يقولو"حنا الجيل الرايح خيرمن هذا الجايح

[FATIMA 19]

السلاااااااام على الجميع

اليوم حبيت نطرح هذا الموضوع اللي باين من عنوانو وان شاء الله يعجبكم
والله غير هاذي الحاجة حيرتني بزااف ونظن بلي راهي متداولة في القطب الجزائري كااامل وفي كل المجالات
مثلا كي نعودو نقراو يبدا الأستاذ يفوخ (حنا كنا وكنا .......) ودايما يذكرو غير الحوايج الايجابية اللي فيهم لاه زعما ماكانوش يديرو الطوايش ولا منزهين من الاخطاء
كاين واحد يقرينا الدخان في فمو وقاعد ينتقد في الغاشي ويقول حنا جيلنا ...على الأقل يحترم اللي معاه .
تخلص من محاضرة تروح للدار تبدا الأم أنا كي كنت نتيجتك نعرف ندير كلش الطبخ. تسياق. قضيان .الكروشي............
والأب يقولك كي كنت قدكم الضحكة قدام واحد كبير مانخرجوهاش وكنا نحشمو منهم
(هاذي يعني صح عندهم الحق.حنا راحت الاخلاق من البعض و عادو مايحشموش)والتالي الطامة الكبرى وهاذي هي الحاجة اللي تقلقني بزااااف تلقى عجوز ماهي فاهمة فيها والو وتقولك bac نتاع هذا الوقت عاد باطل ويمدو فيه يعني ماتدوخوش
من هاذ العقلية ايه يجي يقراو مبعدا يقولو حنا قرابتنا واعرة على نتاعكم


هيا نخليكم على خير وان شاء الله يعجبكم موضوعي
في حفظ الله

 

[ماكانش]

أهلا بيك فطيمة
يعطيك الصحة على موضوعك الزين

تبالي عندهم حق
حنا ماراناش كبار بصح شفنا ولو شوي تغير بين الجيل لي فات والجيل تاع درك يعني الذراري ألي راهم طالعين
مايحشمو من لكبير ما يقادروه
تلقاي طفل صغير يطيح الهدرة قدام لكبير عادي
حنا بكري ماشي بزاف سنوات برك نشوفو كبير نحشمو ونهبطو ريسانا
درك لالا
وزيد وزيد

وتاع الباك ماكانش واحد ينك بلي باك بكري تاع صح وتاع درك انجح برك
مانعرف قداه نجحو العام لي فات ؟؟؟؟​

 

[EL General]

هادي هي الدنيا جيل وراء جيل و كل جيل يذكر احسانه و سيئاته
ههههه مي راني نشوف في ناس زمان يذكروا غير في الإيجابية ههه
شكرا
​

 

[homework]

هههه عندك الحق اختي الكريمة
هذي الهدرة رانا نسمعوها يوميا حنا بكري و تنطلق الحكاية
مي صح والله ناس بكري كانت النية وربي حط البركة
وذورك مكانش اختلاف غابة النية الصافية برك والاستاذ قدوة التلميذ ( اذا كان رب العائلة ضرب طف فما على اهل البيت الا الرقص )

 

[أمازيغي]

يا ختي يعني "ماكانش" ما خلانا واش نgولو بصح الجيل هذا اللي فات هو المسؤول علينا حنا هو اللي ربانا هكذا...مرة نسمع في واحد يكفر على ختو في الطريق (ما نعرفو ما نعرفها) وهي كبيرة عليه حكمتو زيرتو في وذنيه ...جاني باباه gالي ما زيدش تضربو صينو.... خليه يخرج حرش.
وليت gريب زدت لحgت باباه ليه....وزاد gالي كاين كلمات نوgولوها عندنا في الدار ما هيش عندنا عيب كيما عندكم....gلتلو لوكان تروح L’ONU يgولولك عيب....وما حبش يفهم.

راني نشوف بلي الجيل هذا المخسر في أغلبيتو بسبت الجيل اللي فات
​

 

[أم عبد الله]

السلام عليكم

اولا يااختي عندك الحق كي تبدا ماما تهدر اتقولي انا كي كنت في عمرك كنت ب2دراري وانت مازالك ادراري وتبدا المحاظرة تقوشي جامي سمعو بحرية التعبير وزيد اتقولك هادي عيب اتقوليها قدام باباك
مي ففي الحقيقة هوما بكري كانو عايشين بالقدر يعني كل واحد يحترم الآخر
والان تصيبي العم كي يهدر مع بنت خوه تقولو ماتدخلش روحك فيا عندي بابا يحكم فيا:scared:يعني عيب نتاع الصح ماراناش كبار بزاف مي الجيل هدا ربي يستر برك
والجيل القادم غير ربي لي عالم بيه
سلامي واحترامي

 

[FATIMA 19]

أهلا بيك فطيمة

يعطيك الصحة على موضوعك الزين​

تبالي عندهم حق
حنا ماراناش كبار بصح شفنا ولو شوي تغير بين الجيل لي فات والجيل تاع درك يعني الذراري ألي راهم طالعين
مايحشمو من لكبير ما يقادروه
تلقاي طفل صغير يطيح الهدرة قدام لكبير عادي
حنا بكري ماشي بزاف سنوات برك نشوفو كبير نحشمو ونهبطو ريسانا
درك لالا
وزيد وزيد​

وتاع الباك ماكانش واحد ينك بلي باك بكري تاع صح وتاع درك انجح برك

مانعرف قداه نجحو العام لي فات ؟؟؟؟​

وبك أهلا
والله صح وين العبد يكبار يلقا العقلية تبدلت
حتى أنا مانيش كبيرة بزاااااف مي كي كنا صغار ونشوفو المعلم نتاعنا نبدلو الطريق
شكراااااااااااااااا عى الرد

 

[FATIMA 19]

هادي هي الدنيا جيل وراء جيل و كل جيل يذكر احسانه و سيئاته

ههههه مي راني نشوف في ناس زمان يذكروا غير في الإيجابية ههه
شكرا ​

لا شكر على واجب
هههههههه ايه هاذي هي الحاجة اللي نحوس نفهمها كانو يذكرو غير الايجابياات

 

[FATIMA 19]

السلام عليكم

اولا يااختي عندك الحق كي تبدا ماما تهدر اتقولي انا كي كنت في عمرك كنت ب2دراري وانت مازالك ادراري وتبدا المحاظرة تقوشي جامي سمعو بحرية التعبير وزيد اتقولك هادي عيب اتقوليها قدام باباك
مي ففي الحقيقة هوما بكري كانو عايشين بالقدر يعني كل واحد يحترم الآخر
والان تصيبي العم كي يهدر مع بنت خوه تقولو ماتدخلش روحك فيا عندي بابا يحكم فيا:scared:يعني عيب نتاع الصح ماراناش كبار بزاف مي الجيل هدا ربي يستر برك
والجيل القادم غير ربي لي عالم بيه
سلامي واحترامي

مارسي اختي على الطرح
ايه صح عندك الحق بكري كانت عندهم النية مع أنهم ماعندهمش الحطة كيما ضك

 

[FATIMA 19]

يا ختي يعني "ماكانش" ما خلانا واش نgولو بصح الجيل هذا اللي فات هو المسؤول علينا حنا هو اللي ربانا هكذا...مرة نسمع في واحد يكفر على ختو في الطريق (ما نعرفو ما نعرفها) وهي كبيرة عليه حكمتو زيرتو في وذنيه ...جاني باباه gالي ما زيدش تضربو صينو.... خليه يخرج حرش.
وليت gريب زدت لحgت باباه ليه....وزاد gالي كاين كلمات نوgولوها عندنا في الدار ما هيش عندنا عيب كيما عندكم....gلتلو لوكان تروح l’onu يgولولك عيب....وما حبش يفهم.

راني نشوف بلي الجيل هذا المخسر في أغلبيتو بسبت الجيل اللي فات​

شكرا على الرد نورت موضوعي
ايه شفت وين وصلت الدنيا
ربي يهدي ما خلق

 

[FATIMA 19]

هههه عندك الحق اختي الكريمة
هذي الهدرة رانا نسمعوها يوميا حنا بكري و تنطلق الحكاية
مي صح والله ناس بكري كانت النية وربي حط البركة
وذورك مكانش اختلاف غابة النية الصافية برك والاستاذ قدوة التلميذ ( اذا كان رب العائلة ضرب طف فما على اهل البيت الا الرقص )

مارسي
والله ضك تلقاي طفل صغير عامين فايق للدنيا وجايب خبر وماتقدروش تلعبوها عليه

 

[hiba14]

علابالكي هادي هي الهدرة اللي خلاتنا في اللور شا درتو ربي يهديهم كانو في قيس الغفلة كلاو باطل قراو باطل لبسو باطل ربي يهديهم البيروقراطية اللي راها متركتنا ماشي هوما سبابها خرجت فرنسا كاش ما بناو موراها ما نكدبش عليك انا قاع ما نامنش بيها لاخاطر لوكان صح كانو لوكان دارو و صبنا قدامنا بصح هوما قضبو لي بوست في قيس الغفلة و حصلو في الكراسا و الشركات الوزينات تاع الدولة كاش مردودية عندها و الله غي الدولة تصرف عليهم و نورمال نعرف اللي دار عندو ناتج هوما جامي داروه

 

[thugbey]

اولا فساد اخلاق الجيل هدا حاجة كاينة نقولك علاش سهلة
انت كي تخلي ابنك يتفرج على ثقافة خاطياتو او ما توريلوش الثقافة تعع جدادو باينة بلي يتاثر بالشي لي ديما يشوفو و الاوربيين غزاونا بالفضائيا ت ولفلام وحنا ما عندناش ولا قناه
2 مادام جيلنا ماعجبهمش يعني فشلو فالواجب تعهم ومارباوناش مليح يعني راي المشكلة تاعهم

 

[*ليديا*]

السلام عليكم ورحمة الله وبركاته
صحيت فطيمة موضوع هايل
مام انا نقول علاه بكري ما يغلطوش
الفوخ والزوخ داير حالة احنا احنا ....الخ
مي كي ترجعي للواقع تلقاي عندهم الحق
وفي كل المجالات تاني
شوفي برك ابسط مثال ماتش شحال من واحد مات على جال البالو
بكري مكانش يصرا هاك
ربي يهدينا ان شاء الله
موضوع عجبني بزااااااااااااااااف + تقييم
​

 

[FATIMA 19]

السلام عليكم ورحمة الله وبركاته

صحيت فطيمة موضوع هايل
مام انا نقول علاه بكري ما يغلطوش
الفوخ والزوخ داير حالة احنا احنا ....الخ
مي كي ترجعي للواقع تلقاي عندهم الحق
وفي كل المجالات تاني
شوفي برك ابسط مثال ماتش شحال من واحد مات على جال البالو
بكري مكانش يصرا هاك
ربي يهدينا ان شاء الله
موضوع عجبني بزااااااااااااااااف + تقييم ​

وع السلااااااام
صح والله تلقاي عندهم الحق
بصح كارثة واش صرا البارح في مصر
الله يصبر أهالي اللي ماتو
​

 

[•мϊѕŝ Šрέсǐάł•]

والله ولا تعلييييق ,, حنا البروف تاعنا تاع المات ,, كي نسالوه على حاجة طول يقول ياخي جاييحين ياخي ,, اهادي انا كي قريتها هزيتها كي الريح ,,
وحنا وحنا والله مرضوووونا ,, ايه هاديك تاع القراية التاعكم ساهلة وحدها خلاااااااااااااه
ربي يعيننا عليهم وخلاص
​

 

[sali-sali]

شكرا على الموضوع
بكري كانت النية وماكنش الحسد وتاني مكانش الاعلام طاغي كيما ضروك
في وقتنا تلقاه صغير وحاسب روحي كبير ويعرف ومايقادرش
وواش يعرف كامل خاطي لا احترام كبير لا حتى حاجة
بكري كانت الحشمة والمقادرة
ضروك ماتلقاه يحشم لا من كبير لا من صغير
وبخصوص القراية على حساب مادرست وشفت بكري خير
كان نيفو طالع وناس تحب تقرا من قلبها ضروك راه غير سلاك وخلاص

​

 

[FATIMA 19]

والله ولا تعلييييق ,, حنا البروف تاعنا تاع المات ,, كي نسالوه على حاجة طول يقول ياخي جاييحين ياخي ,, اهادي انا كي قريتها هزيتها كي الريح ,,

وحنا وحنا والله مرضوووونا ,, ايه هاديك تاع القراية التاعكم ساهلة وحدها خلاااااااااااااه
ربي يعيننا عليهم وخلاص ​

ههههه والله صح كرهووووونا
واش نديرو قرايتنا جات هكذا ساهلة كيما يقولو وحنا واش ذنينا

 

[FATIMA 19]

شكرا على الموضوع

بكري كانت النية وماكنش الحسد وتاني مكانش الاعلام طاغي كيما ضروك
في وقتنا تلقاه صغير وحاسب روحي كبير ويعرف ومايقادرش
وواش يعرف كامل خاطي لا احترام كبير لا حتى حاجة
بكري كانت الحشمة والمقادرة
ضروك ماتلقاه يحشم لا من كبير لا من صغير
وبخصوص القراية على حساب مادرست وشفت بكري خير
كان نيفو طالع وناس تحب تقرا من قلبها ضروك راه غير سلاك وخلاص​

لا شكر على واجب اختي
ايه بكري كانت قلوبهم صافية وضكا محملة بلكراهية و الضغائن

 

[مابقاش بزاف.Dz]

السلام عليكم
اهلا بيك فطومة
منورة منتدى واش راك تهدر بموضوع باهي يعطيك الصحـــــــــــــــة
bon ندخلو للموضوع
انا نوافقك الراي تماما في كل ما قلته كرهنا من الانتقادات هادي ياكـــــ علابالنا حنا جيل فيه سلبيات طغات على الايجابيات مي normalement يقولو الحمد لله كي مازال شوية كاين الخير في ناس الجيل الجديد ماشي يخلوها مرة وحــــــده
و كيما ذكرتي انو تاع بكري الي يجي يشكر وقتهم هاداك و يذكروا الايجابيات هذا ماكان و نا ما نغطوش الشمس بالغربال و نقولو رانا جيل مليح و غيرو و لكن الواحد شوية يسgم الهدرة ديالو
أصلا لولا تربية الجيل القديم لما نشأ هذا الجيل على هذه التصرفات و على هذه الاخلاق
رانا نشوفوا بزاف من نا كبار تشوفيه تقولي هادا قد جدي الله يرمو و هو سفيه و جايح لاقصى حد يعني شاب متربي خير منو
الله يهدينا كيما نقولو كي العاده
الله يصلح الاحوال
طولت بزاف فالهدرة ايا سلام و مشكورة مرة اخرى على الطرح بانتظار جديدك من الافكار و المواضيع و طرح القضايا من هنا او هناك.......
تحياتي
---------+++++++++ تقييم