|~ شــــــــــاركنـــآَ بـــبوقالــــــــةَ ~|

[THE GNAWIE]

الســـلآم عليكم

اعقدْ و انوي
و شاركنا ببوقالة

بسم الله بديتْ و على النبي صليتْ و عليكم هاذ البوقالة نويتْ​

° خرجت فالليل نطلب فالله ...صبت النجوم دايرين بسيدي رسول الله..
كل واحدة تقول الغالب الله حدْ ما يدي بيدو غير ما عطاه الله °​

 

[THE GNAWIE]

بسم الله بديت
وعلى النبي صليت
وعلى الصحابة رضيت
يا غايث الغيث نجينا من البلا والترمميد.

 

[la_safa]

السلآم عليكم ، أهلآ نآسوُوُو ..

أنآ نشآرككم ببوقـآلة على الزّهـر :

مشيتي مشية زهرية فـآتو ثلآث شبـآن عليكـ
الأول قـآلكـ من صآبكـ ليـّآ وَ الثـّآني قآلكـ من صآبكـ حلآلي
و الثـآلث قآلكـ من صـآبني الأرض و أنت تمشي عليـآ

شكرآآ :$ ~
​

​

 

[THE GNAWIE]

السلآم عليكم ، أهلآ نآسوُوُو ..

أنآ نشآرككم ببوقـآلة على الزّهـر :

مشيتي مشية زهرية فـآتو ثلآث شبـآن عليكـ
الأول قـآلكـ من صآبكـ ليـّآ وَ الثـّآني قآلكـ من صآبكـ حلآلي
و الثـآلث قآلكـ من صـآبني الأرض و أنت تمشي عليـآ

شكرآآ :$ ~
​

​

تهبل صفصوفة
منورة ختيتو ..

 

[THE GNAWIE]

رشّيت عتبة الباب بالزهر و الطّيب ،
وسقيت كل الأحباب بالعسل و الزبيب
و كى نسيت جاني جواب كنت نستناه من عند البعيد.

 

[Ĉoĕǔŕ Dề Ḟľeuŗ]

خرجت في الليل و عقلها طاير شافت النجوم و قلبها شاعل راحت امشات شمعتها اضوات ان شاء الله ربي يكملها واش انوات

 

[THE GNAWIE]

اذا انت ليل انا نجمة تضويك،
و اذا انت بحر لنا موجة تقويك،
و اذا انت ربيع انا وردة فيك
، حلفت ميات يمين غير انا اللي نديك.

 

[THE GNAWIE]

البير بيرى
ويشرب منو غير اللي يبغيني
والي يعرف قيمتي هو الي يديني

 

[THE GNAWIE]

-ياقايدن الشموع هاكو ا شمعة قيدوها
بالاك الغايب يعود والفرحة نعاودها

 

[THE GNAWIE]

عيطت على سيد الملاح ...
حسبت الناس رقود ...
تزعزعت الدالية طاح منها عنقود ...
النجوم قالت نكشف والقمر قال نذوب ...
اصبر ياقلبي ياك كل شيء مكتوب

 

[THE GNAWIE]

يا الشمس الضواية يا العالية في سماك
لوكان صبتك مرايا و نشوف وجهي بضواك
يعود ربحي و غنايا و يقسم سعذي ذاك.

 

[THE GNAWIE]

رفدت النعناع مع الحبق وعرق الياسمين
لمّيتهم في الطبق وحطيتهم عند العين ،
فجأة دقدق من كان غايب طول هاذ السنين

 

[THE GNAWIE]

مديت يدي لقاع لبير و فرشت زريبية
حرقست حرقوس ذهب من راسي لودني
ة فرحي يايما سعدي زها....
و ستشفاي في العدو الى ستشفا فيا

 

[THE GNAWIE]

بنيان الطين لا تعليه يجي نهار و يريب ساسو..
و وليد الناس لا تربيه يكبر و يعود لناسو

 

[THE GNAWIE]

ادا انت سبيبط انا خويط فيك.....
ادا سنسلة انا خمسة تحميك....
ادا انت خويتم انا حجرة تبهيك......
وين تروح تلقاني وغير انا لنديك

 

[شاهيندا]

بسم الله بديت وعلى النبي صليت

a

يا شمس واش بيك ذابلة ؟؟ إذا بيك على الزين راني نفكر فيك ..
و إذا بيك على الزهر ربي ما يتخلي عليك .. و إذا بيك على الهنا .. ربي يهنيك ..
الفال :
ساسك متين و صحيح .. و فالك مليح ..

B
جازوا عليا ثـلاث شبـان .. اللّـوّل قالـي: من صابك خاتم في يـدي ..
و الثاني قالي : من صابك سنسلة في رقبتي .. و الثالث قالي : من صابك أم أولادي ..
الفال:
الثالث عرف يختار .. راه يحوس يعمر الدار .. ( ربي يكمل )

C
بسم الله بديـت .. و علـى النبـي صليـت .. سمعـت قــرع الحمــام .. في قاع السجنة .. لا من سقاه الماء .. ولا من عطاه شعير .. يا قمر :
الحمام يعيا و يحن .. و نـعـــودو لـزمـــان كيمـــا كـنـــا ..
الفال :
الحب في القلب لهّاب .. الولف و الفراق .. صعاب .. و ربي يرجّع لحباب ..

D

البوقالة : سألونـي من مكـة للمدينـة .. و الله مـا ننسـاك يـا نــور عيـنـيــا .. سألونـي عليـك .. من تونس للجزائـر .. و الله ما ننساك يا ضوء البصر .. يــاك لــي بـعـيــد عــن العـيـــن .. بـعــيـــد علـى القـلــب ..
الفال:
مرات البعد يكون فيـه فايدة .. و يشعل في القلب نيران الحب من جديد

F
طلّت مـن التـاقـة .. بانت شوشتها .. بيوضتها غلبت جلدتها ..
قلتلهم واش يصبر قلبي على محبتها ؟؟
الفال:
افرحي يا العدرا .. و ربي يهنيك .. راني نوصيك .. عمرك ما تنساي لي يبغيك

G
ماشـي و يـقـرقــب فـي صـبــاطـــو .. قـلـتـلـــو ادخـل يـا الشباب ..
قـالــي مـابـيـــاش طـعـامـكــم .. بـيـــا الشـابـــة لـــي عـنـدكــــم ..
الفال :
ما يتلامش القلب المحروق .. دمو سال من الحب و الشوق ..

H

جـايـــز علـى بـاب دارنـا .. و يـاكــل في الـتــوت .. و يـقـــول ..
غـيـر أعطـونــي بنتـكـم هـاد العـام .. ولا نقـتـل روحـي و نـمـــوت ..
الفال:
ردي بــالك يـديـــــرهـــــا .. و تـــــدّي ذنــوبــــو ؟؟

I
كنت وردة منـورة عليكـم .. وذبلت و رميـتـونـي .. كنت شمعة ضاويـة .. لحقتـوا و طفيتونـي .. أنا عملت فيكم الخيـر .. و انتومـا عملتـوا فيـا غير الدونـي .. و عـلـى حبـيـبــي بـعـدتـونــي .. ربـي وكـيـلـكــوم يـا لـي خـدعـتــونـــي ..
الفال :
كنتي .. و مازلتي وردة .. و تبقاي وردة .. زكارة في لي خدعوك ..

J

خاتـم الـذهـب مـا يقـبـل المهـانـة .. شكـون لـي صبـر علـى حبيبـو .. كيما صبرت أنا ؟ قطعت اللحم و عرفت عبارو .. و سمعت الكلام و عرفت من قالو .. السبع في غارو .. و الكلاب نباحة عند دارو .. و ما دارت والو ..
الفال :
الكلاب ما عندها ما تدير ؟ تنبح و تعيا و تسكت .. ديري روحك ما سمعتيش ..

K
الدار قدام الدار .. و التاقة قدام التاقة .. و القلوب تـوَّاقـــة .. يا عباد الله .. ما أحلى القلوب كي تتلاقى .. لحبيبي راني مشتاقة ..
الفال :
ربي يطفي الجمرة .. و يلاقيك بـحــبــيـــك في الستـرة ..

L

لسمر يا لسمر .. يا لي مـعــرَّش على الياسمين .. أنا نخمم عليك .. بعدما عايروني بيك .. حبّوا يفرقوني عليك .. أنت خويتم و أنا فصيص فيك .. نحبك و نموت عليك .. و غير أنا لي نديك ..
الفال :
بالمحبة و الحنانة .. حاجة ما راهي صعيبة .. ان شاء الله تنالي المرغوب ..

M
يا يما .. يا بابا .. راني رايـحــة نقـطـع البحـور .. و ما تـزيـدوا تشوفوني .. و إذا جـيـتــو تحبوني .. بحبيبي زوجوني .. هكذا نتهنى .. و تهنوني ..
الفال :
ما عندك وين تروحي .. دارك .. ترفد هبالك !!

N

سبحـان من صـورك .. و خـلّاك فتنة للنـاس .. ما ولـدوك في البهجـة .. ولا مراكش .. ولا فاس .. فاتحة على خدك سبع حباس .. ورد و ياسمين وقرنفل وباس .. ديتي كامل السّر واش خليتي للناس ؟؟
الفال :
خلـيـتـيـلــهــوم الغـيــرة .. و وجـــع الـــــــراس !!!

هدي انتاعي O

يا الشـابـة .. يا لحنـيـنـة ..انـتـي كـي الـوردة فـي الكــاس .. شفت عليك الغبينة .. ما راكيش لاباس ؟؟ خبريني و نحي عليك الهانة ..
قلـتـلـــو رانــي لابــاس .. بـصــح قـلـبــي معـمـر مـن كـلام الـنــاس ..
الفال :
لي يسمع كلام الناس ما يتهنى .. ما يعيش لاباس .. ديري روحك ما سمعتيش

P
فال يا فلفال يا فاتح سبع قفال ... اجبرلي سعدي مهما كان .. من الشرق و لا من الغرب ولا من الشمال .. وقولو لَـلِّي ضاق صبرو يشد في حبال الرجا .. و علاش يتنكد .. يتكل على الله ياك ربي العالي ما يضيع حد ..
الفال :
يـا رب ارض عـنـا و رضـيـنــا .. و افـتـحـلـنــا بـيـبــان الخـيــر ..

Q
الوردة يا الوردة .. صيفتك تبهر .. و ريحتك تعطر .. ندخل لجنانك نخطفك .. و أنا بالبرنوس مستر .. نديرك في بستاني .. و نكون خديمك طول زماني ..
الفال :
الله يخليك كي الوردة .. لي يشوفك يحبك ..
R

لي بنا بالحجر .. خير من لي بنا بالياجور .. الناس ترمي خطوة للقدام .. و أنا خطوة لور .. و لي زرع الريح .. ما يحصد .. غير غبارو .. فاعـل الخيـر منـّـيه بالفـرح ..
و اشكـرو فـي الحيـن .. و فاعـل الشـر خلّيـه .. فعـلــو يـرجــع عليـه .. و لـو بعـد سـنيــن ..
الفال :
الدنيـا هاذي دالات .. نهـار ليك .. و نهـار عليـك .. كي تضحكلك ما تامنيهاش ..

S
كنت مهني قبل ما نعرفك ..كنت نحلم في بلادي كيما السلطان ..
و اليوم مكتوب ربي لاقاني بيك و ملكتني كيما ملك سيدنا سليمان .. الطير و الجان.. هذي هي حالة القلب اللي تبلى بيك .. و الله ما ننساك حتى في الاكفان ..
الفال :
الله يحسن عونو القلب لي تبلى بيك ..

T
غلقت باب الغالي .. دفة على دفة .. فراشو من حرير نرقد وندفا ..
بوقالو من ذهب نشرب و نروى .. وكلامو من عسل .. غير نذوق منو نشفى ..
الفال :
هكدا المحبة .. و المعزة تكون .. لا توسيس و لا ظنون..!!

U

قولتلهم نبغيها قالولي هذا سحور .. قولتلهم هي ممو عينيا ..
قالولي تجري و تعيا و تدور .. قولتلهم غير أنا لي نديها .. و نقيم معاها لفراح و السرور ..
الفال :
زهرك مع واحد يحبك و يخاف عليك بزاف .. ربي يكمللكم ..

V
كيفاش أنا نحبك و أنتِ تشكي فيا .. ياك هديت قلبي لقلبك ..
و درتك ممو عينيا .. اطلبي من خالقك في يوم تكوني ليا .. ذاك اليوم يهني بالك .. و تـقـــولــــي .. واش راح عـلـيـــا ؟؟
الفال :
عندو الحق مسكين .. ريحيه .. و ريحي روحك .. باين يحبك بزاف ..

W

بعثلك سلامي في الماء لزرق .. بعثلك دموعي لي في القلب تحرق .. والله مادريت بلي الحب لي بيني وبينك يفرق .. نكوي هذا القلب باش ما يزيدش يعشق ..
الفال :
الشكوى للعالي ربي خالق الكون .. هولي يصلحلك حالك ..

Y
حبيتك و الحب حنانة .. حبيتك و الحب ماهوش خيانة .. بغيتك و الحب أمانة .. و بغيتك والله ماني ندمانة .. حبيتك .. و نحبك و نقعد نحبك شنانة .. و شنانة حبيتك .. و ماني خسرانة .. أنت هو حبيبي لي خيرتو أنا ..
الـفـــال :
لي هكدا حبيتيه .. الله يعافيه و يخليه .. و من حلاوتك يسقيه .. و ربي يهنيك و يهنيه

Z
زوينة يا زوينة .. و الزين ربي اعطاك .. و طبعاتك الحنينة .. لي ساجي .. يتقدم ليك .. وردة في يد لي اداك .. و يحفظك الله من العوينة .. و يخليك لَـلِّي ابغاك ..
الفال :
الزيـن ... و لاتـاي فين !! وين رايحة ويـن ؟؟ ربي يسترك من العيـن (آمين) ..
​

 

[THE GNAWIE]

رد: |~ شــــــــــاركنـــآَ بـــبوقالــــــــةَ ~|

الوردة يا الوردة .. صيفتك تبهر .. و ريحتك تعطر
.. ندخل لجنانك نخطفك .. و أنا بالبرنوس مستر
.. نديرك في بستاني .. و نكون خديمك طول زماني ..

 

[ŘǻŇǾŬČĥ ŘǻČĥǻ]

رد: |~ شــــــــــاركنـــآَ بـــبوقالــــــــةَ ~|

Echabb TalE3 yEfTer Oul 3aTek

dal3aà tEnCher TlakaTou El3ein
fEl 3Eiin OulkalB etkEssEr
​

 

[ŘǻŇǾŬČĥ ŘǻČĥǻ]

رد: |~ شــــــــــاركنـــآَ بـــبوقالــــــــةَ ~|

nEddiiK Ou n3iiChou hAniiyiinE
Ou nTel3Ou lElkmEr Ou NkOulOu ,,
Ya liil Ya 3Eiin
​

 

[THE GNAWIE]

رد: |~ شــــــــــاركنـــآَ بـــبوقالــــــــةَ ~|

لعقل يفكر فيك .. ..والقلب متعلق بيك
اتمنيت او حبيت ان دير امعاك البيت
وان شاء الله غير انت الي نديك ..
واو طول حياتي نتهلا فيك​