السلام عليكم و صح رمضانكم
ربما تستغربون لاني دائما اقلقكم بتساؤلاتي و لكن السبب هو انه لا يوجد ابدا من هو معي الا زوجي بصراحة احس انني اعيش في المريخ فاهل زوجي جابدين مني لدرجة فضيعة و اهلي قلما وين يجوني و صديقاتي ملي تزوجت اختفو تماما
المهم الموضوع اليوم يتعلق بالجانب المالي و النفسي معا
كيما راكم عارفين زوجي لا باي نتاعو ما عادش تكفيني انا و ياه هو يخدم اسلاك مشتركة و رانا كاريين و الظروف صعبة مثلا هذا الشهر درنا ميزانية خاصة بشهر رمضان شرينا المصروف كيما العادة تاع شهر و خالينا 300 الف احتياط و الله قا الكرية ما خلاصناهاش صحا جا المشكل تاعي تاع الطبيب و مرضت بزاف اضطريت نروح لطبيب ايا هاديك 300000 تبخرت غير في الطبيب و التحليل و الدوا و دوركا و الله ما ني عارفة و اش ندير
هو راه مريض و عافاس على قلبو خاطر ما كانش دراهعم باه يروح لطبيب
اهلو ما يتفكروهش بحتى مجرد تكلام و لا سؤال عليه
انا عندي شوية بقالتلي تاع ذهب ماشي حاجة تكفي باه نبدا مشروع صغير
انا كيما راكم عارفين ما عنديش دراري و مليت من القعدة
و في نفس الوقت راه ربي عالم جريت حتى كرهت على الخدمة و الو حتى الادماج ما صحليش
انا و راجلي في زوج duea informatique
طبعا كون نقول الموضوع لدارنا يرفظو تماما بصح انا خلاص فاض بيا حابا نفتح مشروع انا وياه و انا لي نشدولو
و هو يبقا في خدمتو و هاك نعيشو بكرامتنا و في نفس الوقت نلاهي روحي
و ثاني انا نشالله راني نستنى في حقي في الورثة الله اعلم ويكتا مي لا بد و يجي و كي يجي نعوض ذهبي
انا متاكدة انو مسكين ما عندوش مين يعوضني و ثاني خلاص ضاق بيه الحال
و عاد داما حاير حاساتو كبر ماية عام وهادا ياثر فيا انا لي خاطر طول النهار وجهي في وجهو
و ثاني انا اجتماعية ياسر و نحب نخلط في الناس و قعتدي هادي قتلتني
و هو ثاني عندو طموح و حاب يخدم حاجة تخرجو من روتين العمل الرسمي نتاعو و توفرلنا مدخول مادي اضافي
و انا اصلا ما نحبش نلبس الذهب بزاف و اصلا راني لحد الآن بعت تقريبا نصو كل مارة يجيني ظرف و كن نستمر هاك نلقى روحي بعتو كامل بلا ما استفدت مشروع يوفرلي مدخول
انا رايحة استخير لكن اطلب منكم نتوما ثاني تتفاعلوا و اجركم عند ربي و تشيروا عليا
طولت عليكم لكن و الله ا ما عندي الا نتوما نسالهم ربي يحفظكم تفاعلوا معي
ربما تستغربون لاني دائما اقلقكم بتساؤلاتي و لكن السبب هو انه لا يوجد ابدا من هو معي الا زوجي بصراحة احس انني اعيش في المريخ فاهل زوجي جابدين مني لدرجة فضيعة و اهلي قلما وين يجوني و صديقاتي ملي تزوجت اختفو تماما
المهم الموضوع اليوم يتعلق بالجانب المالي و النفسي معا
كيما راكم عارفين زوجي لا باي نتاعو ما عادش تكفيني انا و ياه هو يخدم اسلاك مشتركة و رانا كاريين و الظروف صعبة مثلا هذا الشهر درنا ميزانية خاصة بشهر رمضان شرينا المصروف كيما العادة تاع شهر و خالينا 300 الف احتياط و الله قا الكرية ما خلاصناهاش صحا جا المشكل تاعي تاع الطبيب و مرضت بزاف اضطريت نروح لطبيب ايا هاديك 300000 تبخرت غير في الطبيب و التحليل و الدوا و دوركا و الله ما ني عارفة و اش ندير
هو راه مريض و عافاس على قلبو خاطر ما كانش دراهعم باه يروح لطبيب
اهلو ما يتفكروهش بحتى مجرد تكلام و لا سؤال عليه
انا عندي شوية بقالتلي تاع ذهب ماشي حاجة تكفي باه نبدا مشروع صغير
انا كيما راكم عارفين ما عنديش دراري و مليت من القعدة
و في نفس الوقت راه ربي عالم جريت حتى كرهت على الخدمة و الو حتى الادماج ما صحليش
انا و راجلي في زوج duea informatique
طبعا كون نقول الموضوع لدارنا يرفظو تماما بصح انا خلاص فاض بيا حابا نفتح مشروع انا وياه و انا لي نشدولو
و هو يبقا في خدمتو و هاك نعيشو بكرامتنا و في نفس الوقت نلاهي روحي
و ثاني انا نشالله راني نستنى في حقي في الورثة الله اعلم ويكتا مي لا بد و يجي و كي يجي نعوض ذهبي
انا متاكدة انو مسكين ما عندوش مين يعوضني و ثاني خلاص ضاق بيه الحال
و عاد داما حاير حاساتو كبر ماية عام وهادا ياثر فيا انا لي خاطر طول النهار وجهي في وجهو
و ثاني انا اجتماعية ياسر و نحب نخلط في الناس و قعتدي هادي قتلتني
و هو ثاني عندو طموح و حاب يخدم حاجة تخرجو من روتين العمل الرسمي نتاعو و توفرلنا مدخول مادي اضافي
و انا اصلا ما نحبش نلبس الذهب بزاف و اصلا راني لحد الآن بعت تقريبا نصو كل مارة يجيني ظرف و كن نستمر هاك نلقى روحي بعتو كامل بلا ما استفدت مشروع يوفرلي مدخول
انا رايحة استخير لكن اطلب منكم نتوما ثاني تتفاعلوا و اجركم عند ربي و تشيروا عليا
طولت عليكم لكن و الله ا ما عندي الا نتوما نسالهم ربي يحفظكم تفاعلوا معي
