من فضلكم قولولي واش نشري دهب

[هِدايات]

عرسي العام الجاي و مازال ما درت والو.قولولي واش نشري دهب لانو قررت نبدا بيه

 

[@احساس طفلة@]

السلام عليكم
أختي الذهب كل واحد وكيفاه يعني على حسب مقدرتك انتي و أكيد كاين حوايج أساسية لازم تتدار مثل المناقش تكون مليحة
وسلسال حسب ذوقك و 2 أو 4 مسايس و الخواتم 2 أو 3 و المحزمة المهم أختي انتي وامكانياتك
موفقـــــــــــــــــة
​

 

[دمعة اشتياق]

السلام عليكم
اختي ماريانا ننصحك ماتكتريش الدهب لانو رايحة تشري صوالح شحاااااااااااال ومنا لقدام ربي يجيب
و عندك الصح كي بديتي بيه انا تاني درت هكا
شوفي وش شريت انا مكترتش على حساب المقدرة
سنسلة بيها بالدولارة
منقوش
خاتم
ومنافخ
و ربي يتمم لك بخير و يهنيك آمين

 

[::أبرار::]

نعم أختي الكريمة لازم اول حاجة تبداي بيها هي الذهب

و مني النصيحة أشري زوج مناقش واحد تع دار تع كل يوم و أخر للخرجات يعني يكون طويل تع سهرات

و منافخ و اذا قدرتي سباعيات احسن

و زوج سلاسل وحدة تع كل يوم و واحدة كبيرة مثلا كرافاش صغير أو سلسلة أصونسار تكون شوية مليحة

و قورمات و 3 خواتم و البركة

و ربي يتمملك بخير ان شاء الله

 

[هِدايات]

شكرا اخواتي الله يجازيكم

 

[السلطانة]

تمت الإجابة يغلق

​