تحيا الجزائر وهاذي هي بلادي لي نحبهااااااااااااااااااا

سلفي والحمد لله

:: عضو بارز ::
أحباب اللمة
إنضم
7 أوت 2010
المشاركات
2,302
نقاط التفاعل
427
النقاط
83
السلام عليكم
وشراكم ايها الاعضاء الحلوين والخلوقين والمتميزين والنشطين والزينين
ان شاء الله راكم لاباس
مالف نروح نجري انا ولاجودان بالجمعة مرة على مرة
الا ان اليوم ماجريتش معاه وماعيطلوش ومافخرتوش وماديتهاش فيه
لانه بكل بساطة يعطلني كي نجري ويزيد عليا
لانني انا اتلات على روحي وهو لالا
:shiny:
عيطلي خويا تحية كبيرة لخويا لي شرى سيرفات تاع البارصا ب 800 الف وماهيش دورييجين هاذي هنا يفهما غير لاجودان وماكانش
:shiny:
رحت معاه باش نجري وهو راح يلعب كرة القدم وبما انه كان عندنا هنا المطر والبرد قارص تغيب بعض الاعبين
فقالولي صحاب خويا هيا تلعب معانا
:shiny:
وبصفتي افضل لاعب فيهم والناس كامل تعرفني بلي gرون جوار ومن طينة الكبار
قلتلهم نعم نلعب لكني نلعب رقم 10 كي زين الدين زيدان وديجا ماكانش فرق كبير بيناتنا :shiny:
لكن هو يلعب وفي وسط الملعب
وانا نلعب ديس ورى ليبيت:shiny:
فتم اختياري حارس مرمى وبصفتي ايضا نعرف نلعب
حتى ولو انني ديس ورى ليبيت الا انني حارس مرمى ثاني قاوي
فقبلت وقلتلهم معليش راني هنا
:shiny:
فاتجهنا الى الملعب اول نوفمر وهو ملعب لي تلعب فيه الفرق تاع الدوري تاعنا ومخدوم بالgازون
الله يبااااارك راح نلعب في لحشيش
فدخلنا ا الملعب وكلي فرح لانني سالعب في الgازون
طبعا نلعب ديس ورى ليبيت كيما قلتلكم لكني فرحت وقلت معليش المهم المشاركة
دخلنا للملعب وكيما قلتلكم من قبيل كان المطر والبرد قارص
فلمحت الملعب من بعيد فشاهدته كله كان كشغل طاpي خضر الله يبارك
قلت رانا طورنا وتقدمنا وتحيا الجزائر وقريب بديت نغني وان تو تري في لالجري:shiny:
فاذا بي نقرب وانا كلي فرح وكلي نشاط طبعا لانني سأجل الاهداف
فاذا بي اصل الى الملعب فاجده طين وغرقة ووحل وطبب تاع الما محgنين
وجيهتي انا يعني جيهة الحارس الرائع
كامل غرقة وشوي حشيش هذا مابقى منو الgازون
:shiny:
ثم انطلقت المبارات ويا ليتها لم تنطلق ويا ويلي على هاذيك المبارات
نبانو كامل دايخين ماكانش لي يدير زوج خطوات ملاح كامل نزلقو
لكني بصفتي افضل لاعب لثم قاعد نشججع فيهم ونقلهم معليش هاك باش تتعلمو وتوليو تعرفو تلعبو كيفي فاستمروا في اللعب
:shiny:
وكان البرد قارص هوما سخنوا وانا لاني حارس مرمى بديت نبرد ويدييا جمدو لانه باين مانيش لابس قفازات
:shiny:
وبما انه فرقتي انا لي لعبت معاها هي افضل فرقة كانت كل الهجومات عليا انا:shiny:
فسدد الخصم ضربة فبلونجيت لكي اجبدها فتزلقت رجلي فوقعت في الغرقة على يديا الباردتين المgلاصيتين لكني حكمت الكرة ولم تددخل المرمى
لانه كيما قلتلكم بانه افضل لاعب هو انا بلا منازع
:shiny:
حتى وان كنت نلعب شارش بالون:shiny:
فنهضت وكلهم يصفقو عليا ويقولولي صحيت صحيت
فنطق خويا منهيت هاااااااااي هاووووووو هيييييييييي
هذا راهو خويا هذا راهو خويااااا
ويعيط
فرميت الكرة وبعدها نظرت الى نفسي فوجدت روحي كامل ملطخة بالغرقة والطين لكن قلت في نفسي لا عليك لا تغضب فكلنا خلقنا من طين:shiny:
لكن بعدها ضروني يديا وجمدو عليا لانهم تبلو في الما والمطر فقلت نحط يديا في الجيب باش يسخنو فاذا بي ما نلقاش جيب فقلت ننسف شوي عليهم كاشما يسخنو شوي فلم تنفع
فبديت نسفق باش نديرلهم شوي احتكاك لكن للاسف بقاو جامدين
فمالقيتش وش ندير باش يسخنو فبقيت هاكاك
حتى سددو عليا تسديدة اخرى قوية فجات مباشرة ليديا فحكمتها فزادو عيطو عليا كامل يعطيك الصحة يعيطك الصحة راك قاوي
قلتلهم علابالي بلا ماتقولولي
ونزيد نسمع خويا منهيه يعيط هااااااو هاااي هذا راهو خويا هاذا راهو خويا فعجبني الحال وعرفت باني انا افضل لاعب تاع الرجال
لكن بعد تلك التسديدة الجهنمية سخنو يديا لانها كانت جد قوية

وبعد مرور وقت من الزمن سجلنا هدف
طبعا واكيد لي سجل الهدف كان هو خويا صاحب سيرفات تاع البرصا لي دير ب800 الف الدوريجين
لانه افضل لاعب بعدي
وفزنا في المبارات
وفي الاخير عرفت بان الجزائر متطورة في ملاعبها ومراكزها الرياضية
صحيتوووو
وهاو ليكم موضوعي قبل لما رحت نجري
subscribed.gif
علاش ماديروش السبور علاش؟؟؟؟ يخي حالة يخي......


 
هههههه
ماجراش اليوم معاك لاجودان بالكاوي ألي جابوهالو من تامراست ؟؟؟ ههههه
وشفيت وقت على السفوحي اطيح تتجرح من الطابي هذاك ؟؟؟
زمانعرف واش مدايرين فيه لكعابر الكوحل هذوك هههه
 
  • أعجبني
التفاعلات: Hakan
معليش خويا هذي يسميوها الرياضة المحلية ( حنا في حنا ) باش تتعلم ومن بعد العاصمية ومن بعد الدولية تكون واجد يعني فاتعليك لرياح لأمطار و الشمس ماشي كي جماعتنا لي راحوا .... ارتفاع درجة الحرارة والرطوبة انت تكون فاتوا عليك كامل العوامل الطبيعية معندكش مبرر الناس تجري على الخبزة وحاجة سخونة البرد قرمدهم وانت تمارس الرياضة في بلادنا
 
السلام عليكم
ههههههههههههههههه من اللي بدا الموضوع و نتا تشكر في روحك
الله يبارك راك سبورتيف تاع الصح الله يكتر من امثالك
لكن امثالك يحتاجو ملاعب مليحة
امالا الله يكتر من المراكز الرياضية لامثال هذا اللاعب القوي ههههه
المهم موضوعك شباب
و ضحكتني مالgري ما نحبش اللي يشكر روحه بزاف(غير نزعق معاك)

شكراااااااااا
 
تقولي كنت نتفرج في حلقة كابتن ماجد ههههه

بصحتكم خويا الماتش انا و صحابي جينا نلعبو اليوم و بطلنا على جال المطر خفنا السيرفاتت تاوعنا ههه

شكرا على الموضوع
 
السلام عليكم
ايا مليح راك سبورتيف وفكرتني في خالي لما يجي من البالو هههه
مرة أبي في شحال مالعبش بالو..كي ولا رجلو مفعوصة وصباعو تاني هههه قالنا ليكيب في نص الماتش طاحت مبليسيا هههه
وزيد الملاعب تاوعناآ ...ماشاء الله عليهم..تمشى فيهم وما تخافش
والله من بعيد يخدعوك ههههه
فكرتني في يامات المخيم ..منهم مالعبتش البالو هههه
.شكراآ على الموضوع أخي
=)
 
ههههههههه بصحتك المباراة والى الامام خخخخخخخخ

فسدد الخصم ضربة فبلونجيت لكي اجبدها فتزلقت رجلي فوقعت في الغرقة على يديا الباردتين المgلاصيتين لكني حكمت الكرة ولم تددخل المرمى
لانه كيما قلتلكم بانه افضل لاعب هو انا بلا منازع

 
ههههههههههههه موضوع مليح

يخي معاناة يخي

لمزية عدات بشويا برد وطيحة وحدة ههههه

شكرا

 
هههههه
ماجراش اليوم معاك لاجودان بالكاوي ألي جابوهالو من تامراست ؟؟؟ ههههه
وشفيت وقت على السفوحي اطيح تتجرح من الطابي هذاك ؟؟؟
زمانعرف واش مدايرين فيه لكعابر الكوحل هذوك هههه
هههههههههههههه
ماتقوليش ما جريتش معاه وهو لابسو كل دورة يقولك شوف شوف الكاوي تاعي جابهولي وليد من تمراست قيييييييييييو
ايه على يامات السفوحي ويامات التبياس بينا
و لكعابر هاذوك يبانو ملح وييييييييييييو
 
معليش خويا هذي يسميوها الرياضة المحلية ( حنا في حنا ) باش تتعلم ومن بعد العاصمية ومن بعد الدولية تكون واجد يعني فاتعليك لرياح لأمطار و الشمس ماشي كي جماعتنا لي راحوا .... ارتفاع درجة الحرارة والرطوبة انت تكون فاتوا عليك كامل العوامل الطبيعية معندكش مبرر الناس تجري على الخبزة وحاجة سخونة البرد قرمدهم وانت تمارس الرياضة في بلادنا
صح من ادرانا لعله نكون نلعب يشوفوني يخيروني
علابالك حاجة عندنا مواهب ومواهب كبيرة دك نحكيلك صح شفتي في الماتش هذا لي لعبناه يلعب معانا واحد كان يلعب من قبل في الاندية تاعنا وعيطولو تبالي حتى ليكيب ناصيونال كي كان صغير ومن بعد تبليسا على الجونو تاعو واحد ما قدر يداويه داوى روحو بدراهمو ومن بعد حبس ماقدرش
تشوفيه كيفاش يلعب دوخي صح قاوي تاع الصح بصح الله غالب بلادنا ما تقدرش الناس
هذا لو كان جا في دول اخرى راهو من الاكابر
شكرااا ليك على المرور
 
السلام عليكم
ههههههههههههههههه من اللي بدا الموضوع و نتا تشكر في روحك
الله يبارك راك سبورتيف تاع الصح الله يكتر من امثالك
لكن امثالك يحتاجو ملاعب مليحة
امالا الله يكتر من المراكز الرياضية لامثال هذا اللاعب القوي ههههه
المهم موضوعك شباب
و ضحكتني مالgري ما نحبش اللي يشكر روحه بزاف(غير نزعق معاك)

شكراااااااااا
صحيتي ختي على المرور
ملاعبنا كارثة ومراكزنا الرياضية كارثة وماعندنا والو
رانا نتأقلمو مع الطبيعة وخلاص
شكرا ليك
 
سلاااااااااااااااام
ماشاء الله عليك اخي الكريم والمتواضع هههههههه
mais والله كيما حكيت التفاصيل راكم لعبتو ماتش من الكبار
+هدا هو حال الرياضة في الجزائر ولاتزم تتأقلمو مع الطبيعة والواقع الدي نعيشه في بلادنا الحبيبة
ربي يدوم الضحكة خويا والله ضحكتني صح
en plus جرب تكون معلق انا متأكدة بلي راح تنجح
مارسي موضوع قمة
**
 
قعدت نتخيل اجواء المباراة باين كانت مشوقة

والملاعب تاعنا فعلا اكثر من كارثة

البارح شفت مباراة في الدوري الاماراتي فرق كبير في الملاعب تاعنا وتاعهم بالرغم من ان شعبنا اكثر

شعب عاشق

للكرة واكثر شعب عندو مواهب فيها

 
ديما ديما خير من والوا
حنا في عنابة كي تحب تلعب تروح لل19 كارثة كبيرة تقول كانوا يرعوا فيه مش يلعبوا
و الستاد تاع شابو كيف كيف تجي تـpـارادي تدخل في "مطمور تاع قمح"
مي فيف لعب "الشوارع" الذي يصنع لاعبين كيفك يعني ( متخافش ميلحقولكش كان يموتوا )
 
تقولي كنت نتفرج في حلقة كابتن ماجد ههههه

بصحتكم خويا الماتش انا و صحابي جينا نلعبو اليوم و بطلنا على جال المطر خفنا السيرفاتت تاوعنا ههه

شكرا على الموضوع
ههههههه حنا ما يحكم فينا والو والو من الجمعة للجمعة ونتى تسنى ومن بعد ماتلعبش قادر كامل نموتو ههههههه
قالك نلعبو وخلاص وديجا لقاو لي يديرهم حارس امالا تهناو هههه
ربي يحفظك خويا لعزيز
 
ديما ديما خير من والوا
حنا في عنابة كي تحب تلعب تروح لل19 كارثة كبيرة تقول كانوا يرعوا فيه مش يلعبوا
و الستاد تاع شابو كيف كيف تجي تــارادي تدخل في "مطمور تاع قمح"
مي فيف لعب "الشوارع" الذي يصنع لاعبين كيفك يعني ( متخافش ميلحقولكش كان يموتوا )
تحبي نحكيلهم على خطرة خطرة ولا ماكان لاه ؟!
هههههههه ضحكة متفضش ^_^
 
السلام عليكم
ايا مليح راك سبورتيف وفكرتني في خالي لما يجي من البالو هههه
مرة أبي في شحال مالعبش بالو..كي ولا رجلو مفعوصة وصباعو تاني هههه قالنا ليكيب في نص الماتش طاحت مبليسيا هههه
وزيد الملاعب تاوعناآ ...ماشاء الله عليهم..تمشى فيهم وما تخافش
والله من بعيد يخدعوك ههههه
فكرتني في يامات المخيم ..منهم مالعبتش البالو هههه
.شكراآ على الموضوع أخي
=)
شكرااااا ليك على المرور
صح كارثة الملاعب التاعنا كون جات فينا حنا ماعليش بصح المشكل حتى تاع الدوري تاعنا يلعبو في الغرقة والزرع ويقولك البطولة المحترفة
فاقو البطولة المحفرة صح ماشي المحترفة
شكرا ليك ختي على المرور
 
السلام عليك

تعبير كتابي ممتاز لك مني 10/10 نضحك برك

معليش المهم لعبت السبور مافيها والو اذا توسخت


 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top