حبيت نشارك بهذا الموضوع في :
ساعات يصراو مواقف تخلينا نتوقفو عندهم مطولا ونستخلصوا منهم العبر
وهذا اللي حبيت نقولو من خلال الموضوع اللي هو بعنوان:
الموقف صرا في عمارتنا حضرتو بنفسي وشاهدت بأذني وسمعت بعيني
بوه العكس ههههههه
المسرحية شوية طويلة وفيها بزاف مشاهد اللي معندوش الصبر مكلاه يبدا من اللول :p
مع انو فيها عنصر الإثارة والتشويق (كوكب مغامرات سبيس تون) خخخخخ
نبداااااو:
من مدة جات "فتاة" في عمر الزهور وواضح عليها ملامح الفقر لعمارتنا
وعرضت على السكان تنظف العمارة مقابل مبلغ (50 دج) كل أسبوع عن كل مسكن
وعرضت على السكان تنظف العمارة مقابل مبلغ (50 دج) كل أسبوع عن كل مسكن
طبعا كامل قبلو وبدات الطفلة كل سمانة تجي تسيق البلوك من الفوق لتحت
وتنشفو وتروح
وتنشفو وتروح
فاللول كانو يسلكوها (في بعض الولايات يقولو يخلصوها بمعنى يمدولها سوارد
أو دراهم أو اموال المهم وصلت الفكرة خخخخخخ
)
أو دراهم أو اموال المهم وصلت الفكرة خخخخخخ
ومبعد بدا التهاون ، هي تجي تسيق وتمسح وكي توصل للدراهم
كاين لي ميحبش يحل عليها الباب
كاين لي ميحبش يحل عليها الباب
وكاين لي يقولوها معنديش (دين ربي خمسالاف معندكش؟ )
وكاين اللي يقولها اك تسالي !!!
وعلى العموم هدا مش موضوعنا :-r
ايا وحد السمنة جات كي العادة بالسبت سيقت .. وهي مروحة قالتها الطفلة
بنت جيراننا
" أرواحي نهار الاثنين تسيقي خاطر لعشية يجيو مالي نراجلي يديو الشورة تاعي"
طبعا فهمتو انها عروسة
بنت جيراننا
" أرواحي نهار الاثنين تسيقي خاطر لعشية يجيو مالي نراجلي يديو الشورة تاعي"
طبعا فهمتو انها عروسة
الطفلة قالتها "ان شاء الله أنا وظروفي"
المهم المخلوقة ماجاتش بالاك كانو عندها مشاغل ولا ظروف منعتها من
الحضور ألوغ العروسة سيقت وحدها (malgré كانوا نظاف)
ونسمع فيها تخبط فالدنيا تسب وتقابد
الحضور ألوغ العروسة سيقت وحدها (malgré كانوا نظاف)
ونسمع فيها تخبط فالدنيا تسب وتقابد
لعشية هديك جاو مالين العريس وداو الشورة وزغرتو وشطحو وكلاو القاطو ... وروحو
وهي بالسبت لاخر تروح عروسة
نهار الجمعة جات الطفلة لي تسيق ، حكمتها لعروسة غسلتها ونشرتها قرب كلاتها
وأنا نسمع فالعياط خرجت نستفسر ايا قاتل لعروسة :" أنا عولت عليها تجي
بالاثنين كي جاية ليوم مكلاه؟"...الخ من هاد الكلام
بالاثنين كي جاية ليوم مكلاه؟"...الخ من هاد الكلام
ودارت ليها عقابها ولطفلة تتكمش مالخوف وهي عقابها رايحة تحاوزها
ختكم زعما تكالمي .. كالميت كالميت calmit ومبعد قلت لعروسة مش من
حقك تحاوزيها مراكيش ساكنة وحدك فالباطيمة ....الخ وقلت للطفلة
تخدم خدمتها ومدير على حتى واحد ....الخ
ختكم زعما تكالمي .. كالميت كالميت calmit ومبعد قلت لعروسة مش من
حقك تحاوزيها مراكيش ساكنة وحدك فالباطيمة ....الخ وقلت للطفلة
تخدم خدمتها ومدير على حتى واحد ....الخ
المهم باش جبدتهم على بعضاهم برك خخخخخ
كي كملت الطفلة التسياق راحت تطبطب عليهم باش يسلكوها محبوش يحلو
عليها الباب وen+ خباولها القفة لي حاطة فيها سباطها وحوايجها نلقاها جات
ليا قاتلي انا نروح دوكا لاشتا بالطرباقة خاطر صلاة الجمعة قربت
عليها الباب وen+ خباولها القفة لي حاطة فيها سباطها وحوايجها نلقاها جات
ليا قاتلي انا نروح دوكا لاشتا بالطرباقة خاطر صلاة الجمعة قربت
وبعد كر وفر وقرب وبعد حلو عليها الباب ومدولها الحوايج وبيان سيغ ما
سلكوهاش قالولها معندناش
سلكوهاش قالولها معندناش
تدخل في دماغكم واحد يخدم هو ومرتو عن الدولة وبنتهم
فـ la banque وشورتها فايتة 100 مليون ما يسعاوش خمسالاف فالدار؟
فـ la banque وشورتها فايتة 100 مليون ما يسعاوش خمسالاف فالدار؟
بيان سيغ رايحين تقولولي موحاااال
الطفلة مسكينة ملقات وش تقول ..هبطت روحت
وفات العرس (طبعا انا محضرتلوش )
موراها بسمانة تلاقيت بنت خالي (فرمسيانة) من هدرة لهدرة قاتلي :
" حقا وش راها جارتكم لعروسة؟"
" حقا وش راها جارتكم لعروسة؟"
قتلها: " اللي شافها.. علاه؟"
قاتلي: " جاتني ختها صباح العرس قاتلي ((ختي عروسة دارت رجلها ليلة
عرسها وليوم رايحة عروسة وماهيش قادرة تمشي عل رجلها خلاااااص ،
كون تعطيني بوماد ولا دوا يكالميها السطر ))
عرسها وليوم رايحة عروسة وماهيش قادرة تمشي عل رجلها خلاااااص ،
كون تعطيني بوماد ولا دوا يكالميها السطر ))
ودات دوا قيمتو سبعينلف 700 دج
هنا أنا أول حاجة جات في بالي هديك الطفلة اللي تسيق قلت:
" يا سبحان الله إنه يمهل ولا يهمل"
" يا سبحان الله إنه يمهل ولا يهمل"
أكيد وكلت عليها ربي ولا دعاتها دعوة شينة ودعوة المظلوم ليس بينها وبين الله حجاب
والله منتقم جبار
تذكرت قول الرسول – صلى الله عليه وسلم-
" أتقوا الظلم فإن الظلم ظلمات يوم القيامة"
وقوله تعلى بعد بسم الله الرحمان الرحيم:
﴿ وَلاَ تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ
الْأَبْصَارُ * مُهْطِعِينَ مُقْنِعِي رُؤُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ ﴾
الْأَبْصَارُ * مُهْطِعِينَ مُقْنِعِي رُؤُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ ﴾
نظن انكم استخلصتو العبر وفهمتوني وش حبيت نقول
طبعا هادي نقطة في بحر الظلم الذي يحدث كل يوم في كل بقاع العالم
في انتظار تعليقاتكم...
آخر تعديل:
![!≈[سُِـِيٌــِـِفّ اٌڷِخً‘يٌـرُ]≈!](/forum/data/avatars/m/99/99162.jpg?1668076278){kind=avatar}
