الحاجة مهرية

[لاجودان شاف]

مي باه نتفاهمو من ضرك

راهو خوها واعر
كاشما تديرلها انسى بلي راك عايش
و امها راهي بريسلي
و السكنة عندهم زوج
وحدة في المراهنة و لوخرة في تبسة

خاير و اختار ^^​

نوووورمال قتلك نيدر معاه قهوة ولا كيوووسك
ونتفاهمو
+
مليح مدام امها بريسلي هذاك هو باه نانفاستي معاها
ونديرلها فيلمات ونحللها صالة تاع جيملاستيك
وندل معاها شريك بالثالثة
+
ههههههه نفضل نسكن في تبسة خير
بش كشما يديرولي نخرج من ثم ديراكت لتونس هههههه​

 

[simou11]

أومبيوووووووووونس كبيييرة
خسارة لي ما عرضتينيش
كون عرضتيني راني جيت
صورتي العرس ولا لا؟؟؟ (أكيد بلكاميسكوب تع خوك الناس ملاح)

​

ما تقوليليش هي ثاني تهرب في المازوت كيما الجماعة؟؟

​

باينة تهرب في المازوت
يعني مين رايحة تجيب المال هذا كل !
نو نو مصورتش
النسا محبوش :cra_zy:
كان يشوفوهم رجاجيلهم صورو يتلقوهم ​

 

[إنسانة ما]

باينة تهرب في المازوت
يعني مين رايحة تجيب المال هذا كل !
نو نو مصورتش
النسا محبوش :cra_zy:
كان يشوفوهم رجاجيلهم صورو يتلقوهم ​

ملييييييييييييييييح
باينة على الهيليكس مهربة كبيرة
وصي دار جدك يعسو على رواحهم كانش نهار يشعلو من المازوت. وتصرا كاااريثة

​

 

[simou11]

نوووورمال قتلك نيدر معاه قهوة ولا كيوووسك
ونتفاهمو
+
مليح مدام امها بريسلي هذاك هو باه نانفاستي معاها
ونديرلها فيلمات ونحللها صالة تاع جيملاستيك
وندل معاها شريك بالثالثة
+
ههههههه نفضل نسكن في تبسة خير
بش كشما يديرولي نخرج من ثم ديراكت لتونس هههههه​

لالا شريكي
المراهنة اقرب لتونس
راهي لعارم تهرب في المازوت
اهرب معاها و خليو الهوال يتبربص ^^​

 

[simou11]

ملييييييييييييييييح
باينة على الهيليكس مهربة كبيرة
وصي دار جدك يعسو على رواحهم كانش نهار يشعلو من المازوت. وتصرا كاااريثة

​

اي شعلت مرة دارهم
مي كتبوها في الجرنال انفجار قارورة غاز
اوروزمو كانو في دارهم لخرى
و ماتت غير مهرية ربي يرحمها ^^​

 

[لاجودان شاف]

لالا شريكي

المراهنة اقرب لتونس
راهي لعارم تهرب في المازوت

اهرب معاها و خليو الهوال يتبربص ^^​

ههههههههه مليح
هاذاك هو رحو نفوتو شهر الكونفيتير في تونس
قالك لغز :
عريس وعروسة راحو لتونس يفوتو شهر العسل في تونس
في الطريق ماتو
علاااااه في رايك ؟؟؟؟؟؟i-o:​

 

[simou11]

ههههههههه مليح
هاذاك هو رحو نفوتو شهر الكونفيتير في تونس
قالك لغز :
عريس وعروسة راحو لتونس يفوتو شهر العسل في تونس
في الطريق ماتو
علاااااه في رايك ؟؟؟؟؟؟i-o:​

حكموهم تاع la douane ^^
( جاوب انتا )​

 

[مابقاش بزاف.Dz]

ما فهمت والـــــــو
مهرية و العارم واعع واشنو هاد الاسامي و هاد التفدليك هههههه

 

[nawal 88]

وعلاااااااااااه ياماما ماتخمميش على مستقبلي خلاص​

راني دورولا
على الاقل كي نزوجها نقدر نبعثك ديري حجة
+
مايييكش نتي صلااااحي
فقت بيك
حابة تشوووفيلي أخرىi-o:​

اااااااااا الا ولات هكا الى الأمام لعارم لعارم ههههههه نجيبوها غير هيا مالا​

 

[لاجودان شاف]

حكموهم تاع la douane ^^


( جاوب انتا )​

ههههههه لالا
طفرت فيك
خسرتي في الطومبولا
راحلك سارفيس تاع قهوة وليستر تاع كوزينة
الجواب
سخنت الطاكسي وشعل المازوت لي هرباتو العارم
وتحرقت هي وراجلها
وتحرق le couple الجديد
وماتو في سلام وهناء ​

 

[لاجودان شاف]

اااااااااا الا ولات هكا الى الأمام لعارم لعارم ههههههه نجيبوها غير هيا مالا​

ههههههههه
العارم موووولات الشارم
العارم عرومووومة لي يشوووفها يدخل الكووومة ​

 

[nawal 88]

ههههههههه

العارم موووولات الشارم

العارم عرومووومة لي يشوووفها يدخل الكووومة ​

خلاص ياسر ماضحكتو يجيكمو شمسو المراقب وتشوف نهيهههههه​

 

[إنسانة ما]

اي شعلت مرة دارهم
مي كتبوها في الجرنال انفجار قارورة غاز
اوروزمو كانو في دارهم لخرى
و ماتت غير مهرية ربي يرحمها ^^​

آآآآآآه صار الحكاية لي سمعتها تاعهم
حتى أنا ما آمنتش أنها حكاية غاز
ربي يرحم الحاجة مهرية .. عيب علينا الحاجة ميتة وحنا نمنشرو فيها :scared:

​

 

[nina bonoise]

ياخ وش الاسامي هاذو العارم و شلبية و مهرية هههههه
و الله درك وين فهمت بلي جبرانكم
انا حسبتهم فيلم المرة لولة ههههههها
وين يسكنوا هاذو متقوليليش في عنابة

 

[AnGeL*dZ]

يعطيـك الربح يا سيمو
شبعتيني ضحك ،وحد الاسامي عليهـم ايهبلـو
الحآجـة مهرية كعبة من لمقطوعيـن ،،
راحتلـي ماكنتش حاضرا كي حطيتيلهم لسود مــــGـــرونـي بايـن بللي خلطـوها
واللي ماشافش التهوال تاع لعربي ماعندو حتى حياة وانا كنت نقـول بللي عراسـنا لمخيريـن
خـــــآطر نكنسـو الطرحـــــــه نـgلـبوها تبرق مع القصبـة اتاريـــــــك عرس العارم أحسـن

​