عبز يسيل و كاين انسان ما تقدرش نلزمزه أمور فوق طاقتو و انا عندي حدود لقدرة الاحتمال مثال ما نقدرش نعيش حياتي نمد كلش و ما ندي والو بصراحة هو عندو مشكلة وحدة معايا هي أني شي ما عجبنيش نقولو و ما نخبيهش و هو هاد شي ماشي حابو فيا و وصلت بيناتنا وين كنا حا ننفصل لكن ككل مرة أنا نتنازل و نقولو خلاص نوليو و نديرك واش تحب و نولي ما نشكي مالحتى حاجة و ما نطلب والو نقول بالاك كي يوف هكدا و راني سهرانا على راحتو حا يخمم فيا بصح والو لا حياة لمن تنادي السيد يحساب راني لباس بيا وليت نقول واش ندير نهدر مانيش مليحة نسكت ما نال والو و ماشي قادرة نشكي لحتى واحد ماليا قالولي نتي خيرتيه ادا ماهوش عاجبك اتلقي ولا راكي حابة تعيشي معاه على أمل يجي نهار و يتبدل احمليه و ارداي بيه بلي فيع واش ندير كاين دراري راني ناكل في بعضي و ماشي حاملة خاصة كنت شخصية مسؤولة و مستقلة وليت مسحونة لا خرجة لا فرجة و حتى واحد ما يجي ليا خاطر ما يحبش الضياف حياتي ولات كي حياة المسجونين كل يوم نفس الشيء و دارنا الا ادا كانت كاش سبة باش نروح و جامي هو يديني يجو ماليا يدوني و يرجعوني عايشة نقوم بواجباتي و ما عندي حتى حق و زيد عا طلعة و النازلة يقلي أنا نزيد نتزوج و كي نقلو علاه كا ما يخصك معاية يقلي لالا ربي عطاني الحق و أنا نحب انوع و نحب النسا هاهي حياتي و انا المسؤولة الوحيدة ما نلوم حتى واحد نلوم نفسي أنا لي خترة لكن خايفة كامل واش راني عايشة حاسة روحي في بقعة مسدودة ما عندي طاقة باش نرجع و نبدى مالجديد خايفة نكمل و نلقى غير الهم و الحزن و يزيد يختمها عليا بظرة وحدخرة يعني راني سابرة على الميزيرية مع التالي كي يولي لاباس بيه يترشق مع وحدخرا و الله ماني عرفة واش ندير و كل يوم ملي نود و راسي يخدم بلا حتى نتيجة مصبرة روحي يصلاة و الدعاء لأني و بصراحة ماني حابة نتلق ماني حابة نعيش هادي الحياة الخايبة ما عندها حتى بنا نهار لي جي كي قبلو و بالعكس كل ما نود نقول لاه يستر ما تسراش كاش مشكلة بيناتنا خاطر هو مالنوع لي يلكك على كلش مانياك فوق اللازم ز ما يعجبوش العجب و يحب يشارشي بزاف و أنا وليت نظل ندعي ربي يخليلي عقلي باش ما ندخلش في لعبو قولولي يرحم في والديكم وا ندير مخي ما عادش يقدر يتحمل و وليت نخاف من روحي كتر من الخوفي منو خاطر راني ساكتة و متقبلة كلش و خايفة ما يخرجنيش على خير سكوتي هذا و مخزنا كامل واش راني عايشة داخلي.
و السلام عليكم
