مانقدرش نعيش بلابيها ..خليوني نقتل روحي

[fugi]

السلام عليكم ورحمة الله وبركاته

واش راكم خاوتي وخواتاتي نشالله لاباس

اول موضوع ليا هنا حبيت نحكي فيه على حاجة سمعتها اليوم وشوكاتني

خلي ندخل ديراكت فالميضوع

اليوم كنت مع صاحبي نحكيو قالي يافوجي سمعت ب...شنق روحو :-oقتلو خلينا من التمسخير

قالي والله كيما نقلك

واش الي خلاه يشنق روحو :s كان يحب وحدة وخدعاتو راح شنق روحو بحبل :down:

انا مافهمتش علاش تقتل روحك علاجال وحدة

سمعت بزاف الي يقولو انا مانقدرش نعيش بلابيه انا مانقدرش نعيش بلابيها ..ياخويا ياختي وين راكم عايشين فهومني

ياخويا دير قيمة لروحك كنت مع وحدة تحبها وتحبك باب دارها قدامك روح ليها فالحلال واديها وعيش معاها وجيبو بنين وبنات وعيشو في سعادة وهناء

مي تجي تقول انا مانقدرش نعيش بلابيها وشبيك افطن وين راك عايش :s راحت عليك ولاخدعاتك كاين البنات مش هي اخر بنت

تغيضك انك حبيتها وي اني معاك مي توصل تقتل روحك :s:s

واش رايكم فالحب الي كيما هكا او في رواية اخرى واش رايكم في هذا الهبال

ايا مارسي عليكم:regards01:​

 

[بنت الـ25]

تم الاعتماد
ينقل لمنتدى واش راك تهدر
​

 

[أم محمد رائد]

السلام عليكم
والله يا اخي زعما كاين حب
هوما عند رواحهم هاكا يعبرو عليه
بقتل النفس بصح كيما قلت انت الدار كاينة فالحلال
انا نقولك ماكاين والو برك راهم يناعدو فالغرب في كل شي
غزاتنا الثقافة الغربية في كل شيء
اللهم ثبت العقل و الدين

 

[angel]

فكرتني في صحبتي نهار قالتلي

علابالك مانقدرش نعيش بلا بيك

قتلها انا نقدر قاتلي كيفاش قلتيها قلتلها انا مانكدبش عليك مي نقدر نعيش بلا بيك

هادا مرض وان شاء الله الناس تبرا منو
​

 

[فتاة حساسة]

الي عودة اكيييييييييييد​

 

[ماكانش]

الله يبارك علينا المسلمين

 

[وصال]

الله يهدي ما خلق

ومن الحب ما قتل هاذي هي زعمه ، لالا الحب اصلا غير موجود هذا جنون وهبال لي يحب ميقدرش يفارق لي حبو هكذا يقولوا تلاميذ المدرسة العشقية ، بصح واش رانا نشوفو هذا وضع حد لحياتو ، كان يروح يخطبها ويتزوج وسيبون والله عجب الناس كيفاش راهي تخمم ولينا في واحد الوقت الله يستر وخلاص .صح التلفيزيون هبل الغاشي ولا لي عندو عقل نحوسو عليه بالشمعه ويا ربي نلقاوه .
ميرسي على الموضوع .

 

[Ma$Ter]

عليكم السلام ورحمة الله وبركاته
هاذ الناس مراض
ربى يهديهم
​

 

[Only me]

بالاك كان تحت تأثير المخدرات هههه

الله يهديهـ لوكان صح مايقدرش يعيش بلا بيها يروح يخطبها ويعيش معاهـ

مي هاذ العبارة مجرد حبر على ورق قطرة ماء صغيرة تمحي كل شيء ،، ولوكان يزعف ولا تزعف عليها تلقا كل واحد في طريقو

سمعنا بزاف من هاذ الحكايات ،، انا بالنسبة ليا واحد كيما هذا موتو خير من حياتو خاطر راه عالة على المجتمع

مارسي بزاف على السوجي الباهي والله يكثر من اللي يموتو على جالنا هههه

شكرا

 

[Mr Brahim]

انا احتقر هذا النوع من البشر .
​

 

[ام اسحاق]

احيانا الانسان عندما يفقد شخص عزيز عليه
يتهيالو انو ما يقدرش يعيش بلا بيه ...مستحيل يفكر في مجرد الفكرة خاصة
عندما يفكر في موت هذا الشخص
و لكن في الواقع الحياة تستمر ...يكذب عليك ...
ماتوا امهاتنا و صبرنا و كملنا عشنا ...مات اعز شخص ممكن يصوروا انسان ابنك او بنتك ...و تستمر الحياة ...
صحيح المرارة تلاحق القلب و الروح و لكن هااااااااااانا عااااايشين
كيما حب ربي ...
و الناس هاذو الي يصوروا علاقة عاطفية فاشلة ممكن ينهي بيها حياتو ...ربي يهديه و يداويه
​

 

[فتاة حساسة]

هاني وليييييييييييييييييييت..


ههههههههههههههههههههههههههه فكرتني في وحد النكتة ...


واحد قال لصاحبتو ..نبيع الدنيا على جالك ..هههرد عليه لاخور قالو ..ونتا دوك كي تبيع الدنيا حنا وين نروحو ...وزيد الدنيا هادي مكتوبا باسم بابك اللي تبيعها وقت ما تحب هههههههههههههههههههههههههههههههههههههه



المهم نوليو لموضوعنا ...والله باخويا هاد الشي كاااااااااااااااااااامل خرطي في خرطي ......

اللي عينو فيها يروح يخطبها ..وزيد كون عينو فيها تاع الصح ويحبها صح صح ..يتصرف ..ويروح يديها فيالحلال..

الحب ليس مجرد شعور نحس به..الحب مواقف نصنعها..

بارك الله فيك على الموضوع الباهي ..تساتهل تقيييم منعند ختيوتك نجلاء :d

تقبل مروري ^^​

 

[ЖϞ ȀĻѮăńȉȡǟ ϞЖ]

أولا السلام عليكم و رحمة الله تعالى و براكته:regards01:
ثانيا شكراا على الموضوع المميز:bravo01:
أنا بالنسبة ليا هدا مهبول:-o و كان خاصو واحد ينصحو ... بصح فات الحال
...و الله غيير تحيير كيفاه يخممو ..وكيما قولت يا خويا لوكان جا يحبها صح صح :love01:
باب دارها قدامُو يروح ليها فالحلال واديها وعيش معاها وجيبو بنين وبنات وعيشو في سعادة وهناء :regards02:
ولكان عاد العكس سي سوور الطفلة تقلق و تروح عند واحد أُخر:surrender01:
و بالنسبة لي أنا نكره هد الجور من لعباد.. هاو مات واش ربح .. بالعكس راهو خسر كولشي..:s
الله يهدينا كاامل

و في الأخير تقبل مروري :up:

و سلامــــــــــي
:regards01:
​

 

[سمسم السمسومة]

كثيرة قصص العشق التي تنتهي بنهاية مؤلمة كهته...........أصبح الموت أسهل علينا من تحمل الألم...ربما تكون شدة الألم أكثر من طاقتنا.....ربما حينما نفقد أشخاص بحياتنا و خاصة اذا كانوا مقربين لقلوبنا نحس أن الكون قد انتهى نحس بقمة الألام بقمة الضعف.....مؤلمة تلك المشاعر ..صعبة جدا......ربما البعض يسخر من هؤلاء الاشخاص و حينما يسمع عندهم يقول مجانين.........و لكنه لم يعلم يوما مدى ألمهم........ربي يهدينا و يثبتنا.........و لي خلقنا ما يضيعناش....صعيبة مي لي خلقنا ما يضيعناش.......

 

[FATIMA 19]

ه\ا يسموووووووووووووووووووه ضعف الايمان وعدم تحمل العواقب وواش راه يستنا فيه

 

[رحاب ملاك]

هنهههه
سبحان الله
من الحب ما قتل لكن نحن مسلمين علينا الإبتعاد عن هذه الأشياء

ايا ودوغيا عليك

 

[imy_amani]

الله يهدي ما خلق

شكرااااااااا لك على الموضوع

​

 

[zagane]

salam alaykom

chkil fi chkil ki yaktal ro7o wala 7ata ykhamam fiha

 

[fugi]

مارسي على الردود ...نرجع مبعد ونرد عليكم​

 

[وائل ابن الجزائر]

موضوعكـ رآئع شريكي الغـآلي
يــــآريت بركـ يدير كي الجزآئريين هـآدو
{ قـآل نزآر قبـآني : لو تتساقط نسـآء الكون من السماء فلن التقط سوآكـ }
والجزآئري وآش يقول : نلم لنقدر عليه عيب نعمة ربي
هههههههه نقصـر بركـ
وآش تدير خويـآ هـآدو ناس بلآ تعليق
هيـآ صحـآ
​