سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

[لؤلؤة قسنطينة]

السّلام عليكم إخوتي الكرام وأخواتي الكريمات
وأسعد الله كلّ أوقاتكم
إن شاء الله راكم لاباس؟

يفرحني ويشرفني أنو سلسلتي البسيطة لحقت اليوم للعدد الرابع
الحمد لله أوّلا والشكر للأعضاء ثانيا
راني يوم بعد يوم نبذل في جهدي غير باه نوصّل معلومات بسيطة للناس
من خلال هاد السلسلة المتواضعة
والشي لي يخليني نخدم كتر ونتعب كتر هي تشجيعاتكم لي راكم تعاونو فيا بيها
ربي يحفظكم جميعا
وان شاء الله خلال هاد العدد نلقى التوفيق من الله والإقبال من عندكم
أولاً لي مايعرفش السلسلة ومحتوياتها يقدر يتعرف عليها من هنا

http://4algeria.com/forum/threads/430675/

ولي يحب يلتحق بالعدد الأول والثاني والثالث من السلسلة يتفضل رايح يلقاهم هنا

http://4algeria.com/forum/threads/430753/

http://4algeria.com/forum/threads/430886/

http://4algeria.com/forum/threads/431748/

مروركم يشرفني ^^

كالعادة و كملخص[/COLOR] بسيط على محتويات العدد السابق ولي كان عنوانو العمل عبادة
تحدثت فيه عن الضمير المهني لي غاب عن مجتمعاتنا المسلمة
تلقى الطبيب ولا يغش ويسرق أعضاء مرضى , المحامي ولا ياخد رشوة ويتحول فجأة الظالم لمظلوم
المعلم مايقدمش العمل تاعو على اكمل وجه ويدي معاه ولاد صغار للهلاك
وخلي باقي المهن الأخرى لي يكون فيها الإنسان محتاج مساعدة ومايلقاهاش
يعني أرواح وحقوق وشرف ناس راهي تروح بسبب اصحاب المهن لي ماراهمش يقدمو في خدمتهم على اكمل وجه
وعلى هادي من خلال العدد لي فات حبيت نوجه ملاحظة لأصحاب المهن باه يتعاملو بضمير ويأديو خدمتهم على اكمل وجه
أولا باه يكونو دراهمهم حلال وثانيا كما تدين تدان يجي نهار وين تلقى نفس المعاملة
لي قدمتها لغيرك, يعني اربح علاقتك بينك وبين ربي أولا وبينك وبين نفسك ثانيا
يعني على الأقل خليونا نرجعو أخلاق المسلم الحقيقية لمجتمعاتنا وهذا بخطوة صغيرة ماتتطلبش جهد كبير

هادا كان ملخص بسيط جداً حول العدد الماضي , أما العدد الرابع حبيت ليوم نطرحو
بعنوان " الدين معاملة "
ان شاء الله يعجبكم الموضوع وتبعو معاه حتى الأخير
لربما من خلال هاد العدد نقدرو نغيّرو من نفسنا اولا ومن غيرنا ثانيا
وان شاء الله تكون هاد السلسلة هادفة بإذن الله
مالا نبداو
بسم الله وعلى بركة الله

"الدين معاملة"

أوّلا,ربما كنت قادرة نطرح عدد اليوم بعنوان الإحترام, العطف, الوفاء أو التربية و لكن كل هاد المصطلحات تتجمع في عبارة واحدة هي "المعاملة الحسنة"
هكدا لربما نقدرو نوصلو كل المعلومات دفعة واحدة وبطريقة أفضل ,ولأنو المعاملة الحسنة نعتبرها واجهة لكل الأخلاق الحميدة
رايحة نركزّ عليها كعنوان لهاد العدد بإذن الله

نوليو لموضوعنا, شكون فينا لي ماترباش على كلمة " الدين معاملة", سمعناها في المدراس , في المجتمع , في دارنا على أفواه والدينا وفي كل مكان
لكن أين هو التطبيق؟؟ هنا يُطرح السؤال , لأنو كلام بدون تطبيق ماعندوش معنى
والمقصود هنا بعبارة " الدين معاملة " أنو كي تكون تصلي وتصوم وتزكي ونتا معاملتك مع الناس سيئة يعني واش من فايدة؟
الإسلام هنا قاعد يوضحلنا ويقولنا إذا درت الفرائض الخمسة على اكمل وجه وعندك لقب المسلم بصح لسانك سليط ماينمع منو حتى واحد, وتشتم وتسب
وتتمسخر بفلان وتضحك على فلان, هنا صلاتك وصيامك ماعندو حتى معنى ونتا تخلي شخص من وراك دمعتو على خدو
يعني الصلّاة نفسها تنهى عن الفحشاء والمنكر, واذا كانت معاملتك سيئة معناها الصلاة وغيرها من الطاعات مازادت فيك والو
يعني شوفو معايا الإسلام اعتبر الإبتسامة فقط في وجه الغير صدقة, فمابالك تعامل إنسان مليح وتعاون فلان وتحترم فلان
أكيد رايح يكون اجرك كبير عند ربي سبحانو
وهنا يا خاوتي حبيت نوضح انو المعاملة الحسنة ماتحتاجش دراهم ولا جهد كبير , هي مبادرة بسيطة جداً
قادرة تكون في ابتسامة, ولا مساعدة لشخص كبير في السن ولا حتى في حجرة تهزها من الطريق
يعني بحركة بسيطة وفي ثواني معدودة
قادر تدخل بيها الفرحة والسرور على قلوب الناس وتربح جبل من الحسنات
مثلا لو نبداو بالمعاملة الحسنة مع أقرب الناس ليك

" المعاملة الحسنة مع الوالدين "

الوالدين ... هاد الكلمة وحدها يرتعش لها القلب لدرجة عندها قيمة كبيرة في حياة كل شخص,
وأنا ونتوما وكامل نعرفو مكانة الوالدين في الإسلام يعني بدون شرح وبدون فلسفة,
بصح في مجتمعاتنا حدث ولا حرج
ولينا نسمعو أخبار يبكي عليها القلب قبل العين, تسمع شاب قتل يماه, شاب ذبح باباه, شاب تشاجر هو ووالديه وجبدلهم السكين, شاب سب والديه, وغيرها من الأمور لي أبشع ونحشم حتى نقولها , يعني قيمة الوالدين راحت صح
يعني إذا الإسلام اعتبر الإبتسامة في وجه الغريب صدقة فمابالك لما تكون في وجه والديك؟
إذا الإسلام اعتبر معاملة بسيطة مع الغريب حسنة فمابالك بمن تعبو الليل والنهار على راحتك؟
ولو ترجع للوراء وتتفكر واش دارو والديك معاك من تعب وسهر, كاين حتى والدين تقبلو الذل والفقر على جال ولادهم
يعني أبسط شيء تقدمهولهم هو المعاملة الحسنة, يعني احترم رأيهم, قابلهم بكلمة " نعم" وكلمة " سمعاً وطاعة" وامحي من قاموسك كلمة "لا"
وعلى الأقل قدّر يماك لي راهي تطيبلك وتغسلك وتسهر عليك وباباك لي يخرج من الصباح حتى الليل على جال لقمة حلال يجيبهالك وقابلهم بكلمة " شكرا"
يعني ابدا بلي قريب ليك أولا والمعاملة تاعك رايحة تمشي وحدها للغير
لأنو في وقتنا درك الشخص لي والديه تعبو عليه ورباوه يعاملهم بخشونة ويسبهم ويضربهم يعني كيفاه تتوقع تكون معاملتو مع البراني؟ أكيد رايحة تكون أبشع
وهنا كملاحظة : ماش رايحة نستشهد بمواقف من الغرب ونقول الغرب دارو ودارو لأنو مسألة الوالدين تتعلق بقلب الإنسان يعني بغض النظر عن ديانتو ,
يعني إذا عامل والديه بقسوة معناه راهو بدون قلب وبلا ما نتعبو رواحنا ونحكيولو على الأخلاق

وايضا لما نذكرو الوالدين نتفكرو كلمة الأهل, والأهل قادرة تكون (بعد الاب والأم طبعا) الإخوة والأخوات , الأولاد, الزوج والزوجة و غيرهم من الاقارب لي يحملو نفس اللقب
هادو تاني من حقهم يتعاملو بمعاملة حسنة, خاوتك بقدر ماتربيهم وتكون معاهم قبيح لازم تقابلهم بكلام حلو وتعطف عليهم , ولادك ايضا امانة في رقبتك وكي تحب توصلهم موعظة لازم تكون بكلام ليّن ماش تربطهم وتعذبهم وتحرقلهم يديهم وتسمعهم كلام فاحش كيما يديرو باقي الأولياء خاطرهنا رايحين يخرجو فاسدين اكثر مايخرجو صالحين , الزوج أو الزوجة يحتاج كل واحد فيهم الإحترام والتقدير من طرف الآخر, يحتاج للكلمة الطيبة , للمودة, للرحمة, يعني يحتاج لسلة من المشاعر ومن المعاملة الحسنة
مايحتاجش لعياط وضرب وسب وشتم, العلاقات عمرها مامشات بالكلام الطائش واللسان القبيح
يعني تقدر تحافظ على علاقتك مع لي قراب ليك بخطوات بسيطة جداً

"المعاملة مع الغير"

كلمة "الغير" شاسعة وواسعة ولو نحب نختصرها رايحة نقول الغير هوما كل الناس لي تقابلهم في حياتك من غير الأهل,
يعني أي شخص تقابلو في حياتك اليومية راك مجبور وواجب عليك تعاملو معاملة حسنة
مثلا الجار .. وصى عليه الرسول عليه الصلاة والسلام ولكن درك حدث ولا حرج, يرمي القمامة قدام باب جارو, يسيح الماء على طاقة جارو, يقول الكلام الفاحش لجارو وغيرها من الأمور وهو قادر بكلمة صباح الخير ومساء الخير معاها ابتسامة يربح قلب هاد الجار
مثلا لو نقولو المعلم .. هاد الشخص لي هو يعتبر كأب ثاني وهو لي خلاك تتعلم معنى الألف والباء, يعني بدل ماتشكرو ولا على الاقل تحتارمو تروح تسبو؟ وكاين لي يرميو البيض على الأساتذة ولي يتمسخرو بيهم وحتى ولاو يعتديو عليهم ويضربوهم
يعني راح الإحترام من المجتمع صح وخاصة في التعليم لي من المفروض مكان تاع تربية
ايضا زملاءك في العمل ولا في الدراسة , من واجبك تتعامل معاهم باحترام, وبأدب وبدون كلام ساخر,
أيضا لما تركب في وسائل النقل, إذا ركبت في حافلة ولقيت رجل أو امراة كبار في السن خليلهم بلاصتك, حتى ولو لقيت مرأة وماش كبيرة في السن وخليلها بلاصتك خاطر رايحة تتعرض لمضايقات في نص هاداك الشعب
يعني خلي معاملتك مع اي شخص تلقاه معاملة راقية وحسنة , وهاد المعاملة ماتحتاجش تعب كبير, لي تلقاه القي عليه التحية, لي تلقاه ابتسم معاه, لي محتاج مساعدة ساعدو,
وهكا بحركات بسيطة تربح في الدنيا والآخرة

"المعاملة الحسنة مع الكائنات الحية"

يعني حتى هاد الكائنات الحية لي مانعطيوهاش قيمة وتحتاج منك رفق و معاملة حسنة,
كالاشجار مثلا, علاه كلما نعديو على شجرة نطيرولها الأوراق تاعها؟
علاه كل مانعديو على شجرة نقطعولها اغصانها؟
يعني بدل مانسقيوها ونعتنيو بيها
ياك ماقاستناش علاه ناذيوها؟؟
أيضا الحيوانات ,ربما ماش رايحة نحكي بزاف هنا لأنو سبق ووضعت موضوع
منفصل عن المعاملة مع الحيوان, يعني لي يحب يقرا الموضوع
يقدر يتفضل من هنا

http://4algeria.com/forum/threads/430394/

ولكن رايحة هنا نوجه رسالة فقط بما انو قبل ايام مر علينا عيد الاضحى المبارك, حبيت نقول أحسنو معاملة هاد الكائنات ولي هوما
الكباش, يعني الإسلام حتى في ذبح الاضاحي وعطانا طرق ونصائح باه مانعذبوش هاد الكائن, يعني وهو رايح يموت ومالازمش نعذبوه, فمابالك وهو حي؟؟ يعني نوجه رسالة للناس لي راهي تستعمل الكباش للمباريات حتى يتجرحو ويتعمر جبينهم بالدم,
تشوف كباش مساكن يتكسرو قرونهم تصرالهم تشوهات, وبلا حكاية الذبح لي يقابلوهم لبعضاهم
يعني الرسول عليه الصّلاة والسّلام خلى فينا حديث شريف يقول: " اِرْحَمُوا مَن فِي الأَرضِ يَرْحَمُكُم مَن فِي السَّمَاء"
يعني خليو المعاملة الحسنة تاعكم تلحق حتى للحيوان وربي يضاعفلك الأجر

"المعاملة الحسنة مع غير المسلم"

الله سبحانه وتعالى يقول في كتابه الكريم وبعد بسم الله الرحمن الرحيم

يعني الإسلام وصانا انو المعاملة الحسنة توصل حتى لغير المسلم , ماش معناها كي تلقى شخص مسيحي تسبو ولا تشتمو بحكم دينك ماش كيما دينو
بالعكس من واجبك تتعامل معاه كيما تتعامل مع اي شخص آخر
اصلا كيفاه تحب تجبد كافر للدين الإسلامي ونتا تكدب وتسب وتاذي غيرك
يعني رايح يشوف الإسلام من خلال معاملتك , ورايح ينفر من هاد الدين
ومرة شفت حصة عن شخص مسيحي دخل الإسلام, تعرفوا السبب واش؟ هو شاب مسلم مصري كانت اخلاقو عالية
مما خلا المسيحي يتعجب من هاد الأخلاق ومن هاد الدين , وفي الأخير دخل في الإسلام
لأنو اسلامنا جميل ببساطتو وباليسر لي فيه ماش بالترهيب

خاوتي, المعاملة الحسنة ماش تهز حمل ثقيل على كتفك ولا تقوم بأمور صعبة يعجز عنها الجميع , يعني بسيطة وسهلة جدا
ربما نلاحظو انو المعاملة الحسنة في مجتمعاتنا العربية ناقصة شوي مقارنة بالغرب
مثلا تلقى الأجانب يتعاملو بلطف مع جيرانهم, ولادهم لما يكونو صغار يتعاملو معاهم بطريقة الحوار بدل الضرب القاسي
تلقى ايضا معاملتهم مع الغير نفس الشي , تدخل لدكان الا وتلقى صاحب المحل الابتسامة على وجهو
تروح للمدرسة نفس الشي المعلم يحترم التلميذ والتلميذ يحترم التلميذ
, يعني رقي في التعامل والمعاملة الحسنة ماشية في حياتهم اليومية ومن الصغر
بالرغم من انهم ماش في بيئة مسلمة وحنا لي في بيئة مسلمة حدث ولا حرج

خاوتي المجتمع مستحيل يتصلح إذا بقى كل واحد فينا يستنى في الآخر يعدل روحو, خليونا نديرو وقفة مع النفس ونبداو صفحة جديدة
نبداو مع الوالدين نلبيولهم طلباتهم ونقابلوهم بكلمة نعم وشكرا , ونبداو نهارنا بقبلة على راسهم ويديهم
ابنائك وزوجتك وزوجك فرحهم بهدايا , ابتسم معاهم واعطيهم جزء من وقتك وعمرلهم حياتهم محبة وسعادة
تلقى جارك قابلو بإبتسامة واسبقو نتا بكلمة صباح الخير ولا مساء الخير
لما تلقى زملاءك قابلهم بلسان حلو وابتسامة عطرة , وحتى لي ماتعرفوش قابلو بإبتسامة
ربما نتا تروح ولكن ابتسامتك تبقى بصمة في قلب هاداك الشخص
اذا لقيت كبير عاونو واذا لقيت صغير اعطف عليه
حركات بسيطة جدا ويومية تخلينا نتقدمو خطوة للأمام من الجنة[/COLOR], ونتبعو ولو القليل من لي جا بيه الإسلام
ولربما بهاد الخطوة نبنيو المجتمع ونخليوه يوصل للارتقاء والتقدم ان شاء الله

اسمحولي اذا كان اي خطأ في الموضوع من ناحية التنسيق أو الصياغة أو التعبير
اسمحولي اذا كان اي خطأ في حق المسلم أو الإسلام
كل انسان يغلط وغير ربي لي كامل ورانا هنا باه نتعلمو ونقضيو على هاد الأخطاء
اي رأي منكم نتقبلو سواءا بالإيجاب أو السلب
نتمنى يعجبكم الموضوع ونطلب التوفيق من الله تعالى
بتشجيعكم تعاونوني فلا تبخلوا علي بآرائكم​

ملاحظة أي كلمة تذكر خلال هذه السلسلة ليست للتعميم , فدائما هناك نصف كأس مملوء ونصف كأس فارغ, وكل كلمة موجودة في الموضوع هي لإحياء أخلاق الإسلام الميتة بداخلنا فقط وليست لمعاتبة أي أحد
تحياتي للجميع​

 

[لؤلؤة قسنطينة]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السّلام عليكم
اعتذر من الجميع لأنو عدد هاد المرة كان مستواه غير مستوى باقي الأعداد
ان شاء الله المرة الجاية يكون العدد بمستوى جيد
وراني نستنى آراءكم القيمة حتى ولو بالنقد
تحياتي للجميع ​

 

[أم أُنٌَيسة]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلام عليكم و رحمة الله تعالى و بركاته
اولا نحن الحمد لله بالف خير
و نتمنى ان تكوني انت ايضا كدلك
و ثانيا كما هي العادة حبيبتي ، رااااااااااااائعة ماشاء الله ولاقوة الا بالله و لم ينتقص شيء فيها
و خاصة انو من القلب و هدا الدي اعجبني اكثر والله

و فيما يخص الموضوع :

دعا الإسلام إلى حسن معاملة الآخرين وذلك في معاملتهم بلطف ومودة والاستماع إليهم وتقدير وجهة نظرهم، وشملت دعوته في ذلك الرجل والمرأة، والغني والفقير، بل الإنسان والحيوان، ولحسن معاملة الآخر فوائد كثيرة في المجتمع لعل من أهمها نشر الأخلاق الحميدة بين الناس كاليسر والصفح والسماحة وطلاقة الوجه، كما أنها أيضاً تزيد من المحبة والألفة بين أفراد المجتمع، ويمكن تقسيم حسن المعاملة على محاور مختلفة، فهناك حسن المعاملة مع الله سبحانه وتعالى هو الذي يورث التقوى والورع بين العباد، وهناك حسن المعاملة مع الناس وهو الذي يكسب المرء ثقة الآخرين فيه وثقته مع نفسه ويأتي هذا المحور تحت معنى قوله صلى الله عليه وسلم: (لا يؤمن أحدكم حتى يحب لأخيه ما يحب لنفسه) (البخاري)، هناك حسن المعاملة مع المرأة وهي التي تعبر عن رقي دين الإسلام وعالمية رسالته، وهي التي تأتي تحت قوله صلى الله عليه وسلم: (واستوصوا بالنساء خيرا) (البخاري) إلا أن من المحاور الرئيسية في حسن المعاملة في عصرنا هذا محوران هما: حسن معاملة الحيوان وهي تدل عن رحمة الإسلام بجميع المخلوقات وتجلب الخير والبركة والرشاد للأمة جامعة، وحسن المعاملة مع العمال والمستخدمين وهي التي تدفعهم إلى الإخلاص والمحافظة على الأموال وسلامتها، ومن ثم تنشر في المجتمع روح من السلام والألفة بين طبقاته المختلفة فتحافظ على كيانه وتقوي أواصر وحدته·
1- وردت أمثلة كثيرة في السنة النبوية الشريفة تحث على الرأفة بالحيوان كأحد المحاور المهمة لفضيلة حسن المعاملة، فعن أبي هريرة عن النبي صلى الله عليه وسلم· قال: (إياكم أن تتخذوا ظهور دوابكم منابر فإن الله إنما سخرها لكم لتبلغكم إلى بلد لم تكونوا بالغيه إلا بشق الأنفس، وجعل لكم الأرض فعليها فاقضوا حاجتكم) (أخرجه أبو داود في سننه) وفيه الأمر بحسن معاملة الحيوان ورحمته، مع ذكر وبيان للسبب الذي يحض على هذا، وهو أن الحيوان مسخر بأمر الله، وأنه يساعد الإنسان في قطع المسافات الطويلة لقضاء الحاجات، وأظهر صلى الله عليه وسلم لأصحابه بديلا لإرهاق الحيوان والجلوس على ظهره للتسامر، وهو الأرض·
2- وعن ابن عباس قال: نهى رسول الله صلى الله عليه وسلم عن التحريش بين البهائم (أبو داود)· والتحريش هو الإغراء والتحريض، والتحريش بين الطيور والحيوانات يتخذ لعبة في بلدان كثيرة، وفيه إيذاء للحيوان واستخدامه في غير ما خلق له، وفي هذه اللعبة يقوم العابثون بالحيوان أو الطير بإعطائه عقاقير وكيماويات تجعله يثور ويشرس على مثله كي تزداد متعة المشاهدة، وهو نوع من العدوانية وسوء الخلق، يربي النفس على التوحش والتلذذ بتعذيب الآخرين وآلامهم·
3- وعن ابن عباس أن النبي صلى الله عليه وسلم قال: (لا تتخذوا شيئا فيه الروح غرضا) (أخرجه الإمام مسلم في صحيحه)، فالرسول صلى الله عليه وسلم حريص أن يربي أصحابه على احترام الحيوان والرفق به لأن صلاح النفس ومنهجها القويم في المحبة والاحترام للمخلوقات واحد، سواء كان هذا المخلوق جمادا أو حيوانا أو إنسانا حقيرا أم شريفا، فالالتزام بالمنهج واحد، وهو احترام المخلوقات تقديرا لخالقها الواحد؛ لأن الاستهانة ببعض الخلق وإن كان حيوانا نذير بفساد في النفس يدعوها للاستهانة ببقية المخلوقات وعدم توقير خالقها·
4- وعن حسن معاملة الخادم وإقرار مساواته بغيره إنسانيا، جاءت السنة الشريفة تدعم هذا المعنى فعن المعرور قال: لقيت أبا ذر بالربذة، وعليه حلة، وعلى غلامه حلة، فسألته عن ذلك، فقال: إني ساببت رجلا، فعيرته بأمه، فقال لي النبي صلى الله عليه وسلم: (يا أبا ذر أعيرته بأمه، إنك امرؤ فيك جاهلية، إخوانكم خولكم، جعلهم الله تحت أيديكم، فمن كان أخوه تحت يده فليطعمه مما يأكل، وليلبسه مما يلبس، ولا تكلفوهم ما يغلبهم، فإن كلفتوهم فأعينوهم) (البخاري)· وفيه نبذ لكل قول أو فعل فيه إشارة إلى عدم احترام كرامة الإنسان، مهما دنت منزلته، ويبدو أن الذي دفع التابعي لسؤال الصحابي أن ملابس أبي ذر وملابس غلامه قد تطابقت في المنظر والهيئة، مما يعكس مدى تشرب الصحابة للقيم الأخلاقية العالية التي دربهم عليها رسول الله صلى الله عليه وسلم·
5- وعن أبي سعيد قال: كانت سوداء تقم المسجد، فتوفيت ليلا، فلما أصبح رسول الله صلى الله عليه وسلم أخبر بموتها، فقال: (ألا آذنتموني بها)· فخرج بأصحابه فوقف على قبرها فكبر عليها والناس من خلفه، ودعا لها، ثم انصرف· (سنن ابن ماجة)· وفيه بيان النبي صلى الله عليه وسلم لأهمية أن يعرف المسلم من يقومون على خدمته ويحترمهم ويقدر فعلهم، فقد كان النبي صلى الله عليه وسلم يسأل عن أصحابه جميعا سواء منهم من كان شريفا أو ضعيفا، سأل عن منظفة المسجد، وشعر بفقدها، وحزن لموتها، وأنب أصحابه ولامهم على تصغيرهم شأنها وكتمان موتها عنه، ثم أخذ أصحابه وخرج إلى المقابر فاستدل على مكانها فأوقفهم وراءه وصلوا عليها، وفيه تدريب عملي للصحابة على احترام الآخر مهما صغرت مكانته الاجتماعية، وهذه المرأة التي كانت تنظف المسجد، لم يثبت لها التاريخ صفة غير تنظيف المسجد، ولكنهم بعد فعل النبي صلى الله عليه وسلم رسخ في نفوسهم معنى المساواة بين الآدميين، وأنه ليس في منهج الإسلام فرق بين أفراد أمته، فكلهم لآدم، وكلهم من تراب·

د· علي جمعة

بارك الله فيكي حبيبتي و جزاكي خيرا
في انتظار باقي السلسلة غاليتي
تحياتي احترامي و تقديري لشخصكم الكريم الغالي
تحياتي القلبية و حبي
​

 

[Skor m@k]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلام عليكم
كالعادة مواضيعك رائعة مع أني مزال مقريتش الأعداد الأولة

الدين هو الأساس في كل المعاملات مع الفاميليا اوو تاني كامل الناس
كاين الي تهدر معاه على الدين والتعامل مع الناس
يقولك خلي الدين في الجامع
عمبالهم الدين غير القرآن والصلاة برك
لكان الناس يقراو القرآن والسنة اوو يفهموهم مليح
نلقاو فيهم كل شي
بصح الناس طغاو وتبدلت الأخلاق
راهي من السيء الى الأسوء
ولاو الناس يتعاملو غير بالمادة والدراهم
ميهمش الأخلاق
الأخلاق مع الوالدين مكانش خلي مع الناس
تلقى طفل يسب يماه ولا يضرب بباه
كيفاه بغيتي يقادر الجيران ولا الناس برا
الزمان تبدل والوقت تبعثر والحياء تودرت والأخلاق تخسرت
ثبت عنه صلى الله عليه وسلم في حديث طويل:
''يبيع دينه بعرض من الدنيا قليل ''

ان شاء الله ربي يبعد علينا المشاكل والمصائب
مي غسي على الموضوع هايل
بصح لكان كتبتيه بالدارجة خير
خاطرش طغات عليه الفصحى
بارك الله لك​

 

[لؤلؤة قسنطينة]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلام عليكم و رحمة الله تعالى و بركاته
اولا نحن الحمد لله بالف خير
و نتمنى ان تكوني انت ايضا كدلك
و ثانيا كما هي العادة حبيبتي ، رااااااااااااائعة ماشاء الله ولاقوة الا بالله و لم ينتقص شيء فيها
و خاصة انو من القلب و هدا الدي اعجبني اكثر والله

و فيما يخص الموضوع :

دعا الإسلام إلى حسن معاملة الآخرين وذلك في معاملتهم بلطف ومودة والاستماع إليهم وتقدير وجهة نظرهم، وشملت دعوته في ذلك الرجل والمرأة، والغني والفقير، بل الإنسان والحيوان، ولحسن معاملة الآخر فوائد كثيرة في المجتمع لعل من أهمها نشر الأخلاق الحميدة بين الناس كاليسر والصفح والسماحة وطلاقة الوجه، كما أنها أيضاً تزيد من المحبة والألفة بين أفراد المجتمع، ويمكن تقسيم حسن المعاملة على محاور مختلفة، فهناك حسن المعاملة مع الله سبحانه وتعالى هو الذي يورث التقوى والورع بين العباد، وهناك حسن المعاملة مع الناس وهو الذي يكسب المرء ثقة الآخرين فيه وثقته مع نفسه ويأتي هذا المحور تحت معنى قوله صلى الله عليه وسلم: (لا يؤمن أحدكم حتى يحب لأخيه ما يحب لنفسه) (البخاري)، هناك حسن المعاملة مع المرأة وهي التي تعبر عن رقي دين الإسلام وعالمية رسالته، وهي التي تأتي تحت قوله صلى الله عليه وسلم: (واستوصوا بالنساء خيرا) (البخاري) إلا أن من المحاور الرئيسية في حسن المعاملة في عصرنا هذا محوران هما: حسن معاملة الحيوان وهي تدل عن رحمة الإسلام بجميع المخلوقات وتجلب الخير والبركة والرشاد للأمة جامعة، وحسن المعاملة مع العمال والمستخدمين وهي التي تدفعهم إلى الإخلاص والمحافظة على الأموال وسلامتها، ومن ثم تنشر في المجتمع روح من السلام والألفة بين طبقاته المختلفة فتحافظ على كيانه وتقوي أواصر وحدته·
1- وردت أمثلة كثيرة في السنة النبوية الشريفة تحث على الرأفة بالحيوان كأحد المحاور المهمة لفضيلة حسن المعاملة، فعن أبي هريرة عن النبي صلى الله عليه وسلم· قال: (إياكم أن تتخذوا ظهور دوابكم منابر فإن الله إنما سخرها لكم لتبلغكم إلى بلد لم تكونوا بالغيه إلا بشق الأنفس، وجعل لكم الأرض فعليها فاقضوا حاجتكم) (أخرجه أبو داود في سننه) وفيه الأمر بحسن معاملة الحيوان ورحمته، مع ذكر وبيان للسبب الذي يحض على هذا، وهو أن الحيوان مسخر بأمر الله، وأنه يساعد الإنسان في قطع المسافات الطويلة لقضاء الحاجات، وأظهر صلى الله عليه وسلم لأصحابه بديلا لإرهاق الحيوان والجلوس على ظهره للتسامر، وهو الأرض·
2- وعن ابن عباس قال: نهى رسول الله صلى الله عليه وسلم عن التحريش بين البهائم (أبو داود)· والتحريش هو الإغراء والتحريض، والتحريش بين الطيور والحيوانات يتخذ لعبة في بلدان كثيرة، وفيه إيذاء للحيوان واستخدامه في غير ما خلق له، وفي هذه اللعبة يقوم العابثون بالحيوان أو الطير بإعطائه عقاقير وكيماويات تجعله يثور ويشرس على مثله كي تزداد متعة المشاهدة، وهو نوع من العدوانية وسوء الخلق، يربي النفس على التوحش والتلذذ بتعذيب الآخرين وآلامهم·
3- وعن ابن عباس أن النبي صلى الله عليه وسلم قال: (لا تتخذوا شيئا فيه الروح غرضا) (أخرجه الإمام مسلم في صحيحه)، فالرسول صلى الله عليه وسلم حريص أن يربي أصحابه على احترام الحيوان والرفق به لأن صلاح النفس ومنهجها القويم في المحبة والاحترام للمخلوقات واحد، سواء كان هذا المخلوق جمادا أو حيوانا أو إنسانا حقيرا أم شريفا، فالالتزام بالمنهج واحد، وهو احترام المخلوقات تقديرا لخالقها الواحد؛ لأن الاستهانة ببعض الخلق وإن كان حيوانا نذير بفساد في النفس يدعوها للاستهانة ببقية المخلوقات وعدم توقير خالقها·
4- وعن حسن معاملة الخادم وإقرار مساواته بغيره إنسانيا، جاءت السنة الشريفة تدعم هذا المعنى فعن المعرور قال: لقيت أبا ذر بالربذة، وعليه حلة، وعلى غلامه حلة، فسألته عن ذلك، فقال: إني ساببت رجلا، فعيرته بأمه، فقال لي النبي صلى الله عليه وسلم: (يا أبا ذر أعيرته بأمه، إنك امرؤ فيك جاهلية، إخوانكم خولكم، جعلهم الله تحت أيديكم، فمن كان أخوه تحت يده فليطعمه مما يأكل، وليلبسه مما يلبس، ولا تكلفوهم ما يغلبهم، فإن كلفتوهم فأعينوهم) (البخاري)· وفيه نبذ لكل قول أو فعل فيه إشارة إلى عدم احترام كرامة الإنسان، مهما دنت منزلته، ويبدو أن الذي دفع التابعي لسؤال الصحابي أن ملابس أبي ذر وملابس غلامه قد تطابقت في المنظر والهيئة، مما يعكس مدى تشرب الصحابة للقيم الأخلاقية العالية التي دربهم عليها رسول الله صلى الله عليه وسلم·
5- وعن أبي سعيد قال: كانت سوداء تقم المسجد، فتوفيت ليلا، فلما أصبح رسول الله صلى الله عليه وسلم أخبر بموتها، فقال: (ألا آذنتموني بها)· فخرج بأصحابه فوقف على قبرها فكبر عليها والناس من خلفه، ودعا لها، ثم انصرف· (سنن ابن ماجة)· وفيه بيان النبي صلى الله عليه وسلم لأهمية أن يعرف المسلم من يقومون على خدمته ويحترمهم ويقدر فعلهم، فقد كان النبي صلى الله عليه وسلم يسأل عن أصحابه جميعا سواء منهم من كان شريفا أو ضعيفا، سأل عن منظفة المسجد، وشعر بفقدها، وحزن لموتها، وأنب أصحابه ولامهم على تصغيرهم شأنها وكتمان موتها عنه، ثم أخذ أصحابه وخرج إلى المقابر فاستدل على مكانها فأوقفهم وراءه وصلوا عليها، وفيه تدريب عملي للصحابة على احترام الآخر مهما صغرت مكانته الاجتماعية، وهذه المرأة التي كانت تنظف المسجد، لم يثبت لها التاريخ صفة غير تنظيف المسجد، ولكنهم بعد فعل النبي صلى الله عليه وسلم رسخ في نفوسهم معنى المساواة بين الآدميين، وأنه ليس في منهج الإسلام فرق بين أفراد أمته، فكلهم لآدم، وكلهم من تراب·

د· علي جمعة

بارك الله فيكي حبيبتي و جزاكي خيرا
في انتظار باقي السلسلة غاليتي
تحياتي احترامي و تقديري لشخصكم الكريم الغالي
تحياتي القلبية و حبي
​

و عليكم السّلام ورحمة الله وبركاته
اهلا بحبيبتي الغالية والجميلة دايما تنوري مواضيعي ربي يهنيك :love01:
ويفرحني انو الموضوع عجبك لأنو بصراحة حاستو شوي مقارنة بباقي الأعداد
وبارك الله فيك على الاضافة القيمة, من بعد نرجع نقراها كاملة حرف بحرف لا كتب ربي
شكرا مجددا غاليتي على المرور العطر وعلى الفائدة لي تضيفيها لمواضيعي
في ميزان حسناتك ان شاء الله
تحياتي العطرة لكِ :regards01:​

 

[لؤلؤة قسنطينة]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلام عليكم
كالعادة مواضيعك رائعة مع أني مزال مقريتش الأعداد الأولة

الدين هو الأساس في كل المعاملات مع الفاميليا اوو تاني كامل الناس
كاين الي تهدر معاه على الدين والتعامل مع الناس
يقولك خلي الدين في الجامع
عمبالهم الدين غير القرآن والصلاة برك
لكان الناس يقراو القرآن والسنة اوو يفهموهم مليح
نلقاو فيهم كل شي
بصح الناس طغاو وتبدلت الأخلاق
راهي من السيء الى الأسوء
ولاو الناس يتعاملو غير بالمادة والدراهم
ميهمش الأخلاق
الأخلاق مع الوالدين مكانش خلي مع الناس
تلقى طفل يسب يماه ولا يضرب بباه
كيفاه بغيتي يقادر الجيران ولا الناس برا
الزمان تبدل والوقت تبعثر والحياء تودرت والأخلاق تخسرت
ثبت عنه صلى الله عليه وسلم في حديث طويل:
''يبيع دينه بعرض من الدنيا قليل ''

ان شاء الله ربي يبعد علينا المشاكل والمصائب
مي غسي على الموضوع هايل
بصح لكان كتبتيه بالدارجة خير
خاطرش طغات عليه الفصحى
بارك الله لك​

وعليكم السلام ورحمة الله وبركاته
اهلا بأخي الكريم نورت الموضوع ونورت أول عدد من اعداد السلسلة ^^
شكرا على التشجيع وبراحتك منين يكون عندك وقت تقدر تشوفهم
وكلامك كامل صح وواحد فينا مايقدر ينكرو ولا يكدبو
الناس تمشي على وجه المادة فقط, وتضحكلك ماش على وجهك , بل على وجه المادة
ان شاء الله من خلال هاد العدد نغيرو شوي من افكار شبابنا
ونخليو المعاملة الحسنة تمشي في عروقنا ^^
بارك الله فيك على الإضافة القيمة, وربما دخلت فيه الفصحى بكثرة لأنو موضوع توعوي
بصح رايحة ناخد رأيك بعين الاعتبار ونحاول نعس كتابتي
ويعني بيناتنا الموضوع راهو مكرفص كامل ههههه
كنت ناوية نوضعو بأحسن من هك لكن للاسف طفرت
المرة الجاية نوعدكم بما خير بإذن الله

بارك الله فيك اخي على تشجيعاتك ان شاء الله نشوفك مرة اخرى في باقي الأعداد
تحياتي العطرة لك :regards01:​

 

[حكاية قمر]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلام عليكم
توجوغ كنت نفوت ع مواضيعك للأسف لوقت ما سمحليش نرد وبيناتنا كنلقى بزاف ردود نقول خلاص الخاوة كفاو وفاو
مي ليوم لا هه
كغيب الدين وأخلاق توقعي أي حاجة انسان محاسب ع أدق التفاصيل كاين واحد رواية بعنوان رحلة البقاء كنقراوها نحسو بلي رانا عدم ولا أكثر منو بزااف أمور مقصرين فيهم وبزااف الصوالح نبداوها من عدم افشاء السلام وحتى البسمة وصولا للكبائر كل ذنب عندو عقاب والحل لكل شي هو استغفار بلاك راني شوية خرجت ع الموضوع ابا نرجع لمعملاتنا اليومية مع بعض ومع غير المسلمين كما ذكرتي
من البيت الأم بطريقة تقديمها لأكل لأولاها لازم تكون فيها حيوية حنان وحب الاب وهو داخل لدار يضحك ماشي يتأفف هادو كامل يعزو الرقي في التعامل الأطفال مع الناس جلسات عائلية لضحك ولنقاش يغيرو من تركيبة الفرد الفكرية ويخلوه اجتماعي بالدرجة الأولى ثم انسان محبب ولطيف ويقوو العلاقة ثم الشارع كنخرجو ابتسامة صدقة ومجانية ما تستاهلش الحاجة لكبيرة ومام افشاء السلام في الجامعة المدرسة والعمل كل أماكن أما غير المسلمين معاملتهم بما يرضي الله ماشي ديراكت نطلقو حكم كافر ونتجنبوه وننبدوه
لا لازم رنسو ليه فكرة راائعة عن اسلام لانو اسلام هكا ولازم يعرف حيقيته منا حنا كمسلمين من أقوالنا افعالنا وحتى نظراتنا
اييه يا اختي فتحت باب لا يكاد يوصد
بارك الله فيك وقواك الله ع فعل الخير​

 

[لؤلؤة قسنطينة]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلام عليكم
توجوغ كنت نفوت ع مواضيعك للأسف لوقت ما سمحليش نرد وبيناتنا كنلقى بزاف ردود نقول خلاص الخاوة كفاو وفاو
مي ليوم لا هه
كغيب الدين وأخلاق توقعي أي حاجة انسان محاسب ع أدق التفاصيل كاين واحد رواية بعنوان رحلة البقاء كنقراوها نحسو بلي رانا عدم ولا أكثر منو بزااف أمور مقصرين فيهم وبزااف الصوالح نبداوها من عدم افشاء السلام وحتى البسمة وصولا للكبائر كل ذنب عندو عقاب والحل لكل شي هو استغفار بلاك راني شوية خرجت ع الموضوع ابا نرجع لمعملاتنا اليومية مع بعض ومع غير المسلمين كما ذكرتي
من البيت الأم بطريقة تقديمها لأكل لأولاها لازم تكون فيها حيوية حنان وحب الاب وهو داخل لدار يضحك ماشي يتأفف هادو كامل يعزو الرقي في التعامل الأطفال مع الناس جلسات عائلية لضحك ولنقاش يغيرو من تركيبة الفرد الفكرية ويخلوه اجتماعي بالدرجة الأولى ثم انسان محبب ولطيف ويقوو العلاقة ثم الشارع كنخرجو ابتسامة صدقة ومجانية ما تستاهلش الحاجة لكبيرة ومام افشاء السلام في الجامعة المدرسة والعمل كل أماكن أما غير المسلمين معاملتهم بما يرضي الله ماشي ديراكت نطلقو حكم كافر ونتجنبوه وننبدوه
لا لازم رنسو ليه فكرة راائعة عن اسلام لانو اسلام هكا ولازم يعرف حيقيته منا حنا كمسلمين من أقوالنا افعالنا وحتى نظراتنا
اييه يا اختي فتحت باب لا يكاد يوصد
بارك الله فيك وقواك الله ع فعل الخير​

وعليكم السّلام ورحمة الله وبركاته
اهلا بغاليتي صاحبة الحروف الراقية :love01:
نورتِ الموضوع, وبمجرد مرورك على مواضيعي السابقة يفرحني ^^
حتى ولو ماكانش رد, المهم جات ختي زارتني في احد مواضيعي
ومنين تحبي تتركي رد مرحبا بيك الدار دارك
اما فيم ايخص الموضوع فهو شاسع كيما قلتي ختي, واضافتك كانت متميزة ماشاء الله
وخاصة عجبتني لما رسمتي صورة الأسرة السعيدة لي تتعامل بود ورحمة
لأنو الاب والام هوما اساس كل اسرة ناجحة ومنها يخرجو ولاد يعرفو معنى المعاملة الحسنة
ان شاء الله يكون هاد العدد فيه بعض النصائح لي تغير من مجتمعاتنا
بارك الله فيك اختي على مرورك العطر واضافتك القيمة
تحياتي العطرة لكِ :regards01:​

 

[الزهرة الحمراء]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلام عليكم لؤلؤتنا
يعطيك الصحة على العدد الرابع من سلسلتك وكالعادة متألقة من جميع النواحي ماشاء الله
اما بالنسبة لفكرة موضوعك الدين معاملة دركا عاد الدين مظهر لا جوهر، وما هو إلا فريضة تُؤدّى وهو العكس غاليتي
نقدروا نلقاو واحد كيما قلتي يصلي ويصوم ونهار كامل وهو يدير في كل الفرائض ولكن المعاملة الحسنة مع الناس ماكانش واش من فايدة وكأنوا يعمر الريح فالشبك .....يعني الدين ماشي غير صلاة وزكاة وصوم ويقولك خلاص راني فالطريق الصحيح العكس الله عزوجل قال في كتابه : { إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ } ( النحل 90 )
وعلى هذه السيرة روي عن أبي هريرة رضي الله عنه قال: ( قَالَ رَجُلٌ يَا رَسُولَ اللَّهِ: إِنَّ فُلَانَةَ يُذْكَرُ مِنْ كَثْرَةِ صَلَاتِهَا وَصِيَامِهَا وَصَدَقَتِهَا ،غَيْرَ أَنَّهَا تُؤْذِي جِيرَانَهَا بِلِسَانِهَا. قَالَ :"هِيَ فِي النَّارِ". قَالَ يَا رَسُولَ اللَّهِ فَإِنَّ فُلَانَةَ يُذْكَرُ مِنْ قِلَّةِ صِيَامِهَا وَصَدَقَتِهَا وَصَلَاتِهَا وَإِنَّهَا تَصَدَّقُ بِالْأَثْوَارِ مِنْ الْأَقِطِ – القطع من الجبن- وَلَا تُؤْذِي جِيرَانَهَا بِلِسَانِهَا. قَالَ: هِيَ فِي الْجَنَّةِ) (رواه أحمد).
وعفسة اخرى غاليتي ماننساوش انو الدين كي انتشر في البلدان الاجنبية مانتشرش على اساس مثلا الصلاة او الزكاة انتشر على اساس المعاملة الحسنة والاخلاق الحميدة للمهاجرين في تلك البلدان
والمعاملة الحسنة رانا فاقدينها بزاااف في وقتنا هذا ولينا مسلمين غير بالشكل اما واش كاين فالقلب بلا مانحكوا عليييه
ربي يهدينا ويصلح احوالنا غاليتي
يعطيك الصحة مرة اخرى على الموضوع الرائع والهادف
دمتي في رعاية الله وحفظه وتقبلي مروري المتواضع
​

 

[لؤلؤة قسنطينة]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلام عليكم لؤلؤتنا
يعطيك الصحة على العدد الرابع من سلسلتك وكالعادة متألقة من جميع النواحي ماشاء الله
اما بالنسبة لفكرة موضوعك الدين معاملة دركا عاد الدين مظهر لا جوهر، وما هو إلا فريضة تُؤدّى وهو العكس غاليتي
نقدروا نلقاو واحد كيما قلتي يصلي ويصوم ونهار كامل وهو يدير في كل الفرائض ولكن المعاملة الحسنة مع الناس ماكانش واش من فايدة وكأنوا يعمر الريح فالشبك .....يعني الدين ماشي غير صلاة وزكاة وصوم ويقولك خلاص راني فالطريق الصحيح العكس الله عزوجل قال في كتابه : { إِنَّ اللَّهَ يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَى وَيَنْهَى عَنِ الْفَحْشَاءِ وَالْمُنْكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ } ( النحل 90 )
وعلى هذه السيرة روي عن أبي هريرة رضي الله عنه قال: ( قَالَ رَجُلٌ يَا رَسُولَ اللَّهِ: إِنَّ فُلَانَةَ يُذْكَرُ مِنْ كَثْرَةِ صَلَاتِهَا وَصِيَامِهَا وَصَدَقَتِهَا ،غَيْرَ أَنَّهَا تُؤْذِي جِيرَانَهَا بِلِسَانِهَا. قَالَ :"هِيَ فِي النَّارِ". قَالَ يَا رَسُولَ اللَّهِ فَإِنَّ فُلَانَةَ يُذْكَرُ مِنْ قِلَّةِ صِيَامِهَا وَصَدَقَتِهَا وَصَلَاتِهَا وَإِنَّهَا تَصَدَّقُ بِالْأَثْوَارِ مِنْ الْأَقِطِ – القطع من الجبن- وَلَا تُؤْذِي جِيرَانَهَا بِلِسَانِهَا. قَالَ: هِيَ فِي الْجَنَّةِ) (رواه أحمد).
وعفسة اخرى غاليتي ماننساوش انو الدين كي انتشر في البلدان الاجنبية مانتشرش على اساس مثلا الصلاة او الزكاة انتشر على اساس المعاملة الحسنة والاخلاق الحميدة للمهاجرين في تلك البلدان
والمعاملة الحسنة رانا فاقدينها بزاااف في وقتنا هذا ولينا مسلمين غير بالشكل اما واش كاين فالقلب بلا مانحكوا عليييه
ربي يهدينا ويصلح احوالنا غاليتي
يعطيك الصحة مرة اخرى على الموضوع الرائع والهادف
دمتي في رعاية الله وحفظه وتقبلي مروري المتواضع
​

و عليكم السّلام ورحمة الله وبركاته
أهلا بحبوبتي نورتِ هاد العدد كي العادة :$
وشكرا على تشجيعاتك ربي يهنيك حبيبتي
وردك عجبني بزاااف لأنو فيه استشهاد بكلام الله عز وجل وبحديث حبيبنا محمد صلى الله عليه وسلّم
وماكانش خير من القرآن والسنة وكإضافة بسيطة على ردك
نقول انو المعاملة اللينة هي كلشي, لما تكون تصوم وتصلي والناس ما تمنعش من لسانك يسمى صلاتك مازادت فيك والو
يعني الهدف لي حابة نوصلو من الموضوع راكي شرحتيه بطريقة مميزة :up:
يعني ماعندي مانزيد رد كافي ووافي

بارك الله فيك غاليتي على مرورك العطر
تحياتي الخالصة لكِ :regards01:​

 

[Naz iha]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلامْ عليكمْ ،

وَ ككلْ مرة نكون متشوقة لمعرفة العدد المقبل
و ككل مرة تبهريني و الله ، تصلحي تكتبي في الجرائد و المجلاتْ

الموضووعْ كان ف القمة مثله مثل المواضيع السابقة

موضوع اليوم حساس ، و قد دكرتي و شرحتي و وفيتي
و اكثر شطر حساس هو التعامل مع الوالدين ،
يعني كلمة الوالدين في حدداتها كلمة لا يمكن تقديرها مهما كان

و اولاد هدا الوقت الله يغفر ليهم ، يتركون اباءهم في دار العجزة ، بالمناسبة سوف اوجه لرسالة لهده الطائفة [ كما تدين تدان ]
يعني كما فعلت مع والديك سوف يفعلها اولادك هده هي العاقبة ، فاحسن التعامل ليحسن اليكمْ


التعامل مع الكائنات الحية ، الله الله نشوفو الاولاد يدربو الحيوانات و اخريين يصيدو ـ اين المعاملة ، اين دور الاسرة

و الله قد مهدرت منكملشْ ، الله يسترنا و سلامْ


حبيت نختم ردي باهده الصورة

كيفية معاملةالناس من أهم الأشياء التي توضح سلوك و شخصية الإنسان

​

 

[لؤلؤة قسنطينة]

رد: سِلسِلة { أَعِيدُوا إِلينا أخلاقَنا وإسلآمنا } العدَد 4 [ الدّين مُعاملة ]

السلامْ عليكمْ ،

وَ ككلْ مرة نكون متشوقة لمعرفة العدد المقبل
و ككل مرة تبهريني و الله ، تصلحي تكتبي في الجرائد و المجلاتْ

الموضووعْ كان ف القمة مثله مثل المواضيع السابقة

موضوع اليوم حساس ، و قد دكرتي و شرحتي و وفيتي
و اكثر شطر حساس هو التعامل مع الوالدين ،
يعني كلمة الوالدين في حدداتها كلمة لا يمكن تقديرها مهما كان

و اولاد هدا الوقت الله يغفر ليهم ، يتركون اباءهم في دار العجزة ، بالمناسبة سوف اوجه لرسالة لهده الطائفة [ كما تدين تدان ]
يعني كما فعلت مع والديك سوف يفعلها اولادك هده هي العاقبة ، فاحسن التعامل ليحسن اليكمْ


التعامل مع الكائنات الحية ، الله الله نشوفو الاولاد يدربو الحيوانات و اخريين يصيدو ـ اين المعاملة ، اين دور الاسرة

و الله قد مهدرت منكملشْ ، الله يسترنا و سلامْ


حبيت نختم ردي باهده الصورة

كيفية معاملةالناس من أهم الأشياء التي توضح سلوك و شخصية الإنسان

​

أهلا بحبيبتي وجميلتي نورتِ الموضوع :love01:
شكرا جزيلا على تشجيعك, معرف علاه حسيت العدد هادا كان مكرفص هههه
بصح كي شفت ردودكم رجعتولي الأمل وان شاء الله نحاول نحافظ على نفس المستوى وإلا نقدم مستوى احسن بإذن الله
ودرك ندير طلب للجرائد باه يحطونين كتب تما :d بصح كن يحاوزوني نحصل فيك ههههه , غير نضحك ^^
اما فيما يخص الموضوع نحييك على إضافتك القيّمة, وخاصة فيما يخص موضوع الوالدين
وراكي ذكرتيني بدار العجزة لي كي تشوفيها وتشوفي الناس لي فيها قلبك يتقسم تاع الصح
وبالفعل كما تدين تدان, يجي نهار وين ولادك يعملو معاك نفس الشي لي درتو لوالديك
واما موضوع الكائنات الحية حدث ولا حرج لدرجة درت عليه موضوع منفصل
واش نقولو غير الله يهدينا ويعافينا
ونشكرك على الصورة المعبرة لي خليتيها لأنها تختصر كل الكلام

شكرا حبيبتي على المرور الجميل لي دائما تكرميني بيه
ان شاء الله مانخيبش ظنكم ونكون في المستوى
تحياتي العطرة لكِ​