كان جا يسموني هكا نقتل روحي ...** امل اللمة **

[ميسومة الدلوعة]

عيد سعيد اختي الغالية
موضوع ممتاز بارك الله فيك
اكيد ان الانسان يجب ان يحكم على الاخرين
من الناحية الاخلاقية والعلمية ورؤيته للمجتمع والناس
لامن ناحية المضهر والطبقة الاجتماعية
والاسم ان كان اسم شيك وحطة كيما نقولو ولا اسم باشع ادا صحبتي هداك الشخص رايح يبهدل بيك.
ادا لازم الناس كامل يفهموا حاجة بلي الجمال هو جمال الروح والاخلاق والعلم
نقولو ياسيدي
اسمك انتيك وشباب وانت 0 لا قراية لا فهامة لا ادب
زعما رايح تكون مليح في عينين الناس اكيد لا .
اخيرا بارك الله فيك اختي لطرحك الموضوع

 

[programmeur]

العباد لي يضحكو على الناس تبين بلي مكانش شويا تاع النور في قلبهم
يا اختي الامر عادي هادا غيل اسم فقط
و اذا كان الواحد يضايقه اسمه يستطيع تغييره
مرة صراتلي حادثة كيما هادي هو ان اسمي العائلي تم تغييره بالخطأ يعني غيرولي اسمي في سجلات الميلاد
واسم العائلي تاعي ماولاش كيما تاع الوالد والجد
روحت للبلدية و تكلمت معاهم و بدات في الأخد والرد والاوراق تاع الجد والاب وماشابه ذلك و صبت روحي في المحكمة (راكي تعرفي بلادنا ) و في الاخير تم تصحيح الخطأ
وكثير من المرات نسمع بلي كاين ناس غيرو لقبهم أو اسمائهم
الاسم ماراهش أمر كبير بزاف شويا تعب و تصبري وحد 6 اشهر ولا 8 و يلولي الاسم نورمال

 

[rourou 2]

ههه انا كي قريت زوليخة جاتني الضحكة وحدها علابالك و الله غير البارح بابا قالي بلي في وحد المسابقة غلطولي في اسمي و سماوني حفصة بعد قلت لبابا كيفاش يغلطولي فيه هدا ماهو اسم قالي الناس يسميو على تاريخ هدا الاسم يعني حفظة راهي زوجة الرسول ص و راهي ام المؤمنين بعد سكرت فمي و قتلو عندك الحق الانسان ما يحكمش على الناس من خلال اسماءهم بل على شخصيتو

 

[aMiNa-K]

السلام عليكم

بزاف مواقف يصراو من حكاية الاسم

ناس بكري مرقوها.. كيفاش يسمو طفلة عودة.. و قرات معايا وحد اسمها خروفة
علاش حيوانات يسموهم هكدا؟؟؟
و حتى اللي اسمها زوليخة و الطاوس و عواوش و خيرة ...الخ
كامل يضحكو عليهم

و سي نورمال اللي يسمع الاسم اول مرة يبدا يضحك.. و مانلوموش الدراري صغار اللي يقراو في المسيد و التعليقات تاعهم

و الضحية المسكينة صاحبة لاسم
بصح كاين حلول.. اللي اسمها ماشي شباب تقدر تبدلو

صحيتي اختي مايا..موضوع شباب

​

 

[maya31]

السلام عليكم

راني رجعت للموضوع الشيق
وان شاء الله نصل لنتيجة جيدة وبلاك ندخل في قلوب الناس التعود على اسمائهم والقابهم وعدم الحشمة منها مهما كانت غرابة الاسم
وكذلك بلاك نعلموا الناس ان كسب الصداقة والناس بالعقلية والتربية وليس باللوجوه والاسمائي كما يفعل بعض الجهلة
ندخل الموضوع
تعرفي يا اخت مايا كاين ناس تغيير اسمائهم باش مايضحكوش عليهم الناس وهذا دائما تلقى الشخصية نتاعهم ناقصة لذلك يذهبوا ليقموموا بوضع طلب في البلدية والمحكمة من اجل تغيير الاسم واللقب خوفا من كلام الناس والضحك عليهم
هذا الوقت ربي يسترنا وخلاص
الدنيا تبدلت والناس الزينة راحت
المنكر الكبير ان بعض العباد اصبحت تعتبر اسامي مثل اسامي الصحبيات والصحابة حاجة ديمودي وهذي ناس جاهلة تقولو سمي عائشة او خديجة يقولك لالا اسمي ديمودي سبحان وهل يوجد افضل من اسمائي زوجات الرسول عليه الصلاة والسلام والله بلاك تسمي بهذا الاسم تطلع بنتك من احسن البنات اقتداء بامهات المؤمنين وما ادرانا بذلك كل شي يحصل
ويا اخت انا عندي حاجة ديما كي نتعرف على ناس ولازم كي نجي نختبر الشخصية نتاعو لازم ندير ليه اختبار ههه باش نعرف العقلية
نكذب عليه ونعطيه اسم غريب ولقب غريب ونشوف الموقف نتاعو كاين وناس غير تمدلهم الاسم ما يعجبهمش من ذاك اليوم مايزيدش يهدر معاك وتعرف بلي هذا ناس تع وجوه حاب غير يستغلك

ولي عودة ان شاء الله

شكرا اختاه وفقك الله وجزاك خيرا

اهلا خويا فؤاد بارك الله فيك على الالتفاتة الطيبة
ايه هاك تشوفو من كترت الي يعقدوهم ماولاوش يعرفو قيمة اسمائهم
ربي يهدي كل واحد يتمسخر على واحد
​

أهلا بيك ختي مايا وربي يخليك وفيك بركة الله ولينا وليك إن شاء الله

شوفي ختي بلا ماتجاملي وبلا ماتقولي هكذا الموضوع وحدو راه يهدر وحتى واحد ماكان معاك
منين حسيتي بهذ الطائفة من المجتمع وحطيتي عليهم موضوع وعلى هذي الموضوع وحدو يهدر وربي يكملك بعقلك ويعطيك ماتتمني .
نقدر نعطيك أية تحرم هذ الأمور وتبين بلي الإنسان يتحم على أفعالو ماشي على إسمو وتزيد تبين بلي لي راهم ضحك هما لي يضحكو على الناس بعد بسم الله الرحمن الرحيم : " يا أيها الذين امنوا لا يسخر قوم من قوم عسى أن يكن خيراً منهم ، و لا نساء من نساء عسى أن يكونوا خيراً منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون " ومنها ختي ربي سبحانو حرم هذ الأمور لدرجة الإنسان لازملو توبة من هذ الشيء بقوله ومن لم يتب فأولئك هم الظالمون وعلاش يوصل روحو الإنسان لواحد الأمور هو في غنى عنها ونزيد نبينلك الأية تهدر على بعض الناس يسموهم على حوايج صراتلهم في حياتهم وكل واحد كيفاش وينإذا كانالواحد مسمينو أسم عربي وكاين ويضحكو عليه والله غير كبيرة بزاف هذي ونختملك حديثي بحاجا وهي رانا نشوفو فيها أنو لي أسمهم يضحكو عليه تلقايهم ماشاء الله يبارك فيهم أغلبية خرجو ناجحين والبعض من لي أسمهم زعما مزوق والله غير رهج ولا هما لا هدرة مليحة لا ثقافة وتحكمي عليه بمجرد يضحك على الناس أعرفي ماكاين والو في مخو ربي يحفظك وربي يخليك ويعطيك ماتتمني دمتي ​

اهلا خويا عبيدو بارك الله و الله غير شهادة نعتز بيها و وسام على صدري
ربي يعطيك ما تتمنا كيما قلت مالازمش نحكمو بالاسماء تلقى واحد اسمو ديمودي كيما يقولو مي متخلق و متربي و تلقا سوسو و نونو بلا ما نحكي ربي يهديهم
و ان شاء الله يتكاكو شوية و مشاعرهم ينهزو

بارك الله فيك خويا عبيدو

عيد سعيد اختي الغالية
موضوع ممتاز بارك الله فيك
اكيد ان الانسان يجب ان يحكم على الاخرين
من الناحية الاخلاقية والعلمية ورؤيته للمجتمع والناس
لامن ناحية المضهر والطبقة الاجتماعية
والاسم ان كان اسم شيك وحطة كيما نقولو ولا اسم باشع ادا صحبتي هداك الشخص رايح يبهدل بيك.
ادا لازم الناس كامل يفهموا حاجة بلي الجمال هو جمال الروح والاخلاق والعلم
نقولو ياسيدي
اسمك انتيك وشباب وانت 0 لا قراية لا فهامة لا ادب
زعما رايح تكون مليح في عينين الناس اكيد لا .
اخيرا بارك الله فيك اختي لطرحك الموضوع

اهلا ميسومة حبيبة كيما قلتي الناس جواهر و ليس مظاهر مي دروك العكس راهو صحيح

العباد لي يضحكو على الناس تبين بلي مكانش شويا تاع النور في قلبهم
يا اختي الامر عادي هادا غيل اسم فقط
و اذا كان الواحد يضايقه اسمه يستطيع تغييره
مرة صراتلي حادثة كيما هادي هو ان اسمي العائلي تم تغييره بالخطأ يعني غيرولي اسمي في سجلات الميلاد
واسم العائلي تاعي ماولاش كيما تاع الوالد والجد
روحت للبلدية و تكلمت معاهم و بدات في الأخد والرد والاوراق تاع الجد والاب وماشابه ذلك و صبت روحي في المحكمة (راكي تعرفي بلادنا ) و في الاخير تم تصحيح الخطأ
وكثير من المرات نسمع بلي كاين ناس غيرو لقبهم أو اسمائهم
الاسم ماراهش أمر كبير بزاف شويا تعب و تصبري وحد 6 اشهر ولا 8 و يلولي الاسم نورمال

اهلا خويا يا خويا انا ما قلتش و ما نشجعوش الناس باش يبدلو اسمهم او هويتهم راني نهدر على الي اسمائهم كخديجة و عائشة و فاطمة و زليخة
يعني لازم يعرفو قيمة اسمائهم و يقتنعو بيها و هوما راه عندهم خير الاسماء
و لخرين لازم ما يجرحوش مشاعر الناس
يعني لازم نغيرووو انفسنا في التعامل ماشي الاسموات

ههه انا كي قريت زوليخة جاتني الضحكة وحدها علابالك و الله غير البارح بابا قالي بلي في وحد المسابقة غلطولي في اسمي و سماوني حفصة بعد قلت لبابا كيفاش يغلطولي فيه هدا ماهو اسم قالي الناس يسميو على تاريخ هدا الاسم يعني حفظة راهي زوجة الرسول ص و راهي ام المؤمنين بعد سكرت فمي و قتلو عندك الحق الانسان ما يحكمش على الناس من خلال اسماءهم بل على شخصيتو

صحيتي حبيبة مي توجور مالازمش نجرحو شعور الواحد

السلام عليكم

بزاف مواقف يصراو من حكاية الاسم

ناس بكري مرقوها.. كيفاش يسمو طفلة عودة.. و قرات معايا وحد اسمها خروفة
علاش حيوانات يسموهم هكدا؟؟؟
و حتى اللي اسمها زوليخة و الطاوس و عواوش و خيرة ...الخ
كامل يضحكو عليهم

و سي نورمال اللي يسمع الاسم اول مرة يبدا يضحك.. و مانلوموش الدراري صغار اللي يقراو في المسيد و التعليقات تاعهم

و الضحية المسكينة صاحبة لاسم
بصح كاين حلول.. اللي اسمها ماشي شباب تقدر تبدلو

صحيتي اختي مايا..موضوع شباب

​

اهلا امينة كيما قلت من قبل لخويا بروغرامور ماشي غير الي اسمو قديم يقدر يبدلو لالا و احنا علاش ما نسسيوش نتبدلو ما نولوش نضحكو عليهم و هوما ينحيو العقدة و يكون عندهم تقة في نفسهم كاين اسموات الي صح لازم تتبدل بارسكو ما عندها اي معنى


صحيتي امينة

 

[بنت لبلاد]

انا و الله عندي صحبتي و سمها زوليخة تشوفيها هايلة فالعقلية و فالاخلاق و عطاها ربي من الزين ما يملا العين تقول لشمس كيي نطل انا انت مطليش و شخصيتها قوية صح هي معروفة بزوزو مي لي يقولها وش اسمك تقولو زوليخة من دون حتى حشمة و نتمنا تكون مثال لاي وحدة ميعجبهاش اسمها مي لازم تتقبلو

 

[maya31]

مرسي حبيبتي

انا و الله عندي صحبتي و سمها زوليخة تشوفيها هايلة فالعقلية و فالاخلاق و عطاها ربي من الزين ما يملا العين تقول لشمس كيي نطل انا انت مطليش و شخصيتها قوية صح هي معروفة بزوزو مي لي يقولها وش اسمك تقولو زوليخة من دون حتى حشمة و نتمنا تكون مثال لاي وحدة ميعجبهاش اسمها مي لازم تتقبلو

ربي يخليك على الرد العطر حبيبة و حنا هدا ما نتمناو

 

[sleepingbeauty]

انا و الله عندي صحبتي و سمها زوليخة تشوفيها هايلة فالعقلية و فالاخلاق و عطاها ربي من الزين ما يملا العين تقول لشمس كيي نطل انا انت مطليش و شخصيتها قوية صح هي معروفة بزوزو مي لي يقولها وش اسمك تقولو زوليخة من دون حتى حشمة و نتمنا تكون مثال لاي وحدة ميعجبهاش اسمها مي لازم تتقبلو

هههههههههه اواه انضن رانا نهدروا على نفس الطفلة خاصة كي عدتي من قسنطينة
​

 

[غـ نهاد ـزل]

حنووووووووونتي صحيتي على هذا الموضوع عندك الحق في كامل واش قلتي​

انا تاني في الكلاسة جاو واحد الزوج بنات يقراو معانا​

كي جات الاستاذة تقرى الاسامي​

قالت ...حليمة كلاستنا ولاو يضحكوا​

ولاو يقولولها واش يا حليمة حلبتي البقرة ولا مزال؟؟​

وقاعدين يغنو وما نعرف كيفاه​

و واش يعجيك حتى الاستاذة معاهم​

مسكينة الطفلة ولات تبكي ما قدرتش تشد روحها​

ومبعد خرجت من الكلاسة وراحت للدار تبكي​

وامبعد الاستاذة قالت خلاص اسكتوا خلينا نكملوا القائمة​

باش نبداو الدرس​

وامبعد البنت التانبة كان اسمها ....نجمة​

قاعدين يقولولها انا واسمي موبيليز و دجيزي​

و واحدين يقولولها انا اسمي قمرة و هلال​

وهذي زادت تبعت الاولى للدارهم تبكي​

والله غير حرام عليكم

راكم اديروا في اثم كبير جدا

وراح تتحاسبونفي يوم القيامة


اخطيكم من هذي العادة الشينة


وفي الاخير نقووووووووووول



قال الله تعالى​

بعد بسم الله الرحمان الرحيم​

(ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون ")​

" يا أيها الذين امنوا لا يسخر قوم من قوم عسى أن يكن خيراً منهم ، و لا نساء من نساء عسى أن يكونوا خيراً منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون "​

​

 

[السوفي حمة]

أختي ماية الأسماء التي يضحك منها البعض
لو عرفنا معناها لرأينا أنها تحمل أجمل الصفات
لكن الله غالب فرطنا في كل حاجة أصيلة ورحنا نجرو وراء المستورد حتى الأسماء
ونقلك الانسان الذي يستهزئ من شخص بسبب اسمه عندي شخصيا إنسان تافه لأن العبرة ليست بالأسماء لكن بجوهر حامل الاسم
لأن أحيانا نجد انسان يحمل اسم أشرف
العباد محمد (ص) ولكنه والعياذ بالله شيطان في جسد إنسان.
السخرية من الغير مهما كان السبب هي دليل على تفاهة المستهزئ.
​

 

[kamely]

mziya li jaw samawni kamel
pcq kone semawni ga3 ngolo mechi chbab ndire crim ne9otlo li za3e9
w hado za3ma ki tedhak 3lih w tsabo wech rak rayeh testfad ...rak 9anat wahed w en+ rbahte ghir l 3aybe
wela rani ghalet mayouche mesha hhh
ism wa3er hada mais ya3jebni
take care of you sister
​

 

[عا مـــــــــــر]

حتي أنا نضحك مي مشي كل مرة نشوفها وانا نضحك يخي مرة في قرن نضحك
هذيك ذري وعقلية جديدة عندك الشعب
ضحك على عباد ربي ولغلايق وهم نسو رواحهم
وكي تقلو كيفا يقلك أضحك لدنيا تضحكلك
يخي ضحك يخي
:laugh::laugh::laugh::laugh::laugh::laugh:
​

 

[Melia azedarach]

زوبيدة ؟؟
هههههههههه أسماء غريبــة

كاين اسم حدّة
ههههههههههههههههههه
مساكن أكيد عندهم عقدة نفسية من أسماءهم وخاصة نتاع جيلنــأ
من 88 حتان للتحت

ههههههههه
الحمد لله اسمي زين << حوحو يشكر روحو

 

[Melia azedarach]

ههه نسيت مــا شكرتكش

رب يحفظك على الموضوع

 

[selma déco]

أنا من رايي لازم les parents يسمو ولادهم إسم شباب يفتخر فيه
كيما هادا اللي سماا عودة حبها تخجلو عودة
وزوليخو ونعمعاعة ومعلاباليش
يلزم يخيرولم آسماوات شابين
ولا على اللي أطفرت فيهم كيما هادي زوليخة يلزم هي متحشمش
باسكو لسان الناس والله منقدرو نحكموه
و m
e
r
c
i​

 

[** غزال الصحراء **]

مرفوع من الأرشيف : كُتب : [ 20 - 09 - 2009 - 22:33 ]

- يمنع رفع المواضيع القديمة و التي مر عليها اكثر من 5 أشهر .
حسب : ضوابط و قوانين المشاركة في منتدى واش راك تهدر

نتأسف عن الغلق ( maya31 )