خلــــــــــــونا نتعـــــــــارفوا [ المغتربين و المهاجرين ]

السلام عليكم حبيباتي في اللمة وشراكم ان شاء الله تكونو لاباس
ماتلومونيش على غيابي شوي منقعدش هاد ليام
صونية راكي موتيني بالضحك مي واش نقول لحبيبتي رانا في -13 جمادة تاع الصح
ام امين واش راكي مع الوحام ان شاء الله ماكيش تاعبا بزاف
واخواتاتي الباقيات ان شاء الله كامل راكم لاباس
 
صباح الخير عليكم كامل
واخيرا طل القمر يا مرحبا يا مرحبا شفتي صونيا خرجاتك من تحت الثلج
انا الحمد الله الله اخليك اخطي الماكلة برك الباقي كامل الحمد الله الله اخليك
انت واش اخبارك واش عاملة فيها باينة الروس ما خلاتكش تتحركي
 
صباح الخير لحراير واش راكم
جمانة الحمد لله لي طمنا عليك اصبري برك والبسي مليح وديما اشربي وكولي الحاجة السخونة وكتري لي سووووب
ام امين واش راكي لعزيزة
 
صباح الخير يالبنات ان شاء الله تكونو بخير

لاليشكا الحمدلله انك بخير والله ربي يعينك عالبرد بزاف -13 وكيراهي القراية معاكي

ام امين وصونيا وبقية البنات سلامي ليكم
 
اهلا صونيا والله الحمد الله رحمة ربي اليوم ما حبيتش ندي ولدي للحضانة راني نشوف من البالكون برك حسيتها برد وهو شوي يكح مالا قلت خلينا في السخانة خير خخخخخ
غدوة نروح نجيب النتائج تاع التحاليل ان شاءا لله وبعدو نروح ندير او ايكو ان شاءا لله الامور تكون ماشية بخير
 
اهلا ريمو وين وصلت القراية حنونة ان شاء الله امورك ماشي وبخير
 
الحمدلله اختي ام امين راني تقريبا كملت البحث بقالي تحضير للالقاء ان شاء الله
 
سلالالالالالالالالالام ريمو واش راكي
ام امين ربي يسهلك ان شاء الله حتا نتي حافضي على روحك من البرد
 
قال ريمو:
الحمدلله اختي ام امين راني تقريبا كملت البحث بقالي تحضير للالقاء ان شاء الله
إضغط للتوسيع...
ريمو ربي يوفقك ان شاء الله
واش موضوع البحث تاعك وبالعربي ولا بلغة اخرى
 
موفقة ان شاء الله ريمو المهم كملتي النظري على الاقل يبقالك غير التطبيقي حسب ما فهمت اللقاءات تقصدي بيها الجانب العملي من البحث ؟؟ ربي اجيب الخير واوفقك في عملها بسهولة
صونيا ان شاء الله حنونة ربك اعين
لبنات راني عملت موضوع في قسم الضبخ لقاء مع فنانة يلا زوروني فيه بلا ما نبقى نرسل في الرسائل الخاصة راه كاين الي دخلو بلا عرضة وكاين الي رسلتهم بصح مشكلتي اني ما نحبش نرسل الرسائل بزاف خخخخ
مالا اظغطو ايقونة مواضيعي وشاركو الا عجبكم الموضوع طبعا
 
اهلا صونيا الحمدلله نشكرو ربي ..انتي واش راكي ؟

امين ربي يوفق الجميع .. بحثي بالانجليزي وعن المسؤولية الاجتماعية للشركات العالمية .. وانا درت دراسة على شركة IKEA
 
قال ريمو:
اهلا صونيا الحمدلله نشكرو ربي ..انتي واش راكي ؟

امين ربي يوفق الجميع .. بحثي بالانجليزي وعن المسؤولية الاجتماعية للشركات العالمية .. وانا درت دراسة على شركة IKEA
إضغط للتوسيع...
الله المعين ان شاء الله
 
قال ريمو:
اهلا صونيا الحمدلله نشكرو ربي ..انتي واش راكي ؟

امين ربي يوفق الجميع .. بحثي بالانجليزي وعن المسؤولية الاجتماعية للشركات العالمية .. وانا درت دراسة على شركة IKEA
إضغط للتوسيع...

IKEA للسيارات والا اخرى خخ لانو هنا عندنا ماركاتو كبير اسمو هكا وفيه كلشي رخيص خخخخخخخخخخ ربي اوفقك حنونة
 
لا مش السيارت ,, شركة معروفة تصنع وتبيع لاثاث المنزل وصح فيها الرخيص وفيها الغالي
 
صباح الخير عليكم انشاء الله تكونو لاباس ام امين لالالا حبيبتي انا ما نزعفش هاديك البلاصة كل واحد يتمني يروح ويعيش فيها راني فاهمه قصدك ان شاء الله ربي يوفقك وتروحي تزوريها بادن الله
اختي ريمو صباح الخير ربي يوفقك في قرايتك حتي حنا عدنا ikea تبيع صوالح نتاع الدار فيها صوالح رخاص وفيها الغاليين
الاخت جمانة الحمد الله علي سلامتك هادي شحال ما بنتيش ؟؟؟
صونيا صباح الخير حبيبتي كراكي دايرة ؟؟؟؟
 
مسا الخير ام عبد الهادي ,, ان شاء الله تكوني بخير

امين اختي ربي يوفق الجميع
 
قال om abdulhadi 2011:
صباح الخير عليكم انشاء الله تكونو لاباس ام امين لالالا حبيبتي انا ما نزعفش هاديك البلاصة كل واحد يتمني يروح ويعيش فيها راني فاهمه قصدك ان شاء الله ربي يوفقك وتروحي تزوريها بادن الله
اختي ريمو صباح الخير ربي يوفقك في قرايتك حتي حنا عدنا ikea تبيع صوالح نتاع الدار فيها صوالح رخاص وفيها الغاليين
الاخت جمانة الحمد الله علي سلامتك هادي شحال ما بنتيش ؟؟؟
صونيا صباح الخير حبيبتي كراكي دايرة ؟؟؟؟
إضغط للتوسيع...
اهلا بيك او عبد الهاديييييييييييييييييييييييي واش راكي يا لالا ان شاء الله تكوني لباس
انا الحمد لله رانا عايشين :up:
 
wesh rakoum lbnat amina oum amin ,fatouma...................ect wesh rakoum dirou fi had alberd,ana rani hasla nhbet lzayer smana ljaya whselt fi les cadeaux,hna ma ken walou surtous llaajayez,wzidi rejli ykreh les bagages wellah ghir hselt,wlghashi bezef di lhada zidi hada sinon ygulou meshhahin :@:p,taarfou homa yshoufouna
nlgaw drahem bra,welah ghir hselt, thlaw fi rwahtikoum ,oum amin shehitini belmatlouaa taak,ana hselt fles mesures taa la levure taa alkhobz,fi zeyr mwelfin btaa alhbat,hnaya keyna shghel aajin ma naarefsh nkis ,:d :up:
 
السلام عليكم جميعا الله يبارك ربي يدوم لمتنا
ان شاء الله كلكم بخير​
 
آخر تعديل:
قال أم أمين23:
موفقة ان شاء الله ريمو المهم كملتي النظري على الاقل يبقالك غير التطبيقي حسب ما فهمت اللقاءات تقصدي بيها الجانب العملي من البحث ؟؟ ربي اجيب الخير واوفقك في عملها بسهولة
صونيا ان شاء الله حنونة ربك اعين
لبنات راني عملت موضوع في قسم الضبخ لقاء مع فنانة يلا زوروني فيه بلا ما نبقى نرسل في الرسائل الخاصة راه كاين الي دخلو بلا عرضة وكاين الي رسلتهم بصح مشكلتي اني ما نحبش نرسل الرسائل بزاف خخخخ
مالا اظغطو ايقونة مواضيعي وشاركو الا عجبكم الموضوع طبعا
إضغط للتوسيع...

ام امين عجبني موضوعك ان شاء الله نشاركك فيه انا على روحي و الله كل وقت وقتو كيما دورك راتي كاره المطبخ ندخل نطيب اللازم و نزرب نخرج
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom