تَعرّف على الجزائر من لَهجات أعضاءها -حصري للّمّة-

 

[عازفة الاحزان]

بارك الله فيك على الموضوع حنونة

-واش معناها ودّي لي تهدرو بيها ؟

هاذي نقولوها عندنا بزاف

كيماا مثلا . . .يا ودي الا . . . .او يا ودي صح

معنى كي واحد يجادلك بزاف حتى يقلقك نقولوا يا ودي غي صح باه تتخلص منو

او كي تكون تهدر في موضوع و الطرف الثاني يفهم حاجة اخرى مختلفة نقولو يا ودي الا

شكرا على التوضيحـ حبيبتيـ
حنا ثانيـ نقولو ياوديـ

بالنسبة لاختي المسيلية

أهـــلا حبيبتيـ
كيفاش تقولو . . .. لا ادري . . . .


لا أدي = معرفـ , معلبليشـ


و كذلك كي يقولولك مثلا حاجة تخلعك . . واش اول كلمة تقولوها . . .كيما حنا نقولو


يا حوجي = يا خاه , ياخلايا , يا وخديـ


بارك الله فيك​

و فيكـ باركـ الله حبيبتيـ
​

 

[ام منصف]

موضوع رائع شوشو
يعطيك الصحة
***
والاهلا بالضيفة نتمنالها اقامة طيبة ومانكونش تعبناها باسئلتنا
​

 

[نســـر الورد يــن]

واش مكاش اسألة جديدة واحنا وقتاه دورنا​

 

[بنت الـ25]

مضوع مليح شوشو كيفاش ما فقتلوش؟ ماينة هههههههه:d
مرحبا بعازفة الأحزان المسيلية نتمنى تكوني مليحة وعجبتك الاستضافة :up:
بون
قوليلي كيفاش تقولو
(ينادي) مثلا: واحد يعيط (يزقي) على واحد؟
أحيانا
المستشفى

جاوبي على هادو ومبعد نزيدك
​

 

[عرفتك]

السلام عليكم
فكرة مليحة اختي سندريلا مليح نتعرفو على اللهجة الجزائرية بالتفصيل
انا اول مرة نسمبالي السلفة في الغرب وفيالعاصمة يقولولها لوستي عجبتني
ماكمش حابين تتعرفو على لهجة تبسة راهي باهية ياسر:up:

 

[عازفة الاحزان]

موضوع رائع شوشو
يعطيك الصحة
***
والاهلا بالضيفة نتمنالها اقامة طيبة ومانكونش تعبناها باسئلتنا
​

أهــلا بيكـ وبأسألتكـ فيـ أيـ وقتـ حبيبتيـ وتعبكمـ راحة :$
​

واش مكاش اسألة جديدة واحنا وقتاه دورنا​

حبيـــــــــــبتيـ مزالـ مشبعتشـ منـ أسألتكمـ والصبر مليحـ
​

مضوع مليح شوشو كيفاش ما فقتلوش؟ ماينة هههههههه:d

هههههههه أنـ تصلـ متأخر خير منـ أنـ لا تصلـ أبدا:up:

مرحبا بعازفة الأحزان المسيلية نتمنى تكوني مليحة وعجبتك الاستضافة :up:

وبيكـ حنونة تعيشيـ
وعاجبتنيـ الاستضافة خصوصا معـ طلتكـ الباهية هذيـ

بون
قوليلي كيفاش تقولو
(ينادي) مثلا: واحد يعيط (يزقي) على واحد؟

بسمـ الله

يناديه للحضور = أرواح

يزقي عليه= يعيط عليه

أحيانا = ساعاتـ ,مينـ ذاكـ

المستشفى = سبيطار

جاوبي على هادو ومبعد نزيدك
​

أهلا وسهلا حبيبتيـ رانيـ في الانتظار
​

 

[السلطانة]

مرحبا بيكم جميعا

كامل راح تشرفو الموضوع وجدو روحكم

:-r

اختي عازفة الاحزان

-كيفاه تقولو لواحد قاعد يضحك معاك /يتمسخر ؟

-واحد صامط كيفاه تقولولو ؟

-بركا او حبّس كيفاه تقولوها ؟

:d
​

 

[جمــآنــة]

موضــووع هــآآآيــل :)


بمـا انّــي من المسيلــة ، مراحـش نســأل ههههههههعع

بالتوفييق اخيتي عازفة الأحزاان ^^

 

[عازفة الاحزان]

مرحبا بيكم جميعا

كامل راح تشرفو الموضوع وجدو روحكم

:-r

اختي عازفة الاحزان

-كيفاه تقولو لواحد قاعد يضحك معاك /يتمسخر ؟

يتمسخــر

-واحد صامط كيفاه تقولولو ؟

صامط

-بركا او حبّس كيفاه تقولوها ؟

راكيـ تمديليـ فيـ الاجوبة
هههههههههه

حبسـ أو ريحـ

:d
​

موضــووع هــآآآيــل :)


بمـا انّــي من المسيلــة ، مراحـش نســأل ههههههههعع

بالتوفييق اخيتي عازفة الأحزاان ^^

أهلا بنتـ ولايتيـ هارواحيـ عاونيـ خيتكـ

تشرفتـ بيكـ
​

 

[السلطانة]

 

[السلطانة]

بعد أن زُرنا ولاية مسيلة
وتعرّفنا على لهجتها
والتي مثّلتها العضوة المتألقة

عازفة الاحزان

سننتقل لولاية جديدة
مع عضوة او عضو
سيمثّلها

ان شاء الله





​

 

[بنت الـ25]

مشكورة الأخت المسيلية على قعدتها الخفيفة
في انتظار العضو القادم شوشو دايرتنا السيسبنس ههههههههه
​

 

[simou11]

في الانتظار :d​

 

[السلطانة]

اهلا وسهلا بالأخت ا لطيبة
simou11

الضيفة الثانية للموضوع
أهلا وسهلا بكْ أختي


ومع اللّهجة العنّابيّة

​

 

[simou11]

اهلا وسهلا بالأخت ا لطيبة
simou11

الضيفة الثانية للموضوع
أهلا وسهلا بكْ أختي


ومع اللّهجة العنّابيّة

​

يزيد فضلك :$

و الف شكر ليك على الاستضافة
ان شاء الله نفيدكم عاgـد ما نقدر

:regards01:
​

 

[بنت الـ25]

اهلا بسيمو
هيا يزي بركا تصرا عركة
ههههههههه
سير رايحة تكون قعدة خفيفة انا شخصيا نموووت عاللهجة العنابية
معنديش بزاف استفسارات بارسكو رانا كامل ناس الشرق نعرفو الهدرة تع بعضانا

سلامي
​

 

[أم أمين23]

موضوع حلو وجيت على النية تحطت في بنت الكرتي راني نتبع ونشوف الا عنابية تاع الصح تاع بكري والا عنابية تاع ضرك لخاطر عنابة راه فيها اكثر من لهجة هكا اختي سيمو والا راني غالطة يلا ترى عرفيهم على العنانبة الي كاينين في عنابة بين العنابي المحلول كيما نقولو والعنابي القومان والعنابي العادي

 

[assinat]

اهلا بيك سيمو
مممممم عرفيني على العنابي المحلول
العنابي القومان
و العنابي العادي ( شفتهم من عند الاخت ام امين بغيت نفهم)
​

 

[السلطانة]

اهلا بكِ من جديد اختي سيمو
بنت عنابة الغالية
هدرتكم نفهمها خلاه خلاه
ونشتاركو معاكم في كلمات بزاف
قوليلي وحدة تاع :d
ندربك نكسّرلك وشّك
***************
نتمنى من الاعضاء يتفضلو ويسقسيوك
باسكو عارفتهم ديما
تجيهم كلمة خلاه ويزّي هادو بيزار
الور واش قلتي ودرتي وكليتي وشربتي
للراجل
فهميهم اسيمو
مرحبا بجميع الاعضاء
​

 

[الميزان]

موضوع هايل وعجبني يزاف


اللهجة العنابية تعجبني شابة بزاف



ممممممممممم اسئلتي هي

واش تسمو الجزر والكورجات والvارميسال
واش تقولو لعملية التنظيف نتاع الدار
واش تسمو الي عايشين فالخيم
واش تقولو لصاحب المتجر