حملة بروبلام تاع ارادة برك-تجمّع خاص بسيدات وآنسات المنتدى-ريجيم مجربّ-

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

وعليكم السلام
يعطيك الصحة ساندي جميل موضوعك هذاا

لكن للاسف انا حاب نزيد من النحافة تعي
انا راني في 51 كلغ وطولي 1.56
وشحال من مرة حولت نزيد لكن جربت طرق الانترنات لم استفد منها بل العكس نحفت اكثر
وزيد راه جاي الصيف عارفة نفسي ننقص اوكان مانديرش حل

​

اهلا اختي
وزنك وطولك لاباس بيهم اختي
حافظي عليهم
:graduation:

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلام عليكم .

انا راني نقص في كمية الاكل يعني أخذ حاجتي فقط كيما قال الرسول عليه الصلاة و السلام :
(نحن قوم لاناكل حتى نجوع و اذا اكلنا فلا نشبع).و اكيد نبعد على السكريات و الدهون .
نمارس الرياضة يوم بعد يوم في العشية بحيث ندير تسخينات ثم حركات رياضية لشد البطن و الخصر لمدة ساعة.نشغل اليوتيوب و نتبع هههه . لاني الصباح نكون لاتيا مع شغل الدار.
بعدها نشرب شاي اخضر .
العشاء ناكل مما هو موجود لكن كمية قليلة .

شيخو عليا نكمل هاك ؟

و راني حابة نتناول زريعة الكتان شكون لي جربتها تفيدني ؟

اهلا حبيبتي
ياس ياس :yahoo01: الحمد لله كي بديتي
ايه برنامجك معقول جدا
زريعة الكتان جربتها خالتي
قالت مليحة انا مجربتهاش جربت غير الزنجبيل
واصلي وقوليلنا النتيجة

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

انا ثاني كننت ندير في الرجيم بصح اكينا هو المشكلة وخاصة العجينة كارثة هو لي يخرج الكرش ولي حابة تدخل كرشها
عندي وصفة
تاي اخضر +زنجبيل+نعناع+نخلطهم ونغليهم في الماء بعد نصفيهم ونشربهم قبل وجبات الثلاثة بربع ساعة
وننصحكم العشاء ما تتعشاوش لانو العشاء هو لي يسمن والعجينة والحلويات نقصو منهم
انا راني نمشي هكدا حاسة روحي نقصت مع الرياضة المشي
بصح راني صايمة هدي الايامات

اهلا اختي ايه العجينة اكبر كارثة
والقلي والمشروبات الغازية
شكرا على الوصفة ان شا ءالله يستفادو منها الاخوات

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

سلام ساندي يعطيك الصحة يالفحلة
أنا بديت ريجيم قبل ونقصت 04 كيلو فأسبوع وراني متبعاتو شكرا على النصائح يعطيك الصحة زدتي عاونتيني
نهار نوصل للوزن ألي حبيتو نقولك
سلام

اهلا حبيبتي
الله يبارك ان شاء الله تنقصي وتوصلي للوزن لي حاباتو

في انتظارك حبيبتي

:graduation::graduation:

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

اعطوني بروgرآم باش نقص من وزني تاع الاكل​

اهلا حبيبتي شوفي البرنامج لي راني حاطاتو في الموضوع

ومادامك تقراي

انا نقول الغذى تغذاي عادي لأنك تبذلي جهد تخرجي وترجعي

وانما العشا لي نقصي منو واشربي من وراه كاس زنجبيل

ونقصي من الشوكولا والحلويات كان تاكليهم مثلا على العشرة وفي وقت

 

[¬Đỉaмơŋđ ✿]

رد: حملة بروبلام تاع ارادة برك-تجمّع خاص بسيدات وآنسات المنتدى-

السَلآم عليكُم​

حبيتْ نفيدكمْ بطريقَة تدخّل الكرْش ومآكتبتشْ هآذي الطريقَة إلآ بعدْ مآتأكدتْ منهآ لأنهآ مجربَة من طرفْ زميلتآنِ في العملْ
- أسآس الوصفَه هيّ الكُرنبْ ( الكْرَمْ،أو الملفُوف) تنحِي أورآق منُّو وتحطيهُم علَى البطْن،تلفي بطنكْ بعدهآ بنيلُون أو حتَى قطعَة قُمآش،تجِيبي سيشوآرْ وشعليِه سآخنْ ووجهِي هآذيك الحرآرة للبطنْ لكنْ مآتقربيشْ بزآفْ ..
تدآومِي على الطريقَة إلى غآية الوصُول للنتيجَة اللِي تحبيهآ.


وطريقَة أخرَى تنقّص الوزْن:
- تجيبي ورقَة كرنبْ وتحطيهآ في مقدآر من المآء وتخليهآ تغلِي مليحْ حتَى يتغيرْ لونْ المآء،صفِيه وديريه في قآرورَة وإشربِي منّو حوآلي كآس يوميا

نتمنَى نكُون أفدتكُم
​

 

[ЯǾᵯẫḭṧşẰ]

رد: حملة بروبلام تاع ارادة برك-تجمّع خاص بسيدات وآنسات المنتدى-

السَلآم عليكُم​

حبيتْ نفيدكمْ بطريقَة تدخّل الكرْش ومآكتبتشْ هآذي الطريقَة إلآ بعدْ مآتأكدتْ منهآ لأنهآ مجربَة من طرفْ زميلتآنِ في العملْ
- أسآس الوصفَه هيّ الكُرنبْ ( الكْرَمْ،أو الملفُوف) تنحِي أورآق منُّو وتحطيهُم علَى البطْن،تلفي بطنكْ بعدهآ بنيلُون أو حتَى قطعَة قُمآش،تجِيبي سيشوآرْ وشعليِه سآخنْ ووجهِي هآذيك الحرآرة للبطنْ لكنْ مآتقربيشْ بزآفْ ..
تدآومِي على الطريقَة إلى غآية الوصُول للنتيجَة اللِي تحبيهآ.


وطريقَة أخرَى تنقّص الوزْن:
- تجيبي ورقَة كرنبْ وتحطيهآ في مقدآر من المآء وتخليهآ تغلِي مليحْ حتَى يتغيرْ لونْ المآء،صفِيه وديريه في قآرورَة وإشربِي منّو حوآلي كآس يوميا

نتمنَى نكُون أفدتكُم
​

وعليكم السلام
بارك الله فيك أختي على الوصفة
نتمنى من الجميع الاستفادة
دمتِ
​

 

[ЯǾᵯẫḭṧşẰ]

رد: حملة بروبلام تاع ارادة برك-تجمّع خاص بسيدات وآنسات المنتدى-

شرب خل التفاح قبل الاكل تاني مفيد لإنقاص الوزن
المقدار : معلقة كبيرة +نصف كاس ماء
قبل الاكل ب 15 د

​

 

[AmiR@RoRo]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلآم عليكم
يعطيكم الصحة وبارك الله فيكم على الفكرة الطيبة
وان شا الله تفيد كل من يعاني من هاد المكل
انا الحمد لله ماكانش سمانة :d بالعكس حابة نزيد شوية
طولي 1.62 ووزني 54 هادي كانت من مدة بصح الان منعرف الا زدت ولا نقصت
مشكووورين مبادرة روعة ..

 

[ЯǾᵯẫḭṧşẰ]

رد: حملة بروبلام تاع ارادة برك-تجمّع خاص بسيدات وآنسات المنتدى-

للموز تأثير على الشهية فهو يعمل على سد الشهية والاكتفاء بالأكل القليل ويعتبر رجيم الموز من أشهر انظمة الحميات الغذائية، فقد أثبتت الدراسات أن تناول الموز في وجبة الافطار يزيد من حرق السعرات الحرارية ويقلل نسبة تناول الطعام. ويساعد أيضا على الحد من شرب الكافيين في وجبة الإفطار كما يحتوي الموز على الكثير من الألياف والبوتاسيوم الذي يجعل الجسم يشعر بالشبع والامتلاء وطريقة إتباع حمية الموز كالتالي: وجبة الإفطار:ثمرة موز واحدة أو أكثر حتى الشعور بالشبع + كوب من الماء الفاتر. وجبة الغداء:أي وجبة يختارها الفرد. وجبة خفيفة:قطعة صغيرة من الحلوى في حالة الجوع. وجبة العشاء:تناولي ما يحلو لك في هذه الوجبة، ولكن عليك تناولها قبل الساعة الثامنة ​

 

[la_safa]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلآم عليكم و رحمة الله و بركآته ،

شوشو يآ شوشو و أفكآرك ، موضوع هآيل و زيد الله يبآرك عندو شعبية
كلمة الريجيم تلم الغآشي كآمل ههههـ
بون انا مع ننصح كل وحدة زآد وزنهآ على المطلوب تبدى تنقص
لأنو السمنة رآهي مرض العصر و تسبب أكثر من ستة عشر أمرآض ،
أنآ رآني هنآ نقدم أي مسآعدة و أكيد درك نجيبلكم نصآئح صحيحة مئة بالمئة
لأنو الرشآقة هي نظآم غذآئي + ريآضة لآ ريجيمآت و لآ غيرهآ ،

انآ عن نفسي ندخل في سبآق معآكم للتحفيز :
وزني [ اليوم و أنآ نوزن في الكآبيتآل آي مينآت بآلآت تعرفو خخخخخ ]
56كغ - 163سم
بصح حآبة ننقص زوج ولآ تلآث كيلوآت بركـ نعآونكم ههههـ ،

و أي سؤآل انآ هنآ /
​

 

[AmiR@RoRo]

رد: حملة بروبلام تاع ارادة برك-تجمّع خاص بسيدات وآنسات المنتدى-

اهلا صفصف عاش من شافك
راها عندك طاي حطة ماكالاه تزيدي تنقصي
ادا نقصتي ماراحش يخرج عليك الحجاب الازرق هكدا راه جايك خير هههه
تبارك الله عليك وربي يوفقك​

 

[la_safa]

رد: حملة بروبلام تاع ارادة برك-تجمّع خاص بسيدات وآنسات المنتدى-

اهلا صفصف عاش من شافك
راها عندك طاي حطة ماكالاه تزيدي تنقصي
ادا نقصتي ماراحش يخرج عليك الحجاب الازرق هكدا راه جايك خير هههه
تبارك الله عليك وربي يوفقك​

أهلآ أمورة الله لآ يغيبك حبيبتي :graduation:
هههههـ والله كآمل يقولولي هكآ :$ ،
حبيت برك نحفز شوي لي معآنآ بآه كآشمآ يديرو الكورآج :sport01:
مآلآ مآكآلآه نكسر رآسي !
الله يبآرك فيك لعزيزة و يخليك ^^
شحآل توزني نتيآ ؟ والله مآشفت الردود ههههه
​

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

اهلا صفصف وامورة راكم في زوج الله يبارك

صفصف غير ابقاي هك هههه ربي يحفظك لعزيزة ان شا ءلله تعاونينا وباه ينقصو البنات في الوزن الزائد

 

[AnGeL*dZ]

رد: حملة بروبلام تاع ارادة برك-تجمّع خاص بسيدات وآنسات المنتدى-

سخفتوني
انا قعاد الدار ماخرجش عليا من اللي كنت 57 كغ وليت 67 هههههه مام زعمة درت ريجيم غير سلايط و نقصت الحلاويات ولي فاست فود سبابي مانقصتش بزاف غير 3 كغ وفقدت الأمل ^^
مي واخيرا اكدلي طبيبي بللي زيادة الوزن هاذي بسبب مشكل صحي عندي
عندي امتحانات نخلصهم ونلتحق بيكم ان شاء الله
درك راني ننقص من الكمية تاع الاكل يعني ناكل زوج مغارف ثلات وخلاص راحتلي الشهية

 

[السلطانة]

رد: حملة بروبلام تاع ارادة برك-تجمّع خاص بسيدات وآنسات المنتدى-

سخفتوني
انا قعاد الدار ماخرجش عليا من اللي كنت 57 كغ وليت 67 هههههه مام زعمة درت ريجيم غير سلايط و نقصت الحلاويات ولي فاست فود سبابي مانقصتش بزاف غير 3 كغ وفقدت الأمل ^^
مي واخيرا اكدلي طبيبي بللي زيادة الوزن هاذي بسبب مشكل صحي عندي
عندي امتحانات نخلصهم ونلتحق بيكم ان شاء الله
درك راني ننقص من الكمية تاع الاكل يعني ناكل زوج مغارف ثلات وخلاص راحتلي الشهية

اهلا كوكيتا

اخخخخخخ واش هادا كل :p

ان شاء الله ربي يشفيك حبيبة
كملي القراية ومن مباعد ساهل الحال تهلاي في روحك :love01:
وديري السبور لأنو الريجيم بلاسبور والو ميدير

 

[la rose de sable]

رد: حملة بروبلام تاع ارادة برك-تجمّع خاص بسيدات وآنسات المنتدى-

السلام عليكم خواتاتي


انا عضوة قدييييييمة في اللمة و كي شفت الموضوع قلت غير ندخل و نشارككم تجربتي مع الوزن الزائد (( يعني مش زائد زائد ، غير حنا نحبوا الرشاقة ))

انا طولي 170سم ، قبل الزواج كان ديما وزني من 60-62كغ ، كنت هاايلة ،
بعد الزواج انفجرت صرت 74كغ يا دلاااالي ،

يا الهي ما هذا ، والمشكلة اني مش فايقة بلي راني زدت ( باسكو طويلة مابانش فيا ياسر) غير كي لاحظوني دارنا و صحاباتي ( زوجي ساكت عاجبه الحال)

وبما اني من كارهات السمنة ومن عااااشقات الرشاقة ، قررت ندير حل لروحي

فتشت فتشت في الانترنت ، جربت كل انواع الرجيم القاسية ، والوزن ثاابت حجرة

مالا قررت الاتي :
- الغاء وجبة العشاء نهائيااااااااااا ( في فترة الريجيم طبعا) ، وكاين بعض الشعوب ماعندهاش وجبة العشاء في نظامهم ، ويقولوا : العشاء للعدو ، وفعلا وجبة العشاء هلااااك انا نشوفها ، وخاصة الناس اللي يديروا حوايج ثقيلة في العشاء
- الغاء الخبز ، العجااااائن بأنواعها
- الغاء السكريات بانواعها
-الغاء المشروبات الغازية
- الاكثار من الفواكه ، ناكل كل انواع الفواكة بصراحة ، حتى الموز
- الاكثار من الخضار ، للمحافظة على نظار البشرة ، نطيبها كشوربة خضار ، ولا ندير سلطة مسلوقة
-اللحوم والبيض كلها بروتينات ، يعني ما تسمنش ، ماحرمتش روحي منها ، وخاصة اللحوم البيضاء ، ناكلها كل يوم
- واخيرا ، المشروووووووب السحري ، اللي ننصح بيه الجميع، بصح اخواتي في الله لا افراط ولا تفريط ، الاكثار منه يهلك المعده ، ونوصيكم ما تشربوش اكثر من كأس في اليوم ، نصحتككككككم بش ما توليوش مباعد تدعوا عليا ههههه ، المشروب كالاتي : تغلي كاس ماء ، و تحطي فيه : نص م.ق زنجبيل ، نص م.ق كمون اخضر مرحي، ربع م.ق قرفة و شريحة ليمون ، تخليهم 10 دقايق ، و تصفي الماء اشربيه قبل وجبة الغداء بنصف ساعة ،، والله عن تجربة حااااااااارق رائع للدهون


مانوصيكمش بشرب كميات كبيرة من الماء باش تتخلصوا من السموم المتخزنة في الجسم



الرياضة بالنسبة ليا درت المشي : نمشي نصف ساعة مشي سريع / 3 مرات في الاسبوع








وبعد ما عملت بهذا النظام مدة شهرين فقط ، خسرت ماشاء الله ، الله يبارك 14 كيلو من وزني :yahoo01: ، صرت 60 كغ ولله الحمد والمنة اللي وفقني في هذا النظام،،،،

الان وبعد ما وصلت للوزن اللي حاباته ، ماحبستش الريجيم نهائيا ، يعني بقيت منقصة الحلويات ( منقصة فقط مش حارمة روحي) ، رجعت لوجبة العشاء ، لكن غيرت نظام حياتي ، وصارت وجبة عشائي صحية ، خفيفة جدا ،،،


وراني ننعم بالرشاقة ولله الحمد





هذه تجربتي ليكم
حبيت نشاركها معاكم
بش نشجع اللي شادها اليأس
واللي تقول راني نعاني من ثبات الوزن
تقدري تكسريه
كل شيء ممكن مع الارادة






واي سؤال راني هنا



والسلام عليكم و رحمة الله ​