راني حبة وصفة للانقاص الوزن راني طرطقت من السمنة

[ام ريهام]

رالسلام عليكم ورحمة الله وبركاته اتمى لكم يوم سعيد وجميل

اريد من كل من لديها وصفة مجربة 100/100 تنقص من الوزن تقولي علها خاصة منطقة البطن كنت ندير رياضة ولكن حبست راني حابة وصفة فعالة اتمى انكم تفيدوني وشكرا

 

[sandibelle25]

سلام اختي مشكلتك كيما انا كنت ندير الرياضة و كي حبست زدت سمنت
و درك شريت شاي dr ming الحمد لله بديت ننقص و الكل لاحظ هاد الشي و عندي غير اسبوع ملي شربته
اختي هاد الشاي يتباع sur cammande و يدير 500 الف
جربيه و قوليلي ........تقبلي مروري سلام

 

[ام ريهام]

سلام اختي مشكلتك كيما انا كنت ندير الرياضة و كي حبست زدت سمنت
و درك شريت شاي dr ming الحمد لله بديت ننقص و الكل لاحظ هاد الشي و عندي غير اسبوع ملي شربته
اختي هاد الشاي يتباع sur cammande و يدير 500 الف
جربيه و قوليلي ........تقبلي مروري سلام

شكرا لمرورك الكريم
لكن اختي وين نكمونديه راكي غير اسبوع ونقستي شحال من كيلو

 

[نور الحبوبة]

سلام انوصي خوتاتي وننصحهم ابعدو هاد الاشياء لانها خطير وتخلف امراض مستقبلية وتولي تقولي السمنة خير من المرض واحسن رياضة هي المشي او القفز على الحبل ولكان طتلعي وتهبطي في الدروج عدة مرات وهدا مفيد وعن تجربة

 

[رهف سعد]

حتى انا كيفك .منطقة البطن كبيرة جدا .............لو نقص وزنك افيديني ....عندي عرس اخوي الكل فرحان الا انا

 

[سمو الذات]

التخماااااااااام والوسواس
طيب انا عمري 22 سنة وزني كارثة نوزن 47
علاه هكا
وانتي سمينة تحبي تنقصي

اسمعيني
اسرع طريقة لانقاص الوزن
انك تاكل 5 مرات في الليوم لكــــــــــــــــن كولي غير حاجة قليلة يعني 5 مرات 5 سندويشات صغاار كثري من الماء باش تحسي بالشبعة ومتكثريش الاكل
والوصفة الناجة كية بالمية انك اصلا متفكريش باش تنقصي الوزن هههههههههههههههه
لانك اذا كبرتيها في راسك مش رح يصير يلي تحبيه
بالتوفيق ^^
​

 

[ام اسراءواسحاق]

اختي لازم تنقصي زونك بطريقة صحية
انا عمري 28 و عندي 2 ولاد و وزني كان 75 قعدت 3 سنوات زوني ثابت لكني راضية بيه ، حتى الصيف الماضي حبيت ننقص شوية عملت ريجيم 4 ايام ماكليت والو غير القهوة مع حبة قاطو نتاع الشاي و مرات حبة تفاح نقصت3 كيلو لكن اليوم الرابع دخت قريب طحت ثم وقفت الريجيم و قلت المهم مارانيش مريضة الحمد لله ثم تابعت اكلي عادي و نقصت 5 كيلو بلا ريجيم في مدة شهرين و الان ممكن نكون 70 او 71 و الحمد لله مقتنعة بوزني ، زوجي مرات يقولي نعيط لكاش واحد يجي يعرض في الباب شوية نقولو انا مرانيش سمينة شوف فلانة و فلانة و منسكتش حتى يقلي لالا راني غير نضحك معاك انا راكي عاجبتني هاكذا:p. حكيتلك حياتي كاملة.
سلامي.

 

[رهف سعد]

ولله ياام اسراء واسحاق راكي تهبلي بلا ما نشوفك ....انا منطقة البطن وحدها توزن حوالي 50 كيلو ههههههههههههههههه ماعرفتش واش ينقصها

 

[NANOUZ]

اختي بالنسبة لشاي الدكتور مينغ كل القنوات راهم يحدرو منو . والي قالت عندها عرس وحبت تشيان بسرعة نقولك وعن تجربة ماكاش كيما ريجيم التمر والحليب انا في 4 ايام تبان النتيجة .

 

[رهف سعد]

قولينا كيفاه ريجيم التمر

 

[NANOUZ]

ريجيم التمر و الحليب معروف عالميا ومافيه حتى اضرار مي لازم تكوني كوراج
شوفي اختي عندك 21 حبة تمر و 3 كيسان حليب تقسميهم في النهار بعني كل كاس حليب مع 7 تمرات هدا واش تاكلي وادا ما قدرتيش تقدري في القطور تاكلي خضرة مفورة . جربي وشوفي النتيجة و الله تبان بسرعة انا جربتو عدة مرات :up:

 

[رهف سعد]

هل نفع معك الرجيم هدا والنتيجة واقتاش تبان

 

[حورية الجزائر]

مساء الخير

الزنجبيل مفيد لحرق الدهون وكاين طريقة كفاش تستعمليه للدكتور جميل الدويك ...عندو صفحة فالفيسبوك يحكي بزاف على الزنجبيل والفوائد نتاعو اذا حبيتي نجيبلك الوصصفة تاع استعمال الزنجبيل لحرق الدهون

ولازم تعرفي انو السمنة ممكن تكون لاسباب نفسية كما النرفزة مثلا ... على هدا لازم تعرفي وش السبب من بعد ابداي معالجة تاعك

بالرياضة والاكل الصحي

ولازم تكوني صبورة باش تقدري توصلي للنتيجة ...ربي يوفقك ويرزقك الصحة والعافية

 

[somo_81]

انا عندي موضوع عن رجيم الحليب و التمر و الله مليح لي عندها الكوراج و ماتخافيهش اذا طبقتيه كيما يلزم
https://www.4algeria.com/forum/t/335052/

 

[somo_81]

رجييم التمر و الحليب
اختي العزيزة 21 حبة تمر مع 3 كؤوس حليب موزعة على ثلاث مرات باليوم ستة ايام بالاسبوع و اليوم السابع راحة تاكلي واش تحبي لكن بالاعتدال ماشي لنحتيه في 6 الايام ترديه في نهار مدة شهر راح تشوفي نتيجة رائعة و بالتوفيق انشاء الله لكن مدة التطبيق ماتزيدش على شهر او على الاقل ريحي اسبوع و زيدي كملي شهر أخر
و بالتوفيق حنونة انا لي نقصتو راني رديتو بسبب le goitre لو كان غير جيت ناكل مرنيش ناكل و راني نزيد:cray02::cray02:

 

[نور الحبوبة]

مساء الخير خياتي انا تاني راني تعبت نفسيا من زيادة الوزن وراني حابة ننقص
مي حبيت اسكو نقدر اندير الرجيم هاد مع اني نرضع والبيبي عندو غير 4 اشهر
اذا مايخلفش اضرار على البيبي

 

[somo_81]

صباح الخير أختي انا جبت الفرة من منتدى سعودي المجموعة لي دارت الرجييم كانو قع يرضعو وعلى حسابهم مليح مضرهمش و أنا طبيبة تاعي قاتلي شربي الماء برك ما يصرال والو بالعكس كي راكي ترضعي و ديري رجييم تشياني تمتم اذا عندك الكوراج و الله ما تندمي تقدري تنحي 15 كلغ في شهر على الاقل
انا كي درتو كنت نرضع بصح بنتي كان في عمرها عام و نص و ماكانتش تاكل كانت متكلة غير على الرضاعة و ماصرالها والو
انت جربي يومين ولا ثلاثة وشربي الماء بزاف اكثر من عادة و شوفي اذا منقصش الحليب كملي
ربي يكون في عوتك ان شاء الله تحياتي حنونة

 

[NANOUZ]

هل نفع معك الرجيم هدا والنتيجة واقتاش تبان

نعم اختي هدا الريجيم الوحيد اللي خرج عليا و النتيبجة تبان في 04 ايام تلقاي روحك نقصتي مي كملي 07 ايام باش تكون النتيجة روعة:up:

 

[رهف سعد]

انا راني بديت في الرجيم اسكو نشرب قهوة ولالا والحليب كانديا

 

[NANOUZ]

انا راني بديت في الرجيم اسكو نشرب قهوة ولالا والحليب كانديا

لا لا اختي ما تشربيش القهوة والحليب اشربي كانديا سيلوات مع التمر نتيجة فور:up: