علاه الطفلة كي يجيو يخطبوها تشرط حوايج معندهمش حتى قيمة

[ilene]

za3ma machina ta3 ma3en mwalfa biha fi darhoum aya rohi tla3bi

 

[nasira 12]

حتى الماعن ولات تكيدهم

السلام عليكم

عجبتني الماشينة تاع الماعن كي يشروها هادي المرة شا تدير ؟ ههههههه و الله وقت لحقناله يا لطيف
كانت تقول انا نقعد قاعدة و الراجل يدخل للكوزينة و تهنيهم

بكري كانت المرة كي تقول ندير داري وحدي يصرا ما يصرا و ضوك ولاو يشرطو حوايج ما تجيش في البال خلااص

الله يهدينا

سلأم
​

 

[زهور الشوق]

حنآ كي يجي وآحد متدين وخلوق مآ نشرطو غير لهنآ ختي
ربي يهدي نآس كيمآ هآدو والدنيآ فآنية مآيدوم غير القلب المومن
والاعمآل الصآلحة
الجنة مآرآحش يدخلك ليهآ قصر ولآ سيآرة آخر طرآز
يدخلك ليهآ كلآمك وفعآيلك الصآلحة ورحمة الله فوق كل شيء
سلآآآآمي ليك أخيه​

 

[sandibelle25]

سلام اختي شكرا على الموضوع الشيق المليء بالتساؤلات
كي قر يت موضوعك جا شحال من سؤال في راسي
كيفاش مدايرة الطفلة هذه ملكة جمال العالم كي راهي تشرط هك ولا بنت الاغا
انا نظن كاينة حاجة وحدة نستنتجها من الشروط هدو انا وحدة من الناس كنت جيت فبلاصة هدا الانسان والله مندخلها لداري وكن تبقى غير هي فالدنيا علاه
هده انسانة مفيهاش خير وبنات حياتها على المادة و المادة مدومش وحاجة اخرى هدو ناس ناقصين دين وبعاد على طريق ربي
مناه الرسول صلاة وسلام عليه بارك فالمراة اللي متشرطتش "اقلهن مهر اكثرهن بركة" هذه حاجة نساونها ناس بزاف
"التمس ولو خاتم من حديد " هده تاني نساوها
الناس راهي تحوس تستر بناتها و يعيشوا هانيين وناس تحوس على المادة ومايهمهمش الشي لاخر سبحان الله راني نتساءل هاد النوع من البنات واش من جيل رايحين يجيبوا فالمستقبل
ربي يكون الخير ونتمنى لاي عازب يرزقه الله زوجة صالحة اللي تستره و تعيش معاه فالسراء والضراء وربي يرزقنا الازواج الصالحين انشاله

 

[عليلو 24]

انا وجيت منو نقبل نديرلها واش تحب
بصح بعد العرس تتبدل الكاسيت
نتمنى نطيح في لي كيفها
نموت على الطماعات نبيتهم بلا عشا ههه
شكرا على الموضوع​