مساعدة

[manal1993]

السلام عليكم
اولا نقدم تحياتي لكامل الاعضاء و نقولهم توحشتكم بزاف
في عام 2012كنت نتمنى نجيب الباك و اليوم كي جبتو راني حاصلة يا خاوتي كنت باغية انجليزية بصح ما ديتهاش واليوم راني حاصلة مع البيولوجيا و راني نخمم باش نبلوكي العام دبروا علي واش ندير

 

[بنت الـ25]

ينقل للقيم المناسب
​

 

[همس الوُرود]

أختي ديري استخارة وشوفي حد ما رايح ينفعك قد الخيار تاع ربي
تقبلي مروري من السلسبيلة المشاكسة​

 

[sissouma]

عسى أن تكرهو شيئا و هو خيرر لكم أنا مثلا قريت علوم إقتصادية ماكونتش نحبها و كونت رايحة نبلوكي العام مي قريتها و غير كملت قرايتي خدمت و الحمد الله ربي شفلي فيها خير

 

[محـ أمين مد]

السلام عليكم ورحمة الله وبركاته

عسى ان تحبوا شيئا وهو شر لكم و عسى ان تكرهوا شيئا وهو خير لكم و الله يعلم وانتم لا تعلمون

اذا نتي حابة ديري انجليزية . زيري روحك بلعي العام نتاعك ف البيولوجيا ماتخليش العام يفوت هكذا ف الباطل بالاك للقدام تحتاجيها ولا كاشما يزيدو فيها .

وصلاة الاستخارة هي الاحسن .

و السلام عليكم .
​

 

[وصال]

اختي واش نقولك انا نظن متضيعيش عام من حياتك في باطل مام البيولوجي مليحة ومتقوليش نخدم ومنخدمش شوفي ربي واش راه كاتبلك كاين ناس كانوا ضامنين زعمه رواحهم وراهم قاعدين شوفي ديري استخارة وان شاء الله ربي يسهلك امورك .

وفي كلتا الحالتين متخليش العام يروحلك اقراي وجيبي عامك والعام الجاي ربي يحيينا شوفي بالاك تكوني بدلتي رايك .
ربي يسهلك امورك ويوفقك لما فيه الصلاح ، ادعي ربي وقولي يا رب اختر لي ماتجده خيرا لي .

 

[manal1993]

ربي يخليكم و انشاء الله غادي ندير واش قلتولي ربي يحفظكم

 

[βïģ βôşş]

اول شيء كامل دينا الباك ورانانقرا في في حاجة مابغيناهاش
واش راح ديري الي كتبهولك ربياقرايه وربي يقدر الخير

 

[سمسم السمسومة]

مش كل حاجة تمنيناها درناها.....كملي العام تاعك هلاه تحبسيه

 

[AnGel_LoVe]

نصيحة ماتبلوكيش العام .. أقراي و جيبي عامك يالوكان بـ10 معليش و ادا راكي تعاودي ف الباك أقراي منا و منا و ماتخليش عام يروحلك هكداك باسكو نعرف ناس بزاف بلوكاو ممبعد ندموا كي ضاعلهم عام من حياتهم pour rien

و لعله خير لك هادي بيولوجي أقرايها بالاك توالفيها و تعجبك و تولي تحبيها

مليحة بيولوجي تلقايها
​

 

[Queen of hope]

ختيتي بيناتنا راكي بلوكيتي العام

و ممبعد ؟؟

وقت التسجيلات للباكالوريا خلاص

تقعدي عام و نتي بلا قراية ؟؟ والله غير مخك يحبس ... وواش يعاود يديماريه

كملي هاد العام اقراي بيولوجي نورمال ... بلا ما تبلوكي

بالاك يعجبك الحال

و اذا ماعجبكش الحال ... العام الجاي ان شاء الله سجلي فالبكالوريا ... و ربي يجيبها فالصواب