تمنيت و عطالي ربي

[امونة الشاوية]

تمنيت و عطالي ربي

الحمد لله الحمد لله الحمد لله الحمد لله الف الف الف الف مرة
كيما تقول يوما امشي قدقد وتم تقدر تدعي ربي
ابدا لكم حكايتي و اتمنى ان تفيدكم و تستفادو
انا ملي تزوجت و الحمد لله ما خصني والو اللي اتمناه يكون عندي لاكن ما عنديش الدار لاكني ساكنة وحدي و الحمد لله و ملي تزوجت وانا في دار وحدة يعني ما نيش هازة راحلة
في العام تاع 2011 قررنا نديروالسكن التساهمي وبعت ذهبي و لمينا و دفعنا 100 مليون و الباقي نلمو و نسلكو على برا لان زوجي لم يشا ان يدير الربا
المهم في الشهر اللي درنا التساهمي علقوا القائمة تاع اراضي البناء و كان من فضل الله انو كنا فيها بعد ما نسينا الامر
لحمممممممممممممممد لله
احنا بعنا السكن التساهي و راح نسلكوا النيمرو احس[SIZE=6]ن *** من بعد نولي نكمللكم الحكاية تاع النيمرو
[COLOR=blue][SIZE=6]انا عندي وحدة كانت جارة امي و انا ملي كنت صبية ندور بيها و بقينا صحابات يعني هي اكثر منى ب11 سنة لاكن نتفاهموا
[SIZE=6]هي ملي كانت فيها شوي التخ كيما يقولو
[SIZE=6]المهم ما يهمش مرة جات عندي و ولدها 4 سنوات قالي ا[SIZE=6] اا ......... نروح نلعب في الحوش [SIZE=6]تكلمت هي و قاتلو ااااه الحوش تاع خلاها
[SIZE=6]**اسفة [SIZE=6]على الكلمة **
[SIZE=6]وهو كي عاد هوما بانيين يقولو للبالكون الحوش
[SIZE=6]لما سمعت الكلمة هاذيك [SIZE=6]قلتلها علاه قولي ان شاء الله قولي فايلك و[SIZE=6] زيد راه دينا نيمرو و الحمد لله
[SIZE=6]قاتلي ااااااااااااا صحح كل[SIZE=6]ش مبروك
[COLOR=indigo][SIZE=6]انا في الدقيقة هاذيك حسيت بغل كبير نحوها و دعيت ربي يخرجلي حقي [SIZE=6][SIZE=6]من الاستهزاء تاعها
[SIZE=6]و الحمد ل[SIZE=6]له نهار الاربعاء [SIZE=6]هاذا دارو القرعة و دينا نيمرو في اغلى منطقة في ام البواقي* العافري اذا واحد يعرف المنطقة * و واش تان[SIZE=6]ي 460 متر و 2 واجهات [SIZE=6]والواجهتين على الطريق في 2
[SIZE=6]وواش [SIZE=6]تاني النيمرو تاعها 200 متر [SIZE=6]و تاعي الضعف و تاني ياربي واش نقولكم هي ساكن[SIZE=6]ة تحنا يعني في الحي اللي امامنا انا مزالي امنية اتمنى من ربي يحققهالي نهار نكمل نبني نعيطلها و نقول لولدها روح تلعب في الحوش

[SIZE=7]حكيتلكم الحكاية لكي ما تفقدوش الامل في ربي احنا نكثرو في الكلام و ربي راهو مقدرلنا الافضل لازم دايما نحسنو الظن بالله واختم بالحمد لله
راني كثرت بصح حبيت تفرحوا معايا
[/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/COLOR][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/SIZE][/COLOR]​

 

[sasaz]

مبروك عليك ....بصح نورمالمو ما ديريش على ناس كيما هاذو مادام عندك هاذ الصبر ربي يهدي الناس وربي يعطيك ويعطينا معاك راني نسنى انا تاني في النوامر

 

[messhuda]

مبروووووووووك الف مبروك
ان الله يمهل ولا يهمل
الصبر الصبر الصبر ضروري والشدة في ربي لازمة
نحييك اختي على صبرك وربي يهنيك

 

[ماكانش]

سبحانو
رب فرج علينا ويرزقنا من فضلو

 

[بنت الجسور المعلقة]

لي خلق مايضيع
ألـــــــف مبروك
الله يجعلها عتبة مربوحة وعامر ة ومباركة بحضور ناسها
تتهناي وتسعدي بيها
ربي يرزقنا كيما رزقك
مشكورة على الموضوع ♥♥

​

 

[*NajéT Algérien*]

سبحانوووو

الففف مبروك علكي ختي ربي ماينساش عبادوو ​

 

[ام ريتاج]

الف مبروووك وربي يسهلك ان شاء الله وكل حي يدي مكتوبو
وهدرت الناس راها متخلاسش رضا الناس غايه لا تدرك
املا توكلي على ربي
انا لو كان نحكيلك على هدرت الناس قبل ما يرزقني ربي باولاد
بصح الحمد لله صبرت ونلت 3 ولاد والحمد لله
كاين لي قلي عاقر في وجهي كاين لي قالي فيك مرض السكر وكاين وكاين
ربي يهدي وخلاص

 

[anis 4ever]

ايه عندك الحق
لازم الواحد يدير الثقة في ربي وخلاص

 

[serinee]

مبروك الف الف مبروك
و الحمد لله على كلشي انتي انسانة مؤمنة و كنت صبورة و ربي رزقك و ربي ان شاء الله يرزقنا مما رزقك المهم ما يكونش الانسان طماع و يكون قنوع
و ربي يكملك ان شاء الله
​

 

[رهف سعد]

مبرررررررررررررك الف مبروك والله اني تستاهلي كل خير

 

[بنت الـ25]

السلام عليكم امونة الفحلة

ربي قال اذكروني أذكركم واشكروني أزدكم
والله يمهل ولا يهمل ويحس بعبادو
وانتي الحمدلله ربي رزقك ربي يزديك ان شاء الله
ويبعد عليك العين
​

 

[امونة الشاوية]

شكرا لكل من نور الصفحة واتمنى لكل واحد يحققلوربي واش يتمنى

 

[fahita]

ربي يفرحك ويفرحك تستاهلي كل خير اختي
الف الف الف مبروك ربي يجعلها عتبة الخير عليكم امين يا رب

 

[أم أمين23]

اولا الف مبروك عليك وربي اعينك وتكملي بنيتها وربي يرزقنا جميعا
وما اديريش عليها وما تحطيهاش في بالك الله غالب هاديك هي عقليتها كاين ناس الله غالب يحبو ديما الي في يدين غيرهم ممكن فرحتلك بصح حابة هي ثاني يكون عندها كيفك والا احسن
وماشي مشكل بالكون والا حوش كل واحد وهدرتو المهم نفهمو على بعض ولو انو كاين ناس عقليتهم خايبة يحبو يبدلو لهجتهم باش يبانو ارقى ما عرف علاش

 

[NICHA03]

ميروك عليك اختي
لعقوبة تزيدي تبني انشاء الله و تتهناي
و شفيها كي تجيب ولدهاا يلعب ثم فالحوش
​

 

[kiko ikoo]

الف مبروك عليك انت تمسكتي ب بربي وحطيتي كامل واش عندك و صبرتي او كيما ايقولك الصابر اينال وربي يفتحها بوجهك و ايكثر من مثالك
​

 

[مجيد.]

الف مبروك عليك انت تمسكتي ب بربي وحطيتي كامل واش عندك و صبرتي او كيما ايقولك الصابر اينال وربي يفتحها بوجهك و ايكثر من مثالك
​

مصورة شعرك

 

[kiko ikoo]

واش مجيد عجبك شعري ادا حبيت نسلفولك هههههههه
​

 

[hadda0425]

مبروك ايمان والصابر ديما ينال
ان الله مع الصابرين
​