وش رايك في فلانة؟؟؟؟؟؟؟؟؟؟؟؟؟ وش كانت دير بكري؟؟؟

[hadda0425]

معنديش بزاف قريت موضوع تع واحد يحوس على طفلة مامشاتش
هاهو الرابط
أريد الزواج من فتاة ليس لها علاقات سابقة؟؟
وش نقولك يا خويا زكريا خلي صاحبك هذ يسقسي حتى يلقى طفلة ما مشاتش تحبي برك ههههه
عندنا مثل يقول ما يقرا السفيه الا ما فيه
يعني انسان مشكاك وموسوس وهاد الانسان صعيب التفاهم معاه لانو بداها بمشات ولا لا
مالا كي يزوج ما يقدرش يخلي مرتو في البيت وحدها
انت اخطب وسقسي ماليها وتعرف عليهم ومن بعد احكي علاه تسقسي في الناس
اليوم سقساك انت انسان مليح وخبرتو بالصح قادرغدوا يسقسي واحد يعطيه معلومة مشبوهة والطفلة متربية
املا ما تحكموش بالمظاهر حتى تعرفو اللب

راني معاك يا زكريا في لي قلتو مكانش واحد يرضى الذل لروحو بصح مش لدرجة انو يحكمو على كل البنات بلي مش ملاح
وزيد نوقلك ماضي ماضي علاه الناس تحب تربش وتوسوس روحها انا منقولش هكذا باش البنات يديرو رايهم لكن نهدر على الانسان العاقل لي يحب يبني اسرة على ثقة وتفاهم وعلى حب الله ورسوله صلى الله عليه وسلم
الرسول صلى الله عليه وسلم قال ( كل أمتي معافى إلا المجاهرون )
ونقولك تاني
الله ستر على عباده وأمر بالستر
ان شاء الله تكون فهمت ردي



​

 

[lee yong]

موضوع في القمة يا اخي مشكووور
هاذي القضية لازم تتناقش هاذي الفكرة من عادات الغرب ونورمالمو ما نتبعوهاش
احنا كبنات مسلمين ممكن نسينا بزاف قيم اسلامية وخرجنا على طاعة ربي وغفلنا
كاين اللي تكون عارفة بلي حرام مي الشيطان كي يسيطر على عقلها سايي
وحتي اذا كان هو معاها ويوعدها بالزواج في التالي يروح يقول ليماه حوسيلي على بنت الحلال.وذيك يخليها ويقلك غدوا من غدوا ما نضمنهاش.......بارك الله فيك يا اخي

 

[سلفي والحمد لله]

والسؤال لاخر لي يحير انو علاه الراجل يحوس على المرأة النظيفة بينما هو يكون مش نظيف؟؟؟؟؟!!!!!!!!!!!!!!!!
كلنا نعرفو ان العقاب والجزاء هو نفسو بالنسبة للراجل وللمرا علاه ديما الراجل يحط نفسو فوق السماء ويبدا يبربش على لمرا
كون انت نظيف ذرك تدي مرا نظيفة
تلقاه يدور من وحدة لوحدة ويخزر في هاذي ويشوف في لخرى ويلعب مع هاذي ويضحك مع لخرا
ومنبعد يجي يحوس على وحدة جامي مشات!!!!!!
ربي قال: (الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ)

مش معنى هذا اني نقول معليش ان الطفلة دير علاقات بصح راني نتكلم على العقلية الخاسرة لي عند بعض الرجال

بارك الله فيك على الرد الملوء بالشحنات الكهربائية لي يقدم لردك يضربو التريسيتي ....... ابتسامة
ختي المشكل ماوش في الراجل والدليل قوله تعالى الزانية والزاني فاجلدوا فلو تاملتي لوجدتي ان ربي سبحانو بدى بالزانية قبل الزاني على عكس السارق والسارقة فالراجل لو كان مايش لمرى هي لي تمدلو نفسها مايدير والو وزيدي الراجل معروفة انه مفطور على هاذ العقلية ولو يلقى يدير الف علاقة وممكن مايشبعش فالمشكل فالطفلة لي تعطيه القبول. وزيدي هناك الاثم واثر الاثم ولا يخفى عليكم ان المراة هي لي الاثار راح تبقى فيها وم*اوش في الراجل وبخصوص الطيبات للطيبين فيوجد الابتلاء وقادر الراجل يكون طيب ويبتليه ربي بوحدة خبيثة فالاية. ممكن لها وجه اخر للتفسير وليس هذا مكانها والله اعلم

 

[loula2]

بارك الله فيك على الرد الملوء بالشحنات الكهربائية لي يقدم لردك يضربو التريسيتي ....... ابتسامة
ختي المشكل ماوش في الراجل والدليل قوله تعالى الزانية والزاني فاجلدوا فلو تاملتي لوجدتي ان ربي سبحانو بدى بالزانية قبل الزاني على عكس السارق والسارقة فالراجل لو كان مايش لمرى هي لي تمدلو نفسها مايدير والو وزيدي الراجل معروفة انه مفطور على هاذ العقلية ولو يلقى يدير الف علاقة وممكن مايشبعش فالمشكل فالطفلة لي تعطيه القبول. وزيدي هناك الاثم واثر الاثم ولا يخفى عليكم ان المراة هي لي الاثار راح تبقى فيها وم*اوش في الراجل وبخصوص الطيبات للطيبين فيوجد الابتلاء وقادر الراجل يكون طيب ويبتليه ربي بوحدة خبيثة فالاية. ممكن لها وجه اخر للتفسير وليس هذا مكانها والله اعلم

كنت حنرد مي خفت يزيد يضربك التريسيتي وليت حبست
الي مقتنع بفكرة يمشي عليها

 

[سلفي والحمد لله]

السلام عليكم ​

نجاوب على هاد السؤال من واش راني نشوف بدون مبالغة وبدون مزايدة ومانيش نجيب من راسي
على الأقل نعرف وحد 8 بنات قراو معايا مادارو حتى علاقة و ما مشاو ما هدرو فالتيليفونات ما والو محترمات و نِعم البنات هوما ربي يحفظهم .
من ال8 هادو
4 قراو معايا فالبيرمار و السيام , وما قريناش كيف كيف فالليسي بصح قعدنا نتلاقاو و قعدت بيناتنا علاقة صداقة و ال4 لوخرين نعرفهم برك -يعني صديقات لصديقاتي - بصح راني متأكدة من سيرتهم و بلي هوما محترمات
حباباتي هادو كامل عندهم تيليفون , كامل عندهم فيس بووك , كامل قراو في مدارس مختلطة ,
بصح ما غلطوش و مشاو ( يعني الي مربية وتخاف ربي و عندها عقل في راسها ما يهفها لا تليفون لا فيس بووك ولا الاحتكاك بالناس برا )
نعرف أمهاتهن و أخواتهن وحتى آبائهن وعلابالي la situation تاع عايلاتهم كيفاش
حقيقة كاين الي ما مشاتش على خاطر تخاف من باباها و خاوتها الي حالفين فيها
وكاينة الي ما مشاتش على خاطر واعية , فاهمة واش راهو يصرا و ما يهفوهاش
وكاينة الي ما مشاتش على خاطر تربات على الدين وعلابالها واش معنتها هاد الامور فالدين
وكاينة الي ما مشاتش على خاطر ماعندهاش فراغ عاطفي ماليها متهليين فيها وعندها هدف حابة تلحقلو وما عندهاش وقت لامور تافهمة
---
خلاصة القول صح واقعنا مرير و واش رانا نشوفو ما يفرحش وما يخليش الواحد يتفائل بصح مازال الخير و مازال واقفين مادام مازالو الرجال ...
وكنت قلتها ديجا في موضوعك من قبل وهاوليك الرد http://#31
ونعاودو هنا الصح فالرجال لوكان الرجال كامل شرطو فالمواصفات العفة وانو تكون ما مشاتش .. ووو غيرها لوكان رانا شفنا كيفاش لبنات يديرو لاكوغس على هادوك الصفات
لوكان جا الراجل في دارو يحرص على بنتو و يحتويها و يشرف عليها بنفسو
لوكان جا الراجل يتهلى في بنات الناس وكيما ما يرضاش لاختو ما يرضاهاش لبنات الناس
و يحكي مع اختو و يوعيها و ما يخليهاش "مدهوشة "
---
لا للتشاؤم فلو لم تلقى البنت بابا مشقوقا ( الأهل ) و لم تجد مجالا مغريا (الصياد 'لي جون ') لما اقدمت على تلك الافعال ​

وعليكم السلام ورحمة الله وبركاته
بارك الله فيك على الرد والحمد لله مازال كاين الخير في بناتنا لكن قليل وقليل بزاف
والدليل من عشرات البنات لي قراو معاك لقيتي 8 فقط لي يصلحو
وباش الراجل يلقى هاذ الثمنية بنات لي يصلحو لازم يحوس عليهم بلالوp ومن بعد كي يلقاهم ممكن مافيهمش شروط وصفات لي يحبهم هو في المرى يعني ينقصلو الاختيار من 8 راح يوليولو زوج ولا 3 وهاذوك الزوج ولا 3 باش طيرلك نتا وتصلحلك معاها وااااااااعرة الا ان يشاء الله
فالعيون كلها تتجه نحو هاذ الصنف من البنات..​

 

[سلفي والحمد لله]

السلآم عليكم و رحمة الله و بركـآته ،​

خويآ عندكـ حق كآمل ذركـ يحوسو غير على وحدة جآمي مشآت مع وآحد
بصح حبيت ننبه على حآجة بركـ ، أنآ كون يجي وآحد يسقسيني يقولي هآذيكـ مشآت ولآلآ
نقولو و انت جآمي مشيت ولآلآ ؟
كي تكون لآريبونس تآعو جآمي ثمآ يحقلو يحوس على وحدة جآمي مشآت ..
لأنو هو ينسى روحو كي كآن يتلآعب بالبنآت و كي توصل للصح يولي يحوس
على وحدة مآعندهآش سوآبق ..
ردي مآيعنيش اني معآهم بالعكس رآني كونطرهم ، بصح حبيت بركـ نوصل الفكرة
بلي كل وآحد يشوف روحو السع و مبعد يخمم يسقسي على النآس ..​

و بآركـ الله فيكـ ~​

وعليكم السلام ورحمة الله وبركاته
بارك الله فيك على الرد المنطقي وراني معاك في وش قلتي لكن بكلماك هذا سويتي بين الرجل والمراة ووجعلتي بلي نظرت المجتمع تاعنا ليهم كيف كيف
للكن للاسف راكي غالطة لاخاطر العيب كامل في المرى وهي لي راح يكون التاثير فيها
مثال بسيط
راجل يسمعو بيه اهلو بلي وقع في الزنا ومرى يسمعو بيها اهلها بلي وقعت في الزنا من الاشد.......؟؟؟

 

[سلفي والحمد لله]

وعليكم السلام

موضوع مليح
قبل الزواج لازم الخاطب يتأكد من عدة أمور
بعد التأكد من فصل وأصل البنت
شكون والديها والعايلة تاعها...
وأهم شي يسقسي على القضية لي راك تحكي عليها
باه يتأكد من سمعتها بين الناس وهادا من حقو
والهدرة بين الناس أكيد تأثر
هاي واش دارت واش دارت ودرك تزوجت !
وبعدها يسقسيها هي
وربي يسهل
الأمر يرجعلو ليه
وليها
لكن كاين تشهد على بنات الناس بلكدب
ماشافتش عينيهم ويقولو كلام ميركبش خلاه
وكيلهم ربي .
تقبل مروري

سلامي ​

بارك الله فيكم اختي سندريلا
اكيد هذا من حقو كما تفضلتم بصح وش رايك في الناس لي تخرب بزاف وتحوس تفهم بزاااف
يعني يحوس مثلا يعرف ماضي الطفلة كامل
هل توافقي هاذ النوع من الخطابين ولا لا؟؟؟
في انتظار عودتك طبعا ان كان لكم وقت
​

 

[سلفي والحمد لله]

يعني انا من تجربتي كفتاة نقدر نقولك انو كاين من البنات الي عمرهم ما مشاو والحمد الله كانو على قد ثيقة كل من عرفهم مالا يا خويا كيما كاين الي راهم جربو كلش كاين الي حاكمين سماهم شادين في واش قال الدين

اكييييد مازال كاين الخير والحمد لله
لكن مقارنة بواش رانا نشوفو تقدري تقولي منعدم
فان لم تعمل علاقة مع لي يقرى معاها تعمل علاقة عبر الهاتف واذا ماعملتهاش عبر الهاتف تعملها عبر الفايسبوك واذا ماوش عبر الفايسبوك عبر المنتديات
الامر ليس بالهين والشهوات مفتوحة من كل الابواب
فالمقصود والذي اريد ان اوصله من موضوعي هو ان الفتاة عليها الحرص على عدم الوقوع في مثل هذه الشبهات خوفا من الله لكن هاذ الدرجة تاع الخوف من الله كبيرة وواعرة بزاف نقولولها حاولي تجبدي روحك باش تصلحلك وتزوجي لان البنات من هاذ النوع مطلوبات بزاف بزاف​

 

[أم راضية ~_]

وعليكم السلام ورحمة الله وبركاته
بارك الله فيك على الرد والحمد لله مازال كاين الخير في بناتنا لكن قليل وقليل بزاف
والدليل من عشرات البنات لي قراو معاك لقيتي 8 فقط لي يصلحو
وباش الراجل يلقى هاذ الثمنية بنات لي يصلحو لازم يحوس عليهم بلالوp ومن بعد كي يلقاهم ممكن مافيهمش شروط وصفات لي يحبهم هو في المرى يعني ينقصلو الاختيار من 8 راح يوليولو زوج ولا 3 وهاذوك الزوج ولا 3 باش طيرلك نتا وتصلحلك معاها وااااااااعرة الا ان يشاء الله
فالعيون كلها تتجه نحو هاذ الصنف من البنات..​

هههههههه مليحة الاحتمالات الي درتها مالgري حبيت نطلعلكم المورال مي مازلتم تصروون على التشاؤم ..
وعلى هادي

فالعيون كلها تتجه نحو هاذ الصنف من البنات..

​

نقولك ما تخافش الي حب ربي يعميهم كاين منهم بزااااااااف
كاين بزااف ناس يتعماو على السلعة المخيرة بما كسبت ايديهم
---
ومالا حنا لبنات واش نقولو ؟؟؟ ما عندناش حق الاختيار عندنا حق نقولو ايه ولا لالا فقط نتوما راكم عرفتو على الاقل بلي راهم تمانية حنا العدد مجهول او محصور على حساب الاعراس والخرجات الي راحت ليهم الطفلة هههههههه
الحالة نسبية و محاااااال يكون شر بلا خير في هاد الدنيا الواحد يدعي ربي و يحسن الظن اما يقعد يطلع ويحبط نظن ما رح يربح والو غير كترة التخمام بااااطل
و ربي يرزقكم ما تتمناو ​

 

[سلفي والحمد لله]

نظن انو اغلب الفتياة كانو مستغربات من امر الشباب الي راهم اول ما يحوسو يفهمو عليه مشاة والا ما مامشاة طبعا مادام عندها رجلين راهي تمشي ههههه :dوطبعا المشكل هنا ما هوش عند الرجال الكل وكاين الي احب يتزوج وما يحوسش يفهم على ماضيها المهم تكون طفلة معروفة بالسيرة الطيبة هي واهلها وما يدققش بزاف في الا كانت عندها علاقات والا لا لان في الغالب الشاب الي فركت ورا الطفلة بزاف واحب يفهم مع من خرجت والا خرجت والا لا بالعادة يكون هو من الناس الي ممكن ما خلى حتى طفلة الا ودار بيها على بيها يكون موسوس ويخاف من انو الي عملو في بنات الناس يطيحو فيه ربي ويطيح في واحدة عاملة كيفو واكثر ممكن على بيها يبقى يحوس من ومن وراسو ما يحبسش من الشك مالا يالبنات ويا شباب لازم تحترمو بنات الناس باش ربي يعطيكم بنت حلال وما تكونش انت حرايمي وتحوسها بنت حلال لخاطر كيما قالت الاخت من قبل الطيبون للطيبات والخبثون للخبيثات

بارك الله فيك على الرد ختي
ذركتي نوع من الرجال الي مايحوسش يفهم بزاف وتهمو فقط السيرة تاعها وتاع اهلها
المشكل المطروح هل الرجل صاحب الفكرة هاذي على حق ولا لا؟؟؟ يعني مايحوسش يفهم على زوجتو المستقبلية
اظن ان هذا حتى بعد الزواج راح مايحوسش عليها تاني وش لبست ولا علاش خرجت ولا وين كانت....
انا تبالي ضروري وضروري تاع الصح يسقسي على الطفلة وعلى السمعة تاعها
لان الناس تاعنا واعرين والشعب صعيب راهو مايطلقكش خاصة في حكاية كيما هاذي تولي نتى خارج مع مرتك والجماعة تهدرلك في عرضك..
اما بخصوص الناس لي تفركت بزاف هي لي تكون دارت علاقات بزاف عليها وقعو في هاذ التوسويس
نقولك ثاني راكي غالطة لان مثلا هاذ صاحبي مسكين جامي دار علاقة حسب كلامو قالك انا صافي حاب وحدة صافية وزيدي من في قلبه مثقال رجولة محيبش يدي مرى عرفت رجل قبلو.. ​

 

[سلفي والحمد لله]

السلام عليكم​

موضوعك باهي خويا نبيل ... ​

راح نوليلك و نكتبلك رايي المطول ... كي العادة في اليل خلاص ... ​

وعليكم السلام ورحمة الله وبركاته
ياو مانيش نبيل هههههههه ياو زكرياء هههه
راك ماكش مليح خويا محمد باين
وش خاص خويا؟ههه​

 

[سلفي والحمد لله]

السلام عليكم​

موضوعك باهي خويا نبيل ... ​

راح نوليلك و نكتبلك رايي المطول ... كي العادة في اليل خلاص ... ​

في انتظار عودتك خويا محمد رايك يهمني بزاف

 

[سلفي والحمد لله]

صح اخي السوفي:d عندك الحق في واش قلت .

لكن السؤال لي يطرح نفسو ، اسكو هذا لي راه يحوس على بنت الفاميليا هو وليد فاميليا ؟ اسكو هو جامي ما عاكس بنت ناس ؟
اسكو هو جامي مشى مع واحدة ؟
اسكو هو جامي ما تبلى واحدة ؟
اخي الكريم ربي سبحانو عادل في الحكم ودائما صفة التتالي في المؤمنين والمؤمنات ، المسلمين والمسلمات ، القانتين والقانتات ، التائبين والتائبات ......الخ .
وجعل الطيبين للطيبات ، وهذا حكم عادل اخر ، سبحان الله الخبيثون للخبيثات والله هو الذي يخير واختيار الله خير من اختيارنا فالمسلم التقي النقي الطاهر يعلم ان الله لن يظلمه مثقال ذرة ، يمشي ويوكل اموره لله ويعرف انه صادق فالله لن يضيع اجر المحسنين ، وان ابتلاه بشئ يكرهه فكل امر المؤمن له خيران احتسب وشكر فله ذلك وان سخط فله السخط .

انا لا اشك ان الله سيرزقني برجل طيب مادام كنت صائنة لنفسي وهذا والله حسن ظن بربي حتى توارى جثتي القبر .
انا لا اشك انه يوجد من الفتيات العفيفات ، كما يوجد من الرجال .
فالسفيه يعرف بما فيه .
وانا ردي بسبيل الحصر لا التعميم .

شكرا اخي السوفي:d موضوعك في القمة كما عودتنا دائما .

اختي وصال راكي غالطة مانيش انا السوفي ههههه واقيل تخلطتلك بين السوفي والسلفي ههههه​

 

[سلفي والحمد لله]

صح اخي السوفي عندك الحق في واش قلت .

لكن السؤال لي يطرح نفسو ، اسكو هذا لي راه يحوس على بنت الفاميليا هو وليد فاميليا ؟ اسكو هو جامي ما عاكس بنت ناس ؟
اسكو هو جامي مشى مع واحدة ؟
اسكو هو جامي ما تبلى واحدة ؟
اخي الكريم ربي سبحانو عادل في الحكم ودائما صفة التتالي في المؤمنين والمؤمنات ، المسلمين والمسلمات ، القانتين والقانتات ، التائبين والتائبات ......الخ .
وجعل الطيبين للطيبات ، وهذا حكم عادل اخر ، سبحان الله الخبيثون للخبيثات والله هو الذي يخير واختيار الله خير من اختيارنا فالمسلم التقي النقي الطاهر يعلم ان الله لن يظلمه مثقال ذرة ، يمشي ويوكل اموره لله ويعرف انه صادق فالله لن يضيع اجر المحسنين ، وان ابتلاه بشئ يكرهه فكل امر المؤمن له خيران احتسب وشكر فله ذلك وان سخط فله السخط .

انا لا اشك ان الله سيرزقني برجل طيب مادام كنت صائنة لنفسي وهذا والله حسن ظن بربي حتى توارى جثتي القبر .
انا لا اشك انه يوجد من الفتيات العفيفات ، كما يوجد من الرجال .
فالسفيه يعرف بما فيه .
وانا ردي بسبيل الحصر لا التعميم .

شكرا اخي السوفي موضوعك في القمة كما عودتنا دائما .

بارك الله فيكم على الرد الطيب
لكن اختي الكريمة حسب ما فهمت من كلامك ان الانسان يصفي نيتو ويكون طيب ويتقدم يخطب ديراكت مايسقسي ما والو لان نيتو طيبة وهو انسان مليح؟؟؟او بعبارة اخرى يتوكل على ربي سبحانو وخلاص؟؟؟ لكن تقديم الاسباب لا تنافي التوكل على الله بل هي من التوكل على الله
فالذي يسال عن المراة هذا لا يعني انه ليس متوكل على الله او انه ليس له حسن ظن بالله
والله اعلم​

 

[سلفي والحمد لله]

يا خويا ولله مشكل العصر​

في لوقت هذا يا تربي وحدة على يدك ​

يا تلعبها فايق و دير روحك من ناس بكري و تديها و بعد مدة عندك ما تسمع ​

المهم ربي يقدر الخير​

ممكن نقولو لواحد إذا راه حاب وحدة مكلاه يلعب بنت الناس ​

شكرااا لك يا خويا ​

يعطيك الصحة خويا على ردك
فهمت ردك وعجبني مافهتش برك تاع تربيها على يدك جاتني شوي صعيبة
تربيها على يدك يعني من الصغر تحكمها ودير معاها علاقة حتى تكبار وتزوجها؟؟؟
اذا هاك الحالة دونجي يا خويا لانه قادر مايكتبلكمش ربي تزوجو ووش راح يقولو الناس على الطفلة هاذي لي كنت تربي فيها على يدك؟؟؟​

 

[سلفي والحمد لله]

أهلا بيك زاكي

يعطيك الصحة على الموضوع الباهي
انا تبالي ألي يسقسيني واحد على وحدة نحكيلو واش شافت عيني
لاخاطر نتخيلها في روحي انا ألي رحت نسقسي مانحبش يخبيو عليا
بقات هل كاين بنات مامشاوش والهدرات هاذو انا تبالي مازالو النيات والحشامات والله اعلم
وعقليات ثاني
كاين ألي يقبل ويفوت وكاين ألي ما يقبلش زعما ومانعرف ...​

بارك الله فيك سفيان على الرد
فشلت نرد عليك نتى كي نتلاقاو ونهدرو ونحكيو بالديطاي ههههه​

 

[سلفي والحمد لله]

وعليكم السلام خويا

عجبني الموضوع وحبيت نخلي راي تاعي

هادي الحكايات نسمعوها بزاف وصرات حكاية تشبهلها مع واحد من كرطيا كان يسقسي على واحد البنت حب يتزوجها وهي طفلة مليحة الجمال والاخلاق كيما نشوف انا مي كاين الي قالولو عليها راهي كليوم تبات مع واحد راهي ديما برا جامي تبقى في دارهم ؟ حتى بطل عليها الطفل ؟

يعطيك الصحة خويا على الرد
سبحان الله نتى شفتها ذات اخلاق وناس خرين قالولو كل يوم تبات برى مع واحد يا لطيف ربي يعافينا ويعافي المومنين كامل
منعرف واقيل كذبو بيه يا خويا باش يديوها هوما​

 

[أم أمين23]

بارك الله فيك على الرد ختي
ذركتي نوع من الرجال الي مايحوسش يفهم بزاف وتهمو فقط السيرة تاعها وتاع اهلها
المشكل المطروح هل الرجل صاحب الفكرة هاذي على حق ولا لا؟؟؟ يعني مايحوسش يفهم على زوجتو المستقبلية
اظن ان هذا حتى بعد الزواج راح مايحوسش عليها تاني وش لبست ولا علاش خرجت ولا وين كانت....
انا تبالي ضروري وضروري تاع الصح يسقسي على الطفلة وعلى السمعة تاعها
لان الناس تاعنا واعرين والشعب صعيب راهو مايطلقكش خاصة في حكاية كيما هاذي تولي نتى خارج مع مرتك والجماعة تهدرلك في عرضك..
انا هنا مانيش معاك كاشي بالضرورة كاين بزاف عباد تزوجو ببنات ممكن تكون عملت علاقة وهنا علاقة نقولو مشات مع واحد والا هدرت معاه بالتيليفون بصح الي يقدر يتأكد منو الراجل انو الطفلة في الغالب كي تغلط وتأمن لاي شاب سواء تتلقاه او تحكي معاه بأي وسيلة من الوسائل الي انت سبق وذكرتيها تكون نيتها انها تكملها بالزواج يعني هدفها الرئيسي تسبيت على لهجتنا بصح المشكل في الشباب انو يبداها هكا ومن بعد اول ما تتجاوب الطفلة يبدل القمجة وولي يلعب بيها كاين الي راهي تفهم من الاول وتقفل الباب وما تخليش العلاقة ادوم اكثر وكاين مسكينات الي تبقى تتأمل وتصدق في كذوباتو حتى تلقاه خطب واتزوج واحدة اخرى وهي ما ادت غير شنعة كانت مع فلان مع الاشارة انو ما يحدش في الغالب اي شيء بين الفتاة والشاب من فوق الحكايات لانو في الغالب كما قلت الفتياة يكون هدفهن الزواج ويحاولو قدر المستطاع يحافظو على رواحهم وما يطيحوش في اخطاء اكبر من خطا الحديث مع اجنبي حتى لا يفهم شيء اخر
وكاين ولاد الفاميلا الي ما يحبوش يلعبو ببنات الناس ويكون على بالو بلي هو الوحيد الي راه مشى مع هاد الطفلة ويكمل معاها ويتزوجها وما يكون عندو حتى شك انها ممكن تكون كانت على علاقة مع واحد اخر لانو في الغالب الشباب وانتوما ادرى تعرفو الي مشات مع فلان وفلان والي هادي اول علاقة ليها
اما بخصوص الناس لي تفركت بزاف هي لي تكون دارت علاقات بزاف عليها وقعو في هاذ التوسويس
نقولك ثاني راكي غالطة لان مثلا هاذ صاحبي مسكين جامي دار علاقة حسب كلامو قالك انا صافي حاب وحدة صافية وزيدي من في قلبه مثقال رجولة محيبش يدي مرى عرفت رجل قبلو.. ​

ممكن يكون تشوكا من حكايات صحابو بصح انا نتمنى انو ربي يعطيه على قد نيتو واكيد انا ضد قول انو ماكانش بنات صافيات لخاطر كيما سبق وقلت الطفلة في الغالب تكون نيتها صافية وممكن هاديك الي قالو مشات مع فلان والا علان ممكن غلطت مرة وما زادتش عاودتها وكي يطيحها ربي في وليد حلال تكون نعمة الزوجة وما تنساوش الدين واش قال راه كثير من المفتين قالو انو مالازمش الراجل يحوس على المر الا كان عندها علاقة مع اخر والا لا واجاز للمرأة الكذب في هاد الخصوص كما اجاز دلك للرجل حتى يعيش الطرفين بأمان
وربي يهدي اولادنا وبناتنا كامل ويحفظهم
اسفة على الاطالة بصح راه صراحة ولى مشكل كبير هاد الموضوع حتى انو اغلب الشباب ولى خايف من الزواج ما زاد في نسبة العنوسة وخلى البعض من الفتياة يقبلو باقامة علاقات خارج الزواج واقول علاقات نضيفة يعني تمشي او تحكي مع واحد في التيليفون والا اي وسيلة من الوسائل المختلفة حتى لا افهم خطا فقط لكي يتزوجن ويرفع عنهمن لقب العانس لكنهن للاسف لا يأخذن الا اثم العلاقة في الغالب لان الشاب يكون حاب يقضي وقت وكي احب يتزوج يفركت على واحدة اخرى
وهنا يظهر سؤال اخر وان كنت غيرت المحتوى للموضوع ما مصير هاته الفتاة التي كان خطأه الوحيد انها ارادت ان تسرع الخطوات لايجاد عريس لكنها للاسف لم تربح سوى كلام الناس
​

 

[أم أمين23]

البارح تلاقيت صاخبي هذا قالي بعد شهر من البحث والتحري عرف بلي السمانة الجاية راهم جايين يخطبوها ناس خرين فطاحلو المورال وانا حكمني الضحك وعييت كيفاش نصبرو ههههه وحكيتلو حكاية المكاتيب لي درت عليها موضوع من قبل اذا تشفاو ههه

قلو ربي اصبرك واكيد خرجو فيك بنات المنتدى مساكن الي خرجتلهم قلبهم بهاد السؤال قلو المرة الجاية ما اطولش بزاف وتبقى ادور حتى اديها غيرك وانت اطيح على راسك هههههههههههههه

 

[TeNtOuNa]

السلام عليكم
انا نقول بلي ماضي الشخص ملكو وحدو سواء كانت طفل ولا طفلة فماكلاه ننبشوا فالماضي تاع الناس والطفلة خصوصا خاطر لوكان يقعدو الرجال يحوسو هادي مشات مع فلان وهادي هدرت مع فلان ولخرى خزرت ففلان ما تفرااااش
امالا المهم هو سلوكها فالحاضر
اتهلاو في رواحكم واعرفو كيفاش تخيرو
​