وش رايك في فلانة؟؟؟؟؟؟؟؟؟؟؟؟؟ وش كانت دير بكري؟؟؟

[دزيري]

السلام علـــــــــــــــــيكم
موضوعك باهي خويا
مي راح نقولك بلي احنا عباد مناش ملائكة باش منغلطوش
اي واحد فينا عندوا غرائز واحاسيس ، اي واحد يغلط مي لغلطات بالدرجات
كاين لي يغلط غلطة خفيفة وكاين لي يغلط غلطات كبار
الور اي واحد باغي يسقسي على لpاسي اتاع الطفلة غير يسقسي روحوا هو لول اسكوا غلط ولا لا اسكوا توشا من قبل طفلة ولا لا باسكوا مش غير لبنات لي تحكموا عليهم كيما هك ولا تقولوا بلي الراجل ميتقاسس غير الطفلة لي تجيبها في روحها ، وي صح هاد لكام صحيح غير الطفلة مسكينة لي تخلص الراجل كيما يروح يلعب ببنات الناس راهوا راجل نورمال ميتقاسس ..عماه نوصلوا للهدرة هدي انا نعرف انوا الراجل صح ميلعبش ببنات الناس واش اداه يدير كوارت منبعد يقول انا ندي وحدة نظيفة وجامي حكات ومشات وخرجت مع واحد و و و ...كان اي واحد حافظ على بنت بلادوا كيما يحافظ على اختوا مراحش نتوصلوا للكوارت هدوا لي رانا نشوفوا فيهم...كاين رجال توصلوا حتى يخطبوا بنات باش يلحقوا للحاجة لي باغينها من باعد يرموها ويقولولها باي باي صح انا معاك كي تقول وش اداها تغلط معاه مـــــــي ديفوا لوحدة تحافظ تحافظ على روحها تتحط في موقف مشاعرها يغلبوها ....انا نعرف وحدة ماشاء الله الرزانة والظرافة والتربية والاخلاق كانت في سن المراهقة حبت واحد مي خلاته في قلبها باسكوا كانت تخاف لا تغلط بالصدفة مشني عارفة زيماه حكات معاه بار تيليفون جاها بالعقلية هديك تاع التربية ومشني عارفة وش قالت هدا اكيد ناوي لحلال ومشني عارفة وش بعد شهرين بالاك ملي حكات معاه سقساتوا قاتلوا وش راك ناوي ملخر قالها اكيد ناوي معاك لحلال ويحلفلها بلي يحبها امنتوا هي من طريقة هدرتوا مبعد خطرة قالها باغي نشوفك ارواحي عندي راني فالدار وحدي نحكوا وتعرفيني مليح ونتفاهموا على كلش بيناتنا قاتلوا هي انا منيش تاع خرجات منيش كي نحكي معاك هكا بالقدر تحطي كيما بنات خرين لمهم تناقشوا هك وش قالها مبعد كي مالقاش وش يبغي قالها مكيش مخدومة من الدهب راني لي باغية نجيبها نجيبها كاين لي خير منك،المهم هي خلاتوا وخلاه الطفل تمكر فيها وحكى مع صحايبوا قالوا هدي لي تلعب فيها درك تشوف زيماه نطيحها تفاهم هو وصحيبوا عليها وقالوا انت متحكيش معاها خلاه روح ديراكت اخطبها من عند باباها ايا صحايبوا راح خطبها المهم الطفلة قبلت مباعد حكا معاها قاتلوا زيماه حتى خطبتيني قالها انا عجبتيني وانا منيش تاع خرجات ودخلات منيش باغي اندير علاقات مع وحدة حتى نديها وتكون حلالي المهم لهدرة هادي تكفي وتوفي مشا معاها فالخط ودارلها هواها ميقولها نشوفك مايكتر لهدرة معاها الطفلة صاي امناتوا وخلاص كلش صاي تفاهموا على نهار لعرس راحوا عقدوا والطفلة دارت حوايجها كامل بقاو سمانتين على لعرس قالها توحشتك باغي نشوفك وتاني عندي صوالح باغي نقولهملك المهم الطفلة خرجت عندوا نورمال المهم ريحت معاه وش دارلها ...كانت معاه فالدار ليسونسيال قالها ابقاي انت هنا 5 دقايق نخرج عند صحايبي دجا عندي ومبعد انجي كي خرج مرجعش هو جا صحايبوا هداك لول لي باغي ينتاقم منها دخل عندها تشوكات الطفلة مباعد قالت بالاك هدا واحد من لفامي تاعوا مدرتوش في بالها خلاص وش قالها هو واش يالالة لعاقلة وش اديري هنا ياك زعمة انت وحدة نظيفة وبنت فاميلية وتقعدي غير مع لي راح يديك ولا شونجيتي لامونتاليتي تاعك لمهم الطفلة رخساتوا وراحت روحت مباعد حكات مع راجلها زعمة حكاتلوا وش صرا قالها هداك راهوا صحايب جاري نعرفوا غير هكداك قالها كنت مع جاري ونسيت بعاتوا قتلوا روح جيبلي واحد لحوايج من الدار مكنتش عارف بلي يعرفك ولا راح تخرجي ويشوفك المهم الطفلة مدراتش لحكاية في بالها بعد سمانة يعني بعد مابقالها سمانة وتتهز عيطلها خطيبها وش قالها : راني بطلت يالالة مولات لعقل ولحشمة انا منديش وحدة خرجت معايا وشفتها قبل منديها كيما كنت انت تقولي !!! الطفلة جابت سمانتين وهي فلوبيتال المهم دخلت في بعداها ولدركا راهي مازالت تتفكر لحكاية هديك....يعني وش راح نفهموا من لحكاية هدي بلي كاين بنات يتخدعوا مام راهم عاقلين ومحتاشمات مي ديفوا لوحدة يخدعها قلبها ومتفكرش من حاجة صغيرة يقيسها الريح ...راحنقول بلي كاين رجال يبغيوا يقيسوا بنات الناس على لمكرة ....وتاني مش اي طفلة تحكي مع واحد ولا تمشي معاه راهي مهيش نظيفة وشريفة لا كاين لي يحكيوا في امور عادية كاينة لي تحط في بالها لي تمشي معاه راح تكون مكتوبوا وصح تصرا يما كاين بنات نعرفهم يمشيوا مع واحد ويديروا كلش معاهم ويديوهم يعني من لول بعد يكونوا ناوينهم متهمش وش راها ادير الطفلة لمهم تولي ليه هو وخلاه لمهم متكونش خلاطة ...كل واحد ولامونتاليتي تاعوا كاين لي يدي وحدة مام سقسى عليها ولقاها شوية يقلك مهمنيش الماضي راح صايي يهمني زيماه تولي وهي معايا وكاين لي مترضيهمش مام لي حكات كلمة صغيرة مع واحد
انا نقول بلي هادي تاع نسقسي على ماضي الطفلة كامل غير فوكينا منها ديفوا وحايد يحكموا على طفلة بلملاحة وهي متسوى والوا لمظاهر خداعة كاين لي يدير كلش لتحت ومايبان عليه والوا وكاين لي يبانلك خفيف وطاير وهو طبيعتوا برك هكاك ويكون ناس ملاح لدرجة متتصورهاش ولي تبع الناس وباغي يرضيهم ويقول انا منديش وحدة هدروا فيها الناس ولا دارت ودارت بلا ماشافها يعني يخاف مبعد يقولوا عليه هاك اديت هديك وهي كانت متسواش وفيها وفيها غير ينحي هاد لامونتاليتي وهاد التخمام لبايخ باسكوا الطفلة كي تديها وتكون معاها وتشوفها راهي محتارماتك وعاقلة الناس مراح يديرولك والوا مهمش راح يعيشولك حياتك المهم تكون انت ومرتك راضيين على بعضاكم ومتهنيين ...باسكوا كاينة ناس تبغي تفسد برك تقلك انا مربحتهاش خلي نفسدها على لاخر ديفوا لواحد يحكي في وحدة وهو ميعرفهاش خلاص بهدرات يالطيف ربي يسترنا عماه يديروا كيما هك كاين لي باغي ينتاقم وكاين لي على جال غيرة وكاين لي طبيعتوا يبغي يزيد لهدرة و و و و donc il faut pas نحكموا على هدرة الناس نحكموا على لواحد غير كي نشوفوه احنا ونكونوا معاه...وبلا مانزيد اكتر من هك كان نحكي معادش نخلص باسكوا نشوف بلي الدنيا هدي مفيهاش عدل ايه ونسيت حاجة باغية نقولها - الطيبون للطيبات والخبيثون للخبيثات- الله اعلم نظن انوا التفسير تاعها مشوا كيما يفهموه معظم الناس باسكوا كاين لي مليح ويطيحوا ربي في واحد خارج على الطريق والله اعلم مافي القلوب منجيش انا نفتي هنا انا قلت نظرتي للواقع برك ربي يهدينا ويبعدنا على طريق السوء
واسمحلي خويا طولت عليك والله قلبي معمر انا كان ندير مواضيع معادش نكملهم..
مشكور اخي على الموضوع
​

لالا راكي غالطة في بزاف صوالح

نهار نروح نسقسي على طفلة مانسقسيش لي جا في طريقي وخلاص

ثانيا انا طفلة تهدر مثلا مع لي يقراو معاها في كلاستها ولا في حومتها هدرة عادي نورمال

مشكل ماهوش هنا مشكل في طفل لي تمشي و ممكن انتي مامشيتيش عنهاش تحكي هاك لخاطر صحابي شفتهم كيفاه يديرو ياو ماشي هدرة برك و عيت ننصهم والو

وثاني مكاش ياو من مستحيلات سبع ماشي غي مكاش لي يمشي مع طفلة و معد يزوجو 1 بالمية برك

لخاطر فلسفة تع شاب الجزائري تقول مانزوجش طفلة مشات معايا لخاطر كيما مشات معايا تكون مشات مع غيري
وكيما كانت دير معايا راهي كانت دير مع غيري

وبزيادة تقولي ماضي فات و خلاص ياو مشكل ماهوش في ماضي لخاطر طفلة والفت من صغرها على هادو صوالح ماراحش ترضى غي براجلها

و انا معاك كي قلتي بلي اذا غلطت ولا خدعوها هذيك لله غالب خدعوها مبصح تبقى بنت حلال لخاطر ماهيش غلطتها

و نصيحتي لكل بنات انهم يخطو هذا دومين باه تبقى ديما غالية لخاطر حاجة غالية ديما تلقايها مخبية عن سياغ (لي بيع ذهب) ماشي لي جا يوريهالو و يخليه يمسها

 

[بنت الجسور المعلقة]

ضرك كل طفلة وضميرها وكل راجل وضميرو
وفي هدا زمان كترو غير لبنات المهورات الطايشات بقي ستر كيفاه رايحين يستبيتو ويجيبو لولاد ويربيوهم
والله مجات في المشي رانا نشوفو ونسمعو في العجببببب يا لطيف الملطف

والله هدا الشي لي راهم يديرو فيه غير لي فارغيين شغل
والصالح ربي يكتبلو وحدا صالحة
ولي ماشي صالح ربي يبعتلو وحدا تعقلو والعكس صحيح ^^
ربي يرزقنا بالأزواج الصالحين

​

 

[rahaf setif]

والله ياخاوتي كاين ليدير لعجب المعجب م تزوج وكاين ليصافيا مع روحها ومع ربي قعدت في الدار وربي يهدينا

 

[rahaf setif]

بارك الله فيك
الامر الذي راهو محيرني هل صح هاذ الطفلة لي هدرت عليها انا وزكيتها صح جامي مشات ؟؟؟
وهل مازال بنات جامي دارو علاقة؟؟؟؟؟
امر صعيب وصعييييب بزاف

 

[ام راقية]

​

السلام عليكم ورحمة الله وشراكم خاتي ان شاء الله تكونوا بخير
ليامات هاذو لي فاتو عيطلي واحد صاحبي قالي راني محتاجك في امر ولازم نتلاقاو فحددنا موعد وتلاقينا.
حكينا قصرنا ضحكنا حتى من بعد قالي راني عيطلك باش نسقسيك على وحدة!!!!!!!
قلتلو خير ان شاء الله قالي فلانة تعرفها؟؟؟
قلتلو ايه قرات معايا في الترمينال وفي الجامعة
قالي راني باغي نتقدملها وشرايك فيها؟؟؟
واكره حاجة عندي هاذ الامور تاع الزواج والمسؤوليات لي قادريين يوصلونا لامور مايش مليحة
قتلو يا خويا وش شافت عيني ووش نعرف عليها بلي ناس ملاح وتبان عاقلة قلتلو راني جامي هدرت معاها ولا هدرت معايا بصح تبان جابدة روحها ومايش تاع تخلاط
المهم حكينا في الامر مليح حتى يرجع ويسقسيني على نفس السؤال
الي هو مشات مع واحد ولا جامي؟؟؟؟
قلتلو انا جامي شفتها مع واحد والعلم عند ربي قلتلو راني نهدرلك وش شافت عيني زدنا حكينا زاد سقساني على عام تاع الترمينال يعني حكيا عندها سنوات
زاد قالي وفي اليسي كانت تمشي ولا لا؟؟
قلتلو يا خويا الله اعلم بصح انا ماشفتهاش
فاستغربت انا لهاذ الاسئلة
ومن بعد قالي مستحيل ندي وحدة مشات مع واحد.......!!!!!​

اخواني راني حطيت الموضوع هذا منها حكاية ومنها نصيحة لخواتاتي لبنات باش يعرفو الناس على واش راهي تحوس وشكون يخيرو للزواج...
باش ياخذو حذرهم ويعرفو بلي الطفلة اذا خرجت مع واحد راهي راح دير امر قادر ياثر في مستقبلها...
الباقي نكملوه ان شاء الله في الردود
ربي يسترنا ويستر اخواتنا وبناتنا ونساء المؤمنين​

أخي سلفي والحمد لله موضوعك جميل و يستحق تمييز
والله صح كثيرا من بناتنا يقوعو في هذه الأخطاء و اللي صراحة الرجل الجزائري خاصة
ما يقبلهاش .
بيناتنا عندو حق يحب يبدأ صفحة نظيفة و تكون هي أول من عرفت بين قوسين نتكلم على العلاقات العابرة والتي ليست واضحة .
وهي المفروض كذلك لانو يكذب عليك الواحد كي يقلك يغفر لك الماضي
مالا يا أخواتي و بناتي لازم تحافضو على رواحكم وما طيحوش في هذي الشبكة بإسم الحب عذرا . والمثل يقول * المرا كي ماعون الحليب أت ما يطيح فيه يلوثو ويبان فيه *​