السيراميك من مطبخي

سمو الأميرهـ

:: عضو بارز ::
أحباب اللمة
إنضم
6 ماي 2010
المشاركات
1,802
نقاط التفاعل
58
النقاط
37
العمر
35
السلام عليكم
وش راكم ان شا الله كامل راكم بخير وبأحسن حال
عندي بزااف مادخلتش هنا لظروف :sad:
توحشت هذا الركن وتوحشتكم كامل اخواتي
جبتلكم اليوم وصفة تاع قاطو شفتها في احدى المنتديات وعجبتني بزاف جربتو جا يسخففف

نبداو على بركة الله
1328018975202.jpg



la pate à philou

3 كيلات فرينة
كيلة غير اصبع سمن ذائب
قرصة ملح
نصف ملعقة قهوةة
فاني
نخلطهم ونضيف الما حتان تتلم ،، مانعجنهاش بصح نخدمها بالأصابع حتان تتلم وتنسجك في بعضها (اسفة على تعبيري الركيك هههه)
نتركها تركح اكبر مدة ممكنة ،خليها ليلة قبل ماتخدميها

الحشو:

3 كيلات كاوكاو (ولي عندها لوز ماكانش مشكل ههه)
كيلة غير اصبع سكر ناعم
خلطيهم ببياض بيضة



نرجع الآن للعجينة تاعنا: نحلها بسمك 2 ملم ونطبع بطابع مدور
نضع كرة من الحشو وسط كل دائرة ونعلقها فوق مقل العرايش ، ونلصق الأطراف جيدا وثم بواسطة النقاش نعمل 3 نقشات على كل جانب (3جوانب) ونضع حبة حلوى صغيرة (حبات التزيين) في الوسط .
يجب ان يكون الفرن ساخن مدة 15 دقيقة قبل بدرجة حرارة 180 درجة
خليه يطيب 20 د
كي يطيب عسليه وخليه يقطر
ومبعد زيني الحواشي بالبريون
تفضلو الصور

1328018975202.jpg


1328018975741.jpg


1328018975253.jpg

شهية طيبة وماتنساوش ادعو لأختنا هبة :re_gards:
 
السلام عليك
يعطيك الصحة رسلي حبة نشرب بيها القهوة
ربي يشفي حبيبتنا هبة
 
السلام عليك
يعطيك الصحة رسلي حبة نشرب بيها القهوة
ربي يشفي حبيبتنا هبة

وعليكم السلام حبيبتي منيني
بصحتك يا غالية تستاهلي الصحن كلوو
امين يارب
شكرا على مرورك والتقييم :sheer::sheer:
 
اسمعي بالاكي تنسايني رمولة ابعتيلي حبة
الله يبارك باين بلي تشهي
شاطرة بسلامتك خموس عليك
ربي يشافي اختنا هبة
 
يعطيك الصحة حنونة...جاك هايل بصحتكم
 
اسمعي بالاكي تنسايني رمولة ابعتيلي حبة
الله يبارك باين بلي تشهي
شاطرة بسلامتك خموس عليك
ربي يشافي اختنا هبة
ودي عايزة كلام
وكيفاه ننسى عمري انا ، نبعثلك سنيوة ماشي حبة برك
الله يسلمك يا غالية ،، احممم حشمتي جدي هههههه
امين يارب وربي يشفي جميع المسلمين
نورتي :sheer::sheer:
 
تبارك الله عليك يا الحبيبة
بالصحة و الهنا
حبيت نسقسيك علي هديك صحبتك ان شاء الله راهي بخير
 
تبارك الله عليك يا الحبيبة
بالصحة و الهنا
حبيت نسقسيك علي هديك صحبتك ان شاء الله راهي بخير
الله يسلمك حبيبتي مريم
هبة مازالت على حالها :sad:يوم الأحد ديناها باش تكمل جلسة الكيميائي لأنها يوم الأحد الماضي ماكانش عندهم واحد من الادوية لي يديروهملها مي ماكملولهاش بيسك لقاو عندها لانيمي ، واضطرو ينقلوها لمستشفى اخر على جال الدم
كي نقلولها الدم ماكملوش لاشيمي حتان الأسبوع الجاي ان شا الله
بصح مازالها مش فايقة
ربي يشفيها ويخفف عليها ان شا الله
 
mmmmmmmmmmm
makolo hada el jamal ya3tik allf saha
w zid jawak yhablo
 
سلاااااامو حبي
هاي هاي الشاااطرة
ودارت سيراميك ههه فالمطبخ ههه
يعطيك الصحة الزينوشة
يميميميي جاك رووعة

 
سلاااااامو حبي
هاي هاي الشاااطرة
ودارت سيراميك ههه فالمطبخ ههه
يعطيك الصحة الزينوشة
يميميميي جاك رووعة

وعليكم السلام عمرييييي
اي قريب ندير الالمنيوم هههههههههه
الله يسلمك جمجومتي
مرسي عليك فرحتيني
نورتي الموضوع :sheer::sheer::sheer:
 
اهلين رمال قاطو هايل واقيل نجي اندير عندك ستاج واش رايك تعلميني:shay:

الله يبارك حنونتي ماتنسايش تبعثيلي نذوق:shiny:
 
حلوى جميلة كصاحبتها الاميرة
يعطيك الف عافية اختي
 
Yaatik essaha ya lfahla , gateau w aalih leklam , dharti chatra lol
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top