الجزائريين والهدرة

[Melia azedarach]

السّلام عليكم ورحمته تعالى وبركاته
ان شاء الله تكونوا لاباس احبابنـا في اللّمــة ..
توحشناكم ..:re_gards:
أنا راح نحكي اليوم بصفة عامة عن الجزائريين بعدما درت تجارب وشفت النتيجة ديالهـا
أوكي راح ندخل في صلب الموضوع
في قناة اليتيمة رغم اني منميلش للتفراج :sadwalk:
قلت ندير أسبوع نقارن بين الجزائرين والعرب الباقيين
درت اليتيمة كانوا دايرين روبورتاج عن الثلج وراكم تعرفوا ..
شفت الشعب ميقدرش يحكي اربع كلمات ورا بعضاهم حتى مش عربية غير بالدارجة ..وحتى عن الاسعار وهكا ..
وقارنتهم بالسوارة المصريين .التوانسة والمغربيين ..لقيت فرق بزاف كيما يقولو فرق الثرى عن الثريا ...:schmoll:
وحبيت نحط هنا موضوع نحكي واش راني شفت ..
وآسكو نتوما ثانيك كيفي شفتوهم ؟ :scared:
حابة نعرف وعلاه _o:
يخلعوا من الهدرة في الكاميرا ؟ ولا أصلا هم ميعرفوش يوصفو ..رغم انو نقاولو أغلبية الشعب متعلم حتى معندوش شهادة الباكلوريا مي واصل حيث انو يعرف يشكل جملة مفيدة من حروف:cra_zy:
أنا راح نخليكم الخط ...واتكلمو براحتكم ..

وان شاء الله نخرجو بحل لهذه المشكلة يلي محيرتني بزاف
​

:shiny:

+ متنساوناش بالدعاء ديالكم ..
​

 

[ماكانش]

أهلا بيك ميسون
يعطيك الصحة على موضوعك الباهي
لمصاروة مداخصين الكاميرا ههههه كامل يمثلو ماهمش مخلوعين منها
حنا تبالي مخلوعين منها، أنا واحد من الناس مانقدرش نتخيل روحي نحكي قدام الكاميرة والخلق كامل يشوف
وخرين عادي ومانعرف

يعطيك الصحة على موضوعك الباهي

+ تقييم​

 

[Jeune Sghir Mc]

شعبنا مخلوووع
غير تحطلو الكاميرا قدامو
يعود يخمم كيفاش يبان قدام الناس
حطة و ستيل وعقلية
وينسى الهدرة حتى يعود ينطق السين شين
لوكان الواحد يهدر بعفوية وطلاقة
يلقى روحو يشعر بلا مايفيق


صحيتووو

​

 

[جمــآنــة]

سي vـري والله ...

2 كلمـات ميعرفوش يقولوهم ورا بعضـاهم ،

بالنسبـة ليـا عادي ... { متعـوده ههههه ، يعني بابا من وانا صغيـرة مولفني ، عندي فيديوات ههههه وانا صغيرة زعما جورناليست هههه ، وزيد قنــاة الجزيرة للأطفـال نتبعهـا بزااف ونشاارك فيها وبرامجهـا ، وهي لي زادت دارتلي ثقة في نفسي ، نقدر نوقف قدّام الكاميرا ونحكي عاادي ...

مارسي ميسون ههه وكان لقيت الفيديو تاعك من لي درتو حفلة في اليوتيب لوكان درتو ، يشووفووك كفاش تحكي قدام الكاميرا ، الله يبااااااااااااااارك ...

آسسفـه ع الاطـآآله ~

تقبّلي مروريــ .
​

 

[أم عبد الله]

السلام عليكم

شوفي اختي من ناحية الهدرة تبالي يهدرو بالدارجة عادي وراكي قارنتيهم بالمصريين والمراركة والتوانسة يعني للكل منا لهجته لي يعتز بيها وماتقدريش تحكي عربي علا ذاك باه يفهمك الغاشي تبداي تحوسي ع جمل باه تشرحي بيها الرأي ديالك
وكيما تعرفي احنا نفهمو لكل الكرة الارضية وواحد مايفهم الهدرة نتاعنا ع ذاك تلقايهم حابسين قدام الكاميرا
وحطي نفسك امام جمع كبير من الناس وحاولي توصليلهم فكرة وشوفي نفسك كيفاه تعود خايفة (راني مجربتها ماتقدريش هههههههه)تتعلثمين ولو كنت تعرفين ماستقولين مسبقا
سلامي واحترامي

 

[Melia azedarach]

أهلا بيك ميسون
يعطيك الصحة على موضوعك الباهي
لمصاروة مداخصين الكاميرا ههههه كامل يمثلو ماهمش مخلوعين منها
حنا تبالي مخلوعين منها، أنا واحد من الناس مانقدرش نتخيل روحي نحكي قدام الكاميرة والخلق كامل يشوف
وخرين عادي ومانعرف

يعطيك الصحة على موضوعك الباهي

+ تقييم​

ههههههههه
صح عندك الحق مي مش كامل لشعب شوفهم غير صغار مي والله غير يعرفو يحكيو خير منا ..>>مصاروة
ربّ يحفظك على التقييم وطبعا على قبول الموضوع ..
:shiny:

وان شاء الله نشوفوك في التيلي ههههه

 

[Melia azedarach]

شعبنا مخلوووع
غير تحطلو الكاميرا قدامو
يعود يخمم كيفاش يبان قدام الناس
حطة و ستيل وعقلية
وينسى الهدرة حتى يعود ينطق السين شين
لوكان الواحد يهدر بعفوية وطلاقة
يلقى روحو يشعر بلا مايفيق


صحيتووو

​

اه عندك الحق
يقعد يفكر كيفاه يخرج وووووو
مكانش احسن من العفوية
ربّ يحفظك على المرور

 

[السلطانة]

وعليكم السلام
يعطيك الصحة على الملاحظة الباهية
حنا كوم شعب جزايري لهجتنا مخلطة
معندناش قدرة على الكلام بطلاقة
والشعب تاعنا غير يشوف الكاميرا يتشوكا ويتلعثم ميعرفش واش يهدر
يخلط عربية مع دارجة مع الكاميرا يتخلع
صحيتي تقبلي مروري

​

 

[Melia azedarach]

سي vـري والله ...

2 كلمـات ميعرفوش يقولوهم ورا بعضـاهم ،

بالنسبـة ليـا عادي ... { متعـوده ههههه ، يعني بابا من وانا صغيـرة مولفني ، عندي فيديوات ههههه وانا صغيرة زعما جورناليست هههه ، وزيد قنــاة الجزيرة للأطفـال نتبعهـا بزااف ونشاارك فيها وبرامجهـا ، وهي لي زادت دارتلي ثقة في نفسي ، نقدر نوقف قدّام الكاميرا ونحكي عاادي ...

مارسي ميسون ههه وكان لقيت الفيديو تاعك من لي درتو حفلة في اليوتيب لوكان درتو ، يشووفووك كفاش تحكي قدام الكاميرا ، الله يبااااااااااااااارك ...

آسسفـه ع الاطـآآله ~

تقبّلي مروريــ .
​

ياوووو جوما بالاكي والله غير تشوفي اصلا نبخص في الفيديو ..تقولي جاني عمى ألوان يلي يشوفني يقول حاسبة روحها مي والله غير راه قلبي دو يطير ..اسمعي متديريهاش قد اعذر من أنذر آه i-o:_o:
ههههه ايه سمعتك مرة في برنامج عنبرينو ..ههههه
انا الله غالب منحبش التفراج يعني منسيبورتيش الجزيرة ..
اه انت راكي سلمتي على الرئيس معناه نورمال متخافيش ..انا لازمني تسليمة باه نولي نورمال ...نياهاهاهاها ان شاء الله في البيام مي تروحي معايا مش وحدي ..

أهلا بيك ومارسي على ردك

 

[Melia azedarach]

السلام عليكم

شوفي اختي من ناحية الهدرة تبالي يهدرو بالدارجة عادي وراكي قارنتيهم بالمصريين والمراركة والتوانسة يعني للكل منا لهجته لي يعتز بيها وماتقدريش تحكي عربي علا ذاك باه يفهمك الغاشي تبداي تحوسي ع جمل باه تشرحي بيها الرأي ديالك
وكيما تعرفي احنا نفهمو لكل الكرة الارضية وواحد مايفهم الهدرة نتاعنا ع ذاك تلقايهم حابسين قدام الكاميرا
وحطي نفسك امام جمع كبير من الناس وحاولي توصليلهم فكرة وشوفي نفسك كيفاه تعود خايفة (راني مجربتها ماتقدريش هههههههه)تتعلثمين ولو كنت تعرفين ماستقولين مسبقا
سلامي واحترامي

وعليكم السّلام ورحمته تعالى وبركاته

لالا يا لعزيزة ..انا راني شفتهم مش واحد مش عشرة راهم شعب كامل ..درت روبورتاج عنهم وشفتهم كامل ..يهدرو دارجة مي مش بطلاقة ولا يحكيو جمل مفيدة نحسهم في لاكراش آآآآ ممممم قصدي قصدي نياهاهاهاههاها
هههههه
والله غير عادي كلشي ساهل والكاميرا ماهي تمساح تاكل ..!!
تشرح الفكرة يلي راك فاهمها ..ماهيش انجاز ..
نعذرك مي علابالي بيك حاذقة الخطرا لجاية تحكي نورمال
وتفكري موضوعي آه وأبداي تلقاي روحك كملتي بلا تلعثيم ..
أنا هنا في الموضوع حكيت يعني كل شعب قدام كميرتو لقيتهم مختلفين بزاف وفايتنا بقرون في الهدرة
يمكن لانهم مثقفين ويقراو كتبه بزاف


مارسي ليك خيتي ..ورب يحفظك

 

[Melia azedarach]

وعليكم السلام
يعطيك الصحة على الملاحظة الباهية
حنا كوم شعب جزايري لهجتنا مخلطة
معندناش قدرة على الكلام بطلاقة
والشعب تاعنا غير يشوف الكاميرا يتشوكا ويتلعثم ميعرفش واش يهدر
يخلط عربية مع دارجة مع الكاميرا يتخلع
صحيتي تقبلي مروري

​

أهلا بيك ..نورتي سندريلا
صحيتي وهدرتك عجبتني ..
رب يحفظك
ومارسي على التواجد نورتينا ومتحرميناش من الطلة في كل مرة

:sheer:

 

[Ayoub Napoli]

بسم الله

لاحظت شيئين: الأولى كيما قلتي مايقدرش الواحد يقول 3 كلمات مع بعضاهم
والثانية: تغيير اللهجة عند الكلام في القنوات العربية، نلاحظ أن هناك اتصالا من الجزائر إما أن يتكلم بالدارجة ( واحد مايفهم) وإما أن يتكلم باللهجة السورية أوالمصرية المكسرة وعلاه مانحكيوش بالعربية الفصحى ونبينولهم بلي رانا عرب..​

...

 

[Melia azedarach]

بسم الله

لاحظت شيئين: الأولى كيما قلتي مايقدرش الواحد يقول 3 كلمات مع بعضاهم
والثانية: تغيير اللهجة عند الكلام في القنوات العربية، نلاحظ أن هناك اتصالا من الجزائر إما أن يتكلم بالدارجة ( واحد مايفهم) وإما أن يتكلم باللهجة السورية أوالمصرية المكسرة وعلاه مانحكيوش بالعربية الفصحى ونبينولهم بلي رانا عرب..​

...

أنعم خويــا ..عندك الحق
نظن أنو الجزائريين ميعروفوش لحد الآن العربيّـة
وأكثر مثال أنو الأستاذة يحكي دارجة في حصته وقريب تروح عليه
ولا الوزراء والطبقة الحاكمة نلاحظ انهم ميحكوش عربي كامل ..دراجة + فرنسي
حابة نعرف وعلاه ؟


ربّ يحفظك على الرّد خيي

 

[07 _H@yThm]

لالا كاين وكاين لي الله يبارك تقول عليه كاااااااااسيت
وكاين لي الله غالب

 

[الشاوية الحرة]

والله العظيـم نفس الملاحـــظة قلتـــــــها لدارنـــــــا كنت نشوف فيـهم في النهشـرة زوج كلمــات على بعضاهم مايعرفـوش يهدـروهم لسببيـن أول شئ مخلوعيــن ماعلاباليـش وعلاه أسكـو الكاميـرا غول يشوفوها مانعرف ؟والسبب التـاني هوما أصلا لي شفتـهم مش عارفين واش يقولوا ولا عارفين يعبروا من اصلوا
موضوع مليح نتمنى نشوف اراء الجميع شكرا:re_gards:​

 

[أمير الجمال]

ههههههههههههههههههه
هوما موالفين
حنا لالا
​

 

[Melia azedarach]

لالا كاين وكاين لي الله يبارك تقول عليه كاااااااااسيت
وكاين لي الله غالب

أنعم مي قلال بزااااااااااااااااف نشوفوهم 1 من بين خمس ملاين دزيري
أما يلي لسنتهم معقودة بزاااااااااااااااااف
يحفظك ربي لى هذي المشاركة خيي

 

[Melia azedarach]

والله العظيـم نفس الملاحـــظة قلتـــــــها لدارنـــــــا كنت نشوف فيـهم في النهشـرة زوج كلمــات على بعضاهم مايعرفـوش يهدـروهم لسببيـن أول شئ مخلوعيــن ماعلاباليـش وعلاه أسكـو الكاميـرا غول يشوفوها مانعرف ؟والسبب التـاني هوما أصلا لي شفتـهم مش عارفين واش يقولوا ولا عارفين يعبروا من اصلوا
موضوع مليح نتمنى نشوف اراء الجميع شكرا:re_gards:​

تحيري فيهم تقولي لسنتهم معقودين ..
هههه
ربّ يحفظك على الرد وعجبني ردك الباهي ان شاء الله نشوفه مرات ومرات في مواضيعي
:re_gards:

+ تقييم ليك

 

[Melia azedarach]

ههههههههههههههههههه
هوما موالفين
حنا لالا
​

لا والله غير مش على الموالفة ...
نقولو كل واحد ولسانه وتفكيره آسكو راه يوصله للكلام بطلاقة ولا ؟
لازمنا شوي نعدلو في سلوكيات المواطنين في بعض لحوايج على الأقل ملحقناش ركب التقدم والتكنولوجيا والتصنيع نلحقو غير بالابداع الادبي والفني ..ومنها الكلام قدام الكاميرا ..
ههههه نفتحو دور محو الخلعة من الكاميرا
مارسي على تواجدك

 

[*/نهال/*]

حامين البلايص بلا فايدة كون جابو الجدد راهم نجحو

كلامهم


مثلا
نقولو


هبت اااااااااااااااااااا الرياح ااااااااااااا في ااااااااا

كل كلمتين اااااااااااا