اليوم حبيت احكي لكم قصتي مع ابي رايحين تستغبرو نوعا ما قصة ابي والضياف
ايه الضياف ابي يعطي اكبر اهتمام ليهم موجودين كانو او غير موجودين ولازم نكونو على اهبة الاستعداد مهما صار كنت مريض ولا عيان ولا كاره ولا حتى حاب تبقى وحدك ممنوع لما يكون الضيف وانت تكون معروض ماكنش الروحة للعرس ولا معروض ولا حاب تخرج ممنوع
ادا الضيف يحتل المرتبة الاولي في بيتنا مند القدم ابي عسكري ولازم يكون كل شي يكون مظبوط على الشعرة لو ضيف جاي يتغدي الثامنة القدر راهي تطبخ وادا يتعشي الثالثة راكي فالمطبخ وماادراك الايام الاخري برمضان
اوف اوف عييت من الهدرة بصراحة صرت مين نسمع ضيف نسخف
تعرفو علاش من قبل ما اولد ولا يجو خوتي لكبار وحنا الضياف يوميا فالدار لي يتعشي لي يتقهوى ولي يفطر ولي فايت ادا الصنينة ديما على اتم الاستعداد
ولازم الدار ما تخواش لو ياخد امي لطبيب لازم وحدة فينا تغيب باه ادا جا ضيف يلقى الدار عامرة اجباري وفرض
نزيدكم صحا
مين نضو الصباح نتما تعرفو نحبو نتكسلو فالفراش شوي مين الدار خاويا يقعد يصرح لو يجي احد ويلقاكم راقدين ادا المسلسل الصباح والساعة السبعة يبدا الصراخ هدا مين مايكونش الضيف
نزيدكم شوي صبرو معايا
ويمين يكون عندنا ضيف اولا ممنوع هده المكولات وحتى لو كنت مطيبتها وخلاص طيابك تعاودي الطبخ
هما : بسم الله المحمصة المردود اللوبية البيضاء العدس المعجنات بانواعها الحساء ولحريرة بشرط تكون مع طبق مرافق والصيف ممنوع اطباق خفيفة
ماعليش نكمل ليكم واش صاير
ادا ضيف من الفامليا ديما يكون عندنا الممنوعات هي هي والاستعدات هي هي
مين يكون شخص مرة مرة يجينا سمحولي انا نحزم زوج حزامات ونعصب راسي لانهم خواتاتي يهربو منو يقعد غير يصرخ على كل شي واش نعملو ربي غالب
ادا لماعين يكونو واجدين وممسوحين من اواني الاكل الي صنية لاتاي مع الحلويات والكاكاو اجباري
من صبحيت الله يكونو واجدين ولغدا راهو فوق النار وهو ساعة ساعة يجي يفيرفيي يراقب بالعربية ولغدا 12تدق تدق في مخو حطو لغدا مع ابتسامة اجبارية
مين تغدو لاتاي كما العادة
المهم ضيف مار اي ماريحش ياكل عندنا مين يحط رجلو فالدار لازم نجرو نوجدو صنية لاتاي غير مع السلام عليكم الصنية تتحط حتى ولو ما يشربش وادا تاخرت فكرو شوي واش رايح يعمل:s
في بيتنا دائما الاستعداد لقسما شبابكم مشتعد هههههههههههههه سمحولي مستعد
