بسم الله الرحمان الرحيم
اخواتي العزيزات اليوم حبيت نشارك بوصفة هاااااااااااااااايلة
وهي سلطان مائدة الحلويات هي وصفة مقروض الغرس
و نتمنى انها تنال اعجابكم
المقادير:
3كيلات سميد متوسط
1كيلة سمن ذايبة و باردة
1فنجان انتاع زيت
للحشو :
كمية من الغرس منقي ومعجون مليح
بماء الزهر و قليل من القرفة و القليل من الجلجلانية المحمصة
التحضير:
1_ اولا :نبسس السميد بالسمن الذايب و فنجان الزيت و نفرك بين اليدين حتى تتداخل المكونات
2_ نبلل بالقليل من الماء الدافئ مخلوط مع القليل من ماء الزهر و نلم العجينة من غير ان نعجن وهنا كمية الماء تتوقف على نوعية السميد على خاطر كاين سميد يشرب و يقبل الماء بالزاف و اخر لا
3_ ناخذ القليل من العجينة ونعملو على شكل حربوش نفتحه من الوسط و نعمل بداخله حربوش من الغرس و نقفل عليه
4_ نبدا بلف الحربوش حتى نتحصل على الحجم المناسب نبدا نقطع على شكل مقروضات
5_ نبدا في تزيين المقروضات بالنقاش ثم نضعهم في صينية الفرن
6_ ندخل الصينية في الفرن المسخن مسبقا
7_ عندما يطيب نتركه يبرد و نحتفظ به في علبة مفرشة بالبلاستيك باش يظل طري و عند التقديم نشحرو بالعسل
نتمنى انو الوصفة عجبتكم و في النتظار تقييماتكم
شهية طيبة
