اريد رايكم اليوم

[حلوم]

السلام عليكم
اشتقت اليكم ، اريد ان استشيركم في مشروع خياطة ، انا مرهقة من حالتي المادية انا و زوجي و عندي ماكينة خياطة و نفكر في مشروع تاع خياطة في الدار بصح خايفة من دخلت النسا عندي و نا ساكنة وحدي و راكم عارفين وقتنا شين و يخوف و ما نقدرش نكري لوكال الا اذا بعت كامل ذهبي و هو مش حاجة و فتحت بعيد على الدار
لازم نلقى حل وضعي المالي مخلط و مدخول زوجي ما عادش يكفي
الله يحفظكم دبرو عليا راها ضاقت عليا و ربي يفرج
نستنى اراءكم و مشكورين

 

[بنت الـ25]

ربي ييسرلك ويرزقك اختي حلوم
في رأيي مشروع ناجح ان شاء الله
انتي اتكلي على ربي والباقي عليه سبحانو
ومتخافيش من دخلة النسا فالله تعالى يقول
" لن يصيبنا إلا ما كتب الله لنا"
انا نقترح بعدما يولي عندك صيت (والخياطات مطلوبات بزاف في وقتنا)
تعملي برنامج أيام الاستقبال كيما عاملين كامل الخياطات عندنا
مثلا يومين تستقبلي فيهم النساء وطلباتهن والايام لوخرا تخدمي
وهكدا رايحة تتجنبي الإزعاجات
وإذا تستزيدي من آراء الأعضاء الكرام فبها
موفقة اختي

​

 

[عفاف الجزائرية]

السلام عليكم اختي
الخياطة حرفة ومهنة نظيفة وشريفة وربي يبارك تخرجك على خير
كيما وصاتك الاخت الي قبلي اتكلي على ربي وسمي بسم الله
واكيد انتي مادام ماراحش تفتحي العين وترخفي روحك للمشترية ماراحش يدصرو عليك
وكل واحد وقدرو يعني من الاول تحطي حدود رح يلتزمو بيها
وتاني كي تنشوفي شوحك بدات تمشيلك الخدمة ديري ايام برك للاستقبال
وهنا تكوني متهنية
مادام حالتك المادية تستلزم عليك تعيني زوجك وشايفة روحك قدارة تعاونيه اتكلي على ربي وماراحش يخليك
ربي يعينك حبيبة

 

[والدة فاروق]

ربي يفرج عليك اختي اقتراح برك تقدري تخدمي مع صاحب محل وتتفاهمو بيناتكم خاصة اذا كنتي تخيطي للعرايس تديله واش خيطتي وهو يبيعلك هاذي في حالة تخيطي من عندك ولا هو يجيبلك اللوازم ونتي تخيطي وهو يبيع وتتفاهمو بيناتكم وربي يسهلك

 

[ISMA.dz]

السلام عليكم

فكرة مليحة مادام تسترزقي من الحلال وبعرق جبينك علاه لا

ماعندك علاه تخافي ابداي طبقي الفكرة وربي يعينك ويفرج ضيقتك

بالتوفيق حبيبتي​

 

[سمسم السمسومة]

ربي يفرج عليكم يا رب...امشي فالفكرة و الله مليحة و ربي يسهلك ان شاء الله...

 

[!≈[سُِـِيٌــِـِفّ اٌڷِخً‘يٌـرُ]≈!]

كان لله في عونك أختاه

اسف لأني لا استطيع أن أفيدك ولو ببعض النصائح

أتمني ان يكون هنا أصحاب تجارب لكي تستفيدي منهم
​

 

[قناص الغرام]

ربي يوفق اختي فكرة مليحة
​

 

[رضوة الجزائرية]

ربي يفتح عليك من ابواب رحمته لو راكي حدايا نفتح انا وياك​

 

[أم عبد الله]

ربي يوفقك اختي ويفرج ضيقتك
فكرة ممتازة و ذات مدخول لا باس به لا تخافي فقط توكلي ع الله وان شاء الله ستفرج
وبالنسبة لخوفك من دخول النساء المتكرر لبيتك
فلتخيطي و تتعاقدي مع محل ليبيع بضاعتك او ان تعملي لها اشهار بين النسوة
فحينما يعلمون انك محترفة في شيء سيتهافتون عليك وهو شيء مجرب من عندي ههههههههههه لاني اعمل في الغرز
ولا يبقى لك الا تنظيم وقتك لتكملي العمل في الوقت المحدد

بالتوفيق
سلامي

 

[M3TaZ eLLMa]

السلام عليكم

أهلين بأخت الطيبة

أولا حبيت نشكرك على مساعدة زوجك لأنو والله الوقت هذه راهي وقت صعيبة صح


وأنت راك فعلتي الصواااب وربي يجزيك عليها إن شاء الله


أما بخصوص حوصلة وخلاصة موضوعك

رئي مع الاخوة الذين سبقوني في الحديث توكلي على الله وإن شاء الله ما يكون غير الخير يا طيبة

وربي يحميك ويحفظك ويعطيك ما تتمني يا طيبة وما تعبيش ذهبك خليه لظرووووف أقوى من هذه يا طيبة

وربي يحفظكم يارب


وإن شاء الله نسمعو منك أخبار تفرحنا يارب


تقبلي مروري البسيط


وشكرا​

 

[3ish.tchof]

مشروع روعة ربي يوفقك ما تستسلميش برك
​

 

[حلوم]

السلام عليكم جميعا و الله ما لقيت ما نقول .................. حاسة روحي في وسط عايلتي و الله لي ما لقيتوش في اخوتي لقيتو عندكم الله يحفظكم جميعا و اطمئنكم اني ابدا لن استسلم لثقتي التي ليس لها حجم و لا حد في رب العالمين و لسبب اخر هو اني أنا ابنت الحاج عيسى الله يعطيه الفردوس الاعلى فهو فخري و هو عزي و افخر اني ابنته الله يرحموا

 

[homework]

ربي يهنيك و يفتح عليك من فضلوا يارب ياكريم
اختي الكريمة و علاش ماتشوفيش لزتولي نتاع لخياطة و تخدمي فيهم تتعلمي و تدي الخبرة من بعد تفكري تفتحي وحدك

 

[::أبرار::]

للي خلق ما يضع يا أختي

ربي ييسرلك امورك و ربي يرزقك ما تتمناي إن شاء الله
​

 

[فتاة حساسة]

ربي يوفقك اختي ويفرج عليك ويسرلك..