السنة الاولى ابتدائي .......

[*RAHMA]

السلام عليكم

الموضوع يحكي على الاطفال المساكن اللي دخلوا سنة اولى ابتدائي

فالاول تصيبهم فرحانين يشروا فالادوات و المحفظة تع لولو كاتي و سبونج بوب و.........

ضرك نبداو علاه مساكن

الوالدين تع هذا الوقت حبوا يخرجو ولادهم الذكاء الخارق
الطفل مسكين ينوضوه بكري بكري
و تلبسلو يماه و راهي توصي فيه بلاك تهدر انتبه مليح و راني نجي عند سيداتك و نسقسيها و اذا سمعت كاش حاجة نوريلك
المسكين مع الصبح بداها بالخلايع

يروح المسكين مع الاب و فالطريق يكمل la suite تع الام

يوصل للمدرسة يقرى نورمال و يخرج فرحان عقلو تعمر قد ما يقدر

و يا مسكين يا سنة اولى اذا رجعت الدار
الام حط كرطابك و شرب حليبك و روح تقرى
المسكين يقرى يقرى يقرى
و ممبعد خلاص
بصح الام مزال حابة تزيد تقريه لازم تخلص programme تع السنة الاولى باش تدخل فالسنة الثانية تقري lmd ههه
الساعة 8 وقت الرقاد
و الحكاية تتعاود كل يوم حتى يولي الطفل هكا

اتفكروا يا والدين بلي الاولاد لازم يلعبو و يعيشوا وقتهم
رجائي متضغطوش عليهم
لان في العجلة ندامة
و ربي يوفق كل الاطفال

ننتظر الرايكم
سلامي
رحمة
​

 

[آلاء النايلية]

ولله مساكين ذراري هاذ الوقت و خاصة مع البروقرامات الجديدة دارها بيهم لي ما يتسمى هو السبب الرئيسي لضياع لولاد ذهاب بلا عودة ان شالله ... اما الوالدين بيهم عارفة البروقرام شارجي و خايفين ولادتهم ميلحقوش بالسيف لمساكن
بارك الله فيك على الطرح

 

[HAMOUDI2000]

عطيك الصحة على الموضوع

 

[ماكانش]

لي عودة
عجبني الموضوع

 

[hadil2044]

كلامك صح خيتو
مرسي على الموضوع
​

 

[عابر سبيل12]

موضوعك حساس لاكن ..الفكرة خاطئة

القران الكريم نزل باية اقرا ..ولم يقل عز وجل ...العب

هادا اولا

ثانيا اوصانا الرسول الكريم عليه صلوات الله وسلامه بالعلم ..وكما شرع القران الكريم ايضا

هاته السن حساسة ... وعلى الاطفال ادراك اهمية الدراسة وقدر العلم في الحياة ...

دون ان نتغاضى عن اوقات راحة طبعا ...لاكن ان تقولي مساكين ..فالمساكين من لم يقف اهاليهم على تربيتهم

وتعليمهم

​

 

[البتول 14]

كلامك صحيح نسبيا ... صح نلقاو أولياء هاد الايام مضيقينها على ولادهم اخرج تقرى ادخل تقرى
وانا نعرف واحدة , وليدها دخل للتحضيري والله غي هلكاتو المسكين رجع هاربلها من ليكول
وعلى هذا لازم الوالدين يوقفو عل تربية أولادهم ويوعيوهم بلامايخلعوهم ولا ينفروهم من القرايا
يعطيك الصحة أختي على الموضوع
تقبلي مروري , تحياتي​

 

[أم راضية ~_]

السلام عليكم
ههههههه رحمة ضحكتيني و عجبتيني بزاااف
يغيضو هاد الولاد والله
والي يغيضو اكتر والديهم على خاطر راهم يبنيو في ساس راشي ..
مانيش قادرة نعبر
مي نتي قلتي المفيد واكتر صحيتي​

 

[*RAHMA]

ولله مساكين ذراري هاذ الوقت و خاصة مع البروقرامات الجديدة دارها بيهم لي ما يتسمى هو السبب الرئيسي لضياع لولاد ذهاب بلا عودة ان شالله ... اما الوالدين بيهم عارفة البروقرام شارجي و خايفين ولادتهم ميلحقوش بالسيف لمساكن
بارك الله فيك على الطرح

صح لبروgرام طويل ختي بصح لازم يقدروا انو عقل الطفل لازم يرتاح شوية ماشي مليح الضغظ بزاف
نورتي ختي

 

[*RAHMA]

موضوعك حساس لاكن ..الفكرة خاطئة
الفكرة ليست خاطئة خاطر راني نحكي على الضغظ اللي راهم يعيشوه الاطفال منقدروش نحولوهم من عالم كلو لعب لعالم كل دراسة

القران الكريم نزل باية اقرا ..ولم يقل عز وجل ...العب

ربي سبحانو وصانا نقراو لفترة ماش كل وقت يعني 24 ساعة جرب اقرى 24 ساعة و نشوفو


هادا اولا

ثانيا اوصانا الرسول الكريم عليه صلوات الله وسلامه بالعلم ..وكما شرع القران الكريم ايضا

هاته السن حساسة ... وعلى الاطفال ادراك اهمية الدراسة وقدر العلم في الحياة ...

دون ان نتغاضى عن اوقات راحة طبعا ...لاكن ان تقولي مساكين ..فالمساكين من لم يقف اهاليهم على تربيتهم

وتعليمهم
و عليك نور خويا لازم يكون وقت راحة هذا واش كنت حابة نوصلو من كلامي ماشي قصدي ميقراوش يقراو بالوقت و يخصصو وقت للعب خاطر اذا بعدت الطفل عن اللعب حرمتو من حقو و هكذا رايح يكره لقراية

​

نورت خويا

 

[*RAHMA]

كلامك صحيح نسبيا ... صح نلقاو أولياء هاد الايام مضيقينها على ولادهم اخرج تقرى ادخل تقرى
وانا نعرف واحدة , وليدها دخل للتحضيري والله غي هلكاتو المسكين رجع هاربلها من ليكول
وعلى هذا لازم الوالدين يوقفو عل تربية أولادهم ويوعيوهم بلامايخلعوهم ولا ينفروهم من القرايا
يعطيك الصحة أختي على الموضوع
تقبلي مروري , تحياتي​

ربي يحفظك ختي هذا واش حبيت نوصل ليه

 

[*RAHMA]

السلام عليكم
ههههههه رحمة ضحكتيني و عجبتيني بزاااف
يغيضو هاد الولاد والله
والي يغيضو اكتر والديهم على خاطر راهم يبنيو في ساس راشي ..
مانيش قادرة نعبر
مي نتي قلتي المفيد واكتر صحيتي​

متقوليش عليهم ساس راشي
علاه يا حgaرة

 

[أم راضية ~_]

متقوليش عليهم ساس راشي
علاه يا حgaرة

وين حgرتهم ؟؟؟؟
نقصد بالساس الراشي انو الوالدين كي يحرصوا على ولادهم يقراو بالضغط عليهم و حشو المنهاج هكداك في راسهم كيشغول راهم يعمرو الصوف في الساشي اكييد رح يكونو كيما الي يبني بنيان ساسو راشي يعيا يخدمو ويطلعو ويعليه ممبعد يجي نهار اووووب يريب و يطيح
على خاطر لولاد يطلعو يقراو على جال ماليهم يقرا باش ماماه ما تضربوش وباش باباه ما يخلصوش .. ماشي يقراو باش يتعلمو الجديد ويتعلمو يكتبو و يولو يخدمو ويولو صالحين وفعالين
واما من ناحية اللعب و الراحة لازم يعرفو كل حاجة و وقتها واهميتها ما نخلطوش و ما نبالغوش فالخوف و التزيااار
هادا واش حبيت نقول ...
:regards01:​

 

[*RAHMA]

وين حgرتهم ؟؟؟؟
نقصد بالساس الراشي انو الوالدين كي يحرصوا على ولادهم يقراو بالضغط عليهم و حشو المنهاج هكداك في راسهم كيشغول راهم يعمرو الصوف في الساشي اكييد رح يكونو كيما الي يبني بنيان ساسو راشي يعيا يخدمو ويطلعو ويعليه ممبعد يجي نهار اووووب يريب و يطيح
على خاطر لولاد يطلعو يقراو على جال ماليهم يقرا باش ماماه ما تضربوش وباش باباه ما يخلصوش .. ماشي يقراو باش يتعلمو الجديد ويتعلمو يكتبو و يولو يخدمو ويولو صالحين وفعالين
واما من ناحية اللعب و الراحة لازم يعرفو كل حاجة و وقتها واهميتها ما نخلطوش و ما نبالغوش فالخوف و التزيااار
هادا واش حبيت نقول ...
:regards01:​

يعطيك الصحة على هذي الهدرة ختيتو
ربي يحفظك

 

[brahim tiniri]

ما تنسايش الكرطابل اللي يهزو فيه زوج قناطر اكثر من الساكودو اللي يهزو العسكري كي يعود طلع الجبل والله كاين اللي ظهورهم يعواجو وهوما مازالو صغار يعطيك الصحة
-مع تحيات الجنرال- نرجو لكم التوفيق-
​

 

[*RAHMA]

ما تنسايش الكرطابل اللي يهزو فيه زوج قناطر اكثر من الساكودو اللي يهزو العسكري كي يعود طلع الجبل والله كاين اللي ظهورهم يعواجو وهوما مازالو صغار يعطيك الصحة
-مع تحيات الجنرال- نرجو لكم التوفيق-
​

الكرطاب معمر و الراس المسكين ربي يعينو فارغ
شكرا خويا

 

[رضوة الجزائرية]

انا راني نقري وهد الكلام قلتو للاباء الف مرة لي قاري من عند ربي لو تحفظو الستين حرب بلاما تقولو يحفظهم بصح الله غالب يحسبو روحهم فاهمين بصح واش نفهمو العاقل ولي يلعبها يفهم ربي يهديهم برك وزيد كاين لي يقروهم فالجامع مين يخرج ميت من لعيا ويقولو ولادنا عنيفين​

 

[أم عبد الله]

موضوع شباب

لي عودة بحول الله

والى ذالك الوقت سلام

 

[samah06]

يعطيك الصحة موضوع مهم للابوين

 

[بنت الـ25]

السلام عليكم ورحمة الله وبركاته
موضوعك فكرني بالمواقف اللي نعايشها كل صباح وانا رايحة نخدم
نلقى طفل صغير باباه يكركر فيه تكركير للمدرسة وهو يبكي وكارطابلو منعرف هو اللي هازها ولا هي لي هازتو هههههه
كانو يغيضوني هاد الأطفال سيرتو الصغار منهم
لكن الصغر هو أنسب وقت يتعلم فيه الطفل ويتربى التربية الراسخة
فالطفل كالصفحة البيضاء يمكن ان نكتب فيها ما أردنا فما بالك إذا كان ما يكتب يتم في المدرسة

كاين طفل من جيراننا ملي يطلع النهار وهو برا تعلم غير التعلام المارق والكلام العذب
هدا يجي وش يجي مينحيلوش الطبايع هادي بارسكو ترسخت فيه أثناء أكثر فترة حساسة لدى الطفل

هادي مرحلة فتنا عليها كامل وكل واحد كيفاه فوتها
الأهم اننا كبرنا وعرفنا قيمة الشي اللي داروه والدينا وانا من جيهتي نشكر بابا اللي كان يسبقنا بالسبتة للبيت كون يلقى واحد فينا دا تحت المعدل
ونحيي ماما اللي كانت تزير علينا ساعات وترخف الحبلة ساعات اخرى:up:
موضوعك يا رحمة رجعلي بزاف ذكريات الأكيد رايحة نرجع بإذن الله نسردها
سلامي
​