هاجر و عبد الرحمان
جامي لا نسيت القصة اللي ديما في بالي
قصة صرات ما بين هاجر و عبد الرحمان الغالي
قصة فاتت و على جالها بكيت و سهرت الليالي
تقولو نبغيك و هو يقولها نهواك يا تاجي العالي
كان يحبها و يخبرها من غيرك معلاباليش واش يصرالي
فراقك صعيب يا اللي سميتك غزالي
و هي كانت تتبسم و تقول بعدك ماهو في بالي
جامي نخليك ولا نفرط فيك يا حبيبي الغالي
بعد مدة تبدلت القصة و تبدلوا المعاني
قاتلو بعدني يا خويا غير انساني
الحب بيناتنا خلاص منرجعلكش يا لوكان بقيت نعاني
محبيتش تفهمني و قربك ليا عياني
ياخااا راني نخلط في القصة واش صرالي
هاجر مصارحاتوش و خلاتو يعاني
يا حبيبتي و ختي فهميه مليح بجاه الرحماني
صارحي حبيبك ياو لعمر راهو فيني
متخليهش يخمم و اسمعي مليح كلامي
افهمي و متخليش الضمير يأنبك و تقولي واش داني
فهميه في الغلطة ديالو خير من يكثرو لمحاني
يا خويا يا عبد الرحمان اسمعني و افهم هادو لمعاني
راني معاك و متعتبرنيش واحد براني
ياو افهم و اسمع واش راهو يقول لساني
القصة منكملهاش و روح اسمع من عند لحبيب الغالي
هادي لحكاية بكاتني و خلات الدمعة تنزل على خدي
فهمت منها بلي الدنيا متعطي ما تدي
تخليك بين و بين تعيط و تنادي
مي فهمت تانيك بلي خالق الارد هادي
هو اللي في رمشة عين يرد كلشي عادي
يا ابد الرحمان اتبسم ربي راهو قال انا لست بظلام لعبادي
غدوة راح يفرج عليك ربي و يخلف ليام هادي
آخر تعديل بواسطة المشرف:
