حلوياتي لهذا العيد 2012أعطوني رايكم؟؟؟؟

[نور الرحمان]

يعطيك الصحة حلويات رائعة ومتقونة مشاء الله عليك ياشاطرة​

 

[♥SaMoù Là MoDèsTe♥]

قآطو وعليهـ الكلآمـ
يع ـطيك الص صصحة أخ ـتي وآفية
​

 

[الصافية جبالى]

يعطيك الصحة الله يباركلك فى يديك يبانو روعة

 

[imane27]

هايلين يعطيك الصحة

 

[OMSAMI]

alah ybarak momkin wasfat awal wahad

 

[djamsidah]

يا الوافية ربي يوفيلك ما تتمناي يعطيك الف صحة رانا نستناو في الوصفات مطوليش علينا

 

[حاملـة المسك]

حلويات راااائعة ... فعلا ممتازة
تستاهلين تقييم​

 

[tita69]

 

[oum kaouther]

Halawiyete hayela allah yatik saha w salami l oukhetek assia

 

[لينا1982]

رووووووووووووووووووووووووووووو عة بارك الله فيك
​

 

[biva]

حلويات رائعة ياريت تحطي الطريقة وشكرا

 

[menina]

ماشاء الله يعطيك الصحة .معليش تمديلنا الوصفات لجمهور كامل يطالب بها.حني قلبك علينا

 

[أم نيفين]

الله يبارك قاطوك يهبل ....

 

[أم أريج]

يعطيك الصحة

 

[وافية1]

شكرااا جزييلااااااعلى رأيكم وأسفة على التأخير لأني لا أدخل كثيرا على المنتدى
​

لميروار :قاطو 1​

كيلو لوز +2 باطات حلوة الترك +جلجلانية +نواد كوكو +قاطو بيمو مرحي +فاني +ملون ابيض+ عسل​

التزيين :​

لاجولي +ملون بنفسجي و أصفر +عجينة التزيين ملونة بالأبيض​

شكلي العجينة شكل اوفال واعملي حربوش من بات دامند فوق حبة القاطو و اعملي خطوط بالسكين و عمري فالوسط بلاجولي​

المخبز:قاطو2​

3كيلات لوز + كيلة سكر رطب +فاني + قشور الليمون +2 صفار بيض وكملي بالبياض حسب ما تحتاج العجينة​

الطلية :​

بياض بيضة +كاس تاي من عصير الليمون +2 ملعقة كبيرة زيت +4 ملعقة كبيرة ماء الزهر+سكر رطب حوالي 800غ​

قاطو ترافل:قاطو 3​

250غ زبدة+ 2بيض + 1خميرة +باطة شيكولا نوار مقطعة طراف صغار+كمشة زبيب مفور +فرينة​

التزيين​

شيكولا +عجينة التزيين ملونة بالابيض و الاسود (كاكاو اسود) +قوفريط رولي​

قوالب المعجون : قاطو 4​

250 غ زبدة + 250 غ سكر ناعم +1خميرة +فاني +1بيض +1صفار + فرينة اخلطي الكل واملئي القوالب الصغيرة وضعيهم بالفرن وبعد النضج املئي بالمعجون ملون بالاحمروأضيفي له 3معالق كبار سكر رطب وضعيه يعقد فوق النار وأضيفي له نكهة الفرولة وبعد ما يجف زيني بدائرة من عجينة التزيين ملونة بملون ابيض وأثقبيها بأشكال صغيرة والبريو للتزيين​

قوالب القطايف :قاطو5​

4 كيلات فرينة +كيلة مارغرين ذائبة+ ماء الزهر+ماء​

الحشو​

3كيلات لوز +كيلة سكر +فاني +قشور القارس +ماء الزهر​

اعملي العجينة في قوالب النجمة و املئيهم بالحشو ثم املئيهم جيدا بالقطايف معمولين بالزبدة ذائبة وضعيهم بالفرن ولما يطيبو يتعسلو جيدا وضعي البيستاش من فوق​

Les sables :قاطو 6​

4 بيضات + كاس ونصف سكر رطب +رطل مارغرين +كاس نشاء +1خميرة +فاني + الفرينة​

لتزيين معجون ملون بملون أحمر​

الميرانغ :​

4 بيضات + 250 سكرعادي​

قلب الجلجلان:قاطو 7​

250 غ زبدة + 5 ملعقة كبيرة سكر رطب +5 ملعقة كبيرة نشاء +5 ملعقة كبيرة لحظة +1بيضة كاملة +1صفار+1 خميرة+ فرينةيشكل كويرات ويوضع في بياض البيض ثم في الجلجلان ثم في قوالب السيليكون بشكل قلب​

التزيين: +معجون +ملون احمر + بعد ما يطيب يوضع في العسل

اذا مافهمتوش أي حاجة تلقاوني هنا **** لا يسمح بوضع عناوين صفحات ( فيس بوك او غيره ) ***** زوروني نرد عليكم
​

 

[biva]

شكراا اختى على الوصفات الله يجعلها فى ميزان حسناتك

 

[nada242008]

شكراا على الوصفات .. بارك الله فيك

 

[nadia]

يعطيك الصحة خرجولك هايلين

 

[Ràçhà16]

hylin

y3tik saha

 

[djamsidah]

يا ريت اختي تقولينا على مقروض الشهدة راكي محطتيهش وخاصة طريقة النقش و الادات لنقشتي بيها